ۇلان - بايتاق مەكەندە بارلىعى شىت جاڭا تۇسكە ەندى

　　□ شينحۋا اگەنتتىگىنىڭ تىلشىلەرى

　　ارمانعا تالپىنعان ۇزاق جورىق ۇزدىكسىز جالعاستى.

　　2026 - جىلى 3 - ايدىڭ 5 - كۇنى اشىلاتىن 14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندە　15” - بەسجىلدىق“ جوبا «ۇسىنىسى» بويىنشا جاسالعان حالىق شارۋاشىلىعى مەن قوعامدىق دامۋدىڭ 15 - بەسجىلدىق جوبا باعدارلاماسىنىڭ جوبا نۇسقاسى قۇرىلتايدىڭ قاراۋىنا ۇسىنىلادى، سونىمەن پارتيانىڭ قۋاتتاماسى زاڭدى ءتارتىپ ارقىلى مەملەكەتتىڭ ەركىنە اينالادى، ميلليارد حالىقتى ىنتىماقتاستىرىپ، باستاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ءبىر كەزەڭدىك ارەكەت تۇعىرناماسىنا اينالادى.

　　5 جىل ــ ۋاقىت شكالاسى، ونان دا ماڭىزدىسى، كۇرەستىڭ ولشەمى.

　　ەندى عانا اياقتالعان 14” - بەسجىلدىقتا“ جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى ــ

　　بۇل ”بۇل ارانىڭ كورىنىسى وزگەشە كوركەم“ بولۋىنداعى ايبىندى دا كورىكتى تاراۋ: ءبىرىنشى 100 جىلدىق كۇرەس نىساناسىن جۇزەگە اسىرۋدان ەكىنشى 100 جىلدىق كۇرەس نىساناسىنىڭ جاڭا جورىعىن باستاۋعا دەيىن، جاپپاي دوڭگەلەك داۋلەتتى قوعام ورناتۋدان جالپى حالىقتىڭ بىرگە بايۋىن جەبەۋگە دەيىن ەلىمىزدىڭ ەكونوميكالىق ناقتى قۋاتى، عىلىم - تەحنولوگيالىق ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلدى.

　　بۇل ”حاۋىپتى قايراڭداردان اتويلاپ وتكەن، اساۋ اعىستاردى كەشىپ وتكەن“ ەكپىندەي ىلگەرىلەۋ: قىم - قۋىت، كۇردەلى حالىقارالىق جاعداي مەن جاپالى دا اۋىر ەل ءىشى رەفورما، دامۋ، ورنىقتىلىق مىندەتتەرى الدىندا، ەلىمىز عاسىرلىق ىندەتتىڭ اۋىر سوققىسىنان ءوتىپ، ءبىر قىدىرۋ ەلەۋلى حاۋىپ - قاتەرلەر مەن سىن - سايىستارعا ءونىمدى توتەپ بەرىپ، ەكىنشى 100 جىلدىق كۇرەس نىساناسىنىڭ جاڭا جورىعىنا بەرىك تە تاتىمدى باستاما جازدى.

　　تاۋ شىڭدارىنان اسىپ شىڭشىلداردىڭ ىزىنە كۋا بولدى؛ داريالاردان ءوتىپ تولقىن توسىندە اتويلاپ الدا جۇرگەندەردىڭ اسقاق سەزىمى ەستەلىككە الىندى.

　　15” - بەسجىلدىق“ مەزگىلى سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىل.　　　　　　شي جينپيڭ جولداستى ۇيتقى ەتكەن پارتيا ورتالىق كوميتەتى ءداۋىردىڭ الدىڭعى لەگىندە ءجۇرىپ، ايبىندى جوبا جاساپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، سەنىمدى بەكەمدەپ، ەرلىكپەن العا باسىپ، توقتاۋسىز كۇرەس بارىسىندا جۇڭگو ۇلگىسىندەگى وسىزامانداندىرۋدىڭ شىت جاڭا جاعدايىن ۇزدىكسىز اشتى.

