(باسى 1 ـ بەتتە) شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، 2024 ـ جىلعى ٴتۇرلى قىزمەتتەردى جۇيەلى قورىتىندىلاپ، 2025 ـ جىلعى ٴتۇيىندى مىندەتتەردى ورنالاستىرىپ، سەنىمدى، بەكىمدى ونان ارى بەكەمدەپ، ستراتەگيالىق تۇراقتىلىقتى ساقتاپ، باتىلدىقپەن ٴورىس اشا العا ىلگەرىلەپ، جوعارى ساپالى دامۋدىڭ ٴىس جۇزىندىك ناتيجەلەرى ارقىلى جۇڭگو ۇلگىسىندەگى وسىزامانداندىرۋدىڭ التاي تاراۋىن قۇلشىنا جازدى.
ايماقتىق پارتكومنىڭ شۋجيى شيە شاۋدي ٴماجىلىستى باسقاردى ٴارى قىزمەتتەن بايانداما جاسادى. ايماقتىق پارتكومنىڭ ورىنباسار شۋجيى، ايماقتىق اكىمشىلىك مەكەمەسىنىڭ ٴۋاليى جەڭىس قادىس ۇلى ەكونوميكالىق قىزمەت جونىندە ارناۋلى تاقىرىپتا ٴسوز سويلەدى.
ماجىلىستە بىلاي دەپ قارالدى: 2024 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، التاي ايماقتىق پارتكوم بۇكىل ايماقتاعى ٴار ۇلت كادر - بۇقاراسىن ىنتىماقتاستىرىپ، باستاپ، “ەكىنى تۇراقتاندىرۋدى” باتىل قولداپ، “ەكىنى قورعاۋدى” باتىل ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، رەفورمانى ونان ارى جاپپاي تەرەڭدەتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جوعارى ساپالى دامۋ بەتالىسى ويداعىداي بولىپ، رەفورما جاساۋ، ەسىك اشۋعا كۇش توپتاپ، حالىق تۇرمىسىن قامتاماسىز ەتۋگە كۇش سالىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىن ساقتاپ، پارتيا قۇرىلىسىن جاپپاي كۇشەيتىپ، ايبىندى دا جالىندى التاي جاۋابىن تاپسىردى، التايدىڭ مەيىرگە تولى تانىسقىسىن كورسەتىپ، قيىنشىلىقتان جاسقانبايتىن التايدىڭ جاۋاپكەرشىلىگىن، سەنىمدى، ٴوزىن الۋەتتەندىرەتىن التاي كەلبەتىن ايگىلەپ، ايماقتىڭ رەفورما، دامۋ، ورنىقتىلىق قىزمەتتەرىندە اناعۇرلىم نىق قادام تاستادى.
ماجىلىستە مىنالار اتاپ كورسەتىلدى: وسى ناتيجەلەرگە قول جەتكىزۋ، سايىپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە جول باستاپ، رول ۇستاۋىندا، سايىپ كەلگەندە، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرۋگە تاباندى بولۋدا، اۆتونوميالى رايوندىق پارتكومنىڭ، حالىق ۇكىمەتىنىڭ پارمەندى باسشىلىعىندا ٴارى بۇكىل ايماقتا جوعارىدان تومەنگە دەيىن جاپا - ماشاقاتتا بىرگە بولىپ، قاجىرلىلىقپەن ناقتى ىستەۋىندە. سونىمەن ٴبىر ۋاقىتتا، التايدىڭ رەفورما، دامۋ، ورنىقتىلىق مىندەتىنىڭ ٴالى دە جاپالى ەكەنىن، ٴالى دە كوپتەگەن قيىنشىلىقتار مەن سىن ـ سايىستارعا ٴدوپ كەلىپ وتىرعانىن سەرگەكتىكپەن تانۋ كەرەك. ٴبىز پارتيا ورتالىق كوميتەتىنىڭ، اۆتونوميالى رايوندىق پارتكومنىڭ التاي جونىندەگى ستراتەگيالىق ورنى مەن ستراتەگيالىق تولعانىسىن تەرەڭ ٴتۇسىنىپ، قىزمەتتىڭ ىرىقتىلىق ۇقىعىن مىقتى يگەرىپ، جاعدايدى، ورايدى جىعا تانىپ، سەنىمدى، بەكىمدى بەكەمدەپ، التاي ەرەكشەلىگىنە يە جوعارى ساپالى دامۋ جولىمەن ٴجۇرۋدى جەدەلدەتۋىمىز كەرەك.
