گازەتىمىزدىڭ حابارى (ٴتىلشىمىز دۇڭ شىجۇي حابارلايدى). جاقىندا، التاي ايماقتىق سۋ يگىلىگى مەكەمەسى مەن قالالىق سۋ يگىلىگى مەكەمەسى تاقىرىپتىق جەلىلەس ۇگىت قيمىلىن باستادى، مۇنداعى ماقسات ــ جالپى حالىقتىڭ سۋ ۇنەمدەۋ، سۋ بايلىعىن قورعاۋ، سۋدى ايالاۋ، سۋ بايلىعىن قاستەرلەۋ تانىمىن اناعۇرلىم كۇشەيتىپ، سۋدى قاستەرلەيتىن، سۋدى ۇنەمدەيتىن، سۋدى قورعايتىن تاماشا قوعامدىق راي قالىپتاستىرۋ.
بيىل 3 - ايدىڭ 22 - كۇنى 34 - كەزەكتى ”دۇنيە جۇزىلىك سۋ كۇنى“، 3 - ايدىڭ 22 - كۇنىنەن 28 - كۇنىنە دەيىن 39 - كەزەكتى ”جۇڭگو سۋ اپتالىعى“.
سول كۇنى التاي قالالىق سەنترلى باستاۋىش مەكتەپتە ۇگىت لەكسيا جاساۋشىلار ساباقحاناعا كىرىپ، وقۋشىلارعا سۋ بايلىعىن قورعاۋ، سۋدى ۇنەمدەپ پايدالانۋ قاتارلى قاتىستى بىلىمدەردى ٴتۇسىندىردى. قىزىقتى سيلىقتى سۇراۋ ـ جاۋاپ بۋىنىندا وقۋشىلار بەلسەنە ات سالىسىپ، ناق مايدان دۋماندى، جاندى بولدى. وسىدان كەيىن قىزمەتكەرلەر سۋ ۇنەمدەۋ تاقىرىبىنداعى قولجازبا گازەت جارىسىندا سيلانعان وقۋشىلارعا سيلىق تاراتىپ، كوپشىلىكتى سۋدى ۇنەمدەيتىن، سۋدى قورعايتىن قورعاۋشى بولۋعا شابىتتاندىردى.
التاي قالالىق سەنترلى باستاۋىش مەكتەپتىڭ وقۋشىسى ٴزىننات ٴادىلجان تىلشىگە: سۋ بايلىعىن قورعاۋ وتە قاجەتتى، بارلىق ادام بەلسەنە اتتانىسقا كەلۋى كەرەك. مەن وزىمنەن باستاپ سۋدى ۇنەمدەپ پايدالانىپ، سۋ قاينارىن قورعاپ، ساباقتاستارىممەن بىرگە اتا مەكەنىمنىڭ سۋ بايلىعىن قورعايمىز، ـ دەدى.
گەنەرال تاۋى حالىقارالىق قار شاڭعى دەمالىس رايونىندا ۇگىت لەكسيا جاساۋشىلار ناق مايداندا ۇگىت لەكسيا جاساۋ قاتارلى ٴتاسىل ارقىلى قىزمەتكەرلەر مەن ساياحاتشىلارعا سۋ بايلىعىن اشۋ، پايدالانۋ، ۇنەمدەۋ جانە قورعاۋعا قاتىستى بىلىمدەردى جالپىلاستىردى. ۋاڭحۋ الاڭىندا ۇگىت لەكسيا جاساۋشىلار ارلى ـ بەرلى وتكەن بۇقاراعا ۇگىت ماتەريالىن، ۇگىت بۇيىمدارىن تاراتىپ، سۋدى ۇنەمدەۋ، سۋدى قورعاۋ بىلىمدەرىن جالپىلاستىردى. التاي قالالىق سۋ يگىلىگى مەكەمەسىنىڭ كادرى جانبولات ەرلان ۇلى تىلشىگە: ەندىگى جەردە شاشۋ جولى كوشە ٴىس باسقارماسى قارلى مەكەن الەۋمەتتىك اۋماعى قاتارلى تۇيىندەرگە بارىپ، ۇگىت قيمىلىن ٴتىپتى دە كوپ رەت ۇيىمداستىرىپ، ورىستەتىپ، سۋ ۇنەمدەۋ ۇگىتىنىڭ ورگاندارعا، كاسىپورىندارعا، مەكتەپتەرگە، الەۋمەتتىك اۋماقتارعا، اۋىل ـ قىستاقتارعا جەتۋىن ىلگەرىلەتىپ، تۇتاس قوعامنىڭ سۋ باسقارۋ، سۋ يگىلىگىن گۇلدەندىرۋ، سۋ ۇنەمدەپ، سۋدى قورعاۋدىڭ قۋاتتى بىرىككەن كۇشىن ۇيىستىرىپ، سولتۇستىك شينجياڭنىڭ ەكولوگيالىق حاۋىپسىزدىك قالتقىسىن بەكەمدەۋگە، سۋ ۇنەمدەيتىن قوعام قۇرۋعا بەرىك سۋ يگىلىگى تىرەگىن ازىرلەيدى، ـ دەدى.
放大