　　“ءبىز بۇدان بۇرىنعى دامۋ نەگىزىندە جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاريحىن ۇزدىكسىز جازۋدامىز”

　　2025 - جىلى 12 - ايدىڭ 26 - كۇنى ساعات 10 مولشەرىندە ”فۋشيڭ“ اتتى زەردەلى موتورلى ۆاگوندار قۇراماسىنىڭ يان - ان بەكەتىنەن اتتانۋىنا ىلەسە، شي - اننان  يان - انعا دەيىنگى جوعارى قارقىندى تەمىر جول ىسكە قوسىلىپ پويەز قاتىنادى، توڭكەرىستىك قاسيەتتى جەر يان - ان ”جوعارى قارقىندى تەمىر جول داۋىرىنە“ قادام تاستاپ، ۇلان - بايتاق باتىس بولىك ءۇشىن بوياۋى قانىق ءبىر تاراۋ جازىلدى.

　　14” - بەسجىلدىق“ اياقتالاتىن ساتتە، ەلىمىزدىڭ جوعارى قارقىندى تەمىر جولىنىڭ تيجاراتتىق ۇزىندىعى 50 مىڭ كيلومەتردەن استى؛ مەملەكەتتىڭ جالپىلىق ستەرەولدى قاتىناس تورىنىڭ نەگىزگى قاڭقاسى بولعان ”التى ءوس، جەتى ءدالىز، سەگىز ارنانىڭ“ سالىنۋ مولشەرى %90 تەن استى.

　　سونىمەن بىرگە 15” - بەسجىلدىق“ جوبا ”ۇسىنىسىندا“ جاڭا ورنالاستىرۋ جاسالدى: ”وسىزاماندانعان جالپىلىق قاتىناس - تاسىمال جۇيەسىن ۇزدىكسىز كەمەلدەندىرۋ كەرەك“، ”ءالسىز وڭىرلەردى قامتۋ جانە تۇتاستىرۋ قامتاماسىزدىعىن كۇشەيتۋ كەرەك“.

　　بارلىق ۇلى جەتىستىك ۇزدىكسىز كۇرەس جۇرگىزۋدىڭ ناتيجەسى، بارلىق ۇلى ءىس الدىڭعىلاردىڭ ءىزىن باسىپ، بولاشاققا جول اشۋ بارىسىندا ىلگەرىلەتۋدى قاجەت ەتەدى.

　　ۋاقىت وزگەشە بارىسقا كۋا بولدى.

　　ءبىر ورلەۋ قيسىق سىزىعى 5 جىلدىق زور شارىقتاۋدى ەستەلىككە الدى: جۇڭگو ەكونوميكاسىنىڭ جالپى مولشەرى ءۇرتىس 110 تريلليون يۋاندىق، 120 تريلليون يۋاندىق، 130 تريلليون يۋاندىق، 140 تريلليون يۋاندىق وتكەلدەن ءوتتى؛ جان باسىندىق ىشكى ءوندىرىس جالپى قۇنى ءۇرتىس 3 جىل 13 مىڭ دوللاردان استى؛ استىق ءونىم مولشەرى ءۇرتىس 2 جىل ءبىر تريلليون 400 ميلليارد جىڭدىق ساتىدا ورنىقتى تۇردى؛ جاساۋ كاسىبىنىڭ ارتقان قۇنى ۇدايى 16 جىل دۇنيە ءجۇزى بويىنشا الدىڭعى ورىندا تۇردى...

　　ايبىندى كارتينادا 5 جىلدىق قۇلاشىن كەڭ جايعان كورىنىس ايگىلەندى: جاڭالىق اشۋ قوزعالتقىشى اناعۇرلىم كۇشەيىپ، قالا، اۋىل ءوڭىرىنىڭ سايكەستى دامۋى باسىمدىققا يە بولىپ، كورىكتى جۇڭگو ارماننان رەالدىققا اينالىپ، رەفورما جاساۋدا، ەسىك اشۋدا شىت جاڭا بەينە كوز تارتىپ، مەملەكەتتى باسقارۋ ونىمدىلىگى ۇزدىكسىز كۇشەيىپ، جۇڭحۋا ۇلتىنىڭ ۇيىسۋ قۋاتى اناعۇرلىم جوعارىلاپ، بۇكىل حالىقتىڭ بىرگە بايۋى ءار قادامىن نىق باسىپ العا ىلگەرىلەۋدە...

