شەكارا وڭىردە پارتيالىق رولىن ساۋلەلەندىرىپ، شۇعىلالى ناتيجە جاراتتى

　　􀴁 پراكتيكانت ٴتىلشى باۋ حۇڭيۇي

　　جيلين ولكەلىك پارتكوم پارتيا مەكتەبى ەكونوميكا باسقارۋ وقىتۋىن زەرتتەۋ ٴبولىمىنىڭ 2 ـ دارەجەلى پروفەسسورى لۋ لين زەينەتكە شىعۋ قارساڭىندا، شينجياڭعا كومەكتەسۋدى تاڭدادى. 2024 - جىلى 7 - ايدا، لۋ لين التاي ايماقتىق پارتكوم پارتيا مەكتەبىنە كەلدى.

　　شينجياڭعا كومەككە كەلگەن جارتى جىلدا لۋ لين ايماقتىق پارتكوم پارتيا مەكتەبىندە ٴوز رولىن ساۋلەلەندىردى. وقىتۋدىڭ ٴبىرىنشى شەبىندە ول ٴبىلىمدى تاراتۋشى عانا ەمەس، وقىتۋ ساپاسىن قورعاۋشى بولا ٴبىلدى. ول 46 ارناۋلى تاقىرىپتاعى سارا تۋىندىلار ساباعىن تاڭداۋ باسەكەسى مەن توپتىق ساباق دايىنداۋ قيمىلىنا قاتىناستى ٴارى باعالاۋ كوميسسياسىنىڭ باستىعى بولىپ، قاتاڭ پوزيتسيا جانە كاسىپتىك كوز ايامەن ٴبىر توپ تاڭداۋلى ساباق پەن ساپالى ساباقتى باعالاپ شىقتى.

　　لۋ لين تىلشىگە: توپتىق ساباق دايىنداۋ ــ وقىتۋ ساپاسىن جوعارىلاتۋدىڭ تەتىگى. وسى تۇعىر ارقىلى كوپشىلىك ٴوزارا ۇيرەنىپ، بىرگە العا باسىپ، وقىتۋ بايلىعىن ساپالىلاندىرۋدى، بىرىكتىرۋدى جۇزەگە اسىرا الادى، ـ دەدى.

　　قارت وقىتۋشى بولعاندىقتان، لۋ لين  “ۇيرەتۋ، كومەكتەسۋ، جەتەلەۋدىڭ” ماڭىزدىلىعىن جەتە تانىدى. ول تىلشىگە: “ۇيرەتۋ، كومەكتەسۋ، جەتەلەۋ” وقىتۋشىلاردىڭ كاسىپتىك رۋحىنىڭ ايگىلەنۋى ٴارى وقىتۋشىلاردىڭ جاۋاپكەرشىلىگىنىڭ جالعاسۋى. تاجىريبەمدى ٴبولىسۋ جانە وقىتۋ ادىسىنە جەتەكشىلىك ەتۋ ارقىلى جاس وقىتۋشىلاردىڭ تەز ەسەيىپ ـ ەرجەتۋىنە، ولاردىڭ وقىتۋ دەڭگەيىنىڭ ۇزدىكسىز جوعارىلاۋىنا كومەكتەسەمىن، ـ دەدى.

　　لۋ لين ساباقحانادا وزىندەگى بارىن ۇيرەتۋمەن بىرگە، ساباقتان سىرتقى ۋاقىتىنان پايدالانىپ، جاس وقىتۋشىلارمەن ۇنەمى پىكىر الماستىرىپ، ولاردىڭ وقىتۋ بارىسىندا جولىققان قيىنشىلىعى مەن قيىن ماسەلەسىن شەشتى. ونىڭ جەتەكشىلىگىندە، 2 جاس وقىتۋشى وقىتۋ باسەكەسىندە اعالاپ العا شىقتى ٴارى سيلىققا يە بولدى. لۋ لين ۇنەمى تەكسەرۋ - زەرتتەۋ جۇرگىزىپ، التاي ايماعىنىڭ ەكونوميكا، قوعام دامۋ جاعدايىن ۇعىستى. ول بارلىق جەردى ارالاپ، حالىقتىڭ جاعدايىن دەن قويا ۇعىسىپ، تەكسەرۋ ـ زەرتتەۋ جەتىستىگىن وقىتۋ ماتەريالىنا اينالدىرىپ، ساباقحانا وقىتۋىنىڭ　　　　ٴىس جۇزىندىككە، تۇرمىسقا اناعۇرلىم جاناسۋىنا مۇمكىندىك جاسادى.

　　شينجياڭعا باعىتتامالى كومەكتەسۋدىڭ  ماقساتى مەن اسەرىن تىلگە تيەك ەتكەندە لۋ لين تىلشىگە: ٴوزىمنىڭ وقىتۋ تانىمىم مەن امالياتتىق تاجىريبەمدى كومەككە يە بولعان پارتيا مەكتەبىندەگى قىزمەتتەستەرىممەن ورتاقتاسىپ، وقىتۋ رەفورماسىنىڭ جاڭا وي جەلىسىن بىرگە تالقىلاۋ ويىندامىن. ورتاق قۇلشىنىسىمىز ارقىلى وقىتۋدى زەرتتەۋ دەڭگەيىن جوعارىلاتىپ، پارتيا مەكتەبى وقۋ ـ اعارتۋ ىستەرىنىڭ دامۋىنا تىڭ ومىرشەڭدىك كۇش قوسىپ، اناعۇرلىم كوپ تاڭداۋلى پارتيالى كادرلاردى تاربيەلەۋگە بەلسەنە ۇلەس قوسامىن، ـ دەدى.