(باسى 1 ـ بەتتە) قوعامدىق دامۋدىڭ باستى نىسانا - مىندەتتەرى ءساتتى ورىندالدى، تۇتاس جىلدا ىشكى ءوندىرىس جالپى قۇنى تۇڭعىش رەت 140 تريلليون يۋاندىق وتكەلدەن ءوتىپ، ارتۋ قارقىنى دۇنيە جۇزىندەگى نەگىزگى ەكونوميكالىق تۇلعالاردىڭ الدىڭعى قاتارىنان ۇزدىكسىز ورىن الدى. 5 جىل جاپالى كۇرەس جاساۋدىڭ ارقاسىندا “14 - بەسجىلدىق” ءساتتى اياقتاپ، ەلىمىزدىڭ ەكونوميكالىق ناقتى قۋاتى، عىلىم - تەحنولوگيالىق ناقتى قۋاتى، مەملەكەت قورعانىسى ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالىپ، ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستاما جۇزەگە اسىرىلدى. بۇل ناتيجەلەرگە وڭاي قول جەتكەن جوق، جۇرت كوڭىلىن جەلپىندىرەدى، بۇل بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ناتيجەسى، ول قۇدىرەتتى ەل قۇرىلىسىن ىلگەرىلەتۋ، ۇلتتى گۇلدەندىرۋدى جۇزەگە اسىرۋ بەكىمىمىز بەن سەنىمىمىزدى اناعۇرلىم بەكەمدەدى.
“مەملەكەتتىڭ زور ءىسىن” ەستە بەرىك ساقتاپ، حالىقتىڭ تۇرمىس - تىرشىلىگىن كوكەيگە ءتۇيدى. ءبىر جىلدان بەرى، حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن ۇدايىلاندىرا، مەحانيزمدەندىرە زەرتتەۋدى ىشكەرىلەي ىلگەرىلەتىپ، پارتيانىڭ جاسامپازدىق نازارياسىمەن يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىن كۇش سالا بەكەمدەپ، رەفورمانى ونان ارى جاپپاي تەرەڭدەتۋ، جوعارى ساپالى دامۋدى ىلگەرىلەتۋ سياقتىلاردى مىقتاپ ارقاۋ ەتىپ، ۇكىمەت ىسىنە اقىل - كەڭەس بەرىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. قالىڭ ساياسي كەڭەس مۇشەلەرى زەيىن - زەردەنى شوعىرلاندىرۋدىڭ، كۇش - قۋاتتى ۇيىستىرۋدىڭ، شەشىم جاساپ اقىل - كەڭەس بەرۋدىڭ، كەڭەستىك دەموكراتيانىڭ، مەملەكەتتى باسقارۋدىڭ ءبىرىنشى شەبىندەگى ناقتى امالياتقا سانالىلىقپەن ات سالىسىپ، ءىس جۇزىندىك ارەكەتتەرىمەن جاۋاپكەرشىلىك ارقالاۋدى ايگىلەدى.
باس شۋجي شي جينپيڭ بىلاي دەپ اتاپ كورسەتتى: “پارتيا مەن حالىق قول جەتكىزگەن بارلىق تابىس تۇگەلدەي ىنتىماقتاسا كۇرەس جۇرگىزۋدىڭ ناتيجەسى، ىنتىماقتاسا كۇرەس جۇرگىزۋ − جۇڭگو كوممۋنيستىك پارتياسى مەن جۇڭگو حالقىنىڭ ەڭ كورنەكتى رۋحاني بەلگىسى”. اساۋ تولقىنداردا ۇدەرە العا تارتىپ، قيىندىقتاردان قامال الۋ بارىسىندا شۇعىلالى ناتيجە جاراتىلىپ، پارتيا مەن مەملەكەت ىستەرىندە تىڭ دا كەلەلى تابىسقا قول جەتكىزىلدى، بۇل “ەكىنى تۇراقتاندىرۋدىڭ” ءبىزدىڭ ءتۇرلى حاۋىپ - قاتەرلەر مەن سىن - سايىستارعا توتەپ بەرۋىمىزدە، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋىمىزدە شەشۋشى مانگە يە ەكەندىگىن تولىق دالەلدەپ، ىنتىماقتاسا كۇرەس جۇرگىزۋ جۇڭگو حالقىنىڭ تاريحي ۇلى ىستەردى جاراتۋدا، ءسوزسىز، باسىپ وتەتىن جولى ەكەندىگىن تولىق ايگىلەدى. ءبىز پارتيانىڭ باسشىلىعىندا جۇدىرىقتاي جۇمىلىپ، قايراتتانا العا ۇمتىلىپ، ناقتى ىستەۋ ارقىلى ۇلى ىستەرگە، جاڭالىق اشۋ ارقىلى بولاشاققا قول جەتكىزسەك بولعانى، ءسوز جوق، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن ۇزدىكسىز اشا الامىز.