　　2025 - جىلدىڭ سوڭىندا ورتالىقتىڭ ەكونوميكالىق قىزمەت ءماجىلىسى بەيجيڭدە اشىلدى. 14” - بەسجىلدىققا“ قايىرىلا قاراعان باس شۋجي شي جينپيڭ ايرىقشا تەبىرەنە بىلاي دەدى: ”ءبىز ءتۇرلى سوققىعا، سىن - سايىسقا ءونىمدى توتەپ بەرىپ، پارتيا مەن مەملەكەت ىستەرىندە جاڭا كەلەلى تابىستارعا قول جەتكىزۋدى ىلگەرىلەتتىك، ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستاما جۇزەگە اسىرىلدى“.

　　5 جىلدا ەكپىندەي ىلگەرىلەپ، نىق قاداممەن العا باسىپ، ۇتىلامالى كۇش جالعاپ، جوعارى ساپالى دامۋدا سان سالالى وزگەرىستەردى جارىققا شىعاردى ــ

　　جياڭسۋدىڭ نانتۇڭى، ۋشان رايونىنىڭ بينجياڭ وڭىرىندە تۇرىپ الىسقا كوز جىبەرسەڭىز، وزەن سۋى جوڭكىلىپ، وزەن جاعالاۋى جاسىل جەلەك جامىلعانىن كورەسىز.

　　2020 - جىلى 11 - ايدا پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنەن كەيىن تۇڭعىش رەت ەل ىشىندە قىزمەت تەكسەرگەندە، باس شۋجي شي جينپيڭ چاڭجياڭ وزەنى جانە كانال جيەگى، سۋ يگىلىگى تورابى سياقتىلارعا بارىپ تەكسەرۋ - زەرتتەۋ جۇرگىزىپ، نانجيڭدە چاڭجياڭ ەكونوميكالىق بەلدەۋىنىڭ دامۋىن جاپپاي ىلگەرىلەتۋ اڭگىمە ءماجىلىسىن باسقارىپ اشتى.

　　بولاشاقتى بەتكە العان باس شۋجي شي جينپيڭ چاڭجياڭ ەكونوميكالىق بەلدەۋىنىڭ دامۋى جونىندە تالاپ قويدى: جاڭا دامۋ ۇستانىمىن امالياتتا ايگىلەۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ بارىسىندا ماڭىزدى رول اتقارۋ كەرەك.

　　ۇلى وزەن كۇن - ءتۇن دەمەي شىعىسقا جوڭكىلىپ، تەرەڭ وزگەرىستىڭ كۋاسى بولدى. 14” - بەسجىلدىقتىڭ“ سوڭىندا چاڭجياڭ ەكونوميكالىق بەلدەۋىنىڭ وڭىرلىك ءوندىرىس جالپى قۇنىنىڭ بۇكىل ەلدە يەلەگەن سالىستىرماسى %3. 47كە جوعارىلاپ، جاقسى سۋ ساپاسى سالىستىرماسى %5. 96كە جوعارىلاپ، اۆتوكولىك جاساۋ، ەلەكتروندىق ينفورماتسيا سياقتى ءبىر توپ الەمدىك دەڭگەيدەگى كاسىپ سالاسى شوعىرى بوي كوتەردى.

　　14” - بەسجىلدىق“ مەزگىلى ــ ەلىمىزدە جاپپاي دوڭگەلەك داۋلەتتى قوعام ورناعاننان كەيىن، اۋقىمعا ىلەسە ىلگەرىلەپ ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن كۇرەسكەن ءبىرىنشى 5 جىل، ەلىمىزدىڭ تاپتىرماس ورايدى يگەرىپ، ءتۇرلى سىن - سايىستارعا توتەپ بەرىپ، دامۋدىڭ جاڭا ءورىسىن اشقان شەشۋشى مەزگىلى.

　　ەلىمىز قوعامىنىڭ باستى قايشىلىعى وزگەردى، دامۋ بارىسىنداعى قايشىلىقتار مەن ماسەلەلەر دامۋ ساپاسىندا شوعىرلى بەينەلەندى؛ دۇنيە جۇزىندە 100 جىلدا بولماعان زور وزگەرىس الدىندا، سىرتقى سوققىعا، سىن - سايىسقا بەلسەنە توتەپ بەرۋدىڭ تەتىگى دامۋ ساپاسىن جوعارىلاتۋدا.

