گازەتىمىزدىڭ حابارى (تىلشىلەرىمىز چاڭ يرۋ، جاڭ تاۋ، پراكتيكانت ٴتىلشى پىڭ لينحاي حابارلايدى). التاي ايماقتىق پارتكوم 3 - ايدىڭ 3 - كۇنى تۇستەن بۇرىن ايماقتىق پارتكوم كوميتەتىنىڭ ٴماجىلىسىن اشتى. ايماقتىق پارتكومنىڭ شۋجيى شيە شاۋدي ٴماجىلىستى باسقاردى.
ماجىلىستە باس شۋجي شي جينپيڭنىڭ تاياۋداعى ماڭىزدى ٴسوزىنىڭ رۋحىن جانە ماڭىزدى تالابىن جەتكىزدى، ۇيرەندى، دايەكتىلەندىردى. ماجىلىستە مىنالار باسا دارىپتەلدى: باس شۋجي شي جينپيڭنىڭ 2 - ايدىڭ 27 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ماجىلىسىندە سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ 15” -بەسجىلدىق“ مەزگىلىندەگى ەكونوميكالىق، قوعامدىق دامۋ جونىندەگى شەشىم - ورنالاستىرۋلارىمەن سانالى تۇردە بىرلىككە كەلتىرىپ، 15” - بەسجىلدىقتاعى“ ٴتۇيىندى مىندەتتەردى عىلمي جوسپارلاپ، ەكونوميكا مەن قوعامنىڭ جوعارى ساپالى دامۋىن بۇلجىماي ىلگەرىلەتىپ، پارتيا ورتالىق كوميتەتىنىڭ شەشىم - ورنالاستىرۋلارىن التايدىڭ دامۋىنداعى ناقتى وي جەلىسىنە جانە ٴىس جۇزىندىك ارەكەتكە شىنايى اينالدىرۋ كەرەك. باس شۋجي شي جينپيڭنىڭ ورتالىق كوميتەت ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى قاتارلىلاردىڭ قىزمەتتەرىنەن ەسەپ بەرۋ باياندامالارىن تەكسەرىپ وقىعان كەزدە العا قويعان ماڭىزدى تالاپتارىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعى سىندى ەڭ جوعارى ساياسي پرينسيپتى باتىل دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، قايراتتانا العا ۇمتىلىپ، شىنايى يگەرىپ ناقتى ىستەپ، جۇڭگو ۇلگىسىندەگى وسىزامانداندىرۋدىڭ التاي امالياتىن تىڭعىلىقتى ىلگەرىلەتۋ كەرەك.
ماجىلىستە مىنالار باسا دارىپتەلدى: ورتالىق ٴتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ جانە اۆتونوميالى رايوندىق ٴتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ 2026 - جىلعى بۇقارانىڭ ماڭايىنداعى بۇرىس ستيل مەن شىرىكتەسۋ ماسەلەسىن شوعىرلى وڭاۋ قىزمەتى جونىندەگى ورنالاستىرۋلارىن باتىل دايەكتىلەندىرىپ، قاتاڭ نەگىزگى اۋەنگە بۇلجىماي تاباندى بولىپ، ”جەمقور شىبىن، شىرىكتەسكەن قۇمىرىسقالاردى“ قاتاڭ جازالاپ، اۋىل - قىستاق كوللەكتيۆىنىڭ ”قارجىسى، مال - مۇلكى، بايلىعى“، ەمدەۋ قامسىزداندىرۋ قورى، قارتتاردى كۇتىمدەۋ قىزمەت وتەۋى، جوعارى ولشەمدى ەگىنجاي قۇرىلىسى قاتارلى ٴتۇيىندى سالاداعى كورنەكتى ماسەلەنىڭ تۇزەتىلۋىن تەرەڭدەتىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەسىن شەشۋدى ىلگەرىلەتىپ، جاقسى تاكتيكا، قاتاڭ ٴادىس - شارا ارقىلى شوعىرلى وڭاۋدا اناعۇرلىم زور ونىمدىلىككە قول جەتكىزۋدى ىلگەرىلەتىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
ماجىلىستە مىنالار باسا دارىپتەلدى: شي جينپيڭ ەكولوگيالىق وركەنيەت يدەياسىن ىشكەرىلەي امالياتتا ايگىلەپ، ەكولوگيانى الدىمەن ويلاستىرۋعا، جاسىل دامۋعا تاباندى بولىپ، نازاردى كورنەكتى ەكولوگيالىق ورتا ماسەلەسىنە شوعىرلاندىرىپ، ەكولوگيالىق ورتاعا رۇقسات ەتۋ پارىقتى ٴتىزىمىن دالمە -ٴدال شىعارىپ، ەكولوگيانى قورعاۋدىڭ قىزىل سىزىعى، قورشاعان ورتا ساپاسىنىڭ تومەنگى شەگى، بايلىقتان پايدالانۋدىڭ جوعارعى شەگى سىندى بۇلجىماس تەجەمدى قاتاڭ تياناقتاندىرىپ، ايماقتىڭ ەكولوگيالىق ورتانى وڭاۋدا “ىرىقسىز توتەپ بەرۋدەن” “ىرىقتىلىقپەن ساقتانۋ - تىزگىندەۋگە” بۇرىلىس جاساۋىن ىلگەرىلەتىپ، سولتۇستىك شينجياڭنىڭ ەكولوگيالىق حاۋىپسىزدىك قالتقىسىن شىنايى بەكەمدەۋ كەرەك.
