گازەتىمىزدىڭ حابارى (ٴتىلشىمىز ياڭ ۋيشۋان حابارلايدى). 6 - ايدىڭ 2 - كۇنى ٴتىلشىنىڭ ايماقتىق دامۋ - رەفورما كوميتەتىنەن ۇعىسۋىنشا، بيىل جىل باسىنان بەرى، بۇل كوميتەت جۇمىستاندىرىپ جاعدايىن جاقسارتۋ قارجىسىنان 97 ميلليون 880 مىڭ يۋان ٴتۇسىرىپ، 6 اۋدان، ٴبىر قالانىڭ 29 نىساندى اتقارۋىنا قولداۋ كورسەتكەن. مەجەمەن، جەرگىلىكتى بۇقارادان 1597 ادامنىڭ جۇمىسقا ورنالاسۋىنا كومەكتەسىپ، 22 ميلليون 660 مىڭ يۋان ەڭبەكاقى تاراتادى ەكەن.
جۋىق جىلداردان بەرى، ايماقتىق دامۋ - رەفورما كوميتەتى بۇقارانىڭ جۇمىسقا ورنالاسىپ، بۇقارانىڭ جۇمىستانىپ كىرىسىن ارتتىرۋىن جەبەۋدى جۇمىستاندىرىپ جاعدايىن جاقسارتۋ قىزمەتىنىڭ شىعار ٴتۇيىنى جانە تابان تىرەر تياناعى ەتىپ، جۇمىستاندىرىپ جاعدايىن جاقسارتۋمەن جۇمىستانۋدى ورنىقتىرۋ، حالىق تۇرمىسىن قامتاماسىزداندىرۋ، دامۋدى جەبەۋ ساياساتىنىڭ رولىن تولىق ساۋلەلەندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، اۋىل - قىستاقتى گۇلدەندىرۋدى جاپپاي ىلگەرىلەتتى.
جۇمىستاندىرىپ جاعدايىن جاقسارتۋ دەگەنىمىز ۇكىمەت قارجى قوسىپ سالاتىن نەگىزدىك قۇرىلعى ينجەنەرياسى بولىپ، جۇمىستاندىرىپ جاعدايىن جاقسارتۋدان يگىلىكتەنۋشىلەر ينجەنەريا قۇرىلىسىنا قاتىناسىپ، ەڭبەكاقىسىن الىپ، تىكەلەي كومەكتەسۋدىڭ ورنىن باساتىن سۇيەمەلدەۋ ساياساتى. كوپ جىلدىق امالياتتان وتكىزۋ ارقىلى جۇمىستاندىرىپ جاعدايىن جاقسارتۋ اۋىل - قىستاقتىڭ ٴوندىرىس ـ تۇرمىس شارت - جاعدايىن جانە دامۋ ورتاسىن جاقسارتىپ، اۋىل - قىستاقتاعى بۇقارانىڭ جاقىن ماڭنان جۇمىستانىپ كىرىسىن ارتتىرۋىن جەبەپ، كەدەي جان سانىنىڭ ىشكى قوزعاۋشى كۇشى مەن وزىندىك دامۋ قابىلەتىن كۇشەيتىپ، رايون مەن قالانىڭ سايكەستى دامۋىن جەبەۋ قاتارلى جاقتاردا ەرەكشە رول اتقارىپ، كەدەيلەردى سۇيەمەلدەۋدى ەرىك - جىگەر جاعىنان سۇيەمەلدەۋمەن، اقىل - پاراسات جاعىنان سۇيەمەلدەۋمەن ٴونىمدى ۇشتاستىرىپ، نەگىزگى ساتىداعى كادرلار مەن بۇقارانىڭ جالپى بەتتىك قارسى الۋىنا يە بولىپ، ٴمورال ينجەنەرياسى، حالىق تىلەگى ينجەنەرياسى دەپ اتالدى. ايماق اۋىل - قىستاق الەۋمەتتىك يگىلىك سيپاتتى نەگىزدىك قۇرىلعىلارى، اۋىل - قىستاق ٴوندىرىسىن دامىتۋ سايكەس نەگىزگى قۇرىلعىلارى قاتارلى “اۋىل شارۋاشىلىعى، اۋىل - قىستاق، شارۋالار” قۇرىلىسىنا ساياتىن قۇرىلىستا، جۇمىستاندىرىپ جاعدايىن جاقسارتۋ ٴتاسىلىن نىسانداردى دالەلدەۋ، قۇرىلىس جۇرگىزۋ توقتامى، جۇمىس باستاۋدى اشىق جاريالاۋ قاتارلى بۋىندارمەن توعىستىرىپ، جۇمىس ىستەيتىن بۇقارانىڭ سانى، ەڭبەكاقى تاراتۋ ولشەمى قاتارلىلاردى ايقىنداپ، جۇمىستاندىرىپ جاعدايىن جاقسارتۋ قارجىسىنىڭ ناقتى تياناقتانۋىنا كەپىلدىك ەتتى.
بۇدان سىرت، ايماق “اۋىل - قىستاق الەۋمەتتىك يگىلىك سيپاتتى نەگىزدىك قۇرىلعى قۇرىلىسىنا ەڭبەكاقى تاراتۋ + جۇمىستانۋ شەبەرلىگىنە باۋلۋ+الەۋمەتتىك يگىلىك سيپاتتى جۇمىس ورنىن ورنالاستىرۋ” جانە “اۋىل - قىستاق كاسىپ سالاسىن دامىتۋدىڭ سايكەستى نەگىزدىك قۇرىلعىلار قۇرىلىسى + ەڭبەكاقى تاراتۋ + جۇمىستانۋ شەبەرلىگىنە باۋلۋ + مال - مۇلكىن جارناعا سىندىرىپ پايدا ٴبولىسۋ” سىندى ەكى ٴتۇرلى ۇلگىنى ارقاۋ ەتىپ، جۇمىستانۋ شەبەرلىگىنە باۋلۋ، الەۋمەتتىك يگىلىك سيپاتتى جۇمىس ورنىن ورنالاستىرۋ، مال - مۇلىك پايداسىن ٴبولىسۋ قاتارلى جۇمىستاندىرىپ جاعدايىن جاقسارتۋدىڭ جاڭا ۇلگىسىن بەلسەنە كەڭەيتىپ، اناعۇرلىم كوپ بۇقارانى جۇمىس ىستەۋگە، ەڭبەكاقى الۋعا باۋراۋدى وزەكتى نىسانا ەتىپ، جۇمىستاندىرۋ سيىمدىلىعىن ارتتىرۋدى كەڭەيتىپ، “جۇمىستاندىرىپ جاعدايىن جاقسارتۋ” رولىن اناعۇرلىم ويداعىداي ساۋلەلەندىردى.
放大