　　(جالعاسى 2 ـ بەتتە)

　　(باسى 1 ـ بەتتە)

　　”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرىپ، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى 14” - بەسجىلدىق“ جوبانى 2035 - جىلعا دەيىنگى بولاشاقتىق نىسانامەن ءبىر تۇتاس جوسپارلاپ ويلاستىرىپ، بولاشاقتاعى جۇڭگونىڭ ەكونوميكالىق، قوعامدىق دامۋى ءۇشىن نەگىزگى جەلى كەسكىندەدى:

　　14’” - بەسجىلدىق‘ مەزگىلىندە ەكونوميكالىق، قوعامدىق دامۋدا جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋ كەرەك“،  ”جاڭا دامۋ كەزەڭىن ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرۋ كەرەك“.

　　2022 - جىلى 10 - ايدا پارتيا 20 - قۇرىلتايىندا ”جوعارى ساپالى دامۋ ــ جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى“ دەپ ايقىن العا قويىلدى.

　　العان بەتتەن قايتپاي، جوبانى سوڭىنا دەيىن جالعاستىردى.

　　5 جىلدان بەرى، باس شۋجي شي جينپيڭ جۇڭگونىڭ بايتاق دالاسىندا قىزمەت تەكسەرىپ، جەر - جەردىڭ جەرگىلىكتى جاعدايعا قاراي جوعارى ساپالى دامۋدى ىلگەرىلەتۋىنە عىلمي جەتەكشىلىك ازىرلەدى؛ نازاردى وڭىرلىك دامۋ ستراتەگياسىنا شوعىرلاندىرا وتىرىپ كوپ رەت ارناۋلى تاقىرىپتىق اڭگىمە ءماجىلىسىن وتكىزىپ، ۇزدىكسىز قاجىماي كۇش سالىپ، قادام سايىن تەرەڭدەتتى؛ جاڭالىق اشۋدىڭ ەلىمىزدىڭ وسىزاماندانۋ قۇرىلىسىنىڭ جالپى جاعدايىنداعى وزەكتى ورنىنا تاباندى بولىپ، نازاردى جوعارى دەڭگەيدەگى عىلىم - تەحنولوگيادا ءوز كۇشىنە سۇيەنۋ، ءوزىن الۋەتتەندىرۋگە ۇزاق ۋاقىت كۇش سالۋعا شوعىرلاندىردى؛ پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسىن اشىپ، رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋدى ورنالاستىردى...

　　جوعارى ساپالى دامۋ جاڭا وندىرگىش كۇش نازارياسىنىڭ جەتەكشىلىك ەتۋىن قاجەت ەتەدى. 2024 - جىلى 1 - ايدا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ　　11 - رەتكى توپتىق ۇيرەنۋىندە نازار جوعارى ساپالى دامۋدى تىڭعىلىقتى ىلگەرىلەتۋگە شوعىرلاندىرىلدى. باس شۋجي شي جينپيڭ بىلاي دەپ باسا دارىپتەدى: ”جاڭاشا وندىرگىش كۇشتەردى دامىتۋ ــ جوعارى ساپالى دامۋدى ىلگەرىلەتۋدىڭ ىشكى تالابى جانە ماڭىزدى كۇش سالۋ ءتۇيىنى، جاڭالىق اشۋ سىندى وسى ۇلكەن ءىستى، ءسوز جوق، ۇزدىكسىز ويداعىداي ىستەپ، جاڭاشا وندىرگىش كۇشتەردىڭ جەدەل دامۋىن ىلگەرىلەتۋ كەرەك“.

　　جەرگىلىكتى ورىندا قىزمەت تەكسەرگەن كەزدە تۇڭعىش رەت جاڭاشا وندىرگىش كۇشتى ورتاعا قويعاننان جۇيەلى تۇسىنىك بەرىپ جانە كەلەلى ورنالاستىرۋ جاساعانعا دەيىن باس شۋجي “جاڭاشا وندىرگىش كۇش دەگەن نە، جاڭاشا وندىرگىش كۇشتى قالاي دامىتۋ كەرەك” دەگەن داۋىرلىك تاقىرىپقا ىشكەرىلەي جاۋاپ بەردى.

　　اماليات، تانىم، تاعى دا اماليات، تاعى دا تانىم بارىسىندا اياق الىس توقتامادى، ىزدەنىس توقتامادى.