ماجىلىستە مىنالار باسا دارىپتەلدى: پارتيا ورتالىق كوميتەتىنىڭ فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ جونىندەگى ورنالاستىرۋ - تالاپتارىن قاتاڭ تياناقتاندىرىپ، “فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ جونىندەگى بىرنەشە بەلگىلەمەنى” قاتاڭ اتقارىپ، فورماشىلدىق، تورەشىلدىك كورنەكتى ماسەلەسىن ۇزدىكسىز تۇزەتىپ، شىن مانىندە نەگىزگى ساتىعا ىرىق بەرىپ، اۋىرتپالىعىن جەڭىلدەتىپ، قۋات ۇستەپ، ونىمدىلىگىن ارتتىرىپ، قالىڭ كادردى شەپكە جەڭىل اتتانۋعا، ناقتى ىستەپ جاۋاپكەرشىلىك ارقالاۋعا ىنتالاندىرىپ، ىسىلعان ستيل ارقىلى ايماقتىڭ رەفورما، دامۋ، ورنىقتىلىق مىندەتتەرىنىڭ تياناقتانىپ ونىمدىلىك كورسەتۋىن قامتاماسىز ەتۋ كەرەك.
ماجىلىستە ورتالىقتىڭ شارلاۋىندا اڭىس ەتىلگەن پىكىرگە ساي رەتتەۋ - تۇزەتۋ قىزمەتىن اقىلداستى. ماجىلىستە مىنالار باسا دارىپتەلدى: باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، شارلاۋ بويىنشا رەتتەۋ - تۇزەتۋدى ويداعىداي يگەرۋدىڭ “ەكىنى قورعاۋدى” امالياتتا ايگىلەۋدەگى ناقتى ارەكەت ەكەنىن تەرەڭ تانىپ، ساياسي جاقتان قاراۋعا، ساياسي جاقتان يگەرۋگە، ساياسي جاقتان تۇزەتۋگە تاباندى بولىپ، ورتالىقتىڭ شارلاۋىندا اڭىس ەتىلگەن ماسەلەنى رەتتەۋ - تۇزەتۋدى باتىل تۇردە تىڭعىلىقتى تياناقتاندىرىپ، شارلاۋ جەتىستىگىن قوعام ورنىقتىلىعىن قورعاۋداعى، ەكونوميكا مەن قوعامنىڭ جوعارى ساپالى دامۋىن ىلگەرىلەتۋدەگى تىڭ ونىمدىلىككە شىنايى اينالدىرىپ، ٴىس جۇزىندىك ارەكەت ارقىلى “ەكىنى تۇراقتاندىرۋدى” تاباندىلىقپەن قولداۋ، “ەكىنى قورعاۋدى” باتىل ورىنداۋ كەرەك.
ماجىلىستە ورنىقتىلىقتى قورعاۋ قىزمەتىن اقىلداستى. ماجىلىستە مىنالار باسا دارىپتەلدى: قوعام ورنىقتىلىعىن قورعاۋدى بۇلجىماي ماڭداي الدى ورىنعا قويىپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋداعى، ۇدايىلاندىرۋداعى ٴتۇرلى شارانى قاتاڭ تياناقتاندىرىپ، ٴتۇرلى قايشىلىق پەن داۋ - شاردى زاڭ بويىنشا شەشىپ، ٴدىن ىستەرىن باسقارۋدى جاپپاي كۇشەيتىپ، ٴتۇيىندى سالالارداعى حاۋىپ - قاتەردى، كومەسكى كىناراتتى ٴبىر - بىردەن تەكسەرۋدى، وڭاۋدى تەرەڭدەتىپ، حاۋىپ - قاتەردەن ساقتانۋ، حاۋىپسىزدىكتى قامتاماسىز ەتۋ، ورنىقتىلىقتى قورعاۋ، دامۋدى جەبەۋ ساياسي جاۋاپكەرشىلىگىن شىنايى مىقتاپ ارقالاپ، قوعامدىق كەلەلى جاعدايدىڭ ٴۇرتىس جاراسىمدى، ورنىقتى بولۋىنا شىنايى كەپىلدىك ەتۋ كەرەك.
ماجىلىستە اۋىل شارۋاشىلىعى، اۋىل - قىستاق قىزمەتىن اقىلداستى. ماجىلىستە مىنالار باسا دارىپتەلدى: باس شۋجي شي جينپيڭنىڭ “اۋىل شارۋاشىلىعى، اۋىل - قىستاق، شارۋالار” قىزمەتىن ويداعىداي ىستەۋ جونىندە بەرگەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، “اۋىل شارۋاشىلىعى، اۋىل - قىستاق، شارۋالار” ماسەلەسىن ويداعىداي شەشۋدى ەڭ ماڭىزدى ورىنعا قويۋدان جازباي، اۋىل شارۋاشىلىعىن، اۋىل - قىستاقتى وسىزامانداندىرۋدى كوزدەپ، استىق حاۋىپسىزدىگى، كەدەيلىكتەن ارىلتۋدان قامال الۋ جەتىستىگىن بەكەمدەۋ - كەڭەيتۋ، اۋىل شارۋاشىلىعىن جەبەپ، كىرىستى ارتتىرۋ، جاراسىمدى دا كورىكتى اۋىل - قىستاق قۇرىلىسى قاتارلى ٴتۇيىندى مىندەتتى تيتتەي دە بوساڭسىماي ويداعىداي يگەرىپ، جۇڭگو ۇلگىسىندەگى وسىزامانداندىرۋدىڭ التاي امالياتىن تىڭعىلىقتى ىلگەرىلەتۋگە نەگىزدىك تىرەك ازىرلەۋ قاجەت.
ماجىلىستە باسقا دا قاتىستى ىستەردى اقىلداستى.
放大