ماجىلىستە مىنالار باسا دارىپتەلدى: 2025 ـ جىل “14 ـ بەسجىلدىق” جوبانىڭ سىرگە جيار جىلى، “15 ـ بەسجىلدىق” جوبا جونىندە جوبا ـ جوسپار، ورنالاستىرۋ جاسايتىن جىل، بيىلعى قىزمەتتەردى ويداعىداي ىستەۋدىڭ ماڭىزى زور. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ ورنالاستىرۋى بويىنشا، شينجياڭ قىزمەتىنىڭ باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى قىزمەتتىڭ نەگىزگى جەلىسى ەتىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، ەكونوميكانىڭ، قوعامنىڭ جوعارى ساپالى دامۋىن تاباندىلىقپەن ىلگەرىلەتىپ، اۆتونوميالى رايوننىڭ “10 ٴىرى كاسىپ سالاسى شوعىرى” قۇرىلىسىمەن جاپپاي توعىسىپ، “14 ـ بەسجىلدىق” جوباداعى نىسانا ـ مىندەتتەردى تابىسپەن ورىنداپ، “15 ـ بەسجىلدىق” جوبانىڭ تاماشا باستاماسىن جۇزەگە اسىرۋعا بەرىك نەگىز قالاۋ كەرەك.
ماجىلىستە مىنالار باسا دارىپتەلدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن بۇلجىماي، تولىق، دالمە - ٴدال، جاپپاي دايەكتىلەندىرىپ، ساياسي بەتالىستى مىقتاپ يگەرىپ، يدەيالىق نەگىزدى بەكەمدەپ، بەتالىستان اۋىتقىماۋدى، وزگەرمەۋدى باتىل ورىنداپ، قوعامدىق باسقارۋدى وسىزامانداندىرۋ دەڭگەيىن جاپپاي جوعارىلاتۋعا ۇزدىكسىز كۇش سالىپ، نىق قاداممەن الىسقا جول تارتىپ، التايدىڭ ٴتۇرلى قىزمەتتەرىن تۋراشىلدىقتان جازباي، جاڭالىق اشۋعا، تولقىن جارا العا ىلگەرىلەۋگە جەتەلەۋ كەرەك.
ماجىلىستە مىنالار باسا دارىپتەلدى:قوعامدىق جالپى جاعدايدىڭ ٴۇرتىس ورنىقتى، ۇزاق ۋاقىت ورنىقتى بولۋىن باتىل قورعاپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى ۇدايىلاندىرۋدى ىشكەرىلەي ىلگەرىلەتىپ، شينجياڭعا ساياتىن سىرتقا قاراتىلعان كۇرەستى بەلسەندى، ىرىقتى تۇردە ورىستەتىپ، قوعام ورنىقتىلىعىن قورعاۋ جاۋاپكەرشىلىك ٴتۇزىمىن جاپپاي تياناقتاندىرىپ، ەلەۋلى حاۋىپ ـ قاتەردەن ساقتانۋ جانە ونى جويۋ جاعىندا دالمە ـ ٴدال شارا قولدانىپ، تومەنگى شەكتى بەرىك ساقتاپ، اناعۇرلىم جوعارى دەڭگەيدەگى تىنىش التاي قۇرۋ كەرەك.
ماجىلىستە مىنالار باسا دارىپتەلدى: جۇڭحۋا ۇلتى ورتاق تۇلعا قۇرىلىسىن ىشكەرىلەي، ناقتى ىستەۋگە تاباندى بولىپ، جۇڭحۋا ۇلتى ورتاق تۇلعا تانىمىن بەكەمدەۋ ٴتۇزىمى مەحانيزمىن اقاۋسىزداندىرىپ، كەمەلدەندىرىپ، شينجياڭدى مادەنيەتپەن نارلەندىرۋدى ىشكەرىلەي ورىستەتىپ، ەلىمىزدە ٴدىندى جۇڭگوشالاندىرۋ بەتالىسىنا تاباندى بولىپ، جاڭا داۋىردەگى ۇلتتار ىنتىماعى العاباسارلىعى ىستەرىن ىلگەرىلەتۋگە ۇزدىكسىز كۇش سالىپ، ۇزاق ۋاقىت ۇلەس قوسىپ، التايدىڭ ۇلتتار ىنتىماعىنىڭ تاماشا جاعدايىن بەكەمدەۋ كەرەك.
