گازەتىمىزدىڭ حابارى (ٴتىلشىمىز گۇلناز، ەرىكتى ٴتىلشى جوۋ تاۋ حابارلايدى). حاۋىپسىز، ىركىلىسسىز، ٴتارتىپتى جول قاتىناس ورتاسىن ۇزدىكسىز قالىپتاستىرۋ ءۇشىن، بىرنەشە كۇننەن بەرى، التاي قالالىق قوعام حاۋىپسىزدىگى مەكەمەسىنىڭ قاتىناس باسقارۋ ۇلكەن اترەتى حالىق ساقشىلارىن، كومەكشى ساقشىلاردى ۇيىمداستىرىپ، قالا رايونىنداعى ٴتۇيىندى جول اۋىزدارىندا “جاياۋلارعا جول بەرۋ، وركەنيەتپەن سەرىك بولۋ” اتىنداعى نەگىزگى تاقىرىپتىق قاتىناس حاۋىپسىزدىگىن ۇگىتتەۋ، جەتەكشىلىك ەتۋ قيمىلىن شوعىرلى ورىستەتتى.
قيمىلدا، حالىق ساقشىلارى مەن كومەكشى ساقشىلار “حالىق ٴۇشىن قىزمەت ىستەۋ” دەگەن جازۋ جازىلعان قىزىل زەر باۋ تاعىپ، قولىنا “جولاقتى سىزىقتا جاياۋلارعا جول بەرگەنىڭىزدى القايمىز” دەگەن جازۋ جازىلعان ىقىلاستى ەسكەرتپە تاقتاسىن ۇستاپ، قاراستى اۋماقتاعى جاياۋلار كوپ جۇرەتىن، اۆتوكولىك كوپ قاتىنايتىن وزەكتى جول اۋىزدارىندا “ۇگىتتەۋ + جەتەكشىلىك ەتۋ” سىندى ستەرەولدى ۇلگى قولدانىپ، ارلى - بەرلى وتكەن شوفەرلەر مەن جاياۋلارعا جان - جاقتى جەتەكشىلىك ەتتى.
حالىق ساقشىلارى مەن كومەكشى ساقشىلار ٴبىر جاعىنان شوفەرلەرگە “اۆتوكولىك جاياۋلارعا جول بەرەتىن، جاياۋلار ەرەجەگە بويسۇناتىن” تاماشا ادەتتى سانالى تۇردە قالىپتاستىرۋدى دارىپتەسە، ەندى ٴبىر جاعىنان جاياۋلارعا جولدان وتكەندە جولاقتى سىزىقپەن ٴجۇرۋدى، قاتىناس باعدار شامىنا بويسۇنۋدى، وركەنيەتتى، حاۋىپسىز قاتىناۋدى ىقىلاستى ەسكەرتتى.
التاي قالالىق قوعام حاۋىپسىزدىگى مەكەمەسىنىڭ قاتىناس باسقارۋ ۇلكەن اترەتى وركەنيەتتى قاتىناستى ۇگىتتەۋ تەبىنىن ۇزدىكسىز كۇشەيتىپ، ءجيى ۇگىتتەۋ، تىڭعىلىقتى باسقارۋ ـ مەڭگەرۋ ارقىلى تۇتاس قوعامدى بىرگە ات سالىسۋعا، بىرگە باقىلاۋعا جەتەلەپ، ءىس جۇزىندىك ارەكەت ارقىلى بۇقارانىڭ ءجۇرىس - تۇرىس حاۋىپسىزدىگىن قورعادى.
放大
