انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 4 ـ كۇنى ۇرىمجىدەن حابارلايدى. 6 ـ ايدىڭ 2 ـ كۇنىنەن 4 ـ كۇنىنە دەيىن چۇڭچيڭ قالاسى ۋاكىلدەر ۇيىرمەسى شينجياڭعا كەلىپ تەكسەرۋ جۇرگىزىپ، اۋىس ـ كۇيىس جاساپ، شينجياڭمەن كەلەلى نىساندار قۇرىلىسىن بىرگە جەبەپ، ٴتۇيىندى سالالارداعى سەلبەستىكتى بىرگە اقىلداستى. ەكى جەر اڭگىمە ٴماجىلىسىن اشىپ، باس شۋجي شي جينپيڭنىڭ جاڭا داۋىردە باتىس بولىكتى قاۋىرت اشۋدى ىلگەرىلەتۋ اڭگىمە ماجىلىسىندە سويلەگەن ماڭىزدى ٴسوزىنىڭ رۋحىن جانە چۇڭچيڭ، شينجياڭ قىزمەتى جونىندەگى ماڭىزدى تالاپتارىن تياناقتاندىرۋدى ارقاۋ ەتىپ، ەكى جاقتىڭ ٴار سالادا باسىمدىقتار ارقىلى ٴبىرىن ـ ٴبىرى تولىقتاۋىن، سايكەسە دامۋىن، ٴوزارا پايدا جەتكىزىپ تەڭ يگىلىككە (جالعاسى 3 ـ بەتتە)
(باسى 1 ـ بەتتە) كەنەلۋىن اناعۇرلىم ىلگەرىلەتىپ، ناقتى سەلبەستىكتىڭ جاڭا جەتىستىكتەرى ارقىلى باتىس بولىكتەگى وڭىرلەردىڭ جاپپاي قورعاۋ، جاپپاي اشىق ۇستاۋ، جوعارى ساپالى دامۋ جاڭا جاعدايىن قالىپتاستىرۋىن ىلگەرىلەتۋگە بەلسەندى ۇلەس قوستى. چۇڭچيڭ قالالىق پارتكومنىڭ شۋجيى يۋان جياجۇن، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ قيمىلعا قاتىناستى.
شينجياڭداعى كەزىندە ۋاكىلدەر ۇيىرمەسى قۇمىل مەن ۇرىمجىگە كەلىپ ىشكەرىلەي تەكسەرۋ جۇرگىزدى.
قۇمىل قالاسى تازا ەنەرگيا كورنەكتى باسىمدىعىنا سۇيەنىپ، مەملەكەتتىڭ “شىعىستىڭ ساندى مالىمەتتەرىن باتىسقا كوشىرىپ ەسەپتەۋ” ستراتەگيالىق ورنالاستىرۋىمەن بەلسەنە توعىستى. ۋاكىلدەر ۇيىرمەسى اراتۇرىك اۋدانىنا كەلىپ، شينجياڭ (اراتۇرىك) بۇلتتىق جىبەك جولى ەسەپتەۋ قۋاتى توعىسۋ ورتالىعىنىڭ قۇرىلىس، اينالىم جاعدايىن ۇستىندە تەكسەرىپ، چۇڭچيڭ مەن شينجياڭنىڭ بايلىق جاعىنان ٴبىرىن ـ ٴبىرى تولىقتاۋىن تەرەڭدەتىپ، ەسەپتەۋ قۋاتى ەكونوميكاسىن سەلبەسە دامىتۋدى بىرگە اقىلداستى. چۇڭچيڭ ــ “شينجياڭنىڭ ەلەكترىن سىرتقا جەتكىزۋ” 3 ـ ارناسىنىڭ نىسانالى جەرى، قۇمىل