第02版:要闻 2025年01月16日

التاي ايماعىنىڭ ۋاكىلدەر ۇيىرمەسى گرۋپپالارعا ٴبولىنىپ جالعاستى قارادى

  

  گازەتىمىزدىڭ حابارى (ٴتىلشىمىز گۇزال ابدىرەشيت، پراكتيكانت ٴتىلشى ۋاڭ جيڭحۇڭ حابارلايدى). 1 ـ ايدىڭ 13 ـ كۇنى تۇستەن بۇرىن ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ماجىلىسىنە قاتىناسىپ جاتقان التاي ايماعىنىڭ ۋاكىلدەر ۇيىرمەسى وزدەرى تۇرعان جەردە گرۋپپالارعا ٴبولىنىپ، ۇكىمەت قىزمەتىنەن باياندامانى، جوسپار بايانداماسىن جانە مەجە ەسەپ بايانداماسىن جانە ونىڭ جوباسىن جالعاستى قارادى. «ىلە قازاق اۆتونوميالى وبلىستىق حالىق قۇرىلتايى مەن ونىڭ تۇراقتى كوميتەتىنىڭ زاڭ شىعارۋ ەرەجەسىن (جوباسىن)» قارادى، كانديداتتاردىڭ ەسىمدىگىن (جوباسىن) اقىلداستى، تالقىلادى.

  اۆتونوميالى وبلىستىق حالىق قۇرىلتايىنىڭ ۋاكىلى، التاي ايماعى ۋاكىلدەر ۇيىرمەسىنىڭ ورىنباسار باستىعى، حالىق قۇرىلتايى ايماقتىق قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى    سەرىك قابىكەن ۇلى ٴماجىلىستى باسقاردى.

  اۆتونوميالى وبلىستىق حالىق قۇرىلتايىنىڭ ۋاكىلى، قابا اۋداندىق جەكە كاسىپكەرلەر قوعامىنىڭ باستىعى،      سۋ چىڭگۇي اۋىز قۋىسىن ەمدەۋ ورنىنىڭ زاڭدىق ۋاكىلى سۋ چىڭگۇي بىلاي دەدى: ۇكىمەت قىزمەتىنەن بايانداما جان ـ جاقتى، وبيەكتيۆ، شىندىقتى ٴىس جۇزىنەن ىزدەگەن، مىندەت نىساناسى         ٴىس جۇزىندىككە جاناسىمدى، شاراسى ناقتى بولىپ جۇرتتى جەلپىندىرىپ، كەلەسى قادامداعى قىزمەتتى جاقسى ىستەۋ سەنىمىمىز بەن بەكىمىمىزدى كۇشەيتتى. بۇدان بىلاي، ٴوز مىندەتىمدى ۇزدىكسىز اتقارىپ، حالىق تۇرمىسىنداعى ناقتى ىستەرگە قاداعالاي نازار اۋدارىپ، بۇقارانىڭ ات سالىسۋ بەلسەندىلىگىن قوزعاپ، حالىق قۇرىلتايى ۋاكىلدەرىنىڭ كوپىرلىك - دانەكەرلىك رولىن بار كۇشپەن ويداعىداي ساۋلەلەندىرەمىن.

  اۆتونوميالى وبلىستىق حالىق قۇرىلتايىنىڭ ۋاكىلى، بۋىرشىن اۋدانى بۋىرشىن قالاشىعى بۋىرشىن وزەنى الەۋمەتتىك اۋماعىنىڭ كادرى جۇلدىز بەجەنقان قىزى بىلاي دەدى: ۇكىمەت قىزمەتىنەن باياندامانى دەن قويا تىڭداعاننان كەيىن، ەڭ ۇلكەن اسەرىم بيىكتىك، تەرەڭدىك، جىلۋلىق بولدى. بۇل بايانداما ٴارى ناتيجە ٴتىزىمى، ٴارى مىندەت حاتى، ونان دا ماڭىزدىسى، اتتانىسقا كەلتىرۋ بۇيرىعى بولىپ، جۇرت كوڭىلىن جەلپىندىرىپ، ادامدى العا باسۋعا شابىتتاندىرادى. الەۋمەتتىك اۋماق كادرى رەتىندە، تەرەڭ شابىت الۋمەن بىرگە، ارقالاعان جاۋاپكەرشىلىگىم جونىندە دە جاڭا تانىمعا يە بولدىم. بۇدان كەيىن ەكى ٴماجىلىستىڭ رۋحىن حالىق بۇقاراسىنا جەتكىزىپ، حالىق جاعدايىن، حالىق تىلەگىن بەلسەنە جيناپ، كوپشىلىكتىڭ ماسەلەنى بايقاۋىنا، ماسەلەنى شەشۋىنە كومەكتەسىپ، ٴىس جۇزىندىك ارەكەتىم ارقىلى حالىق قۇرىلتايى ۋاكىلدەرىنىڭ فۋنكتسيالىق رولىن امالياتتا ايگىلەيمىن جانە ساۋلەلەندىرەمىن.

