جۇڭگو كەرەمەتىنىڭ جاڭا تاراۋىن ۇزدىكسىز جازدى

　　(باسى 1 ـ بەتتە)

　　“ءبىز نىسانا - مىندەتتى كوزدەپ، سەنىمدى بەكەمدەپ، قولايلى ساتتەن پايدالانىپ العا ۇمتىلىپ، جوعارى ساپالى دامۋدى تىڭعىلىقتى ىلگەرىلەتىپ، رەفورما جاساۋدى، ەسىك اشۋدى ونان ارى جاپپاي تەرەڭدەتىپ، جالپى حالىقتىڭ بىرگە بايۋىن ىلگەرىلەتىپ، جۇڭگو كەرەمەتىنىڭ جاڭا تاراۋىن ۇزدىكسىز جازامىز”.

　　تاريحتىڭ جاڭا پاراعىنا قالام تەربەلدى. باس شۋجي شي جينپيڭ نۇسقاعان بەتالىسپەن ميلليارد حالىق اناعۇرلىم اسقاق بەينەمەن جۇڭگو ۇلگىسىندەگى وسىزامانداندىرۋدىڭ نۇرلى بولاشاعىنا ارشىندى قادام تاستاۋدا! 

　　ەكپىندەي ىلگەرىلەۋدىڭ جاڭا دابىلى قاعىلدى ــ 

　　“سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايــى كەپىلدىك ەتۋ كەرەك”

　　جۇڭگو ۇلگىسىندەگى وسىزامانداندىرۋ ــ ارمانعا تولاسسىز قۇلاش سەرمەۋدىڭ ءوزارا جالعاسقان ۇزاق جورىعى.

　　2025 - جىلى 10 - ايدا پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 - بەسجىلدىق جوباسىن جاساۋ جونىندەگى ۇسىنىسىن» قاراپ ماقۇلدادى. بۇل جاڭا داۋىردەن بەرگى پارتيا ورتالىق كوميتەتى جاساعان 3 - بەسجىلدىق جوبا ۇسىنىسى. 

　　باس شۋجي شي جينپيڭ ”بۇرىنعىعا مۇراگەر، كەيىنگىگە بۇيداگەر بولۋ“ دەگەن سوزبەن 15” - بەسجىلدىق“ مەزگىلىنىڭ ماڭىزدى ورنىنا انىقتاما بەردى ءارى دامۋ جاعدايى جونىندە مىناداي عىلمي تۇجىرىم جاسادى: ەلىمىزدىڭ دامۋى ءدوپ كەلەتىن ستراتەگيالىق وراي مەن حاۋىپ - قاتەر، سىن - سايىستار قاتار ءومىر سۇرەدى، تۇراقسىز، مەجەلەۋ قيىن فاكتورلار كوبەيەدى، الايدا ەلىمىز ەكونوميكالىق، قوعامدىق دامۋىنىڭ ۇزاق ۋاقىت جاقسارۋعا بەت الۋ سىندى تىرەكتىك شارت - جاعدايى مەن نەگىزگى بەتالىسى وزگەرمەيدى.

　　داعدارىس بارىسىندا جاڭا وراي جەتىلدىرىپ، وزگەرىس بارىسىندا جاڭا جاعداي اشۋدا، ەڭ ماڭىزدىسى، كۇشتى شوعىرلاندىرا وتىرىپ ءوز ءىسىمىزدى ويداعىداي ىستەۋىمىز كەرەك. 

　　باس شۋجي شي جينپيڭ اسا كورەگەندىكپەن: “وسى مەزگىل تەرەزەسىن مىقتاپ يگەرىپ، باسىمدىقتى بەكەمدەپ، كەڭەيتىپ، بوگەتتەر مەن شەكتەمەلەردى جويىپ، ولقىلىقتاردى، ءالسىز تۇستاردى تولىقتاپ، كۇشەيتىپ، قيان - كەسكى حالىقارالىق باسەكەدە ستراتەگيالىق ىرىقتىلىققا قول جەتكىزىپ، جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتى ىلگەرىلەتۋدە كەلەلى سەرپىلىسكە قول جەتكىزىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك”، - دەدى.

　　عىلمي تۇجىرىم 15” - بەسجىلدىقتىڭ“ دامۋىنا ستراتەگيالىق باعىت بەلگىلەدى، سونداي - اق ءاربىر قادامنىڭ تياناقتى لوگيكاسىن دا بەلگىلەدى.

　　جالپى ماجىلىستەن كەيىن باس شۋجي شي جينپيڭنىڭ ىركەس - تىركەس 2 رەتكى قيمىل ورنالاستىرۋى بولاشاقتاعى دامۋ جونىندەگى تەرەڭ تولعانىستى تولىق ايگىلەدى. 

　　جالپى ماجىلىستەن كەيىن تۇڭعىش رەت شەتەلدە ساپاردا بولدى ــ 2025 - جىلى 10 - ايدىڭ 30 - كۇنىنەن 11 - ايدىڭ 1 - كۇنىنە دەيىن كورەياعا بارىپ، ازيا ــ تىنىق مۇحيت ەكونوميكالىق سەلبەستىك ۇيىمى (APEC) باسشىلارىنىڭ بەيرەسمي ماجىلىسىنە قاتىناسىپ ءارى كورەيادا مەملەكەتتىك ساپاردا بولىپ، سىرتقا مىناداي ايقىن سيگنال تاراتتى: جۇڭگو جۇڭگو ۇلگىسىندەگى وسىزامانداندىرۋدىڭ تىڭ تابىستارى ارقىلى ازيا - تىنىق مۇحيت ءوڭىرى مەن دۇنيە جۇزىنە ۇزدىكسىز تىڭ وراي ازىرلەيدى. 

