گازەتىمىزدىڭ حابارى (ءتىلشىمىز گۇلناز، ەرىكتى ءتىلشى دۋ لينفىڭ حابارلايدى). بىرنەشە كۇننەن بەرى، ايماقتىق قوعام حاۋىپسىزدىگى مەكەمەسى اۋدان - قالاداعى قوعام حاۋىپسىزدىگى مەكەمەلەرىن ٴبىر تۇتاس جوسپارلاپ، نەگىزگى ساتىدا ۇگىت لەكسيا جاسايتىن كوپتەگەن شاعىن اترەت ۇيىمداستىرىپ، الەۋمەتتىك اۋماقتارعا، ساۋدا دۇكەندەرىنە، مالشى وتباسىنا، مەكتەپتەرگە بارىپ، “مەملەكەتتىك ەكى ٴماجىلىستىڭ رۋحىن سان مىڭداعان وتباسىنا جەتكىزۋ” نەگىزگى تاقىرىپتىق ۇگىت لەكسيا قيمىلىن ورىستەتىپ، ساياساتتىڭ جاقسى ٴۇنىن قاراپايىم تىلمەن جەتكىزىپ، ناقتى ىستەپ جاۋاپكەرشىلىك ارقالاۋ ارقىلى التايدىڭ تىنىشتىق قورعانىس شەبىن بەكەمدەدى.
ۇگىت لەكسيا قيمىلىندا نازاردى قوعامدىق باسقارۋ، تىنىشتىق قۇرىلىسى، حالىق تۇرمىسىن قامتاماسىزداندىرۋ، حالىققا قولايلى قىزمەت وتەۋ قاتارلى ٴتۇيىندى مازمۇنعا شوعىرلاندىرىپ، “جەرگىلىكتى جاعدايعا جاناسىمدى بولۋ، حالىق تىلەگىنە جاعىمدى بولۋ، ناقتى ونىمدىلىككە ٴمان بەرۋ” پرينسيبىنە تاباندى بولىپ، ساياساتتى ٴتۇسىندىرۋدى قوعام حاۋىپسىزدىگىنىڭ نەگىزگى جاۋاپكەرشىلىگىمەن، نەگىزگى كاسىبىمەن، بۇقارانىڭ كۇندەلىكتى سۇرانىسىمەن تىعىز ۇشتاستىرىپ، بەتپە - بەت اۋىس - كۇيىس جاساۋ، تۇيىننەن تۇيىنگە دەيىن جاۋاپ قايتارۋ، مىسالدارمەن ٴتۇسىندىرۋ ارقىلى مەملەكەتتىك ەكى ٴماجىلىس رۋحىنىڭ بۇقاراعا جەتۋىنە، كوكەيىنە شىنايى ۇيالاۋىنا مۇمكىندىك جاسادى.
التاي قالالىق قوعام حاۋىپسىزدىگى مەكەمەسى “بەتپە - بەت ۇگىت لەكسيا جاساۋ، تۇيىننەن تۇيىنگە دەيىن ءتۇسىندىرۋ، بۇكپەسىز اۋىس - كۇيىس جاساۋدى” تۇتقا ەتىپ، ساياساتتى ۇگىتتەپ ءتۇسىندىرۋ مەن قوعام حاۋىپسىزدىگى مەكەمەسىنىڭ فۋنكتسيالىق رولىنىڭ ىشكەرىلەي توعىسۋىن ىلگەرىلەتتى. حالىق ساقشىلارى مەن كومەكشى ساقشىلار قاراستى رايونداعى كوشەلەرگە، اۋلالارعا بارىپ، قاراپايىم دا ۇعىنىقتى تىلمەن اكىمشىلىك قىزمەت وتەۋدىڭ حالىققا قولايلى بولۋى، قوعامدىق قامتاماسىزداندىرۋ قاتارلى حالىق تۇرمىسى ساياساتىن مۇقيات ٴتۇسىندىرىپ، “نوپۋس جۇمىسىن جاقىن جەردەن ٴبىتىرۋ، ينتەرنەتتە ٴبىتىرۋ، ٴبىر جولدا ٴبىتىرۋ”، قايشىلىق، داۋ - شاردى تۋ باسىندا شەشۋ، اماندىق باسقارۋداعى شارلاۋ، ساقتانۋدى ۇدايىلاندىرۋ، جابايى حايۋانات پەن وسىمدىكتەردى قورعاۋ قاتارلى ناقتى شارانى ٴتۇيىندى تانىستىرىپ، “ساياسات+ مىسال” ارقىلى كاسىپتىك ساياساتتاردى “داعدىلى سوزگە” اينالدىرىپ، بۇقارانىڭ تۇسىنە الۋىنا، ەستە بەرىك ساقتاۋىنا مۇمكىندىك جاسادى.
