گازەتىمىزدىڭ حابارى (ٴتىلشىمىز گۇزال ابدىرەشيت، پراكتيكانت ٴتىلشى ۋاڭ جيڭحۇڭ حابارلايدى). 1 - ايدىڭ 14 - كۇنى تۇستەن بۇرىن ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ماجىلىسىنە قاتىناسىپ جاتقان اۆتونوميالى وبلىستىق حالىق قۇرىلتايىنىڭ ۋاكىلدەرى ىلە وبلىستىق حالىق قۇرىلتايى تۇراقتى كوميتەتىنىڭ قىزمەت بايانداماسىن، اۆتونوميالى رايوندىق جوعارى دارەجەلى حالىق سوت مەكەمەسى ىلە وبلىستىق بولىمشە مەكەمەسىنىڭ قىزمەت بايانداماسىن، ىلە وبلىستىق حالىق پروكۋراتۋراسىنىڭ قىزمەت بايانداماسىن توڭىرەكتەي وتىرىپ تالقى وتكىزىپ، اسەرلەرىن اقتارىلا اڭگىمەلەدى. سونىمەن بىرگە، «ىلە قازاق اۆتونوميالى وبلىستىق حالىق قۇرىلتايى مەن ونىڭ تۇراقتى كوميتەتىنىڭ زاڭ شىعارۋ ەرەجەسىن (جوباسىن)» جالعاستى قارادى، ٴار دارەجەلى كانديداتتاردىڭ ەسىمدىگىن (جوباسىن) جالعاستى اقىلداستى، تالقىلادى.
اۆتونوميالى وبلىستىق حالىق قۇرىلتايىنىڭ ۋاكىلى، التاي ايماعى ۋاكىلدەر ۇيىرمەسىنىڭ ورىنباسار باستىعى، حالىق قۇرىلتايى ايماقتىق قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى سەرىك قابىكەن ۇلى ٴماجىلىستى باسقاردى.
ۋاكىلدەر ٴبىر اۋىزدان بىلاي دەپ قارادى: وبلىستىق حالىق قۇرىلتايى تۇراقتى كوميتەتىنىڭ قىزمەت بايانداماسى مەن اۆتونوميالى رايوندىق جوعارى دارەجەلى حالىق سوت مەكەمەسى ىلە وبلىستىق بولىمشە مەكەمەسىنىڭ قىزمەت بايانداماسى، ىلە وبلىستىق حالىق پروكۋراتۋراسىنىڭ قىزمەت بايانداماسى وبيەكتيۆ، شىنايى، مازمۇنى جان - جاقتىلى، نىساناسى ايقىن، ٴداۋىردىڭ تالابىنا ۇيلەسەدى، شىندىققا جۇگىنىپ، ناقتى ٴىس ىستەگەن، ۇدەرە العا تارتقان جاقسى بايانداما. 3 باياندامادا وتكەن 5 جىلدا ىستەلگەن قىزمەت پەن قول جەتكىزگەن تابىس وتە جاقسى قورىتىندىلانىپ، بۇدان بىلايعى قىزمەت ورنالاستىرۋى مەن كۇرەس نىساناسى جونىندە شىنايى اتقارۋعا بولاتىن شاراسىن العا قويدى.
ۋاكىلدەر جابال بىلاي دەدى: جاڭا ٴبىر جىلدا باياندامانىڭ ٴتۇرلى مىندەتىنىڭ تياناقتانۋىن شىنايى مىقتى يگەرىپ، اماليات بارىسىندا مىندەت اتقارۋ قابىلەتىن ۇزدىكسىز كۇشەيتىپ، حالىق قۇرىلتايى ۋاكىلدەرىنىڭ بۇقارامەن ەتەنە بولۋ، حالىقتىڭ جاعدايىن تەكسەرۋ، حالىقتىڭ اقىل ـ پاراساتىن شوعىرلاندىرۋ، حالىق تۇرمىسىنا تيىمدىلىك جاساۋ سياقتى فۋنكتسيالىق رولىن اناعۇرلىم ويداعىداي ساۋلەلەندىرىپ، اناعۇرلىم تاسقىنداعان رۋحاني كۇيمەن جانە قايراتتانا العا ۇمتىلاتىن سانالى ارەكەتپەن اۆتونوميالى وبلىستىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتەمىز.