　　جالپى ماجىلىستەن كەيىن ەل ىشىندە تۇڭعىش رەت قىزمەت تەكسەردى ــ 2025 - جىلى 11 - ايدا حاينان، گۋاڭدۇڭ سىندى ەكى ولكەنى ىشكەرىلەي ارالاپ، حاينان ەركىن ساۋدا پورتىن ”ەلىمىزدىڭ جاڭا داۋىردەگى سىرتقا ەسىك اشۋىنا جەتەكشىلىك ەتەتىن ماڭىزدى قاقپا ەتىپ تۇلعالاۋدى“ تالاپ ەتتى، گۋاڭدۇڭعا ”رەفورما جاساپ، ەسىك اشۋدى جاپپاي تەرەڭدەتۋ ارقىلى جوعارى ساپالى دامۋدى ىلگەرىلەتۋ“ ءۇمىتىن ارتتى. 

　　ءىش پەن سىرت ءوزارا ءۇن قوسىپ، قۇشاعىن ايقارا اشىپ، دۇنيەنى باۋىرىنا باستى، ىشكى قابىلەتتى قاجىرلىلىقپەن شىڭداپ، نەگىزدى بەكەمدەدى. بۇل ــ اۋقىم جونىندەگى تۇجىرىمعا جاۋاپ قايتارۋدىڭ ءارى ستراتەگيالىق ىرىقتىلىقتى يگەرۋدىڭ بەينەسى.

　　پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن 2026 - جىلعى مەملەكەتتىك ەكى ماجىلىسكە دەيىن قىسقا عانا بىرنەشە ايدا حالىقارالىق جاعدايدا وزگەرىس پەن بىلىقپالىق قاباتتاسىپ، وڭىرلىك قاقتىعىستار جالعاسىپ، كۇشەيىپ، سىرتقى ورتانىڭ كۇردەلىلىگى، قاتاڭدىعى، ايقىنسىزدىعى ونان ارى اۋىرلاستى.

　　اۋمالى - توكپەلى وزگەرىستەر الدىندا، جۇڭگو بايىپتىلىقپەن توتەپ بەرىپ، ورنىقتى، تىڭعىلىقتى ىستەپ، بولاشاقتى بىرتىندەپ جوسپارلادى. 

　　جۇيەلى ورنالاستىرۋ جاساپ، الداعى 5 جىلداعى دامۋ نەگىزىن بەكەمدەدى. 

　　باستاما جالپى جاعدايعا سايادى، العاشقى قادام سوڭعى جاعدايدى بەلگىلەيدى. 2026 - جىل ــ 15” - بەسجىلدىقتىڭ“ باستاما جىلى، ەكونوميكالىق قىزمەتتى قالاي باستاۋ الداعى 5 جىلداعى ستراتەگيالىق نىسانا - مىندەتتەردىڭ تياناقتانىپ ناتيجە بەرە الۋ - الماۋىنا تىكەلەي قاتىستى.

　　2025 - جىلى 12 - ايدا وتكىزىلگەن ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ ماڭىزدى ءسوز سويلەدى. ءماجىلىس ”ورنىقتىلىق بارىسىندا ىلگەرىلەۋ، ساپانى جوعارىلاتىپ، ونىمدىلىكتى ارتتىرۋ“ دەگەن ءسوز ارقىلى باستاما جىلعى ەكونوميكانىڭ، ساياساتتىڭ بەتالىسىن تۇراقتاندىرىپ، ”بەس ءسوز جوق“ زاڭدىلىعى جونىندەگى تانىمدى قورىتىندىلاپ، ”سەگىزگە تاباندى بولۋ“ ارقىلى ءتۇيىندى مىندەتتەردى ورنالاستىردى... ءبىر قىدىرۋ ورنالاستىرۋلار جۇڭگونىڭ اناعۇرلىم ورنىقسىز، ايقىنسىز دۇنيەدە ىرىقتىلىققا قول جەتكىزۋىنە جەتەكشىلىك ەتتى.

　　بەس جىلدىق قۇرىلىس جوباسىن جەدەل ەگجەي - تەگجەيلىلەندىردى ءارى باستاما جىلداعى دامۋدى مىقتى يگەردى.

　　2026 - جىلى 1 - ايدىڭ 20 - كۇنى، 15” - بەسجىلدىقتىڭ“ باستاما جىلىنىڭ ”ءبىرىنشى ساباعى“.

　　باس شۋجي شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا بىلاي دەپ باسا دارىپتەدى: ”بەسجىلدىق جوبانى جاساۋ جانە اتقارۋ ــ پارتيامىزدىڭ ەل باسقارۋداعى ماڭىزدى تاجىريبەسى“، ”جەرگىلىكتى ورىننىڭ جوباسى مەن ارناۋلى جوبالاردى مەملەكەتتىڭ جالپى تۇلعالىق جوباسىمەن ويداعىداي ۇشتاستىرۋ كەرەك“، ”دۇرىس ناتيجە كوزقاراسىن ورناتۋ جانە امالياتتا ايگىلەۋ كەرەك“...

　　نازاردى الداعى 5 جىلعا شوعىرلاندىرىپ، باس شۋجي　　　　　　　　 شي جينپيڭ ”جاڭا“ مەن ”كونە“، ىشكى جاعداي مەن سىرتقى جاعداي، دامۋ مەن حاۋىپسىزدىك، ەكونوميكا مەن قوعامنىڭ دامۋى سياقتىلاردىڭ قاتىناسىن جۇيەلى بايىمداپ، تانىمداعى اعاتتىقتاردى ايقىنداپ، العا باسۋ جولىنداعى تۇماندى سەيىلتتى.

　　يدەيالىق جاقتاعى تەرەڭ تۇسىندىرۋمەن بىرگە، ناقتى كۇش سالۋ ءتۇيىنى دە ايقىن ورنالاستىرىلدى.

