گازەتىمىزدىڭ حابارى (ٴتىلشىمىز گۇزال ابدىرەشيت حابارلايدى). 11-ايدىڭ 25 - كۇنى حالىقارالىق وتباسى زورلىق ـ زومبىلىعىن جويۋ كۇنى. 11 - ايدىڭ 24 - كۇنى ايماقتىق ايەلدەر بىرلەستىگى قالالىق ايەلدەر بىرلەستىگىمەن بىرگە، التاي قالاسى قارلى مەكەن الەۋمەتتىك اۋماعىنا بارىپ، “انار گۇلى. جەلەكتىلەردىڭ اۋىل - قىستاقتا زاڭ جالپىلاستىرۋ ساپارى”، «جۇڭحۋا حالىق رەسپۋبليكاسىنىڭ وتباسى زورلىق - زومبىلىعىنا قارسى تۇرۋ زاڭى» تاقىرىپتىق ۇگىت قيمىلىن ورىستەتىپ، وتباسى زورلىق - زومبىلىعىنا قارسى تۇرۋ زاڭ بىلىمدەرىن ونان ارى جالپىلاستىرىپ، ايەلدەر مەن بالالاردىڭ زاڭدى ۇقىق - مۇددەسىن قورعاپ، وتباسىنىڭ جاراسىمدىلىعى مەن ورنىقتىلىعىنىڭ زاڭمەن باسقارىلۋ نەگىزىن بەكەمدەدى. قيمىل ايەلدەر قاۋىمىن بەلسەنە ات سالىسۋعا باۋرادى.
قيمىلدا قاتىستى جاۋاپتى وتباسى زورلىق - زومبىلىعىنا قارسى تۇرۋ قىزمەتىنىڭ ماڭىزدى ٴمانىن تەرەڭ ٴتۇسىندىرىپ، كەيىنگى قىزمەت بەتالىسىن ايقىنداپ، كوپشىلىكتى زاڭ بىلىمدەرىن ىرىقتىلىقپەن ۇيرەنىپ، ۇقىق قورعاۋ تانىمىن كۇشەيتۋگە ۇندەدى. وسىدان كەيىن قىزمەتكەرلەر وتباسى زورلىق - زومبىلىعىنا قارسى تۇرۋ ۇندەۋ حاتىن وقىپ، بۇكىل قوعامدى وتباسى زورلىق - زومبىلىعىنا بىرگە قارسى تۇرىپ، وتباسىنىڭ جاراسىمدىلىعىن قورعاۋعا شاقىردى. سونىمەن بىرگە، قيمىلدا ادۆوكاتتاردى «جۇڭحۋا حالىق رەسپۋبليكاسىنىڭ وتباسى زورلىق - زومبىلىعىنا قارسى تۇرۋ زاڭىنىڭ» وزەكتى تارماقتارىن توڭىرەكتەي وتىرىپ تۇسىنىك جاساۋعا ۇسىنىس ەتىپ، ۇقىقتى شىنايى قورعاۋ مىسالدارىمەن ۇشتاستىرىپ، وتباسى زورلىق - زومبىلىعىن تۇراقتاندىرۋ ولشەمى، جابىرلەنۋشىنىڭ ۇقىعىن قورعاۋ جولى سياقتى شەشۋشى مازمۇنداردى ەگجەي - تەگجەيلى ٴتۇسىندىرىپ، كوپشىلىككە زاڭ قارۋى ارقىلى ٴوزىنىڭ جانە وتباسىنداعىلاردىڭ زاڭدى ۇقىق - مۇددەسىن قورعاۋدى ۇيرەتتى.
ۇگىت ـ لەكسيا اياقتاعاننان كەيىن قىزمەتكەرلەر كوپشىلىكتى وتباسى زورلىق ـ زومبىلىعىنا قارسى تۇرۋ تاقىرىپتىق ميكرو كينو «ٴۇنسىز قالماۋدى» كورۋگە ۇيىمداستىردى. كينودا وتباسى زورلىق - زومبىلىعىنىڭ زيانىن جانە جابىرلەنۋشىنىڭ ەرلىكپەن قارسىلىق كورسەتۋ، ىرىقتىلىقپەن كومەك سۇراۋ بارىسىن كورسەتۋ ارقىلى “وتباسى زورلىق - زومبىلىعىنا قارسى تۇرۋ، ٴۇنسىز قالماۋ” ۇستانىمىن تىكە جەتكىزىپ، سول مايدانداعى بۇقارانىڭ كۇشتى اڭىسىن قوزعاپ، كوپشىلىكتىڭ وتباسى زورلىق ـ زومبىلىعىنىڭ زيانى جونىندەگى تانىمىن ونان ارى كۇشەيتتى.