اۆتونوميالى رايوندىق جوعارى دارەجەلى حالىق سوت مەكەمەسى ىلە وبلىستىق بولىمشە مەكەمەسىنىڭ قىزمەت بايانداماسىن، ىلە وبلىستىق حالىق پروكۋراتۋراسىنىڭ قىزمەت بايانداماسىن قاراعان كەزدە، ۋاكىلدەر بىلاي دەپ قارادى: اۆتونوميالى رايوندىق جوعارى دارەجەلى حالىق سوت مەكەمەسى ىلە وبلىستىق بولىمشە مەكەمەسى، ىلە وبلىستىق حالىق پروكۋراتۋراسى نەگىزگى زاڭ مەن زاڭداردا جۇكتەلگەن مىندەتىن ادالدىقپەن وتەدى، باياندامادا ناقتى ساندى مالىمەتتەر، باي مازمۇندى مىسال ارقىلى بۇكىل وبلىستاعى سوت مەكەمەلەرى مەن پروكۋراتۋرا ورگاندارىنىڭ نەگىزگى زاڭ مەن زاڭداردا جۇكتەلگەن مىندەتىن ادالدىقپەن اتقارعاندىعىن ايگىلەپ، بۇكىل وبلىستىڭ جوعارى ساپالى دامۋىنىڭ ارەكەت قۋاتىن، اتقارۋ قۋاتىن ىرىقتىلىقپەن قورعادى. باياندامادا جالپى جاعدايدى تياناق ەتىپ، وبيەكتيۆ، جان ـ جاقتى، ناقتى ىستەرگە قايىرىلا قاراپ، قورىتىندىلاپ جانە ورنالاستىرۋ جاساپ، وزەكتى جالپى جاعدايعا ۇيلەسەتىن، قىزمەت ٴىس جۇزىندىگىنە ۇيلەسەتىن، حالىقتىڭ تىلەگىنە جاۋاپ قايتاراتىن، ادىلدىك پەن ادىلەتتىلىكتى ايگىلەيتىن جاقسى بايانداما. ۋاكىلدەر وسى ەكى باياندامانى ٴبىر اۋىزدان قۇپتادى ٴارى اۆتونوميالى رايوندىق جوعارى دارەجەلى حالىق سوت مەكەمەسى ىلە وبلىستىق بولىمشە مەكەمەسىنىڭ، ىلە وبلىستىق حالىق پروكۋراتۋراسىنىڭ “ٴادىليانى حالىق ٴۇشىن جۇرگىزۋگە، ٴادىليادا ٴادىل بولۋعا” ۇزدىكسىز تاباندى بولىپ، اناعۇرلىم جوعارى ساياسي دەڭگەيمەن، اناعۇرلىم كۇشتى زاڭمەن باسقارۋ جاۋاپكەرشىلىگىمەن، اناعۇرلىم تەرەڭ حالىقشىلدىق سۇيىسپەنشىلىكپەن، اناعۇرلىم ناقتى قىزمەت شاراسىمەن حالىق بۇقاراسىنىڭ زاڭمەن باسقارۋ قۇرىلىسىنا دەگەن تابىس سەزىمى مەن رازىلىعىن ۇزدىكسىز جوعارىلاتىپ، ىلە وبلىسىنىڭ جوعارى ساپالى دامۋىن ىلگەرىلەتۋدى ٴادىليالىق جاقتان پارمەندى كەپىلمەن قامداۋىن ۇسىنىس ەتتى.
اۆتونوميالى وبلىستىق حالىق قۇرىلتايىنىڭ ۋاكىلى، التاي ايماقتىق ونەركاسىپشىلەر مەن ساۋداگەرلەر بىرلەستىگىنىڭ (باس ساۋدا قوعامىنىڭ) ورىنباسار باستىعى، قابا اۋدانى ايلان ساۋدا شەكتى سەرىكتەستىگىنىڭ باس ديرەكتورى لي يۇڭجۇن بىلاي دەدى: ىلە وبلىستىق حالىق قۇرىلتايى تۇراقتى كوميتەتىنىڭ قىزمەت بايانداماسىن تىڭداعاننان كەيىن، بۇكىل وبلىستىڭ ٴتۇرلى ىستەرىنىڭ ورنىقتىلىق بارىسىندا ىلگەرىلەگەندىگىن، ۇزدىكسىز جاقسارعاندىعىن تەرەڭ سەزىندىم. حالىقتىق كاسىپورىننىڭ ۋاكىلى رەتىندە، وسىنى وراي ەتىپ، مىندەتىمدى مۇقيات اتقارىپ، جاۋاپكەرشىلىگىمدى ادا ەتىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، قوعام ٴۇشىن اناعۇرلىم كوپ كاسىپورىن جاۋاپكەرشىلىگىن ارقالاپ، حالىق قۇرىلتايى ۋاكىلدەرىنىڭ تاماشا قوعامدىق وبرازىن ورناتامىن. 2025 ـ جىلى تەحنيكادا جاڭالىق اشۋدى جەدەلدەتىپ، ٴونىم مەن قىزمەت وتەۋدى ۇزدىكسىز ساپالىلاندىرىپ، التاي ايماعى ەكونوميكاسىنىڭ جوعارى ساپالى دامۋىنا كۇش قوسامىن.
放大