2026 - جىل ــ “15 - بەسجىلدىقتىڭ” باستاما جىلى، ءبىز نىسانا - مىندەتتەردى كوزدەپ، سەنىمدى بەكەمدەپ، ۇتىمدى جاعدايدان پايدالانىپ العا ىلگەرىلەپ، تاماشا باستامانى قۇلشىنا جۇزەگە اسىرىپ، جۇڭگو كەرەمەتىنىڭ جاڭا تاراۋىن ۇزدىكسىز جازۋىمىز كەرەك. نىسانا نەعۇرلىم ۇلى بولعان سايىن، حاۋىپ - قاتەر، سىن - سايىس سولعۇرلىم كوپ بولادى، جۇڭحۋا پەرزەنتتەرىنىڭ ۇلى ىنتىماعىن كۇشەيتىپ، قيىندىقتاردى جەڭىپ ەكپىندەي ىلگەرىلەيتىن، ەرلىكپەن تايسالماي العا باساتىن كۇرەس ۇلى كۇشىن سولعۇرلىم ۇيىستىرۋىمىز كەرەك. حالىق ساياسي كەڭەسى ەڭ كەڭ كولەمدى وتانشىلدىق بىرلىكساپ ۇيىمى رەتىندە، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، وزەكتى ارقاۋ ەتۋگە، كەلەلى جاعدايعا قىزمەت ەتۋگە تاباندى بولىپ، ارناۋلى كەڭەس قۇرىلىمىندىق رولىن تولىق ساۋلەلەندىرىپ، نازاردى “15 - بەسجىلدىق” جوبا باعدارلاماسىنىڭ جاسالۋى مەن اتقارىلۋىنا شوعىرلاندىرا وتىرىپ ۇكىمەت ءىسىن ىشكەرىلەي كەڭەسىپ، بەلسەنە اقىل - كەڭەس بەرىپ، دەموكراتيالىق باقىلاۋ ورىستەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە جۇرت تىلەگىن، ورتاق تانىمدى، اقىل - پاراساتتى، كۇش - قۋاتتى ۇيىستىرسا، جاڭا داۋىردەگى بورىش - مىندەتتى، ءسوز جوق، اناعۇرلىم ويداعىداي ارقالاي الادى. قالىڭ ساياسي كەڭەس مۇشەلەرىنىڭ كوپىرلىك، دانەكەرلىك رولىن ساۋلەلەندىرىپ، قابىلەت ساپاسى مەن مىندەت وتەۋ قابىلەتىن جوعارىلاتىپ، ۇكىمەت ءىسىن جوعارى ساپامەن اقىلداسىپ، اقىل - كەڭەس بەرۋدىڭ تابىستارى ارقىلى “15 - بەسجىلدىقتى” جاقسى باستاۋعا، ءساتتى قادام تاستاۋعا قىزمەت وتەۋىن جانە كۇش ۇستەۋىن ءۇمىت ەتەمىز.
ارماندى جۇزەگە اسىرۋ جورىعىندا ءاربىر كۇش توپتالىپ، جوڭكىلە العا اققان تاسقىنعا اينالادى، نىق باسىلعان ءاربىر قادام قوسىلىپ، بوگەۋ بەرمەس قادامعا اينالادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ءبىر جاعادان باس، ءبىر جەڭنەن قول شىعارىپ، ىنتىماقتاسا ەكپىندەي ىلگەرىلەپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ جولىندا قاجىماي - تالماي كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازايىق!
ءماجىلىستىڭ تولىق تابىستى بولۋىن تىلەيمىز!
(شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى)
( «شينجياڭ گازەتىنەن» الىندى)
放大
