گازەتىمىزدىڭ حابارى (ٴتىلشىمىز گۇزال ابدىرەشيت، ەرىكتى ٴتىلشى ساۋ شۇي حابارلايدى). تاياۋدا، التاي قالالىق ەسىرتكىگە تيىم سالۋ كەڭسەسى ۋبايلي سالت ـ سانا كوشەسىندە ەسىرتكىگە تيىم سالۋ ۇگىت قيمىلىن وتكىزدى. مۇنداعى ماقسات ەسىرتكىگە تيىم سالۋ ۇگىت ـ تاربيە قىزمەتىن كۇشەيتىپ، قاراستى رايونىنداعى بۇقارانىڭ ەسىرتكىنى تانۋ، ەسىرتكىدەن ساقتانۋ، ەسىرتكىدەن باس تارتۋ تانىمى مەن قابىلەتىن جوعارىلاتىپ، ەسىرتكىسىز جاسىل تۇرمىس شەڭبەرىن بىرگە قالىپتاستىرۋ.
قيمىل الاڭىندا ەسىرتكىگە تيىم سالۋ كەڭسەسىنىڭ قىزمەتكەرلەرى ەسىرتكىنىڭ ۇقساتپالى مودەلىن كورسەتۋ ارقىلى كوپشىلىككە ٴتۇرلى ەسىرتكىنى ٴتۇسىندىرىپ، ەسىرتكىنى پارىقتاۋ قابىلەتىن جوعارىلاتتى. ۇگىت تاقتاسىنداعى ناقتى مىسالدار ارقىلى ەسىرتكىنىڭ زالالىن كورسەتىپ، ادام جانىن تۇرشىكتىرەتىن ساندى مالىمەت پەن اۋىر زاردابىن ۇعىندىردى. ەسىرتكىگە تيىم سالۋ كەڭسەسىنىڭ قىزمەتكەرلەرى ناق مايداندا ەسىرتكىگە تيىم سالۋ بىلىمدەرى، زاڭ، زاڭ - ەرەجەلەر، ساقتانۋ ادىستەرى قاتارلى مازمۇندا ەسىرتكىگە تيىم سالۋ قولدانباسىن تاراتتى ٴارى ەسىرتكىگە تيىم سالۋ بىلىمدەرىن ٴتۇسىندىرىپ، بۇقارانىڭ سۇراۋىنا جاۋاپ بەرىپ، كوپشىلىكتى دۇرىس كوزقاراس ورناتۋعا، ەسىرتكىگە تيىم سالۋ كۇرەسىنە بەلسەنە ات سالىسۋعا، بايقالعان دەرەكتى دەر كەزىندە اشكەرەلەۋگە جەتەلەدى.
“ەسىرتكىدەن ساقتانۋ تاربيەسىندە ەرتە باستان ساقتانىپ، الدىن الۋ ساۋاتىن، ٴسوزسىز، ٴبىلۋىمىز قاجەت ، ەسىرتكىگە تيىم سالۋ ٴبىلىمى سيلىقتى سۇراۋعا جاۋاپ بەرۋ قيمىلى باستالدى. ٴبىلىم ۇيرەنىپ، سيلىق بۇيىمىن الۋعا، تەز كەلىپ قاتىناسىڭىزدار”... ەسىرتكىگە تيىم سالۋ بىلىمىنە تالاسا - تارماسا جاۋاپ بەرۋ بۋىنىندا، جۇرگىزۋشىنىڭ باسقارۋىندا، ناق مايدانداعى بۇقارا سيلىقتى سۇراۋعا بەلسەنە قاتىناستى. وسى بارىستا ولار سۇراۋعا جاپا -تارماعاي تالاسا جاۋاپ بەرگەندىكتەن، وسى قيمىلداعى ەڭ جوعارى سيلىعى ــ “ساقشى قونجىق” قۋىرشاعى ناق مايدانداعى بۇقاراعا تارتۋ ەتىلدى. وسىنداي جاڭا، قاراپايىم ۇگىت ٴتاسىلى ارقىلى ەسىرتكىگە تيىم سالۋ ٴبىلىمىن ۇتىمدى ۇگىتتەدى.
放大