　　باس شۋجي شي جينپيڭ ساباق باستاۋ سالتىندا بىلاي دەپ ايقىن اتاپ كورسەتتى: وسىزاماندانعان كاسىپ سالاسى جۇيەسىن ورناتۋ، كاسىپ سالاسى جۇيەسىنىڭ جالپى تۇلعالىق جاقتان جوعارىلاۋىن جۇزەگە اسىرۋ 15” - بەسجىلدىق“ مەزگىلىندەگى ماڭىزدى ستراتەگيالىق مىندەت.

　　10 كۇننەن كەيىن، باستاما جىلعى ورتالىق كوميتەت ساياسي بيۋروسىنىڭ تۇڭعىش رەتكى توپتىق ۇيرەنۋىندە نەگىزگى تاقىرىپ بولاشاق كاسىپتەردى بولجامپازدىقپەن ورنالاستىرۋعا جانە دامىتۋعا شوعىرلاندىرىلدى؛ كوكتەم مەرەكەسى قارساڭىندا باستاما جىلى تۇڭعىش رەت قىزمەت تەكسەردى، باس شۋجي شي جينپيڭ بەيجيڭ يجۋاڭىنا ورنالاسقان مەملەكەتتىك ينفورماتسيا تەحنولوگياسىن قولدانۋ،　　  جاڭالىق اشۋ كاسىپ سالاسى باقشاسىنا كەلىپ، جاساندى زەردە سياقتى عىلىم - تەحنولوگيادا جاڭالىق اشۋ جەتىستىكتەرى كورمەسىن　　   كورىپ، جاڭاشا وندىرگىش كۇشتەردى جەتىلدىرۋ، دامىتۋ ايقىن سيگنالىن تاراتتى.

　　باس شۋجي شي جينپيڭ بىلاي دەپ اتاپ كورسەتتى: ”«ۇسىنىستا» وسىزاماندانعان كاسىپ سالاسى جۇيەسىن ورناتۋدى 15’ - بەسجىلدىق‘ مەزگىلىندەگى ءتۇرلى ستراتەگيالىق مىندەتتەردىڭ ءبىرىنشى ورنىنا قويۋ ابدەن ويلانۋدان وتكەن“.

　　ورتاق تانىم ۇيىستىرىپ، جوعارى ساپالى دامۋدىڭ جاڭا جاعدايىن قۇلشىنا اشتى.

　　2026 - جىلعى مەملەكەتتىك ەكى ماجىلىستە باس شۋجي　　　　　　 شي جينپيڭ ۇيىرمە - گرۋپپالاردىڭ باياندامانى قاراۋىنا، تالقىسىنا قاتىناسىپ، ۋاكىلدەرمەن، مۇشەلەرمەن مەملەكەت ءىسىن بىرگە اقىلداسىپ، ءبىر قىدىرۋ ماڭىزدى ءسوز سويلەپ، بەتالىستى ايقىنداپ، دامۋدى كوزدەپ، سەنىمدى كۇشەيتىپ، جاڭا جورىققا بىرگە قادام تاستاۋدىڭ قۋاتتى بىرىككەن كۇشىن ۇيىستىردى.

　　جياڭسۋ ۋاكىلدەر ۇيىرمەسىندە باس شۋجي شي جينپيڭ ەكونوميكالىق ءىرى ولكەگە ”ماڭىزدى ءتۇيىن بەلگىلەدى“: 15’” - بەسجىلدىقتاعى‘ ەكونوميكالىق، قوعامدىق دامۋدىڭ نىسانا - مىندەتتەرىن ورىنداۋدا اناعۇرلىم كۇردەلى ورتاعا توتەپ بەرىپ، اناعۇرلىم كوپ تەرەڭ قاتپارلى قايشىلىقتاردى شەشۋ قاجەت“، ”جاڭا جاعدايلاردى زەرتتەۋ، جاڭا ماسەلەلەردى شەشۋ جاعىندا كۇش سالۋ، تاجىريبە قالىپتاستىرۋ كەرەك“.

　　ساياسي كەڭەستىڭ بىرىككەن گرۋپپا جيىنىندا باس شۋجي　　　　  شي جينپيڭ بىلاي دەپ باسا دارىپتەدى: ”دەنساۋلىق ساقتاۋ مەن سالاماتتىقتى دامىتۋدىڭ جۇڭگوشا جولىمەن بۇلجىماي ءجۇرۋ كەرەك“،　　  15’” - بەسجىلدىق‘ مەزگىلىندە سالاماتتى جۇڭگو قۇرىلىسىندا شەشۋشى ىلگەرىلەۋشىلىككە قول جەتكىزۋدى ىلگەرىلەتۋ كەرەك“.

　　ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىندە باس شۋجي شي جينپيڭ بىلاي دەپ باسا دارىپتەدى: ساياسي جاقتان ارميا قۇرۋدىڭ وزىندىك ابزالدىلىعىن تولىق ساۋلەلەندىرىپ، زەيىن - زەردەنى ۇيىستىرىپ، كۇش - قۋاتتى شوعىرلاندىرىپ، مەملەكەت قورعانىسى مەن ارميانى وسىزامانداندىرۋدىڭ ورنىقتى قاداممەن الىسقا جەتۋىن ىلگەرىلەتۋ كەرەك.

　　ىشكى قابىلەتتى ويداعىداي جەتىلدىرىپ، ءوزىن الۋەتتەندىرىپ، سالاماتتى جۇڭگو قۇرۋدى جەدەلدەتىپ، مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتۋ كەرەك... باس شۋجي شي جينپيڭنىڭ ماڭىزدى جەتەكشىلىگى ءارى ستراتەگيالىق دەڭگەيگە يە، ءارى حالىق تۇرمىسى مەيىرىنە تولى بولىپ، 15” - بەسجىلدىقتىڭ“ باستاماسىنداعى ءار جاقتاعى قىزمەتتەرگە اتتانۋ بۇيرىعىن بەردى.