　　5 جىلدان بەرى، ءداۋىر سۇراۋىنا جاۋاپ قايتارعاندا، باس شۋجي شي جينپيڭ ءبىر قىدىرۋ كەلەلى نازاريالىق جانە امالياتتىق ماسەلەلەردى تەرەڭ بايىمداپ، ەكونوميكالىق، قوعامدىق دامۋعا ءتۇبىرلى بويسۇنۋ ولشەمىن ازىرلەدى.

　　تۇنىق سۋ، جاسىل تاۋ ــ باعالى بايلىق ۇستانىمىن ىشكەرىلەي امالياتتا ايگىلەپ، ەكونوميكالىق، قوعامدىق دامۋدا جاسىل تيپ جاڭالاۋدى ىلگەرىلەتتى؛

　　مادەنيەت ارقىلى ەكونوميكالىق، قوعامدىق دامۋعا قۋات ۇستەپ، گۋمانيتارلىق پەن ەكونوميكا ءوزارا توعىسىپ، ءبىر - ءبىرىن ارلەندىرىپ، قۇنى قاتار ءومىر ءسۇردى؛

　　دامۋ مەن حاۋىپسىزدىكتى ءبىر تۇتاس جوسپارلاپ، ءتۇرلى حاۋىپ - قاتەرلەر مەن سىن - سايىستاردان ءونىمدى ساقتاندى جانە ونى جويدى؛

　　...

　　5 جىلدان بەرى، ماسەلەنى باعدار ەتۋگە تاباندى بولىپ، جاڭا دامۋ ۇستانىمىن دامۋدىڭ تۇتاس بارىسىمەن جانە ءار سالاسىمەن ساباقتاستىردى.

　　”جاڭا بولۋ“ قادامى اناعۇرلىم نىق باسىلدى: ءىرى ەلدىڭ ماڭىزدى قۇرال - جابدىعى ”كوككە كوتەرىلىپ، تەڭىزگە سۇڭگىدى“،  جاساندى زەردە، كۆانتتىق حابارلاسۋ سياقتى الدىڭعى لەكتىك سالالاردا تابىس مول بولدى، زەرتتەۋ - اشۋ قىزمەتكەرلەرىنىڭ جالپى مولشەرى دۇنيە بويىنشا ءبىرىنشى ورىندا بولىپ، الەمدىك جاڭالىق اشۋ كورسەتكىشى تىزىمدىگىندە تۇڭعىش رەت الدىڭعى 10 ورىن قاتارىنا ءوتتى؛

　　“جاسىلدىڭ” ءتۇپ بوياۋى اناعۇرلىم ايقىندالدى: دۇنيە بويىنشا ەڭ ۇلكەن، دامۋى ەڭ تەز قايتا تۋىندايتىن ەنەرگيا جۇيەسى قۇرىلىپ، دۇنيە بويىنشا جاڭا ەنەرگيالى اۆتوكولىكتەردىڭ تەڭ جارتىسىنان استامى جۇڭگونىڭ بايتاق دالاسىندا قاتىناپ، دۇنيە جۇزىندەگى ەنەرگيا سارىپ ەتۋ كۇشەمەلىلىگى ەڭ تەز تومەندەگەن ەلدەردىڭ بىرىنە اينالدى؛

　　”سايكەسۋ“ حورى اناعۇرلىم اسقاقتادى: بەيجيڭ ــ تيانجين ــ حىبەي، چاڭجياڭ اتىراۋى، گۋاڭدۇڭ ــ شياڭگاڭ ــ اۋمىن ۇلكەن شىعاناق رايونىنىڭ قوزعاۋشى كۇش قاينارى اناعۇرلىم كۇشەيىپ، باتىس بولىك، شىعىس سولتۇستىك، ورتا بولىك، شىعىس بولىك سىندى 4 ۇلكەن ءوڭىر بولىگى ءوز ارتىقشىلىقتارىن ايگىلەدى، چاڭجياڭ، حۋاڭحى سىندى ەكى انا وزەن ەكولوگيانى الدىمەن ويلاستىرۋ، جاسىل دامۋ جولىمەن ءجۇردى.

　　...

　　ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ۇزدىكسىز ىلگەرىلەتىپ، جوعارى ساپالى دامۋدىڭ نەگىزى اناعۇرلىم بەكەمدەلىپ، سەرپىمدىلىگى اناعۇرلىم كۇشەيىپ، ءورىسى اناعۇرلىم كەڭەيدى.

