گازەتىمىزدىڭ حابارى (ٴتىلشىمىز جاڭ نان، پراكتيكانت ٴتىلشى ليۋ حۋان حابارلايدى). جۋىقتا، ٴتىلشىنىڭ التاي ايماقتىق بازاردى باقىلاۋ - باسقارۋ مەكەمەسىنەن ۇعىسۋىنشا، التاي ايماعىنداعى 342 مەكتەپ (بالالار باقشاسىن قامتيدى) اسحاناسىنا “تاماق جاساۋ بارىسىن جاريا ۇستاۋ” جۇيەسى تولىق جالپىلاسىپ، مەكتەپ اسحاناسىنىڭ اس دايىندايتىن ورىندارىنا جالپى 980 كامەرا ورناتىلىپ، مەكتەپتى زەردەلى باقىلاۋ - باسقارۋدىڭ جالپىلاسۋى، جەلىگە شىعۋ مولشەرى تۇگەلدەي %100 كە جەتتى.
“تاماق جاساۋ بارىسىن جاريا ۇستاۋ” جۇيەسىندە، “زەردەلى باقىلاۋ - باسقارۋ” تەرمينالى جوبالانىپ، ناق مايدان كەسكىن جالعانىمىن ەكىلىككە اينالدىرىپ، مەكتەپ قاقپاسىنداعى كورنەۋ ورىنعا قويىلدى، اتا - انالار تەك قول تەلەفونمەن ەكىلىكتى جايمالاسا بولعانى، مەكتەپ اسحاناسىنداعى اس دايىنداۋ بارىسىن كەز كەلگەن ۋاقىتتا، كەز كەلگەن ورىندا كورە الادى. سونىمەن قاتار، اتا - انالار ٴۇنحاتتا “التاي ايماقتىق بازاردى باقىلاۋ - باسقارۋ مەكەمەسىنىڭ” شاعىن باعدارلاماسىن ىزدەپ، مەكتەپ اسحاناسىنىڭ احۋالىن دەركەزىندە تەكسەرۋىنە بولادى.
التاي قالاسى الاقاق قالاشىق سەنترلى بالالار باقشاسىنىڭ حاۋىپسىزدىك قىزمەتكەرى تىلەۋبەك دوحتربەك ۇلى بىلاي دەدى: “تاماق جاساۋ بارىسىن جاريا ۇستاۋ” جۇيەسى جالپىلاسقاننان كەيىن، بالالار باقشامىزدىڭ اس ٴۇيى مەكتەپتىڭ جاريا تەرەزەلىگىنە اينالدى. ازىقتىقتاردى دايىنداۋدان قازانعا سالىپ پىسىرىپ ۇستەلگە شىعارعانعا دەيىن، اتا - انالار ەكىلىكتى جايمالاۋ ارقىلى كەز كەلگەن ۋاقىتتا كورە الادى، اتا ـ انالاردىڭ الاڭسىز بولۋىنا مۇمكىندىك جاسالدى.
“تاماق جاساۋ بارىسىن جاريا ۇستاۋ” جۇيەسى تولىق جالپىلاسقاننان بەرى، ٴونىمى كورنەكتى بولىپ، اتا - انالار سۋرەتكە ٴتۇسىرۋ ارقىلى مەكتەپ اۋلاسىنداعى 26 حاۋىپ ـ قاتەر، كومەسكى كىناراتتى بايقادى، زاڭ اتقارۋشى قىزمەتكەرلەر زەردەلى باقىلاۋ - باسقارۋ، باقىلاۋ - تەكسەرۋ ارقىلى زاڭعا، بەلگىلەمەگە قايشى 78 ارەكەتتى بايقاپ، دەر كەزىندە ٴبىر جايلى ەتتى.
التاي ايماقتىق بازاردى باقىلاۋ - باسقارۋ مەكەمەسى اس - سۋعا قىزمەت وتەۋدى باقىلاۋ - باسقارۋ ٴبولىمىنىڭ كادرى سامعار ادىلەت ۇلى بىلاي دەدى: مەكتەپ اسحاناسىندا “تاماق جاساۋ بارىسىن جاريا ۇستاۋ” جۇيەسىنىڭ تولىق جالپىلاسۋى وقۋشىلارعا مەكتەپتە اناعۇرلىم الاڭسىز تاماقتانۋ شارت ـ جاعدايىن جاراتۋمەن بىرگە، مەكتەپتىڭ تاماقتانۋدى باسقارۋىن اناعۇرلىم ارناعا ءتۇسىردى. كەلەسى قادامدا ٴبىز باقىلاۋ - باسقارۋ تەبىنىن ۇزدىكسىز ارتتىرىپ، وقۋشىلاردىڭ اس - سۋ حاۋىپسىزدىگىن بار ىنتا - پەيىلىمىزبەن قورعاپ، ٴاربىر وقۋشىنىڭ مەكتەپ اۋلاسىندا اس ـ سۋدان حاۋىپسىز تۇتىنۋىنا مۇمكىندىك جاسايمىز.
放大