ماجىلىستە مىنالار باسا دارىپتەلدى: جاڭا دامۋ ۇستانىمىن تولىق، دالمە - ٴدال، جاپپاي دايەكتىلەندىرىپ، اۆتونوميالى رايوننىڭ “10 ٴىرى كاسىپ سالاسى شوعىرى” قۇرىلىسىمەن جاپپاي توعىسىپ، ابزال بايلىقتى كادەگە جاراتۋعا، كاسىپ قۇرىلىمىن ساپالىلاندىرۋعا كۇش سالىپ،ناقتى ونىمدىككە تالپىنۋ كەرەك. جاسىل كەن كاسىبىندە كومەسكى مولشەردى اشىپ، ارتۋ مولشەرىن كەڭەيتۋ، تازا ەنەرگيادا ٴوندىرىس قۋاتىن جوعارىلاتۋ، تىزبەكتى كەڭەيتۋ، مادەنيەت - ساياحات كاسىبىندە مازمۇنىن بايىتىپ، كولەمىن كەڭەيتۋ، اۋىل شارۋاشىلىق كاسىبىندە تيپىن وزگەرتىپ، دارەجەسىن جوعارىلاتۋ، ساپاسىن جوعارىلاتىپ، ونىمدىلىگىن ارتتىرۋ، جاڭادان گۇلدەنگەن كاسىپتەردى ساپالى ورنالاستىرۋ، ساتىلى جەتىلدىرۋ، وسىزاماندانعان كاسىپ جۇيەسىن جەدەل ورناتىپ، جوعارى ساپالى دامۋدى تىڭعىلىقتى ىلگەرىلەتۋ جاعىندا بەلسەنە ٴىس تىندىرىپ، ورنىقتىلىق بارىسىندا ىلگەرىلەۋ كەرەك.
ماجىلىستە مىنالار باسا دارىپتەلدى: ەكى بازاردان، ەكى ٴتۇرلى بايلىقتان ٴبىر تۇتاس ويداعىداي پايدالانىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىمەن بەلسەنە توعىسىپ، سىرتقا ەسىك اشۋ دەڭگەيىن كۇش سالا جوعارىلاتىپ، وتكەل ەكونوميكاسىن زورايتىپ، كۇشەيتىپ، ساۋداگەر شاقىرىپ قارجى ەنگىزۋ سەرپىنىن ارتتىرىپ،شارۋاشىلىق - ساۋدا ورتاسىن ۇزدىكسىز ساپالىلاندىرىپ، ىشكى سۇرانىستىڭ قوزعاۋشى كۇشىن ارتتىرىپ، ىشكە، سىرتقا ەسىك اشۋدىڭ جاڭا ابزالدىلىعىن سومداپ، جوعارى دەڭگەيدەگى سىرتقا ەسىك اشۋدىڭ جاڭا بيىگىن قالىپتاستىرۋدا ومىرشەڭدىك كۇشتى قاۋلاتىپ، قابىلەت دەڭگەيىن جوعارىلاتۋ كەرەك.
ماجىلىستە مىنالار باسا دارىپتەلدى: عىلىم ـ تەحنيكا ارقىلى التايدى گۇلدەندىرۋ، دارىندىلار ارقىلى التايدى قۇدىرەتتەندىرۋ ستراتەگياسىن ىشكەرىلەي اتقارىپ، جوعارى ساپالى وقۋ ـ اعارتۋ جۇيەسىن جەدەل قۇرىپ، عىلىم ـ تەحنيكادا جاڭالىق اشۋ قابىلەتىن جوعارىلاتىپ، جوعارى ساپالى دارىندىلار قوسىنىن قۇرىپ، وقۋ ـ اعارتۋدى قامتاماسىز ەتۋ، عىلىم ـ تەحنيكا قۋاتى، دارىندىلار تىرەگى جۇيەسىن ورناتىپ جانە كەمەلدەندىرىپ، وقۋ ـ اعارتۋ، عىلىم ـ تەحنيكا دارىندىلارىنىڭ دامۋ دەڭگەيىن جاپپاي جوعارىلاتۋعا جۇيەلى كۇش سالىپ، دارەجەسىن جوعارىلاتۋ كەرەك.
