گازەتىمىزدىڭ حابارى (تىلشىلەرىمىز گۇزال ابدىرەشيت، جاڭ نان حابارلايدى). 11 - ايدىڭ 24 - كۇنى التاي ايماعىنىڭ قار ـ مۇز كاسىبىنىڭ ولشەم جۇيەسى قۇرىلىسىنىڭ باستالۋ سالتى وتكىزىلدى، ايماقتىق بازاردى باقىلاۋ ـ باسقارۋ مەكەمەسىنىڭ، ايماقتىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسىنىڭ قاتىستى جاۋاپتىلارى ناق مايداندا كەلىسىمگە قول قويىستى ٴارى نىسانداردى ىلگەرىلەتۋ ەرەجەسىن ايقىندادى، بۇل ايماقتىڭ قار ـ مۇز كاسىبىن ولشەمدەندىرۋ قۇرىلىسىنىڭ جۇيەلى ىلگەرىلەتۋ كەزەڭىنە وتكەندىگىن بىلدىرەدى.
ايماقتىڭ قار - مۇز كاسىبىنىڭ ولشەم جۇيەسى قۇرىلىسى باس شۋجي شي جينپيڭنىڭ “مۇزدى القاپ، قارلى دالا دا ــ باعالى بايلىق”، “300 ميلليون ادامدى قار - مۇز سپورتىنا قاتىناسۋعا جەتەلەۋ” ماڭىزدى نۇسقاۋىن تياناقتاندىرۋدى وزەك ەتىپ، «التاي ايماعىنىڭ قار - مۇز ساياحات كاسىبىن دامىتۋ جوباسىنىڭ (2020 ــ 2035 - جىل)» تالابىمەن تىعىز ۇشتاستىرىپ، “ادامزاتتىڭ قار شاڭعى مەكەنى” سىندى بايلىق ابزالدىلىعىن تياناق ەتىپ، نازاردى قار - مۇز كاسىبى تۇتاس تىزبەگىنىڭ ساپالىلاندىرىپ، دارەجەسىن جوعارىلاتۋ نىساناسىنا شوعىرلاندىردى. نىسان قاجەتتى باعدار ەتۋ، جاڭالىق اشۋ ارقىلى قوزعاۋشىلىق ەتۋ، سايكەستى ىلگەرىلەتۋ، اشىق، توعىسۋ پرينسيبىنە بويسۇنىپ، قار ـ مۇز ساياحاتى، سپورت، مادەنيەت، جابدىق قاتارلى سالالاردى قامتىعان ەرەكشە ولشەم جۇيەسىن قۇرادى.
ۇعىسۋعا قاراعاندا، وسى ولشەم جۇيەسى قۇرىلىسى ساتىعا ٴبولىنىپ ىلگەرىلەتىلىپ، 2025 ـ جىلى 11 ـ ايدان باستاپ قار ـ مۇز كاسىبىنىڭ ولشەمدى ماتەريالدارىن جيناۋ جانە ناق مايداندا تەكسەرۋ ـ زەرتتەۋ جۇرگىزىپ، گەنەرال تاۋى حالىقارالىق قار شاڭعى دەمالىس رايونى قاتارلى جەرلەردىڭ وزەكتى كاسىپ كۇيىن ٴتۇيىندى تۇردە ارالاپ ۇعىسادى؛ 2025 - جىلى 12 - ايدان 2026 - جىلى 11 - ايعا دەيىن ولشەمدى زەرتتەپ جاساۋ جاپپاي ورىستەتىلىپ، اۆتونوميالى رايوننىڭ كوپتەگەن جەرگىلىكتى ولشەمى مەن ۇيىمدىق ولشەمىن بەلگىلەۋدى جوسپارلايدى، ونىڭ مازمۇنى ساياحاتتىق قىزمەت وتەۋ، حاۋىپسىز جۇمىس جۇرگىزۋ، شۇعىل جاعدايعا توتەپ بەرۋ، قۇتقارۋ، كومەكتەسۋ، بەيزاتتىق مادەني مۇرالاردى قورعاۋ قاتارلى شەشۋشى سالالاردى قامتيدى. مۇندا، التايدا عانا بار “تەرى شاڭعى” بەيزاتتىق مادەني مۇراسىن قورعاۋ، پايدالانۋ ءتۇرى ارناۋلى ولشەم كاتەگورياسىنا ەنگىزىلەدى؛ بولاشاقتا ولشەمدى تەكسەرۋ، دالەلدەۋ جانە ۇگىتتەۋ، تاربيەلەۋ ارقىلى ولشەمنىڭ تياناقتانىپ، ٴونىم بەرۋىنە كەپىلدىك ەتىپ، كاسىپ سالاسىنىڭ قىزمەت وتەۋ ساپاسىنىڭ كورنەكتى جوعارىلاۋىن ىلگەرىلەتەدى.
ايماقتىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسىنىڭ 4 ـ دارەجەلى زەرتتەرمەنى لي شياۋدۇڭ بىلاي دەدى: وسى رەتكى ولشەم جۇيەسى قۇرىلىسى ايماقتىڭ ٴىرى ساياحات جوباسىمەن جانە قار ـ مۇز ساياحاتى ارناۋلى جوباسىنىڭ بەتالىسىمەن تىعىز ۇشتاسىپ، اۆتونوميالى رايوننىڭ ٴبىر توپ جەرگىلىكتى جوعارى ولشەمى مەن ۇيىمدىق ولشەمىن زەرتتەپ جاساۋ ارقىلى ولشەم جۇيەسىنىڭ التايدىڭ قار ـ مۇز كاسىبىنىڭ ٴىس جۇزىندىگىنە ۇيلەسۋىنە شىنايى كەپىلدىك ەتىپ ٴارى تياناقتاندىرىپ اتقارىپ، كاسىپ سالاسىنىڭ جوعارى ساپالى دامۋىنا بەرىك تەحنيكالىق تىرەك ازىرلەيدى.
ۇعىسۋعا قاراعاندا، التاي ايماعى وسى رەتكى باستالۋ سالتىن باستاما ەتىپ، ولشەم جۇيەسىن ورناتۋ مەن اتقارۋدى جەدەل ىلگەرىلەتىپ، ولشەمدى قۋات ۇستەۋ ارقىلى ٴداستۇرلى مادەنيەت پەن وسىزامانعى قار - مۇز كاسىبىنىڭ ىشكەرىلەي توعىسۋىن جەبەپ، بۇكىل شينجياڭنىڭ قار - مۇز كاسىبىنىڭ جوعارى ساپالى دامۋىن كوشىرىپ قولدانۋعا، جالپىلاستىرۋعا بولاتىن “التاي ۇلگىسىمەن” قامدايدى ەكەن.
放大