ـ چۇڭچيڭ ±800 كيلوۆولتتىق ەرەكشە جوعارى كەرنەۋلى تۇراقتى توك ينجەنەرياسى 2023 ـ جىلى 8 ـ ايدا جۇمىس باستاپ، قۇرىلىسى جەدەل ىلگەرىلەتىلۋدە. ۋاكىلدەر ۇيىرمەسى نىساننىڭ باستالۋ ٴتۇيىنى ــ باركول قازاق اۆتونوميالى اۋدانىنا كەلىپ، قۇمىل سولتۇستىگى كەرنەۋ اۋىستىرۋ پۋنكتى ينجەنەرياسىنىڭ اياق الىسىنا جانە سايكەستى ەلەكتر كوزى قۇرىلىسى قىزمەتىنە جۇمىس باسىندا تەكسەرۋ ـ زەرتتەۋ جۇرگىزدى ٴارى شينجياڭ جۇڭنىڭ، شينجياڭ حۋاديان كومىر ەلەكتر نىسانىنىڭ ىلگەرىلەتىلۋ جاعدايىن تەكسەردى. ۋاكىلدەر ۇيىرمەسى تاعى باركول 1 ـ ورتا مەكتەبىنە بارىپ مەكتەپ قۇرىلىسى مەن وقۋ ـ وقىتۋ قىزمەتىن تەكسەردى، ەكى جەر جاڭا داۋىردەگى چۇڭچيڭ ــ شينجياڭ وقۋ ـ اعارتۋدى سايكەسە دامىتۋ چۇڭچيڭ ·باركول وقۋ ـ اعارتۋدى بىرگە قۇرۋ قيمىلىن ورىستەتتى، يۋان جياجۇن، ما شيڭرۇي چۇڭچيڭ قالالىق نانكاي ورتا مەكتەبى سيفرلى، زەردەلى وقۋ ـ اعارتۋ وداقتاس مەكتەبىنىڭ ماڭدايشالىعىن اشۋعا بىرگە كۋا بولدى، چۇڭچيڭ قالاسى باركولگە مىندەتتى وقۋ ـ اعارتۋ ىستەرىن دامىتۋ قارجىسىن ۇسىندى.
ٴۇرىمجى حالىقارالىق قۇرلىقتىق پورت اۋماعىندا ۋاكىلدەر ۇيىرمەسى شينجياڭ ەركىن ساۋدا سىناق رايونى قۇرىلىسىنىڭ دامۋى، جۇڭگو ــ ەۆروپا كەزەكشى پويەز شوعىرلاندىرۋ ورتالىعىنىڭ جۇمىس جۇرگىزۋى سياقتى جاعدايلاردى تەكسەردى، ەكى جەر شينجياڭ مەن چۇڭچيڭ قول ۇستاسا بىرگە قۇرعان باتىس بولىك قۇرلىق ـ تەڭىز جاڭا ارناسى بىرلەسكەن تاسىمال كەزەكشى پويەزىن جونەلتۋ قيمىلىن وتكىزدى. يۋان جياجۇن، ما شيڭرۇي پويەزدى بىرگە اتتاندىردى. بۇل كەزەكشى پويەز شينجياڭنان شىعىپ، تۇتاس كەزەكشى پويەز بويىنشا چۇڭچيڭنەن ٴوتىپ شىعىس وڭتۇستىك ازيا ەلدەرىنە بارادى، باتىس بولىك قۇرلىق ـ تەڭىز جاڭا ارناسى ارقىلى جۇڭگو ــ ەۆروپا (ورتا ازيا) كەزەكشى پويەزىمەن بىرلەسە ىقپالداسا دامىپ، ورتا ازيادان، شينجياڭنان چۇڭچيڭدى باسىپ “وڭتۇستىككە قاراي تەڭىزگە شىعاتىن” جاڭا جولدى ونان ارى اشتى.
