انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 4 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 6 ـ ايدىڭ 4 ـ كۇنى ۇرىمجىدە شينجياڭعا ساپارلاي كەلگەن جۇڭگو گومينداڭ پارتياسىنىڭ بۇرىنعى ٴتوراعاسى، جۇڭحۋا چيڭيان بەيبىتشىلىك وقۋ ـ اعارتۋ قور قوعامىنىڭ القا باستىعى حۇڭ شيۋجۋمەن جانە ونىڭ ساپارلاستارىمەن كەزدەستى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن كەزدەسۋگە قاتىناستى.
ما شيڭرۇي حۇڭ شيۋجۋدىڭ اراعا 2 جىل سالىپ، شينجياڭعا تاعى دا ساپارلاي كەلگەندىگىن قارسى الدى، سونداي ـ اق شينجياڭنىڭ رەفورما، دامۋ، ورنىقتىلىق قىزمەتتەرىنىڭ تىڭ ىلگەرىلەۋشىلىكتەرىن، تىڭ ناتيجەلەرىن تانىستىردى. ول بىلاي دەدى: وتكەن 2 جىلدا باس شۋجي شي جينپيڭ ٴۇرتىس 2 رەت شينجياڭعا كەلىپ، ماڭىزدى ٴسوز سويلەپ، ٴبىزدىڭ جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋىمىزعا تاماشا جوبا كەسكىندەپ بەردى. شينجياڭ باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەت جالپى جاعدايىنداعى ستراتەگيالىق ورنىن كوزدەپ، ەكونوميكانىڭ، قوعامنىڭ جوعارى ساپالى دامۋىن جەدەل ىلگەرىلەتتى. بۇگىنگى شينجياڭدا دامۋ ورنى اناعۇرلىم ايقىندالىپ، دامۋ قوزعاۋشى قۋاتى ونان ارى تولىقتانىپ، دامۋ تەبىنى كۇن سايىن كۇشەيىپ، ٴار ۇلت كادر ـ بۇقاراسى ٴبىر نيەتتە بولىپ، جۇڭحۋا ۇلتى ورتاق تۇلعا تانىمى سىندى نەگىزگى جەلىنى مىقتاپ ارقاۋ ەتىپ، (جالعاسى 4 ـ بەتتە)
(باسى 1 ـ بەتتە) جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتتى. ۇزاق ۋاقىتتان بەرى ٴتوراعا حۇڭ شيۋجۋ “تايۋاندى دەربەستەندىرۋگە” تۋى ايقىن تۇردە قارسى تۇرىپ، ەكى جاعالاۋدىڭ بارىس ـ كەلىسىن جانە مەملەكەتتىڭ بىرلىككە كەلۋىن جەبەۋ ٴۇشىن بەلسەندى تۇردە ٴۇن قاتىپ، كۇش قوسىپ، قىرۋار قىزمەتتەر ىستەدى. شينجياڭ ــ جۇڭگونىڭ باتىسقا ەسىك اشۋىنىڭ الدىڭعى شەبى، سونداي ـ اق مەملەكەتتىڭ دامۋىن ٴتۇسىنۋدىڭ تەرەزەسى. ٴتوراعا حۇڭ شيۋجۋدىڭ شينجياڭعا كوبىرەك كەلىپ ارالاپ كورىپ، شينجياڭنىڭ كۇن سايىن جاڭارعان دامۋى مەن وزگەرىسىن سەزىنىپ، شينجياڭ مەن تايۋاننىڭ اناعۇرلىم كوپ اۋىس ـ كۇيىستى، سەلبەستىكتى جۇزەگە اسىرۋىن جەبەۋىن ٴۇمىت ەتەمىن.
حۇڭ شيۋجۋ مىنانى ٴبىلدىردى: شينجياڭعا تاعى دا كەلگەنىمە قۋانىشتىمىن. 2022 ـ جىلى تۇڭعىش رەت شينجياڭعا ساپارلاي كەلگەنىمدە، كوپتەگەن جەردى ەكسكۋرسيالاپ، شينجياڭنىڭ شىنايى احۋالىن تىكەلەي ٴبىلدىم جانە سەزىندىم. وسى رەت تاعى كەلىپ، شينجياڭنىڭ ەكونوميكالىق، قوعامدىق دامۋىنىڭ كۇن سايىن جاقسارا تۇسكەندىگىن، شەكسىز ۇمىتكە تولى ەكەندىگىن كوردىم. شينجياڭنىڭ دامۋى مەن وزگەرىسى ارقىلى جۇڭگونىڭ بولاشاعىنىڭ، ٴسوزسىز، اناعۇرلىم كوركەم بولاتىندىعىن، مەملەكەتتىڭ بىرلىككە كەلۋى مەن ۇلتتىڭ گۇلدەنۋىنىڭ ەكى جاعالاۋداعى بۇقاراعا اناعۇرلىم مول قۇت ـ ىرىس اكەلەتىندىگىن ٴتىپتى دە تەرەڭ سەزىندىم.
ەلزات احمەتجان كەزدەسۋگە قاتىناستى.
( «شينجياڭ گازەتىنەن» الىندى)
放大