  اۆتونوميالى وبلىستىق حالىق قۇرىلتايىنىڭ ۋاكىلى، شىڭگىل اۋدانى تايكەشكەن قالاشىعى پارتكومىنىڭ مۇشەسى، قالاشىقتىڭ ورىنباسار باستىعى جاڭ جۇڭبو بىلاي دەدى: بۇدان كەيىن ٴار ۇلت بۇقاراسىنىڭ كۇشىن ۇيىستىرىپ، ٴوز قوزعاۋشى كۇشىمدى قاۋلاتىپ، اۋىل ـ قىستاقتى گۇلدەندىرۋ مەن اۋىل ـ قىستاقتى جونگە سالۋداعى قيىن ماسەلەنى، اسىرەسە، بۇقارا كوڭىل ٴبولىپ، نازار اۋدارىپ وتىرعان كاسىپتەردى دامىتۋ، بۇقارانىڭ كىرىسىن ارتتىرۋ، نەگىزدىك قۇرىلعى قۇرىلىسى سياقتى حالىق تۇرمىسىنداعى قولامتالى، قيىن ماسەلەنى ويداعىداي شەشىپ، حالىق قۇرىلتايى ۋاكىلدەرىنىڭ قىزمەت جاۋاپكەرشىلىگىن ادالدىقپەن ويداعىداي اتقارىپ، ٴوز قۇلشىنىسىم ارقىلى اناعۇرلىم كوپ حالىق تۇرمىسى ماسەلەسىنىڭ شەشىلۋىن ىلگەرىلەتىپ، حالىق بۇقاراسىن اناعۇرلىم قولايلى، جايلى تۇرمىس ورتاسىنان يگىلىكتەندىرىپ، التاي ايماعى ەكونوميكاسىنىڭ، قوعامىنىڭ جوعارى ساپالى دامۋىنا ۇلەس قوسامىن.

  اۆتونوميالى وبلىستىق حالىق قۇرىلتايىنىڭ ۋاكىلى، بۋرىلتوعاي اۋدانى قاراماعاي قالاشىعى قۇلاگەر جىلقى باعىمشىلىعى، سيىر، قوي بورداقىلاۋ شارۋالار كاسىپتىك سەلبەستىك كووپەراتيۆىنىڭ جاۋاپتىسى مانات نۇردانبەك ۇلى بىلاي دەدى: ۋاكىلدىك مىندەتىمدى مۇقيات اتقارىپ، حالىق جاعدايىن، حالىق رايىن بەلسەنە جيناۋ، پىكىر تىڭداۋ ارقىلى اناعۇرلىم كوپ مالشىنى بايۋعا باستاپ، اۋىلىمداعى بۇقارا ٴۇشىن كوبىرەك يگى ٴىس ىستەپ، ولاردىڭ ىرىس - قۇتىن ارتتىرىپ، اۋىل ـ قىستاقتى گۇلدەندىرۋگە ۇلەس     قوسامىن.

分享到微信
使用"扫一扫"即可将网页分享至朋友圈

主办单位:中共阿勒泰地区委员会主办| 声明:阿勒泰地区融媒体中心©版权所有

新闻热线:0906-2315631| 投稿邮箱:aletaibao@126.com| 国内统一连续出版物号:CN65-0018| 邮发代号:57-123