　　5 جىل جول باسىپ، تاۋ اسىپ، تار جول، تايعاق كەشۋلەردەن ءوتىپ، جاپا - ماشاقات ىشىندە وزگەشە بارىستى جازدى ــ

　　دۇڭحاي قايراڭى، نيڭبو جوۋشان كەمەجايىندا الىپ كەمەلەر قايشالىستى. 2025 - جىلى بۇل جەر دۇنيە جۇزىندەگى جىلدىق زات قابىلداۋ - جونەلتۋ مولشەرى ءبىر ميلليارد 400 ميلليون توننادان اسقان تۇڭعىش ۇلكەن پورتقا اينالدى.

　　2020 - جىلى كوكتەمدە جاڭا تيپتى ايدارشا ۆيرۋس ىندەتىنە قارسى اتتانۋدىڭ شەشۋشى ساتىندە باس شۋجي شي جينپيڭ جاڭبىرعا قاراماي وسى اراعا كەلىپ قىزمەت تەكسەردى.

　　”قازىرگى جاعداي تىپتەن ۇقسامايدى، مولىنان كىرگىزىپ، مولىنان شىعاراتىن ورتا شارت - جاعدايى وزگەردى، ءسوز جوق، جاڭا جاعدايعا نەگىزدەلىپ دامۋعا جەتەكشىلىك ەتەتىن جاڭا وي جەلىسىن ورتاعا قويۋ كەرەك“. وتكەندەگى، قازىرگى جانە بولاشاق جونىندەگى ويلارىن جيناقتاپ، بەيجيڭگە قايتىپ كەلگەننەن كەيىن كوپ وتپەي، باس شۋجي شي جينپيڭ جاڭا دامۋ ارناسىن قالىپتاستىرۋدى ايقىن العا قويدى. سول جىلى 10 - ايدا پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جاڭا دامۋ ارناسىن قالىپتاستىرۋ جونىندە جان - جاقتى ورنالاستىرۋ جاسادى.

　　ىشكى سۇرانىستى كەڭەيتۋ سىندى وسى ستراتەگيالىق نەگىزگى تۇيىنگە تاباندى بولىپ، قامداۋ مەن قاجەتسىنۋدىڭ ۇتىمدى ىقپالداستىعىن جەبەدى؛ جوعارى دەڭگەيدەگى سىرتقا ەسىك اشۋدى تاباندىلىقپەن كەڭەيتىپ، حالىقارالىق سەلبەستىك پەن باسەكەدە جاڭا باسىمدىق قالىپتاستىردى...

　　14” - بەسجىلدىقتان“ بەرى، جاڭا دامۋ ارناسى جەدەل قالىپتاسىپ، وزگەرىسكە توتەپ بەرۋدىڭ، جاڭا جاعداي اشۋدىڭ مىعىم سۇيەنىشى بەرىك تۇلعالاندى: 2021 - جىلدان 2024 - جىلعا دەيىن ىشكى سۇرانىستىڭ ەكونوميكانىڭ ارتۋىنا قوسقان ورتاشا ۇلەسى %86تەن استى، مەملەكەتتىك ءبىر تۇتاس ۇلكەن بازار قۇرىلىسى ىشكەرىلەي ىلگەرىلەتىلىپ، اشىق دامۋ بارىسىندا ستراتەگيالىق ىرىقتىلىققا اناعۇرلىم ويداعىداي قول جەتتى.

　　دامۋ جولى استە داڭعىل جول ەمەس، تىپتەن قايراڭداپ قالۋ قاتەرى، قامال الاتىن قيىندىقتار بار.

　　ەكى رەتكى ماجىلىستە ماكرولىق باسقارۋدىڭ ايقىن بەلگىسىن قالدىردى:

　　2024 - جىلى 9 - ايدىڭ 26 - كۇنى، نەگىزگى ەكونوميكالىق كورسەتكىشتەردىڭ ارتۋ قارقىنىنىڭ باسەڭدەۋىنە مەڭزەس، ەل ءىشى - سىرتىندا الاڭداۋشىلىق كوبەيدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى تىڭنان ارتتىرىلعان ءبىر قىدىرۋ ساياساتتاردى باتىل ورنالاستىردى، بۇل ”ماكرولىق رەتتەۋ - مەڭگەرۋدەگى ءبىر رەتكى بەلەستىك كىرىسۋ“ دەپ اتالدى.