　　جالپى بارىستىق حالىق دەموكراتياسى اقىل - پاراساتىن ايگىلەدى ــ

　　“جوعارى دەڭگەيدە جوبالاۋ مەن حالىقتان اقىل سۇراۋدى بىرلىككە كەلتىرۋ كەرەك”

　　ءبىر ميلليارد 400 ميلليوننان استام ادامعا ساياتىن دامۋ جوباسىن ويداعىداي جاساۋدىڭ ماڭىزى زور، مىندەتى جاپالى.

　　باس شۋجي شي جينپيڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ حۇجاتتارىن دايىنداۋ گرۋپپاسىنىڭ باستىعى مىندەتىن ءوزى ارقالادى. جوبا ۇسىنىسىنان جوبا باعدارلاماسىنا دەيىن ءوزى جوبالاپ، ءوزى جەتەكشىلىك ەتىپ، ماڭىزدى ورنالاستىرۋ جاساپ، نۇسقاۋ بەرىپ، كەلەلى ماسەلەلەردى زەرتتەۋگە جەتەكشىلىك ەتىپ، باستان - اياق جول باستاۋ، رول ۇستاۋ رولىن ساۋلەلەندىردى.

　　پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن پارتيا ورتالىق كوميتەتىنىڭ تالابى بويىنشا، مەملەكەتتىك كەڭەس جوبانىڭ «باعدارلاما جوبا نۇسقاسىن» جاساۋ قىزمەتى باسشىلىق گرۋپپاسىن جانە دايىنداۋ گرۋپپاسىن ۇيىمداستىرىپ قۇرىپ، پارتيا ورتالىق كوميتەتىنىڭ ۇسىنىس رۋحىنا جاپپاي تۋرالانىپ، جوبا باعدارلاماسى جوباسىن دايىنداپ قالىپتاستىردى.

　　جاڭا داۋىردەن بەرى، مەملەكەتتىڭ دامۋ جوباسىن ءبىر تۇتاس باسشىلىققا الىپ، ارناۋلى جوبا، وڭىرلىك جوبا، مەملەكەت جەر بايلىعى كەڭىستىك جوباسىن ءوزارا ۇشتاستىرىپ، سايكەستىرىپ، ءبىر تۇتاس جوبالاۋ جۇيەسىن بارعان سايىن اقاۋسىزداندىرىپ، مەملەكەتتىڭ دامۋ جوباسىنىڭ ستراتەگيالىق جەتەكشىلىك رولىن اناعۇرلىم ويداعىداي ساۋلەلەندىردى.

　　2025 - جىلعى ورتالىقتىڭ ەكونوميكالىق قىزمەت ماجىلىسىندە مەملەكەت پەن جەرگىلىكتى ورىنداردىڭ 15” - بەسجىلدىق“ جوباسى مەن ارناۋلى جوبالارىنىڭ جاسالۋىنا باعىتتاي وتىرىپ، باس شۋجي　　  شي جينپيڭ ىشكەرىلەي تالاپ قويدى: ”ءبىر تۇتاس جوسپارلاۋدى كۇشەيتىپ، ايقاسقان، قايتالانعان، ناقتى ونىمدىلىگى جەتكىلىكسىز جوبا جاساۋ مىندەتىن ىقشامداپ، ساپالىلاندىرىپ، جوبانىڭ تىم كوپ، بەتالدى بولۋىنان ساقتانۋ كەرەك. بارلىق جوبادا شىندىقتى ءىس جۇزىنەن ىزدەپ، ناقتى، ساپالى ارتۋعا تالپىنىپ، جوعارى ساپالى، باياندى دامۋدى ىلگەرىلەتۋ كەرەك“.

　　15” - بەسجىلدىق“ جوبا ۇسىنىسىنىڭ ءتۇرلى ستراتەگيالىق ورنالاستىرۋلارىن جان - جاقتى، تەرەڭ، دالمە - ءدال تۇسىنگەندە عانا، جوبا باعدارلاماسىنىڭ ءار سالاداعى قىزمەتتەر جونىندەگى جوبالاۋى اناعۇرلىم عىلميلىققا، كورەگەندىككە، ىرىقتىلىققا يە بولىپ، جۇڭگو دامۋىنىڭ باستان - اياق دۇرىس باعىتپەن العا ىلگەرىلەۋىنە شىنايى كەپىلدىك ەتۋگە بولادى.

　　حالىقتان اقىل سۇراپ، جالپى بارىستىق حالىق دەموكراتياسىن امالياتتا جاندى ايگىلەدى ــ

　　جالپى بارىستىق حالىق دەموكراتياسىن دامىتۋ ــ جۇڭگو ۇلگىسىندەگى وسىزامانداندىرۋدىڭ ماندىك تالابى. باس شۋجي　　　　   شي جينپيڭ “جوعارى دەڭگەيدە جوبالاۋ مەن حالىقتان اقىل سۇراۋدى بىرلىككە كەلتىرۋدى” قايتا - قايتا باسا دارىپتەدى.

　　15” - بەسجىلدىق“ جوبا باعدارلاماسىنىڭ جوباسىن جاساۋدا اشىق جوبا جاساۋعا تاباندى بولىپ، تەكسەرىپ - زەرتتەۋدى جانە عىلمي دالەلدەۋدى كۇشەيتۋگە باسا ءمان بەردى.

