گازەتىمىزدىڭ حابارى (ٴتىلشىمىز دۇڭ شىجۇي حابارلايدى). 2024 ـ جىلى 12 ـ ايدىڭ 27 ـ كۇنى ٴتىلشىنىڭ التاي ايماقتىق مادەنيەت ـ دەنە تاربيە، راديو - تەلەۆيزيا جانە ساياحات مەكەمەسىنەن ۇعىسۋىنا قاراعاندا، «التايىم» اتتى قىسقا تەلە فيلم بيىل 5 - ايدان باستاپ، ورتالىق تەلەۆيزياسىنىڭ امبەباپ ارناسى التىن ۋاقىتىندا جانە ايچي - يدە جەلىگە شىعارىلىپ قويىلعاننان بەرى، قىزۋ قارسى الۋعا يە بولىپ، التاي ايماعىنىڭ ساياحات كاسىبىنىڭ دامۋىن جەبەگەن ٴارى مادەنيەت - ساياحاتىن جالپىلاستىرۋ سالاسىندا ەرەكشە كوزگە ٴتۇسىپ، كوپتەگەن ماڭىزدى سيلىققا يە بولعان.
بىلتىر 11 - ايدىڭ 2 - كۇنى 2023 ــ 2024 - جىلعى ”ۇلى قورعان سيلىعى ــ مادەنيەت - ساياحات تانىمال ماركاسى“ مىسالىن جيناۋ باسەكەسىندە «التايىم» ۇگىتتەۋ، جالپىلاستىرۋ جانە تاراتۋ مىسالدارىندا مىس دارەجەلى سيلىعىن ەنشىلەسە؛ 11 - ايدىڭ 30 - كۇنى تۇڭعىش كەزەكتى ”مادەنيەت - ساياحات ەكونوميكا سالتاناتى“ باعدارلاماسى ورتالىق تەلەۆيزياسىنىڭ قازىنا - ەكونوميكا ارناسىندا تاراتىلىپ، ”جاڭالىق اشۋ، توعىسۋ +“ ەرەكشەلىگىنە يە «التايىم» 2024 - جىلعى مادەنيەت - ساياحات ەكونوميكاسىندا جاڭالىق جاراتۋداعى 10 ٴىرى مىسال قاتارىنان ورىن الدى؛ 12 ـ ايدىڭ 17 ـ كۇنى 11 - كەزەكتى جۇڭگو ساياحات كاسىبىن دامىتۋ جىلدىق ماجىلىسىندە «التايىم» ”كينو - تەلە فيلم + ساياحات“ قوس باعىتتا كۇش ۇستەۋىن جۇزەگە اسىرىپ، ”ساياحات +“ كاسىپ سالاسىنىڭ توعىسپالى جاڭالىق اشا دامۋىنداعى تيپتىك مىسال اتاعىنا يە بولدى؛ 12 ـ ايدىڭ 19 ـ كۇنى 10 - كەزەكتى جاسىل دامۋ تالقى مىنبەرى جانە 11 ـ كەزەكتى مادەنيەت پەن ساياحاتتى توعىستىرۋ جانە جاڭالىق اشۋ تالقى مىنبەرىندە «التايىم» تۋرالى ۇگىت، جالپىلاستىرۋ جانە تاراتۋ مىسالى جونىندە ارناۋلى تاقىرىپتىق كورمە اشىلدى.
كوزالدا «التايىمنىڭ» دابىرالى قويىلۋى التايدىڭ ساياحات بايلىعىن كەڭ كولەمدە ايگىلەگەندىكتەن، تەلە فيلمدە كورسەتىلگەن التايدىڭ كوركەم كورىنىسى تەلە فيلم اۋەسكەرلەرى مەن ساياحاتشىلاردى ناق مايدانعا كەلۋگە باۋرادى. قىرۋار ساياحاتشىنىڭ التايعا كەلۋى جەرگىلىكتى ورىننىڭ كينو -تەلەفيلم كاسىبىنىڭ دامۋىن جەبەپ، كينو - تەلەفيلم تۇسىرۋگە ٴتىپتى دە كوپ ماتەريال جانە كورىنىس جاعىنان قولداۋ كورسەتتى. مۇنداي قوس باعىتتى قۋات ۇستەۋ ۇلگىسى التايدىڭ ساياحات كاسىبىنىڭ دامۋىن جەبەپ قالماستان، جەرگىلىكتى مادەنيەتتىڭ ىقپال كۇشىن ونان ارى ايگىلەدى.
放大