6 ـ ايدىڭ 4 ـ كۇنى تۇستەن بۇرىن چۇڭچيڭ قالاسى · شينجياڭ ۇيعۇر اۆتونوميالى رايونى جانە شينجياڭ ٴوندىرىس ـ قۇرىلىس بيڭتۋانىنىڭ ەكونوميكالىق، قوعامدىق دامۋ سەلبەستىگى، اۋىس ـ كۇيىس اڭگىمە ٴماجىلىسى ۇرىمجىدە اشىلدى. يۋان جياجۇن چۇڭچيڭ قالالىق پارتكوم، قالالىق ۇكىمەت جانە بۇكىل قالا حالقى اتىنان شينجياڭ ۇيعۇر اۆتونوميالى رايونىنىڭ جانە شينجياڭ ٴوندىرىس ـ قۇرىلىس بيڭتۋانىنىڭ چۇڭچيڭنىڭ ەكونوميكالىق، قوعامدىق دامۋىن زور كۇشپەن قولداعاندىعىنا العىس ايتتى. ول بىلاي دەدى: پارتيا 20 ـ قۇرىلتايىنان بەرى شينجياڭ باس شۋجي شي جينپيڭنىڭ ماڭىزدى ٴسوزىنىڭ رۋحىن، جاڭا داۋىردەگى پارتيانىڭ شينجياڭدى باسقارۋ جالپى جوباسىن باتىل دايەكتىلەندىرىپ، مەملەكەتتىڭ كەلەلى ستراتەگيالارىن جاپپاي تياناقتاندىرىپ، جاڭا دامۋ ۇستانىمىن ىشكەرىلەي امالياتتا ايگىلەپ، جوعارى ساپالى دامۋدى جەدەل ىلگەرىلەتىپ، جۇڭحۋا ۇلتى ورتاق تۇلعا تانىمىن باتىل بەرىك ورناتىپ، پارتيانىڭ باسشىلىعىنا جاپپاي تاباندى بولىپ پارتيا قۇرىلىسىن كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتتى، شينجياڭنىڭ باياندى تىنىشتىعى مەن ەكونوميكالىق، قوعامدىق دامۋىندا شىت جاڭا بەينە جارىققا شىعىپ، كەلەلى ناتيجەلەرگە قول جەتكىزىلدى، جارىققا شىعارعان جاقسى تاجىريبەلەرى، جاقسى ادىستەرى چۇڭچيڭنىڭ ۇيرەنۋىنە، ۇلگى الۋىنا تاتيدى. بيىل 4 ـ ايدا باس شۋجي شي جينپيڭ چۇڭچيڭگە كەلىپ كوزدەن كەشىرىپ، چۇڭچيڭگە جاڭا داۋىردە باتىس بولىكتى قاۋىرت اشۋدىڭ ماڭىزدى ستراتەگيالىق تىرەگىن، ىشكى قۇرلىقتىق ەسىك اشۋدىڭ ۋنيۆەرسال تورابىن قۇلشىنا تۇلعالاۋ سىندى “ەكى ۇلكەن ورىن تۇراقتاندىرۋىن” بەلگىلەپ، 4 ٴتۇرلى مىندەتتى ورنالاستىرىپ، العا قويىپ، جاڭا داۋىردە باتىس بولىكتى قاۋىرت اشۋدى ىلگەرىلەتۋدە جاڭا جاعداي قالىپتاستىرۋدىڭ “التىعا تاباندى بولۋ” ماڭىزدى تالابىن ايقىندادى. قازىر چۇڭچيڭ باس شۋجي شي جينپيڭنىڭ ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ چۇڭچيڭ تاراۋىن قۇلشىنا جازۋدىڭ باس تۇعىرناماسىن، باس بويسۇنۋ ولشەمىن ايقىنداپ، “ەكى ۇلكەن ورىن تۇراقتاندىرۋدىڭ” “نەگىزگى جۇلگەسىن” ەگجەي ـ تەگجەيلى العا قويىپ، “6 رايون” قۇرۋدىڭ ناقتى مىندەتتەرىن جۇيەلى