　　نازاردى ءتۇيىندى سالالارعا جانە قيىن ماسەلەلەرگە شوعىرلاندىرىپ، جوعارى دەڭگەيدەگى زەرتتەۋ قۇرىلىمدارىن ۇيىمداستىرىپ، 200گە جۋىق تىرەكتىك بايانداما قالىپتاستىردى؛ تۇرلىشە تيپتەگى وڭىرلەرگە بارىپ 40 نەشە رەت تەكسەرۋ - زەرتتەۋ جۇرگىزىپ، 50 نەشە رەت ارناۋلى تاقىرىپتىق اڭگىمە ءماجىلىسىن اشتى؛ قوعامعا باعىتتاي وتىرىپ ينتەرنەتتە اقىل - كەڭەس سۇراپ، شارا قاراستىرىپ، يكەمدى جۇمىستانعاندار، جاستار، شارۋا جۇمىسكەرلەر، مۇگەدەكتەر قاتارلى ءتۇيىندى قاۋىمنىڭ ۇسىنىسىن تولىق تىڭدادى...

　　اشىق كەڭەس الىپ، حالىقتىڭ اقىل - پاراساتىن، حالىقتىڭ كۇش - قۋاتىن شوعىرلاندىردى، پارتيانىڭ دارىپتەمەسى حالىق تىلەگىن، جۇرت قالاۋىن بايلانىستىردى.

　　2026 - جىلعى مەملەكەتتىك ەكى ءماجىلىس اشىلعاننان كەيىن باس شۋجي شي جينپيڭ ۇيىرمە - گرۋپپالاردىڭ باياندامانى قاراۋىنا، تالقىسىنا 3 رەت قاتىناسىپ، ۋاكىلدەردىڭ، مۇشەلەردىڭ ءسوزىن تىڭداپ، كوپشىلىكپەن ىشكەرىلەي پىكىر اۋىستىرىپ، مەملەكەت ءىسىن بىرگە اقىلداستى.

　　3 - ايدىڭ 5 - كۇنى تۇستەن كەيىن باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا ايرىقشا تەبىرەنە بىلاي دەدى: ”مەن ورتالىق كوميتەتكە قىزمەتكە كەلگەننەن كەيىن، 12’ - بەسجىلدىقتان‘، 15’ - بەسجىلدىققا‘ دەيىنگى جوبانى جاساۋعا قاتىناسىپ تەرەڭ اسەر الدىم. جوبانىڭ جاسالۋ بارىسى جالپى بارىستىق حالىق دەموكراتياسىن ساۋلەلەندىرۋ بارىسى بولىپ تابىلادى“.

　　پارتيا ورتالىق كوميتەتىنىڭ جالپى ءماجىلىسى جوبا ۇسىنىسىن العا قويدى، مەملەكەتتىك كەڭەس جوبا باعدارلاماسىن جاسادى، مەملەكەتتىك حالىق قۇرىلتايى تەكسەرىپ بەكىتكەننەن كەيىن اتقارۋدى جاريالادى، جوبانى جاساۋ ارقىلى “جۇڭگو باسقارۋىنىڭ” جاڭا تاراۋى ۇزدىكسىز جازىلىپ، جۇڭگونىڭ العا باسۋ قادامى سەنىمدى ءارى بەرىك بولدى.

　　كوز الداعىنى تياناق ەتىپ، ۇزاقتى كوزدەپ، بولاشاق دامۋ بەتالىسىن دالمە - ءدال يگەردى ــ

　　15” - بەسجىلدىق“ جوبا باعدارلاماسىن اشقاندا ”جوعارى ساپالى دامۋدا كورنەكتى ونىمدىلىككە قول جەتكىزۋ“ 15” - بەسجىلدىق“ مەزگىلىندەگى 7 ءىرى نەگىزگى نىسانانىڭ الدىڭعى قاتارىنان ورىن الدى.

　　جاڭا 5 جىلدا زەيىن - زەردەنى ۇيىستىرىپ، كۇش - قۋاتتى شوعىرلاندىرۋ بارىسىندا جوعارى ساپالى دامۋدىڭ جاڭا تاراۋىن جازۋ كەرەك. 

　　جوبا باعدارلاماسىندا 5 جاقتاعى 20 ءتۇرلى نەگىزگى كورسەتكىش العا قويىلىپ، 16 جاقتان ءبىر توپ كەلەلى ستراتەگيالىق مىندەت ورنالاستىرىلىپ، 109 كەلەلى ينجەنەريا بەلگىلەنىپ، جۇڭگونىڭ الداعى 5 جىلداعى جوعارى ساپالى دامۋىنىڭ جالپى كورىنىستىك كارتيناسى ايگىلەندى. 

　　جاڭا 5 جىلدا قامال الىپ، قيىندىقتاردى جەڭۋ بارىسىندا دامۋدىڭ جاڭا باسىمدىعىن قالىپتاستىرۋ كەرەك. 

　　ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋعا تاباندى بولىپ، عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتىپ، قۋاتتى ەل ءىشى بازارىن قۇرىپ، مەملەكەتتىك ءبىر تۇتاس ۇلكەن بازار قۇرىلىسىن تەرەڭدەي ىلگەرىلەتىپ، ءتۇرلى شارۋاشىلىق تۇلعالارىنىڭ ومىرشەڭ كۇشىن تولىق قاۋلاتتى... جوبا باعدارلاماسى نازاردى “ءوز ءىسىمىزدى ويداعىداي ىستەۋگە” شوعىرلاندىرىپ، ەكونوميكالىق كومەسكى قۋاتتى تولىق جارىققا شىعاردى. 

　　جاڭا 5 جىلدا قۇت - ىرىستى ارتتىرۋ بارىسىندا بىرگە بايۋدىڭ تىڭ ىلگەرىلەۋشىلىكتەرىن تاڭبالاۋ كەرەك. 

　　بالا تاربيەلەۋ بويىنشا قىزمەت وتەۋ جۇيەسىن اقاۋسىزداندىرىپ، نەگىزدىك وقۋ - اعارتۋدىڭ ساپالىلانۋىن كەڭەيتىپ، ساپاسىن جوعارىلاتۋدى ىلگەرىلەتىپ، ساپالى، جوعارى ءونىمدى ەمدەۋ بويىنشا قىزمەت وتەۋ جۇيەسىن ورناتىپ، باي مازمۇندى، الۋان ءتۇرلى قارتتار تۇرمىسىن قالىپتاستىرۋ... جوبا باعدارلاماسىنداعى ءبىر قىدىرۋ جۇرەكتى جىلىتاتىن ورنالاستىرۋ حالىققا قىزمەت ەتۋ اۋەلگى ماقساتىن ايگىلەدى. 

　　ايبىندى كوكتەم سامالىندا، دەموكراتيا سارايىندا، پارتيانىڭ دارىپتەمەسى، مەملەكەتتىڭ ەركى، حالىقتىڭ جۇرەك ءۇنى تىعىز توعىسىپ، مەملەكەتتىڭ دامۋىن ىلگەرىلەتەتىن تەلەگەي ۇلى كۇش ۇيىستىرىپ، “جۇڭگو باسقارۋىنىڭ” قۇدىرەتتى ومىرشەڭ كۇشىن ايگىلەدى.

　　بولاشاققا ارشىندى قادام تاستاۋ سەنىمىن ۇيىستىردى ــ

　　“جۇڭگو ۇلگىسىندەگى وسىزامانداندىرۋ قۇرىلىسىندا ۇزدىكسىز جاڭا جاعداي اشۋ كەرەك” 

　　جوبا ۇلى ارماندى كەسكىندەدى، ۇلى ىستەر تىڭ جورىققا اتتانۋعا ۇندەدى. 

　　2025 - جىلى 11 - ايدا باس شۋجي شي جينپيڭ حاينان، گۋاڭدۇڭ سىندى ەكى ولكەگە بارىپ قىزمەت تەكسەرگەندە بىلاي دەپ تەرەڭ اتاپ كورسەتتى: ”پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ــ كەزەكتەگى جانە مۇنان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى“. 

　　قىزمەت تەكسەرۋ بارىسىندا باس شۋجي جەر - جەردىڭ 15” - بەسجىلدىق“ جوبانى جاساۋ قىزمەتىنە ەرەكشە كوڭىل ءبولىپ، ”قالىڭ كادرلار مەن بۇقارانى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋگە جەتەكتەۋدى“ تاپسىردى. 

　　پارتيا 20 - كەزەكتى ورتالىق كوميتەتى ءتورتىنشى جالپى ماجىلىسىنەن كەيىن جوعارىدان تومەنگە دەيىن زور ۇيرەنۋ جاپپاي ورىستەتىلدى. 

　　ورتالىقتىڭ ۇگىت لەكسيا ۇيىرمەسى جەر - جەرگە بارىپ ۇگىت لەكسيا جاسادى، پارتيا ورتالىق كوميتەتىنەن ءار دارەجەلى پارتيا ۇيىمدارىنا دەيىن، قالادان اۋىل - قىستاققا دەيىن، ورگاننان كاسىپورىنعا دەيىن، الەۋمەتتىك اۋماقتان مەكتەپكە دەيىن... بۇكىل پارتيادا، بۇكىل ەلدە ءتورتىنشى جالپى ءماجىلىستىڭ رۋحىن ۇيرەنۋ، دايەكتىلەندىرۋ قىزۋ ورلەۋى دەرەۋ كوتەرىلدى. 

　　“جوعارى ساپالى دامۋدى بۇلجىماي ىلگەرىلەتۋ”، “جاڭا دامۋ ارناسىن جەدەل قالىپتاستىرۋ”، “جالپى حالىقتىڭ بىرگە بايۋدا نىق قادام تاستاۋىن ىلگەرىلەتۋ”، “دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ”، “ءار سالاداعى قىزمەتتەردى ءبىر تۇتاس جوسپارلاپ ىلگەرىلەتۋ”... 

　　باس شۋجي شي جينپيڭ جالپى ءماجىلىستىڭ رۋحىن دايەكتىلەندىرۋدە، تياناقتاندىرۋدا باسا يگەرەتىن جاقتاردى ءتۇيىندى تۇردە بورشالاپ، تەرەڭ ءتۇسىندىرىپ، ونان ارى يدەيانى بىرلىككە كەلتىرىپ، ورتاق تانىم ۇيىستىرىپ، جەر - جەردىڭ، تاراۋلاردىڭ　　  ءىس جۇزىندىك قىزمەتتى ويداعىداي ىستەۋىنە ءتۇبىرلى بويسۇنۋ ولشەمىن ازىرلەدى. 

　　جاڭا تاريحي ورىن جانە جاڭا دامۋ مىندەتى الدىندا مەملەكەتتىڭ دامۋ جوباسىن ءبىر تۇتاس باسشىلىققا الىپ، جەر - جەردىڭ دامۋ نىساناسىن، قىزمەت ءتۇيىنىن مەملەكەت دامۋىنىڭ جالپى جاعدايىنا ەنگىزگەندە عانا، بۇكىل ەل ءبىر تۇتاس جۇيە بولۋدى ويداعىداي يگەرىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدىڭ قۋاتتى بىرىككەن كۇشىن قالىپتاستىرۋعا بولادى. 

　　باس شۋجي شي جينپيڭ بىلاي دەپ ايقىن تالاپ قويدى: ”جەر - جەر 15’ - بەسجىلدىق‘ مەزگىلىندەگى ەكونوميكالىق، قوعامدىق دامۋدى جوسپارلاۋدا، بۇكىل ەلدىڭ كەلەلى جاعدايىنداعى ورنىن دالمە - ءدال تۇراقتاندىرىپ، جوبامەن ۇشتاسۋدى كۇشەيتۋى كەرەك“. 