“بۇرىن ەلەمەي قويۋ، ياناتتاۋ وتباسى زورلىق ـ زومبىلىعىنا جاتپايدى دەپ ويلايتىنبىز، قازىر مۇنىڭ ٴبارى زاڭعا قايشى ەكەنىن، ءتىپتى، وتباسى زورلىق ـ زومبىلىعىنا جولىققاندا قالاي كومەك سۇراۋ، ۇقىقتى قالاي قورعاۋ كەرەكتىگىن اناعۇرلىم تۇسىندىك”، ـ دەدى قالا تۇرعىنى سۇن چۇنيان.
بۇل رەتكى قيمىلدىڭ ماقساتى “وتباسى زورلىق ـ زومبىلىعى ــ وتباسىنىڭ ٴىسى” دەيتىن قاتە تانىمدى تالقانداپ، ايەلدەر قاۋىمىن “ىرىقسىز قابىلداۋدان” “ىرىقتىلىقپەن زاڭنان پايدالانىپ”، قوعامدىق ورتاق تانىمدى ۇيىستىرىپ، وتباسى زورلىق - زومبىلىعىنا بىرگە قارسى تۇرۋعا جەتەلەۋ. قيمىل سوڭىندا، قىزمەتكەرلەر الەۋمەتتىك اۋماقتارعا جانە ناق مايدانداعى بۇقاراعا «جۇڭحۋا حالىق رەسپۋبليكاسىنىڭ ايەلدەردىڭ ۇقىق - مۇددەسىن قامتاماسىزداندىرۋ زاڭى» (ەڭ جاڭا وزگەرىس ەنگىزىلگەن نۇسقاسى)، «شينجياڭ ۇيعۇر اۆتونوميالى رايونىنىڭ ايەلدەردىڭ ۇقىق - مۇددەسىن قامتاماسىزداندىرۋ ەرەجەسى» كىتاپشاسىن، وتباسى زورلىق - زومبىلىعىنا قارسى تۇرۋ تاقىرىبىنداعى سۋرەتتى جارناما جانە ۇگىت كىتاپشاسىن تاراتىپ، زاڭ بىلىمدەرىن نەگىزگى ساتىعا، وتباسىلارىنا جەتكىزىلۋىن ىلگەرىلەتىپ، ٴتىپتى دە كوپ ادامدى زاڭدى بىلۋگە، زاڭدى تۇسىنۋگە، زاڭعا بويسۇنۋعا، زاڭنان پايدالانۋعا جەتەلەپ، تۇتاس قوعامدا وتباسى زورلىق - زومبىلىعىنا بىرگە قارسى تۇرۋدىڭ بىرىككەن كۇشىن ۇيىستىردى.
“وسى رەتكى قيمىلدىڭ ورىستەتىلۋى ايەلدەر قاۋىمىنىڭ وتباسى زورلىق - زومبىلىعىنا قارسى تۇرىپ، ۇقىعىن قورعاۋ تانىمى مەن قابىلەتىن ٴونىمدى جوعارىلاتىپ، ‘وتباسى زورلىق - زومبىلىعىنا قارسى تۇرىپ، ايەلدەردى ايالاۋ’ سىندى تاماشا قوعامدىق راي قالىپتاستىردى. زاڭدى جالپىلاستىرۋ ساباقحاناسىن ٴتىپتى دە كوپ الەۋمەتتىك اۋماققا، اۋىل ـ قىستاققا جەتكىزىپ، زاڭدى بۇقارا تۇسىنە الاتىن سوزدەرمەن انىق ٴتۇسىندىرىپ، جەرگىلىكتى جاعدايعا جاناساتىن تاسىلمەن ارنانى ىركىلىسسىزدەندىرىپ، ٴاربىر ايەلدىڭ زاڭنىڭ قورعاۋىندا ٴوز ۇقىق - مۇددەسىن قورعاي الۋىنا مۇمكىندىك جاسايمىز”، ـ دەدى التاي قالالىق ايەلدەر بىرلەستىگىنىڭ ۇقىق قورعاۋ كادرى ءساتيرا ابەن قىزى.
放大