ماجىلىستە مىنالار باسا دارىپتەلدى: جاڭاشا قالا ـ قالاشىقتاندىرۋ مەن اۋىل ـ قىستاقتى جاپپاي گۇلدەندىرۋدى ٴبىر تۇتاس ىلگەرىلەتىپ، قالا ارقىلى اۋىلدى جەتەلەۋدى، اۋىل ارقىلى قالانى جەبەۋدى ىلگەرىلەتىپ، قالانىڭ فۋنكتسيالىق ساپاسىن جوعارىلاتىپ، اۋدان وڭىرىندىك ەكونوميكالىق كاسىپتەردى زورايتىپ، قالا مەن اۋىلدىڭ ٴبىر تۇلعالانعان دامۋ جاعدايىن جەدەل قالىپتاستىرىپ، وڭىرلەردىڭ سايكەستى دامۋىن جاپپاي ىلگەرىلەتۋ جاعىندا جۇيەلى جوبا جاساپ، ٴبىرىن ـ ٴبىرى جەبەپ، بىرگە ىلگەرىلەۋ كەرەك.
ماجىلىستە مىنالار باسا دارىپتەلدى: ەكونوميكالىق، قوعامدىق دامۋعا اناعۇرلىم كوپ ساياسي ٴمان بەرىپ، دامۋ بارىسىندا حالىق تۇرمىسىن قامتاماسىز ەتىپ جانە جاقسارتىپ، تولىق جۇمىسقا ورنالاستىرۋ ارقىلى كىرىستى ارتتىرۋدى جەبەۋگە، ەمدەۋ ساپاسىن جوعارىلاتىپ، سالاماتتىقتى قورعاۋعا، قامتاماسىز ەتۋدى كۇشەيتۋگە، تومەنگى شەكتەن تۇسىرمەۋگە تاباندى بولىپ، حاۋىپ ـ قاتەردەن ساقتانۋدان، حاۋىپسىزدىككە كەپىلدىك ەتۋدەن جازباي، حالىق تۇرمىسىنا قاتىستى ناقتى ىستەردى ويداعىداي ىستەۋ جاعىندا حالىق تۇرمىسىن جاقسارتىپ، جۇرت تىلەگىن ۇيىستىرۋ كەرەك.
ماجىلىستە مىنالار باسا دارىپتەلدى:ەكولوگيالىق ورتانى قورعاۋدى جانە جۇيەلى جونگە سالۋدى كۇشەيتىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن اناعۇرلىم جوعارى ولشەممەن ىلگەرىلەتىپ، سۋ بايلىعىن ورنالاستىرۋدى عىلمي ساپالىلاندىرىپ، ٴتۇيىندى سۋ يگىلىگى ينجەنەريا نىساندارى قۇرىلىسىن جەدەلدەتىپ، جاسىل، تومەن كومىرتەكتى دامۋدى امالياتتا ايگىلەپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن ىلگەرىلەتىپ، كورىكتى التاي قۇرىلىسىن ىشكەرىلەي ىلگەرىلەتۋ جاعىندا قالتقىنى، نەگىزدى بەكەمدەۋ كەرەك.
ماجىلىستە مىنالار باسا دارىپتەلدى: “بيڭتۋان مەن جەرگىلىكتى ورىن ٴبىر تۇتاس جۇيە” يدەياسىن بەرىك ورناتىپ، بيڭتۋاننىڭ رەفورمانى تەرەڭدەتۋىن بار كۇشپەن قولداپ، كەلەلى نىسان قۇرىلىسىن بىرگە جوبالاپ، ىلگەرىلەتىپ، بيڭتۋان مەن جەرگىلىكتى ورىننىڭ ٴار دارەجەلى ۇدايىلانعان بايلانىس جاساۋ، سايكەستىرۋ مەحانيزمىن كەمەلدەندىرىپ، بيڭتۋان مەن جەرگىلىكتى ورىننىڭ توعىسپالى دامۋىن جەبەۋ جاعىندا تەرەڭدەي كىرىگىپ، بىرگە قۇرىپ، بىرگە يگىلىكتەنۋ كەرەك.
