گازەتىمىزدىڭ حابارى (پراكتيكانت ٴتىلشى ليۋ حۋان، ەرىكتى تىلشىلەر ەرجانات جارىسبەك ۇلى، عارىش بازان ۇلى، لي مىڭتيڭ، بارلان جانار ۇلى حابارلايدى). جىلان جىلعى كوكتەم مەرەكەسىنىڭ جاقىنداۋىنا بايلانىستى، ٴار قايسى اۋدانداعى (قالاداعى) ۇلكەندى - كىشىلى كوشەلەر مەن جولدىڭ ەكى جاعالاۋىنا ٴتۇرلى ـ ٴتۇستى شىراقتار ٴىلىنىپ، مەرەكەلىك قويۋ راي قالىپتاستى.
جۋىقتا، قابا اۋدانى مادەنيەت جولىندا قىزمەتكەرلەر تۇمشالامالى شامدى نەگىزگى جولداعى باعاناعا ٴىلىپ، كوشە جايناپ ،مەرەكەلىك تۇسكە ەندى. اقشي قالاشىعىنىڭ تۇرعىنى مۇقامەت رامازان ۇلى قۋانىشتى بەينەدە بىلاي دەدى: ىلىنگەن تۇمشالامالى شامدار كوزدىڭ جاۋىن الادى ، تۇرمىسىمىز كۇننەن - كۇنگە جاقسارۋدا، ٴداستۇرلى مەرەكەنىڭ سيى ارقىلى ادامدار ارا مەيىرىمدىلىك كۇشەيە ٴتۇستى.
1 - ايدىڭ 11 - كۇنى التاي قالاسى گەنەرال تاۋى جولىندا قىزمەتكەرلەر اسپالى شامداردى ىلۋدە. جۇڭگو تەمىر جولى 1 - مەكەمەسى التاي قۇرىلىس ينجەنەرياسى شەكتى سەرىكتەستىگى 2 - نىسان ٴبولىمىنىڭ تەحنيك قىزمەتكەرى جاڭ يۇي بىلاي دەدى: اسپالى شامداردى ورناتۋ جۇمىستارى باستىسى، ىنتىماق جولى، ازات جولى، گەنەرال تاۋى جولىنا شوعىرلانىپ، مەجەمەن، 1 - ايدىڭ 22 - كۇنى تۇگەلدەي ورناتىلىپ بولادى.
تاعى ٴبىر حابار (ٴتىلشىمىز داي ۋيلي حابارلايدى). قىسقى كۇن رايىنىڭ وزگەرىسىنە ىلەسە، كوكتەم مەرەكەسى دە جاقىنداپ قالدى. التاي قالاسى قويۋ مەرەكەلىك تۇسكە ەنىپ، تۇرمىسقا ٴسان قوستى.
جاقىندا، التاي قالاسى كوشەلەرى قايشالىسقان اۆتوكولىككە تولىپ، شىراقتار جاينادى. جول بويىندا، الاڭدا، باقشادا، شاعىن اۋماقتا كورىنىسى كوز تارتاتىن قار ويمالار قاربالاس جاسالۋدا، قار ويماشىلار قولىنداعى ويما قۇرالىمەن وسى قالاعا جاڭا جىلدىڭ تاماشا تىلەگىن سيلاعان ىسپەتتى.
سول كۇنى التاي قالاسى التىنتاۋ الاڭىندا قىسقى كۇننىڭ شۇلەن شۇعىلاسى بار الاپتى نۇرلاندىرىپ، ادامدارعا مەيىر سيلادى. بالالاردىڭ ويىلعان مۇز ويمالارىن قىزىقتاپ اسىر سالىپ ويناپ جۇرگەن بەينەلەرى مەيىرگە تولى جاراسىمدى كارتينانى كەسكىندەدى.
放大
