گازەتىمىزدىڭ حابارى (ٴتىلشىمىز گۇلناز، پراكتيكانت ٴتىلشى ليۋ حۋان حابارلايدى). جۋىقتا، ٴتىلشىنىڭ ايماقتىق قوعام حاۋىپسىزدىگى مەكەمەسى اشقان “حالىققا مالىمدەۋ” جانە 5 ـ رەتكى جۇڭگو حالىق ساقشىلارى مەرەكەسىن قىزۋ قۇتتىقتاۋ جونىندەگى اقپار حابارلاندىرۋ ماجىلىسىنەن ۇعىسۋىنا قاراعاندا، 2024 - جىلى ايماقتاعى قوعام حاۋىپسىزدىگى ورگاندارىنىڭ “كاسىپ + مەحانيزم + ٴىرى ساندى مالىمەت” جاڭاشا ساقشى ىستەرى اينالىم ۇلگىسىن ورناتۋدى، كەمەلدەندىرۋدى جەتەكشى ەتىپ، قوعام حاۋىپسىزدىگى ورگاندارىنىڭ جاڭاشا جاۋىنگەرلىك كۇشىن كۇشەيتۋدى نەگىز ەتىپ، حاۋىپ ـ قاتەردەن ساقتانۋعا، حاۋىپسىزدىككە كەپىلدىك ەتۋگە، ورنىقتىلىقتى قورعاۋعا، دامۋدى جەبەۋگە، حالىق تۇرمىسىنا تيىمدىلىك جاساۋعا بار كۇشىن سالىپ، بۇكىل ايماقتىڭ قوعام اماندىعى جالپى جاعدايىنىڭ باياندى تىنىشتىعىن، ورنىقتىلىعىن پارمەندى قورعاعان.
ايماقتىق قوعام حاۋىپسىزدىگى ورگانى قايشىلىقتار مەن داۋ ـ شارلاردى تەكسەرىپ، شەشۋدى كۇشەيتىپ، بۇكىل ايماقتاعى قوعام حاۋىپسىزدىگى ساقشى بولىمشەلەرىنىڭ “ٴۇشتى جاراستىرۋ، بىرلەسىپ قيمىلداۋ” مەحانيزمىن ورناتۋىن، كەمەلدەندىرۋىن ىلگەرىلەتىپ، تۇتاس جىلدا جيىنى 6477 قايشىلىق پەن داۋ - شاردى تەكسەرىپ، 6383 دەلونى تەكسەرىپ ٴبىر جاقتىلى ەتىپ، قاتىستى تاراۋلارعا 231 دەلونى وتكىزىپ بەردى. سونىمەن بىرگە، ٴتۇيىندى الاڭ - ورىنداردىڭ حاۋىپسىزدىك ساقتىعىن كۇشەيتىپ، تۇتاس جىلدا مەكتەپ، شيپاحانا قاتارلى ٴتۇيىندى ورىندار مەن قوناق ٴۇي، جونەلتۋ - جەتكىزۋ كاسىبى قاتارلى كاسىپتىك ورىنداردى 23 مىڭنان استام رەت تەكسەرىپ، 2972 ماسەلەنىڭ كومەسكى كىناراتىن تەكسەرىپ، تۇزەتىپ، قوعام اماندىعى ٴتارتىبىن ٴونىمدى قورعادى.
ايماقتاعى قوعام حاۋىپسىزدىگى ورگاندارى زاڭعا قايشى كورنەكتى قىلمىستارعا قاتاڭ سوققى بەرىپ، “ۇرلىق، توناۋشىلىق، الدامكوستىك”، “بادىك باسىلىم، قۇمار ويناۋ، ەسىرتكى تۇتىنۋ”، “ازىق - تۇلىك، ٴدارى - دارمەك، قورشاعان ورتاعا قاتىستى” زاڭعا قايشى قىلمىستىق ارەكەتتەرگە قاتاڭ سوققى بەرىپ، تۇتاس جىلدا 1094 قىلمىستىق ىستەر دەلوسىن اشىپ، 3207 اكىمشىلىك (اماندىق) دەلوسىن تۇرعىزدى. توراپتا جاريالانعان، قاشىپ جۇرگەن 168 ادامدى تۇتقىندادى، ەلەكتروندىق ينفورماتسيا الدامشىلىعىنان 20 ميلليون 146 مىڭ 200 يۋاننان استام زياندى قايتارىپ الدى. سونىمەن بىرگە، “ۇقىقتى تومەنگە بەرۋ، باسقارۋ، قىزمەت وتەۋ” رەفورماسىن تەرەڭدەتىپ، قوعام حاۋىپسىزدىگى اكىمشىلىك قىزمەت وتەۋىنىڭ “ٴبىر تەرەزەلىكتە ٴبىر تۇتاس ٴبىتىرۋىن” ىلگەرىلەتىپ، شارۋاشىلىق - ساۋدا ورتاسىن كۇش سالا ساپالىلاندىرىپ، نوپۋس، اۆتوكولىك جۇرگىزۋدى باسقارۋ قاتارلى كاسىپتى جەلىدە ٴبىتىرۋ مولشەرىن %70 تەن اسىرىپ، ايماق ەكونوميكاسىنىڭ دامۋىن پارمەندى كەپىلمەن قامدادى.
ايماقتاعى قوعام حاۋىپسىزدىگى ورگاندارى ساقشىلاردى قاتاڭ جونگە سالىپ، ساپا ارقىلى ساقشىلاردى تاربيەلەۋگە تاباندى بولىپ، ساقشىلارعا شىنايى، ساپالى مامىلە جاساپ، ماداقتاۋدى، سيلاۋدى كورنەكتىلەندىرىپ، قوعام حاۋىپسىزدىگى ۇگىتىن كۇشەيتىپ، قوعام حاۋىپسىزدىگى ورگاندارىنىڭ جاۋىنگەرلىك قۋاتى مەن ۇيىستىرۋ قۋاتىن ۇزدىكسىز جوعارىلاتتى. 2024 ـ جىلى 88 كوللەكتيۆ پەن 920 جەكە قوعام حاۋىپسىزدىگى مينيسترلىگىنىڭ، اۆتونوميالى رايوندىق قوعام حاۋىپسىزدىگى مەڭگەرمەسىنىڭ، اۆتونوميالى رايوننىڭ قاتىستى تاراۋلارىنىڭ ماداقتاپ ـ سيلاۋىنا جانە حابارلاندىرۋ شىعارىپ ماداقتاۋىنا يە بولدى.
ايماقتىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى چىن جۇندى بىلاي دەدى: بيىل ايماقتىق قوعام حاۋىپسىزدىگى ورگانى اۆتونوميالى رايوندىق قوعام حاۋىپسىزدىگى مەڭگەرمەسى پارتكومىنىڭ “4321” قىزمەت وي جەلىسى بويىنشا، نازاردى جاڭا داۋىردەگى قوعام حاۋىپسىزدىگى قىزمەتىنىڭ 4 ۇلكەن مىندەت جاۋاپكەرشىلىگىنە شوعىرلاندىرىپ، 3 شەشۋشى بۋىندى مىقتاپ يگەرىپ، 2 تىرەكتى قامتاماسىزداندىرۋدى كۇشەيتىپ، ٴبىر تۇتاس باسقارۋ جۇيەسىن اقاۋسىزداندىرىپ، بۇكىل ايماقتىڭ قوعام ورنىقتىلىعىن، حالىق بۇقاراسىنىڭ باقىتىن، تىنىشتىعىن قورعاۋ جولىندا قاجىماي ـ تالماي قۇلشىنامىز.
放大