　　جەر - جەردىڭ 15” - بەسجىلدىق“ جوبا باعدارلاماسىن پاراقتاساق، ءبىر قىدىرۋ كورسەتكىشتەردە الداعى 5 جىلداعى دامۋدىڭ كۇش سالۋ ءتۇيىنى كورنەكتىلەندىرىلگەنىن بايقايمىز: 

　　جىجياڭ 2030 - جىلعا دەيىن جان باسىندىق وڭىرلىك ءوندىرىس جالپى قۇنىن دامىعان ەكونوميكالىق تۇلعالاردىڭ دەڭگەيىنە تاياتۋدى العا قويدى؛ بەيجيڭ جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ، حاۋىپسىزدىك، ورنىقتىلىق سىندى 6 تۇرعىدان 29 ءتۇرلى باستى كورسەتكىشتى بەلگىلەدى؛ شاڭحاي 2030 - جىلعا جەتكەندە سيفرلى ەكونوميكانىڭ وزەكتى كاسىپ سالاسىنىڭ ارتقان قۇنىنىڭ وڭىرلىك ءوندىرىس جالپى قۇنىنداعى سالىستىرماسىن %20تەن استامعا جەتكىزۋدى العا قويدى...

　　باس شۋجي شي جينپيڭنىڭ ماڭىزدى نۇسقاۋلارىن، تالاپتارىن دايەكتىلەندىرۋدە، تياناقتاندىرۋدا جەر - جەر “مەملەكەتتىڭ　　　　　　  زور ءىسىن” كوكەيدە ساقتاپ، ءوز ءوڭىرىنىڭ جاعدايىنا باعىپ،　　　　　　   ءىس جۇزىندىكتى تياناق ەتىپ، جەرگىلىكتى جاعدايعا قاراي ىستەپ، جۇڭگو ۇلگىسىندەگى وسىزامانداندىرۋدىڭ ايبىندى بولاشاعىن ناقتى، ەگجەي - تەگجەيلى تياناقتاندىرۋدى جوعارى ساپالى دامۋدىڭ “مىندەت حاتىنا” اينالدىردى. 

　　15” - بەسجىلدىقتىڭ“ باستاما جىلىندا ءتورتىنشى جالپى ءماجىلىستىڭ رۋحىن قايتكەندە ويداعىداي دايەكتىلەندىرىپ، تياناقتاندىرىپ، جوبانى رەالدىققا اينالدىرۋ وسىزامانداندىرۋ قۇرىلىسىنىڭ جالپى جاعدايىنا سايادى. 

　　كوكتەم مەرەكەسى دەمالىسى ەندى عانا ءوتتى، جەر - جەر “كوكتەم مەرەكەسىنەن كەيىنگى ءبىرىنشى جيىندا” جوعارى ساپالى دامۋدىڭ ايقىن سيگنالىن تاراتىپ، “قۇرىلىس جۇرگىزۋ كارتاسىن” ايقىنداپ، “كىندىك سوزدەردى” ايىرىپ، ناقتى ىستەپ، ادالدىقپەن اتقارىپ، جوعارى ساپالى دامۋدى ىلگەرىلەتۋ بەرىك سەنىمىن ايگىلەدى. 

　　انحۇي نازاردى عىلىم - تەحنولوگيادا جاڭالىق اشۋ ارقىلى جاڭاشا وندىرگىش كۇشتەردىڭ دامۋىنا جەتەكشىلىك ەتۋگە شوعىرلاندىرا وتىرىپ جەلىلەس ورنالاستىرۋلار جاسادى؛ جىجياڭ جوعارى ساپالى دامۋدى بۇلجىماي كوزدەپ، بىرگە بايۋ بويىنشا ۇلگى كورسەتۋ رايونىن قۇرىپ، شارالاردى العا قويىپ، ورنالاستىرۋ جاسادى؛ گۋاڭدۇڭ بۇكىل ولكەنىڭ جوعارى ساپالى دامۋ جينالىسىن اشىپ، نازاردى جاساۋ كاسىبى مەن قىزمەت وتەۋ كاسىبىنىڭ سايكەستى دامۋىنا شوعىرلاندىردى؛ فۋجيان حالىقتىق شارۋاشىلىق ۋاكىل قايراتكەرلەرى اڭگىمە ءماجىلىسىن اشىپ، “باستاما كوتەرۋدىڭ” قۋاتتى قوزعاۋشى كۇشىن تاسقىنداتتى... 

　　سەنىم قامال الىپ قيىنشىلىقتاردى جەڭۋ، ىنتىماقتاسا ەكپىندەي ىلگەرىلەۋ بارىسىندا اناعۇرلىم بەكەمدەلدى. 

　　سيفرلى نەگىزدىك قۇرىلعىلاردى دامىتۋ جونىندە ۇسىنىس بەرۋدەن دەربەس جاڭالىق اشۋ جولىن ىشكەرىلەي تەرەڭدەي اشۋعا، جاستار مەن ورەندەردىڭ پسيحيكالىق اقاۋسىزدىعىنا كوڭىل بولۋدەن اۋىل - قىستاق وقۋ - اعارتۋى ءۇشىن ءۇن قاتۋعا دەيىن... 2026 - جىلعى مەملەكەتتىك ەكى ماجىلىستە جاڭا جاعدايعا، جاڭا ماسەلەلەرگە بەتپە - بەت كەلىپ، ۋاكىلدەر مەن مۇشەلەر ناقتى جاعدايدى ايتىپ، ورەلى اقىل - كەڭەس بەرىپ، ناقتى شارا ۇسىنىپ، ءبىرىنشى شەپتەن كەلگەن ءۇندى مەملەكەتتىڭ ەرىك - جىگەرىن ۇيىستىراتىن قاينار بۇلاققا اينالدىردى. 