　　2025 - جىلى 4 - ايدىڭ 25 - كۇنى حالىقارالىق ەكونوميكا - ساۋدا كۇرەسى ۋشىققان شەشۋشى ساتتە، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تاعى ءبىر رەتكى ءماجىلىسى نازاردى ”كۇش سالا جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا“ شوعىرلاندىرىپ، ءبىر قىدىرۋ ساياسات - شارالاردى العا قويدى.

　　5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق جوسپار جاساپ، بايىپتىلىقپەن وزگەرىسكە توتەپ بەرىپ، ءار رەتكى شەشۋشى ساتتە شەشۋشى تالعام جاسادى.

　　ۋاقىتقا، جاعدايعا قاراي عىلمي شەشىم جاساپ، جاڭا تيپتى ايدارشا ۆيرۋس ىندەتى وزگەرىسىن انىق يگەرىپ، سوتسياليزمنىڭ كۇشتى شوعىرلاندىرا وتىرىپ ءىرى ىستەردى تىندىراتىن تۇزىمدىك ابزالدىلىعىن تولىق ساۋلەلەندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءونىمدى   ءبىر تۇتاس جوسپارلادى؛

　　ماسەلەنى ءدال كوزدەپ، نازاردى ءجىتى قاداعالانعان ماسەلەلەرگە شوعىرلاندىرىپ، حالىقتىق كاسىپورىندار اڭگىمە ءماجىلىسىن اشىپ، حالىقتىق شارۋاشىلىقتىڭ دامۋىنا قاتىستى ءتۇبىرلى سيپاتتى، بەتالىس سيپاتتى ماسەلەلەردى تەرەڭ بايىمدادى؛

　　ۇستامدى دا بايسالدى بولىپ، وزگەرىسكە ءونىمدى توتەپ بەرىپ، سىرتقى قىسىمنىڭ، تەجەۋدىڭ الدىندا، مەملەكەت پەن ۇلتتىڭ دامۋىن ءوز كۇشىنىڭ نەگىزىنە قويۋعا تاباندى بولدى؛

　　ستراتەگيالىق جوسپار جاساپ، ارميانى قۇدىرەتتەندىرىپ، ارميانى گۇلدەندىرىپ، مەملەكەت قورعانىسى مەن ارميانى وسىزامانداندىرۋدى جەدەلدەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قۋاتىن جوعارىلاتتى؛

　　ءبىر تۇتاستىقتى قورعاپ، ىرىقتىلىقتى يگەرىپ، “ءبىر ەل، ەكى ءتۇزىم” امالياتىن ىشكەرىلەي ىلگەرىلەتىپ، جاڭا داۋىردەگى پارتيانىڭ تايۋان ماسەلەسىن شەشۋ جالپى تۇلعالىق جوباسىن العا قويدى؛

　　دۇنيە جۇزىنە كوڭىل ءبولىپ، جاۋاپكەرشىلىكتى ايگىلەپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن، الەمدىك باسقارۋ باستاماسىن العا قويىپ، داۋىل - تولقىنداردا سىن - سايىستارعا توتەپ بەرۋدىڭ قۋاتتى كۇشىن توپتادى؛

　　...

　　باس شۋجي شي جينپيڭ بىلاي دەپ سالتاناتپەن جاريالادى: “جاڭا دامۋ كەزەڭى ــ پارتيامىز حالىقتى باستاپ ەڭسە كوتەرۋدەن، بايۋدان قۇدىرەتتەنۋگە دەيىنگى تاريحي شارىقتاۋدى قارسى الاتىن جاڭا كەزەڭ”، “ءبىز وسىدان بۇرىنعى دامۋ نەگىزىندە جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاريحىن ۇزدىكسىز جازۋدامىز”.

　　بۇلت جامىلعان تاۋلارعا تابان تىرەدى، تار جول، تايعاق كەشۋلەردى باستان كەشىردى؛ بيىكتە تۇرىپ الىسقا كوز جىبەرگەندە، شەكسىز داڭعىل جول ايگىلەندى.