بۋىرشىن اۋداندىق قوعام حاۋىپسىزدىگى مەكەمەسىنىڭ ۇگىت لەكسيا شاعىن اترەتى ”وتباسىن ارالاۋ ارەكەتىن“ ورىستەتىپ، مەملەكەتتىك ەكى ٴماجىلىستىڭ نەگىزگى مازمۇنى جازىلعان بۇكتەمە ۇگىت ماتەريالىن، الدامكوستىككە قارسى تۇرۋ مازمۇنىنداعى ۇگىت قولدانباسىن الا بارىپ وتباسىندا ۇگىت لەكسيا جاسادى. جالعىز تۇراتىن قارتتاردىڭ وتباسىندا حالىق ساقشىلارى داعدىلى سوزبەن زەينەتكەرلىك، ەمدەۋدى قامتاماسىزداندىرۋ ساياساتىن ٴتۇسىندىرىپ، توراپ الدامكوستىگى شىرعاسىن پارىقتاۋدى قولما - قول ۇيرەتىپ، ساقشى مەن بۇقارا ءوزارا بايلانىس جاساۋ كارتوچكاسىن ۇسىنىپ، وتباسىنداعى حاۋىپسىزدىك كومەسكى كىناراتىن ٴبىر ۋاقىتتا تەكسەردى؛ كوشە بويىنداعى دۇكەندەردە حالىق ساقشىلارى ساۋداگەرلەرمەن، جۇمىسكەرلەرمەن بىرگە وتىرىپ اڭگىمەلەسىپ، نازاردى زاڭمەن باسقارىلاتىن شارۋاشىلىق - ساۋدا ورتاسى، ٴوندىرىس حاۋىپسىزدىگى قاتارلى مازمۇندارعا شوعىرلاندىرىپ، قونىستانۋ كۋالىگىن ٴبىتىرۋ، جىلجىمالى حالىق سانىن تىزىمدەۋ قاتارلى قولامتالى ماسەلەگە جاۋاپ بەردى. قيمىلدا جيىنى 150 نەشە وتباسىن ارالاپ، 200 پارشادان استام ۇگىت ماتەريالىن تاراتىپ، ىقىلاستى قىزمەت وتەۋدى بۇقارانىڭ وتباسىنا جەتكىزدى.
بۋرىلتوعاي اۋداندىق قوعام حاۋىپسىزدىگى مەكەمەسى ءبىر ۋاقىتتا شوعىرلى ۇگىت لەكسيا قيمىلىن ورىستەتىپ، حالىق ساقشىلارى مەن كومەكشى ساقشىلار الەۋمەتتىك اۋماققا، تۇرعىندار وتباسىنا بارىپ، ۇكىمەت قىزمەتىنەن باياندامانىڭ مازمۇنىن تىعىز ارقاۋ ەتىپ، قاراستى رايوننىڭ ٴىس جۇزىندىگىنە ۇشتاستىرىپ، زاڭمەن باسقارۋ قۇرىلىسى، نەگىزگى ساتىنى باسقارۋ جونىندەگى قاتىستى بىلىمدەردى ٴتۇسىندىرىپ، ”ساياساتتىق ۇگىت لەكسيا + حاۋىپسىزدىك جاعىنداعى ساقتانۋدى“ ٴبىر ۋاقىتتا ىلگەرىلەتۋگە تاباندى بولىپ، الدامكوستىككە قارسى تۇرۋ، ٴورت ٴسوندىرۋ، ورتتەن ساقتانۋ، جول قاتىناس حاۋىپسىزدىگى ساۋاتتىق بىلىمدەرىن مۇقيات جالپىلاستىردى. قيمىل 300 نەشە بۇقارانى قامتىدى.
شىڭگىل اۋداندىق قوعام حاۋىپسىزدىگى مەكەمەسى حالىق ساقشىلارى مەن كومەكشى ساقشىلاردى ۇيىمداستىرىپ مەكتەپتەرگە، الەۋمەتتىك اۋماقتارعا، دۇكەندەرگە جانە مالشىلاردىڭ وتباسىنا بارىپ ۇگىت لەكسيا ورىستەتتى، نازاردى حالىق تۇرمىسىن قامتاماسىزداندىرۋ، تىنىشتىق قۇرىلىسى قاتارلى مازمۇنعا شوعىرلاندىرىپ، پارتيانىڭ ابزال ساياساتىن ەگىنشى - مالشىلاردىڭ جۇرەك تۇكپىرىنە جەتكىزدى ٴارى الدامكوستىككە قارسى تۇرۋ، قاتىناس حاۋىپسىزدىگى ۇگىتىن ءبىر ۋاقىتتا ورىستەتىپ، بۇقارانىڭ ۇسىنىس -پىكىرىن جيناپ، نازاريالىق ۇگىت لەكسيانى، بۇقاراعا قىزمەت وتەۋدى، كومەسكى كىناراتتى ٴبىر - بىردەن تەكسەرۋدى ٴبىر تۇلعالى ىلگەرىلەتتى.
وسى رەتكى نەگىزگى تاقىرىپتىق ۇگىت لەكسيا قيمىلى ــ التايداعى قوعام حاۋىپسىزدىگى سالاسىنىڭ جاڭا داۋىردەگى “فىڭچياۋ تاجىريبەسىن” امالياتتا ايگىلەپ، نەگىزگى ساتىنى باسقارۋدىڭ وسىزاماندانۋىن ىلگەرىلەتۋدىڭ جاندى امالياتى. التاي ايماعىنداعى قوعام حاۋىپسىزدىگى ورگانى مەملەكەتتىك ەكى ٴماجىلىس رۋحىن ۇزدىكسىز جەتەكشى ەتىپ، “ۇقىقتى تومەنگە بەرۋ، باسقارۋ، قىزمەت وتەۋ” رەفورماسىن تەرەڭدەتىپ، قوعام اماندىعىن باسقارۋ، ساقتانۋ - مەڭگەرۋ جۇيەسىن بەكەمدەپ، ناقتى ىستەۋ، ناقتى ونىمدىلىك ارقىلى ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتادى.
放大