ورنالاستىرىپ، وسىزاماندانعان جاڭا چۇڭچيڭ قۇرىلىسىن ىشكەرىلەي ىلگەرىلەتىپ، “ەكىنى تۇراقتاندىرۋدى” باتىل قولداپ، “ەكىنى قورعاۋدى” باتىل ورىندادى. چۇڭچيڭ مەن شينجياڭنىڭ دامۋداعى ٴوزارا تولىقتاۋ سيپاتى كۇشتى، سەلبەستىك ٴورىسى كەڭ. ەكى جاقتىڭ ستراتەگيالىق ٴتۇيىلىسۋدى كۇشەيتىپ، سەلبەستىك سالاسىن كەڭەيتىپ، جاڭاشا وندىرگىش كۇشتەردى قول ۇستاسا جەتىلدىرىپ، دامىتىپ، بۇكىل ەلگە قىزمەت وتەيتىن، شىعىس وڭتۇستىك ازيا ەلدەرى وداعىنا ىقپال جاسايتىن جاڭاشا جاسىل، جوعارى دەڭگەيلى ەسەپتەۋ قۋاتى تورىن قۇرىپ، كاسىپ سالاسىنىڭ دامۋىن، عىلىم ـ تەحنيكادا جاڭالىق اشۋدى سايكەستى ىلگەرىلەتىپ، باتىس بولىك ٴوڭىرىنىڭ جوعارى ساپالى دامۋىنا اناعۇرلىم ويداعىداي قىزمەت وتەۋىن ٴۇمىت ەتەمىن. ەنەرگيا سەلبەستىگىن قول ۇستاسا تەرەڭدەتىپ، “شينجياڭنىڭ ەلەكترىن چۇڭچيڭگە جەتكىزۋدى” جانە “شينجياڭنىڭ كومىرىن چۇڭچيڭگە جەتكىزۋدى” جەدەل ىلگەرىلەتىپ، ەنەرگيانىڭ تازا، تومەن كومىر قىشقىل گازدى بولۋعا قاراي تيپ جاڭالاۋىن جەدەلدەتىپ، مەملەكەتتىڭ ستراتەگيالىق وزەكتى ٴوڭىر قۇرىلىسىنا پارمەندى تىرەك بولۋ كەرەك. “ٴبىر بەلدەۋ، ٴبىر جولدى” بىرگە قۇرۋمەن قول ۇستاسا ىشكەرىلەي توعىسىپ، باتىس بولىك قۇرلىق ـ تەڭىز جاڭا ارناسىنىڭ، جۇڭگو ــ ەۆروپا كەزەكشى پويەزىنىڭ جانە چاڭجياڭ التىن سۋ جولىنىڭ ساڭلاۋسىز ۇشتاسۋىن بىرگە ىلگەرىلەتىپ، باتىس وڭتۇستىك پەن باتىس سولتۇستىكتى اناعۇرلىم ويداعىداي تۇتاستىرىپ، شىعىس وڭتۇستىك ازيا ەلدەرى وداعى مەن ەۆروپا وداعىنىڭ ارنا تورىن جالعاپ، باتىس بولىك ٴوڭىردىڭ جوعارى دەڭگەيدە ىشكە، سىرتقا ەسىك اشۋىنا دەم بەرۋ كەرەك. الەۋمەتتىك قىزمەت وتەۋ جاعىندا بىرگە قۇرۋدى، بىرگە يگىلىكتەنۋدى قول ۇستاسا ىلگەرىلەتىپ، وقۋ ـ اعارتۋدا جۇپ قۇراپ، بىرگە قۇرۋدى تەرەڭدەتىپ، ەمدەۋدە بىرلەسىپ ارەكەتتەنۋدى، ىستەستىك جاساۋدى كەڭەيتىپ، مادەنيەت ـ ساياحات جاعىندا ٴتۇيىلىسۋدى، ىقپالداسۋدى ىلگەرىلەتىپ، ەكولوگيانى قورعاۋ ىستەستىگىن كۇشەيتىپ، ۇلتتار ىنتىماعى، العاباسارلىعىن جەبەپ، ٴبىر نيەت، ٴبىر تىلەكتە بولىپ، ەكى جەردەگى بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جانە شىنايى مويىنداۋ سەزىمىن ۇزدىكسىز كۇشەيتۋ كەرەك.
