گازەتىمىزدىڭ حابارى (ٴتىلشىمىز دۇڭ شىجۇي حابارلايدى). 2024 - جىلى 12 - ايدىڭ 27 - كۇنى ٴتىلشىنىڭ التاي ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسىنەن ۇعىسۋىنشا، 2025 ـ جىلعى 2 ـ كەزەكتى ”قار ـ مۇز جىبەك جولى جۇڭگوداعى قارلى مەكەن“ اتىنداعى التاي تاۋىن اينالعان قىسقى سپورت جينالىسى 2025 ـ جىلى 1 - ايدىڭ 10 - كۇنىنەن 15 ـ كۇنىنە دەيىن بولىپ، اشىلۋ سالتى 1 - ايدىڭ 12 - كۇنى التاي قالاسى گەنەرال تاۋى قار شاڭعى الاڭىندا وتكىزىلەدى ەكەن.
وسى رەتكى سپورت جارىسى “بەيبىت دامۋ، اۋىس - كۇيىس جاساپ، تەڭ يگىلىككە كەنەلۋدى” ماقسات ەتىپ، اۆتونوميالى رايوندىق دەنە تاربيە مەكەمەسى، اۆتونوميالى رايوندىق مادەنيەت جانە ساياحات مەڭگەرمەسى، التاي ايماقتىق اكىمشىلىك مەكەمەسى باس بولىپ وتكىزەدى. سپورت جينالىسىندا جيىنى 7 ۇلكەن ٴتۇر، 37 شاعىن ٴتۇر ورنالاستىرىلادى. مۇنىڭ ىشىندە مۇز ٴۇستى جارىس ٴتۇرى ۇشەۋ، 19 شاعىن ٴتۇردى قامتيدى، ولار جەكە ـ جەكە مۇزدا تەز سىرعاناۋ (12 شاعىن ٴتۇر)، قىسقا ارالىققا تەز سىرعاناۋ (5 شاعىن ٴتۇر)، مانەرلەپ سىرعاناۋ (2 شاعىن ٴتۇر)؛ 4 قار ٴۇستى جارىس ٴتۇرى بار، ول 18 شاعىن ٴتۇردى قامتيدى، ولار جەكە - جەكە بيىك تاۋدا قار شاڭعى تەبۋ (6 شاعىن ٴتۇر)، دالالىق قار شاڭعى تەبۋ (6 شاعىن ٴتۇر)، سىڭار تاقتالى قار شاڭعى تەبۋ (4 شاعىن ٴتۇر)، قار شاڭعىمەن تاۋعا شىعۋ (بايىرعى تەرى شاڭعى، 2 شاعىن ٴتۇر).
مۇز ٴۇستى جارىس الاڭى التاي قالاسىنىڭ تۇتاس ماۋسىمدىق دەنە تاربيە باقشاسى مەن بۋرىلتوعاي اۋدانىنىڭ مۇز ٴۇستى سپورت ورتالىعىندا، قار ٴۇستى جارىس الاڭى التاي قالاسى گەنەرال تاۋى قار شاڭعى الاڭى مەن سارقوبى دالالىق قار شاڭعى الاڭىندا. قازىر رەسەيدىڭ التاي شەكارا رايونى، التاي رەسپۋبليكاسى، تۋا رەسپۋبليكاسى، قازاقستاننىڭ شىعىس قازاقستان وبلىسى، موڭعۇليانىڭ قوبدا ولكەسى، بايانولگەي ولكەسى، وبسۋ ولكەسى، سونداي ـ اق جيلين ولكەسى، بيڭتۋان 10 ـ شى جانە اۆتونوميالى رايوننىڭ ايماق، وبلىس، قالالارى سياقتى 14 مەملەكەت پەن رايوننان كەلگەن سپورتشىلار جارىسقا قاتىناسۋعا تىزىمدەلدى.
ۇعىسۋعا قاراعاندا، 2 - كەزەكتى ”قار - مۇز جىبەك جولى جۇڭگوداعى قارلى مەكەن“ التاي تاۋىن اينالعان قىسقى سپورت جينالىسىن وتكىزۋ التاي ايماعىنىڭ مەملەكەتتىڭ ”ٴبىر بەلدەۋ، ٴبىر جول“ دارىپتەمەسىمەن جانە باتىسقا ەسىك اشۋ جالپى تۇلعالىق ورنالاستىرۋىمەن توعىسۋىن ىلگەرىلەتىپ، قار-مۇز جىبەك جولىنىڭ جوعارى ساپالى دامۋىن، دەنە تاربيە ساياحاتىن جانە وتكەل ەكونوميكاسىنىڭ جەدەل دامۋىن جەبەپ، سىرتقا ەسىك اشۋ دەڭگەيى مەن ورەسىن جوعارىلاتادى. شينجياڭنىڭ “جىبەك جولى” وزەكتى رايونىنىڭ وڭىرلىك ابزالدىلىعى مەن التاي تاۋى حالىقارالىق ولشەمدەگى قار شاڭعى بايلىعى ابزالدىلىعىن ساۋلەلەندىرىپ، شىعىس پەن باتىستى بىرگە قۇرۋ ورنالاستىرۋىن ساپالىلاندىرىپ، قار-مۇز مادەنيەتى دانەكەرىن مويىنداۋ سەزىمىن كۇشەيتىپ، بۇقارانىڭ توڭىرەكتەگى ەلدەر اراسىنداعى قار - مۇز دەنەتاربيە اۋىس - كۇيىسىنە نازار اۋدارۋ جانە ونى تانۋ دەڭگەيىن جوعارىلاتىپ، كوپ جاقتى جۇيە سەلبەستىگىن شىنايى قالىپتاستىرىپ، قار - مۇز سپورتىنىڭ جوعارى ساپالى دامۋى ارقىلى قار - مۇز ەكونوميكاسىنىڭ ومىرشەڭدىك كۇشىن تاسقىنداتۋعا، دۇنيە جۇزىندەگى قار - مۇز سپورتى مەن قار - مۇز ساياحاتىنىڭ كوركەم القابىن تۇلعالاۋعا پايدالى.
放大