　　15” - بەسجىلدىق“ جوبا باعدارلاماسىنىڭ جوباسى، ۇكىمەت قىزمەتىنەن بايانداما سياقتى ءتۇرلى باياندامالاردى، ءۇش زاڭ جوباسىن قاراۋدا، قاراپ تەكسەرۋدە جانە تالقىلاۋدا دۇرىس كوزقاراستار وسى ارادا تولىق ورتاعا ءتۇسىپ، بولاشاققا بەت العان دامۋ بەتالىسى بارعان سايىن بەكەمدەلىپ، اماليات جولى اناعۇرلىم ايقىندالدى. 

　　“بيىلعى مەملەكەتتىك ەكى ءماجىلىس نازاردى جوعارى ساپالى دامۋ نەگىزگى تاقىرىبىنا شوعىرلاندىرىپ، ىنتىماقتاسۋعا جىگەرلەندىرىپ، ەكپىندەي ىلگەرىلەۋگە ىنتالاندىرىپ، ءبىزدى باستاما جىلىندا قامال الىپ قيىندىقتاردى جەڭىپ، قايسارلىقپەن كۇرەس جۇرگىزىپ، تۇتاس جىلدىق نىسانا - مىندەتتەردى قۇلشىنا ورىنداۋعا جىگەرلەندىردى”، - دەدى مەملەكەتتىك حالىق قۇرىلتايىنىڭ ۋاكىلى، شانشي ولكەسى باۋجي قالاسىنىڭ باستىعى ۋاڭ يۇڭ. 

　　وسى كوكتەمدەگى سالتاناتتى جينالىس ارقىلى مەملەكەتتىڭ ۇلى جوباسى حالىقتىڭ جاي ارمان - تىلەكتەرىمەن تىعىز توعىسىپ، بۇكىل پارتيادا، تۇتاس قوعامدا ءىس تىندىرىپ ناتيجە شىعارۋ جىگەر - قايراتى ۇيىسىپ، جۇڭگو ۇلگىسىندەگى وسىزامانداندىرۋ قۇرىلىسىنا سارقىلماس ەنەرگيا جانە قوزعاۋشى كۇش ۇستەدى. 

　　ۇلى جوبا جاسالدى، تىڭ ساپار تاعى دا باستالدى؛ كوكتەم سامالى ەسىپ، بارشا تىرشىلىك جانداندى. 

　　ساندى مالىمەتتەر وسى كوكتەمگە ەڭ جاندى تۇسىنىك جاسادى ــ 

　　كوكتەم مەرەكەسىنىڭ 9 كۇندىك دەمالىسىندا ەل ىشىندە ساياحاتتاۋشىلار 596 ميلليونعا (رەت) جەتىپ، جۇمساعان قاراجاتى 800 ميلليارد يۋاننان اسىپ، تاريحتاعى ەڭ جوعارى دەڭگەيگە جەتتى؛ الدىڭعى 2 ايدا ەلىمىزدىڭ زات ساۋداسى يمپورت - ەكسپورت جالپى قۇنى 7 تريلليون 730 ميلليارد يۋانعا جەتىپ، سايكەس مەزگىلدەگىدەن %3. 18 ارتىپ، 2 جىلدان استام ۋاقىتتان كەيىن ”ەكى ورىندى سانمەن ارتۋعا“ قايتا ورالدى؛ 2 - ايدىڭ سوڭىنا دەيىن ەلىمىزدىڭ شەتەل اقشاسى زاپاس قورىنىڭ كولەمى 3 تريلليون 427 ميلليارد 800 ميلليون امەريكا دوللارىنا جەتىپ، الدىڭعى ساناق مەزگىلىندەگىمەن سالىستىرعاندا ارتۋدى ۇزدىكسىز ساقتادى... 

　　“دۇنيە ءجۇزىنىڭ اۋمالى - توكپەلى كەزىندە جۇڭگو بولاشاققا جەتەكشىلىك ەتتى”. ارگەنتينا «ۇران گازەتى» سايتىنىڭ باعاسى جۇڭگو دامۋىنىڭ دۇنيە جۇزىنە ۇستەگەن سەنىمى مەن كۇش - قۋاتىن دالەلدەدى.

　　(جالعاسى 4 ـ بەتتە)　　(باسى 3 ـ بەتتە)

　　پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن مەملەكەتتىك ەكى ماجىلىسكە دەيىن دۇنيە ءجۇزىنىڭ جاعدايى اۋمالى - توكپەلى بولعانىمەن، جۇڭگونىڭ العا باسۋ قادامى ورنىقتى دا كۇشتى بولدى.

　　شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيانىڭ باسشىلىعىنا بۇلجىماي تاباندى بولىپ، جۇڭگوشا سوتسياليستىك ءتۇزىمنىڭ ارتىقشىلىعى تولىق ساۋلەلەندىرىلدى، پارتيانىڭ دارىپتەمەسى حالىقتىڭ تىلەگىمەن ۇندەستىك تاپتى. 

　　ارمانعا قۇلاش سەرمەۋدىڭ ايبىندى جورىعىندا جاڭا دامۋ جوباسى جاسالدى، جۇڭگو ۇلگىسىندەگى وسىزامانداندىرۋ قۇلپىرا ءتۇستى. بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇدىرىقتاي جۇمىلىپ، قايراتتانا العا ۇمتىلىپ، ناقتى ءىس ىستەۋ ارقىلى ۇلى ىستەردى تىندىرىپ، جاڭالىق اشۋ ارقىلى بولاشاققا قول جەتكىزسەك، ءسوز جوق، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن ۇزدىكسىز اشا الامىز. 

　　(شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى)

　　(«شينجياڭ گازەتىنەن» الىندى)