گازەتىمىزدىڭ حابارى (ٴتىلشىمىز چاڭ يرۋ، پراكتيكانت ٴتىلشى پىڭ لينحاي حابارلايدى). شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدىڭ التاي امالياتىن ناقتى، جاندى، ٴونىمدى تۇردە ىلگەرىلەتۋ ٴۇشىن، التاي ايماقتىق پارتكوم 1 - ايدىڭ 13 - كۇنى ايماقتىق پارتكوم نازاريا ۇيرەنۋ وزەكتى گرۋپپاسىنىڭ ارناۋلى تاقىرىپتىق پىسىقتاۋ، ۇيرەنۋ ٴماجىلىسىن جانە ”التىنتاۋ ساباقحاناسى“ اتىنداعى جۇڭحۋا ۇلتى ورتاق تۇلعا تانىمىن بەكەمدەۋ ارناۋلى تاقىرىپتىق لەكسياسىن وتكىزدى.
وسى رەتكى لەكسيادا ارنايى ۇسىنىس ەتىلگەن ورتالىق ۇلتتار كادرلارى شۋەيۋانىنىڭ جەتەكشى مامانى، اعا زەرتتەۋشى ليۋ باۋميڭ باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋدى، دايەكتىلەندىرۋدى ارقاۋ ەتىپ، مەملەكەتتىك ۇلتتار ىنتىماعى العاباسارلىعى جونىندەگى ماداقتاۋ ـ سيلاۋ جينالىسىنىڭ رۋحىن، سونداي - اق پارتيا ورتالىق كوميتەتىنىڭ ۇلت قىزمەتى جونىندەگى كەلەلى شەشىمدەرى مەن ورنالاستىرۋلارىنىڭ رۋحىن ىشكەرىلەي ۇيرەنۋدى، دايەكتىلەندىرۋدى ارقاۋ ەتىپ، ارناۋلى تاقىرىپتا پىسىقتاۋ جاساپ، ۇلت ماسەلەسىن شەشۋدىڭ جۇڭگوشا دۇرىس جولىنىڭ مازمۇنى مەن ەرەكشەلىگىن تەرەڭ ٴتۇسىندىردى، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋ ارقىلى جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋدە مىقتى يگەرۋگە ٴتيىستى بىرنەشە نەگىزگى ماسەلەنى تەرەڭ ٴتۇسىندىردى.
ايماقتىق پارتكوم پارتيا مەكتەبىنىڭ وقىتۋشىسى يىن گىن بىلاي دەدى: بۇل رەتكى ساباقتىڭ تاقىرىبى ايقىن، مازمۇنى باي بولىپ، كوز ايامىزدى كەڭەيتىپ، وي جەلىمىزگە شابىت بەردى. بۇدان كەيىن ۇلتتار ىنتىماعى العاباسارلىعى قىزمەتىن ۇزدىكسىز كۇشەيتۋىمىز، جۇڭحۋا ۇلتى ورتاق تۇلعا تانىمىن بەكەمدەۋ تاربيەسىن ويداعىداي ورىستەتۋىمىز جونىنەن كەلەلى مانگە يە. وسى رەتكى ۇيرەنۋدى وراي ەتە وتىرىپ، جۇڭحۋا ۇلتى ورتاق تۇلعا تانىمىن تاباندىلىقپەن بەكەمدەپ، جۇڭحۋا ۇلتىنىڭ دامۋ تاريحى جونىندەگى تانىمدى ۇزدىكسىز تەرەڭدەتىپ، وتان تۇتاستىعىن قورعاۋداعى جانە ۇلتتار ىنتىماعى العاباسارلىعىن ىلگەرىلەتۋدەگى بورىشتىلىق سەزىمىمىزدى، جاۋاپكەرشىلىك سەزىمىمىزدى شىنايى كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ تەلەگەي كۇشىن ۇزدىكسىز ۇيىستىرامىز.
ليۋ بين، لان شىڭشين، حى تيانپيڭ، ليۋ بيڭچيڭ، ۋاڭ يۇن قاتارلى ايماقتىڭ ٴتورت باسشىلىق القاسىنداعى باسشىلار، باس حاتشىلار، ورىنباسار باس حاتشىلار؛ ايماقتىق ورتا دارەجەلى حالىق سوت مەكەمەسىندەگى، بولىمشە پروكۋراتۋراداعى نەگىزگى جاۋاپتى جولداستار؛ ايماقتىق پارتكومنىڭ ٴبولىم، كوميتەت، كەڭسەلەرىندەگى، ايماققا توتە قاراستى تاراۋلار مەن ورىندارداعى، كاسىپورىندار مەن ٴىس ورىندارىنداعى، التايدا تۇراتىن ورىندارداعى نەگىزگى جاۋاپتى جولداستار؛ ايماقتىق پارتكوم پارتيا مەكتەبىندەگى وقىتۋشىلاردىڭ ۋاكىلدەرى، ايماققا توتە قاراستى مەكتەپتەر مەن شۋەيۋانداعى وقىتۋشىلار مەن باسقارۋ قىزمەتكەرلەرىنىڭ ۋاكىلدەرى، ۇگىت - مادەنيەت سالاسىنداعى، بىرلىكساپ سالاسىنداعى قىزمەتكەرلەر ۋاكىلدەرى نەگىزگى ٴماجىلىس ورنىندا ۇيرەنۋگە قاتىناستى. ٴماجىلىس تەلەۆيزور - تەلەفون ٴماجىلىسى فورماسىندا اشىلدى، اۋدانداردا، قالادا بولىمشە ٴماجىلىس ورنى ورنالاستىرىلدى.
放大
