گازەتىمىزدىڭ حابارى (ەرىكتى تىلشىلەر ليۋ ايپيڭ، ما شۋەپيڭ حابارلايدى). جۋىردا، مەملەكەتتىك شەتەل اقشاسىن باسقارۋ مەكەمەسىنىڭ التاي ايماقتىق بولىمشە مەكەمەسى (تومەندە قىسقارتىلىپ التاي ايماقتىق بولىمشە مەكەمەسى دەلىنەدى) بەيتۇن تيجارات باسقارۋ بولىمىمەن سەلبەسىپ، بيڭتۋان 10 ـ شى بەيتۇن قالالىق ساۋدا ىستەرى مەكەمەسىنە بارىپ، بيڭتۋاننىڭ سىرتقى ساۋدا كاسىپورىندارىنىڭ جاي ـ جاپسارىن ۇعىسۋ، تەكسەرۋ ـ زەرتتەۋ، اۋىس ـ كۇيىس جاساۋ قيمىلىن وتكىزدى.
اۋىس ـ كۇيىس قيمىلىندا بيڭتۋان 10 ـ شى بەيتۇن قالالىق ساۋدا ىستەرى مەكەمەسى جاقىنعى 2 جىلدان بەرگى بيڭتۋاننىڭ سىرتقى ساۋدا قىزمەتى جاعدايىن، سىرتقى ساۋدا كاسىبىنىڭ ەرەكشەلىگىن، سونداي ـ اق قارجى قۇراۋ جانە قولايلى قىزمەت وتەۋ قاتارلى جاقتاعى ساياساتتىق قاجەتىن تانىستىردى. التاي ايماقتىق بولىمشە مەكەمەسى ”اقشا سىندىرىلىم حاۋىپ - قاتەرىنەن ساقتانۋدىڭ شينجياڭ ارەكەتىندەگى“ ٴتۇيىندى قىزمەتپەن ۇشتاستىرىپ، بيڭتۋان 10 - شى بەيتۇن قالالىق ساۋدا ىستەرى مەكەمەسىنىڭ سىرتقى ساۋدا ارناۋلى قارجىسىنان پايدالانىپ، ورتا، شاعىن، ۇساق كاسىپورىندارعا قوسىمشا قاراجات بەرىپ، كاسىپورىنداردىڭ وزىندىك قۇنىن ساقتاۋ بارىسىندا باعادا وزگەرىس تۋىلۋىنىڭ حاۋىپ_ قاتەرىنەن ساقتانۋدى ۇسىنىس ەتتى.
بەيتۇن تيجارات باسقارۋ ٴبولىمىنىڭ قاتىستى جاۋاپتىسى حالىق بانكەسىنىڭ اۋدان وڭىرىندەگى ۋاكىلدىك قۇرىلىمدارىنىڭ ”كەڭەيتۋ“، ”بارلاۋ“ رولىن تولىق ساۋلەلەندىرىپ، بيڭتۋان 10 ـ شى بەيتۇن قالالىق ساۋدا ىستەرى مەكەمەسىمەن بايلانىس جاساۋدى ۇزدىكسىز كۇشەيتىپ، بيڭتۋاننىڭ سىرتقى ساۋداسىنىڭ جوعارى ساپالى دامۋىنا اناعۇرلىم كوپ فينانس كۇشىن قوساتىندارىن ٴبىلدىردى. ەكى جاق بيڭتۋاننىڭ شەتەلگە ساياتىن ٴتۇيىندى نىسانىن ساياساتتىق جاقتان قولداۋ، كاسىپورىنداردىڭ اقشا سىندىرىلىم حاۋىپ ـ قاتەرىن باسقارۋ قاتارلى قىزمەت جونىندە ورتاق تانىمعا كەلدى.
جاي ـ جاپسار ۇعىسۋ، تەكسەرۋ ـ زەرتتەۋ، اۋىس ـ كۇيىس جاساۋ ارقىلى ەكى جاق ورتاق يگىلىكتەنۋ، بايلانىس جاساۋ مەحانيزمىن ورناتىپ، ۇدايىلانعان بىرلەسىپ باقىلاۋ ـ باسقارۋ جانە كاسىپتىك اۋىس ـ كۇيىس تەكشەسىن قۇرۋعا كۇش سالىپ، شەتەل اقشاسى ساياساتىنىڭ نەگىزگى ساتىعا تىكە تۇتاسۋىن كورنەكتىلەندىرەدى. ساياساتتىڭ جەبەۋ رولىن ۇزدىكسىز ساۋلەلەندىرىپ، بيڭتۋاننىڭ اۋدان وڭىرىندىك سىرتقا باعىتتالعان ەكونوميكاسىنىڭ جوعارى ساپالى دامۋىنا دەم بەرەدى.
放大