ما شيڭرۇي بىلاي دەدى: باتىس بولىك ٴوڭىر باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، زەيىن ـ زەردەنى، كۇش ـ قۋاتتى شوعىرلاندىرا وتىرىپ جاڭا داۋىردەگى باتىس بولىكتى قاۋىرت اشۋدى ىلگەرىلەتكەن ماڭىزدى مەزگىلدە چۇڭچيڭ قالاسى ۋاكىلدەر ۇيىرمەسى شينجياڭعا كەلىپ تەكسەرۋ جۇرگىزىپ، اۋىس ـ كۇيىس جاساپ، باس شۋجيدىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى ساياسي جاۋاپكەرشىلىگىن تولىق ايگىلەدى، چۇڭچيڭ مەن شينجياڭنىڭ سايكەستى دامۋىن كۇشەيتۋگە ايرىقشا ٴمان بەرەتىندىگىن ايگىلەدى، مەن اۆتونوميالى رايوندىق پارتكوم، ۇكىمەت، بيڭتۋان جانە ٴار ۇلت كادرلارى مەن بۇقاراسى اتىنان قىزۋ قارسى الاتىندىعىمىزدى بىلدىرەمىن ٴارى چۇڭچيڭنىڭ ۇزاق ۋاقىتتان بەرى شينجياڭ قىزمەتىنە كوڭىل ٴبولىپ، قولداۋ كورسەتىپ كەلگەندىگىنە شىن جۇرەكتەن العىس ايتامىن. سوڭعى جىلدارى چۇڭچيڭ قالاسى باس شۋجي شي جينپيڭنىڭ چۇڭچيڭگە مەڭزەس العا قويعان “ەكى ٴتۇيىندى” ورىن تۇراقتاندىرۋى، “ەكى جەر”، “ەكى جوعارى” نىساناسى جانە “ٴۇش رول”، “ٴتورتتى تىڭعىلىقتى ىستەۋ” سياقتى ماڭىزدى نۇسقاۋلارىنىڭ رۋحىن جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ چۇڭچيڭ تاراۋىن جەدەل جازدى، چىڭدۋ ــ چۇڭچيڭ ٴوڭىرى قوس قالا ەكونوميكالىق شەڭبەرى قۇرىلىسىندا تىڭ تابىستارعا قول جەتكىزىپ، كاسىپ سالاسىنىڭ دارەجەسىن جوعارىلاتۋدا، جاڭالىق اشا دامۋدا تىڭ قادام تاستادى، سيفرلى وزگەرتۋ، سىرتقا ەسىك اشۋ جاڭا ومىرشەڭدىك كۇشكە يە بولدى، قالا مەن اۋىلدىڭ بەت ـ بەينەسىندە جاڭا وزگەرىستەر جارىققا شىقتى، حالىق تۇرمىسىنىڭ قۇت ـ ىرىسى تىڭ دەڭگەيگە كوتەرىلدى، چۇڭچيڭنىڭ بايتاق دالاسىندا دابىرالى، جالىندى دامۋ جاعدايى جارىققا شىقتى. شينجياڭ باس شۋجيدىڭ تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن كوزدەپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى ٴبىر تۇتاس جوسپارلاپ، جوعارى ساپالى دامۋدى كۇش سالا ىلگەرىلەتتى، اسىرەسە، مۇناي ـ گاز، كومىر، كەن ونىمدەرى سياقتى ەنەرگيا بايلىعى باسىمدىعىن تولىق ساۋلەلەندىرىپ، مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن تۇلعالاۋدى جەدەلدەتتى. چۇڭچيڭ ــ جاڭا داۋىردە باتىس بولىكتى قاۋىرت اشۋدىڭ ماڭىزدى ستراتەگيالىق تىرەگى جانە ىشكى قۇرلىقتىق ەسىك اشۋدىڭ ۋنيۆەرسال تورابى، شينجياڭ مەن چۇڭچيڭ ەكى جەردىڭ زات اينالىمى ۇلكەن ارناسىن بىرگە قۇرۋ، “شينجياڭنىڭ ەلەكترىن چۇڭچيڭگە جەتكىزۋدى” ىلگەرىلەتۋ سياقتى قىزمەتتەردە سەلبەستىك نەگىزى كۇن سايىن بەكەمدەلدى. ەكى جاقتىڭ ستراتەگيالىق ٴتۇيىلىسۋىن جانە دامۋدا بىرلەسىپ ارەكەتتەنۋىن ونان ارى تەرەڭدەتىپ، ەنەرگيا سالاسىنداعى سەلبەستىكتى كۇشەيتىپ، شينجياڭنىڭ ەلەكترىن، شينجياڭنىڭ كومىرىن سىرتقا جەتكىزۋ سەلبەستىگىن كۇشەيتىپ، “شينجياڭنىڭ ەلەكترىن سىرتقا جەتكىزۋ”3 ـ ارناسىنىڭ ۋاعىندا سالىنىپ ىسكە قوسىلۋىن ىلگەرىلەتۋىن؛ ەسەپتەۋ قۋاتى بايلىعىنىڭ تەرەڭدەي توعىسۋىن ىلگەرىلەتىپ، باتىس بولىكتىڭ ەسەپتەۋ قۋاتىن سايكەستىرۋ تورىن قۇرۋىن؛ باتىس بولىكتىڭ قۇرلىق ـ تەڭىز جاڭا ارناسى قۇرىلىسىن جەدەلدەتىپ، قول ۇستاسا “ٴبىر بەلدەۋ، ٴبىر جولدى” بىرگە قۇرۋمەن توعىسۋىن؛ چۇڭچيڭنىڭ جوعارى، جاڭا تەحنيكا كاسىپ سالاسى مەن شينجياڭنىڭ ستراتەگيالىق بايلىق كاسىپ سالاسىنىڭ بىرلەسىپ ارەكەتتەنە دامۋىن ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ وسىزاماندانۋ دەڭگەيىن جوعارىلاتۋىن؛ ەكى جەردىڭ ٴار سالاداعى، ٴار جىكتەگى اۋىس ـ كۇيىسىن، ىقپالداستىعىن جەبەپ، جۇڭحۋا ۇلتى ورتاق تۇلعا تانىمىن بىرگە بەرىك ورناتىپ، جاڭا داۋىردەگى باتىس بولىكتى قاۋىرت اشۋعا كۇش بىرىكتىرە قىزمەت وتەۋدە جانە ونى ىلگەرىلەتۋدە جاڭا جاعداي قالىپتاستىرۋىن ٴۇمىت ەتەمىن.
ماجىلىستە ەركىن تۇنياز، لي يفي جەكە ـ جەكە اۆتونوميالى رايون مەن بيڭتۋاننىڭ ەكونوميكالىق، قوعامدىق دامۋ جاعدايىن تانىستىردى؛ چۇڭچيڭ قالالىق پارتكومنىڭ تۇراقتى مۇشەسى، باس حاتشى، ۇنەمىلىك ىستەرگە جاۋاپتى ورىنباسار قالا باستىعى چىن شين ـ ۋ چۇڭچيڭ قالاسىنىڭ ەكونوميكالىق، قوعامدىق دامۋ جاعدايىن تانىستىردى. چۇڭچيڭ قالالىق حالىق ۇكىمەتى جەكە ـ جەكە اۆتونوميالى رايوندىق حالىق ۇكىمەتىمەن، شينجياڭ ٴوندىرىس ـ قۇرىلىس بيڭتۋانىمەن ستراتەگيالىق سەلبەستىكتى جاپپاي تەرەڭدەتۋ جۇلگەلىك كەلىسىمىنە قول قويىستى، ەكى جەردەگى قاتىستى تاراۋلار، رايوندار سياقتىلار سەلبەستىك كەلىسىمىنە قول قويىستى.
چۇڭچيڭ قالاسى باسشىلارىنان جىڭ شياڭدۇڭ، جياڭ دۇنتاۋ، اۆتونوميالى رايون مەن بيڭتۋان باسشىلارىنان چىن ۋيجۇن، ٴيۇسۇپجان مامەت، قادەن كابەن، شۋە بين، ۋاڭ گاڭ، قايسار ابدۇكەرىم، جين جىجىن، حا زىڭيوۋ قاتىستى قيمىلدارعا قاتىناستى.
( «شينجياڭ گازەتىنەن» الىندى)
放大