ماجىلىستە مىنالار باسا دارىپتەلدى: پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى، رۋحتى سومداۋعا تاباندى بولىپ، نەگىزگى تاقىرىپتىق تاربيە مەن پارتيا ٴتارتىبىن ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەپ، كەڭەيتىپ، ٴار دارەجەلى باسشىلىق القالار مەن كادرلار، دارىندىلار قوسىنى قۇرىلىسىن كۇشەيتىپ، دۇرىس قىزمەت ناتيجەسى كوزقاراسىن ورناتىپ جانە امالياتتا ايگىلەپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، پارتيانىڭ حالىق قۇرىلتايىنا، ساياسي كەڭەسكە جانە بۇقارالىق ۇيىمدارعا باسشىلىعىن كۇشەيتىپ، ارميا مەن جەرگىلىكتى ورىننىڭ بايلانىسىن ونان ارى قويۋلاتىپ، شينجياڭعا باعىتتامالى كومەكتەسۋ قىزمەتىن تىڭعىلىقتى ىستەپ، ىنتىماقتاسا العا ۇمتىلۋدىڭ بىرىككەن كۇشىن ۇزدىكسىز ۇيىستىرۋ كەرەك.
ماجىلىستە مىنالار باسا دارىپتەلدى: بيىلعى قىزمەتتەردى ويداعىداي ىستەۋدە التايدىڭ رەفورما، دامۋ، ورنىقتىلىق قىزمەتتەرىن بۇكىل پارتيانىڭ، بۇكىل ەلدىڭ جالپى جاعدايى تۇرعىسىنان ىرىقتىلىقپەن تۇراقتاندىرىپ جانە ورنالاستىرىپ، ساياسي دەڭگەيدى جوعارىلاتىپ، تياناقتاندىرۋدى يگەرىپ، قىزمەت شارالارىن اشالاپ، تياناقتاندىرۋدى يگەرىپ، جاۋاپكەرشىلىك ارقالاۋدى، ىسكەرلىك كورسەتۋدى كۇشەيتىپ، تياناقتاندىرۋدى يگەرىپ، 2025 ـ جىلعى ەكونوميكالىق، قوعامدىق دامۋدىڭ ٴتۇرلى نىسانا ـ مىندەتتەرىن قۇلشىنا ورىنداۋ كەرەك. كوكتەم مەرەكەسى تاياپ قالدى، حاۋىپسىزدىككە، قامداۋعا، ىركىلىسسىزدىككە كەپىلدىك ەتۋ قىزمەتتەرىن تىڭعىلىقتى ىستەپ، حالىق بۇقاراسىنىڭ مەرەكەنى شات ـ شادىمان وتكىزۋىنە كەپىلدىك ەتۋ كەرەك.
ماجىلىستە مىنانى ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، سەنىمدى بەكەمدەپ، شىنايى يگەرىپ، ناقتى ىستەپ، ەرلىكپەن العا ۇمتىلىپ، ايماقتىڭ رەفورما، دامۋ، ورنىقتىلىق جاڭا جاعدايىن قۇلشىنا اشىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا التايدىڭ جاۋاپكەرشىلىگىن ايگىلەپ، التاي ۇلەسىن قوسىپ، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الايىق!
ايماقتىڭ ٴتورت باسشىلىق القاسىنىڭ مۇشەلەرى، بيڭتۋان 10 - شى بەيتۇن قالاسىنداعى قاتىستى جولداستار، ايماقتىق ورتا دارەجەلى حالىق سوت مەكەمەسى مەن بولىمشە پروكۋراتۋرانىڭ نەگىزگى جاۋاپتى جولداستارى؛ ايماقتىق پارتكومنىڭ بولىمدەرىنىڭ، كوميتەتتەرىنىڭ، كەڭسەلەرىنىڭ، ايماققا توتە قاراستى تاراۋلاردىڭ (ورىنداردىڭ)، كاسىپورىن، ٴىسورىندارىنىڭ، التايدا تۇراتىن ورىنداردىڭ پارتيا، ۇكىمەت ورىندارىنىڭ نەگىزگى جاۋاپتى جولداستارى؛ ايماقتاعى اۆتونوميالى رايوننىڭ “ەكى ۋاكىل، ٴبىر مۇشەسى”، ايماقتاعى دەمالىسقا، پەنسياعا شىققان قارت كادرلاردىڭ ۋاكىلدەرى؛ اۋدانداردىڭ (قالانىڭ) پارتيا، ۇكىمەت ورىندارىنداعى نەگىزگى جاۋاپتى جولداستار نەگىزگى ٴماجىلىس ورنىندا ماجىلىسكە قاتىناستى. ٴماجىلىس تەلەۆيزور ـ تەلەفون ٴماجىلىسى فورماسىندا اشىلدى، اۋدانداردا (قالادا)، اۋىل ـ قالاشىقتاردا (كوشە ٴىس باسقارماسىندا) بولىمشە ٴماجىلىس ورنى ورنالاستىرىلدى.
放大