　　“بارلىق قىزمەت حالىقتىڭ باقىتى ءۇشىن”

　　2021 - جىلى 2 - ايدا 14” - بەسجىلدىق“ ەندى عانا باستالعان كەزدە باس شۋجي شي جينپيڭ گۇيجوۋعا كەلىپ قىزمەت تەكسەردى، مياۋزۋ قىستاق تۇرعىندارىنىڭ ۇيىنە بارىپ، كەدەيلەردى سۇيەمەلدەۋ سەحىنا كىرىپ، ەرەكشەلىككە يە مياۋزۋ كەستەشىلىك كاسىپ سالاسىنىڭ دامۋىن ۇعىسىپ، اۋىلداستارعا ىقىلاسپەن بىلاي دەدى: ”جاپپاي سوتسياليستىك وسىزامانداندىرۋدى قۇرۋدا　　   بىردە - ءبىر ۇلتتىڭ قاتاردان قالۋىنا بولمايدى“.

　　14” - بەسجىلدىق“ اياقتالعان جىلى باس شۋجي شي جينپيڭ گۇيجوۋعا تاعى كەلىپ، دۇڭزۋ قورجاسىنا بارىپ، قىستاق كادرلارىمەن جانە قىستاق تۇرعىندارى ۋاكىلدەرىمەن قورالانا وتىرىپ اۋىل - قىستاقتى جاپپاي گۇلدەندىرۋ جونىندە اقتارىلا اڭگىمەلەستى.

　　باس شۋجي شي جينپيڭ دەن قويا سۇراپ، ەگجەي - تەگجەيلى قاداعالاي تاپسىردى: “ءبىرىنشى شۋجي تۇزىمىنە ءالى دە تاباندى بولۋ كەرەك، كەدەيلىكتەن ارىلعاننان كەيىن دە اۋىل - قىستاقتى جاپپاي گۇلدەندىرۋ مىندەتى بىردەي اۋىر، بۇل جاعىن ءالى دە كۇشەيتۋ كەرەك”. “بۇل ءارى جاڭا داۋىردەگى ‘فىڭچياۋ تاجىريبەسىنىڭ’ ءبىر ءتۇرلى بەينەسى. قايشىلىقتاردى دەر كەزىندە نەگىزگى ساتىدا شەشۋ كەرەك”. “وسى ۇلتتىق ەرەكشەلىكتەردى ويداعىداي جالعاستىرىپ، ويداعىداي اسقاقتاتىپ، مادەنيەت پەن ساياحاتتى توعىستىرۋ بارىسىندا ونىڭ شۇعىلاسىن اناعۇرلىم ويداعىداي ايگىلەۋ كەرەك”.

　　2025 - جىل ــ كەدەيلىكتەن ارىلتۋدان قامال الۋ مىندەتى ورىندالعاننان كەيىنگى 5 جىلدىق وتپەلى مەزگىلدىڭ ەڭ سوڭعى جىلى. قىزمەت تەكسەرۋ بارىسىندا باس شۋجي شي جينپيڭ شىن ىقىلاسپەن بىلاي دەدى: ”اۋىل - قىستاق قىزمەتىنىڭ ماڭىزدى ءتۇيىنى كەدەيلىكتەن ارىلتۋدان اۋىل - قىستاقتى جاپپاي گۇلدەندىرۋگە قاراي ويىسۋ، كەدەيلىكتەن ارىلتۋدى تومەنگى شەكتەن تۇسىرمەۋ، ءسوز جوق، بەرىلمەس بەكىنىس بولۋى كەرەك، كولەمدى قايتا كەدەيلەسۋ، كەدەيلەسۋ استە تۋىلماۋى كەرەك“.

　　اۋىل شارۋاشىلىعىن، اۋىل - قىستاقتى وسىزامانداندىرۋ جۇڭگو ۇلگىسىندەگى وسىزامانداندىرۋدىڭ جالپى جاعدايى مەن ساپاسىنا سايادى. 5 جىلدان بەرى، بۇل باستان - اياق باس شۋجي كوكەيىندە ساقتاعان ءىرى ءىس بولىپ كەلدى.

　　شانشيدىڭ يان - انىندا جەمىس باعىنا بارىپ المانىڭ ءونىمىن جانە كاسىپ سالاسىنىڭ دامۋىن ۇعىستى؛ گۋاڭشيدىڭ چۋانجوۋىندا اۋىل شارۋاشىلىق تەحنيكتەرىنە “ءوز ۇلەسىڭدى وسى بايتاق دالاعا جاز” دەپ قاداعالادى؛ فۋجياننىڭ جاڭجوۋىندا بالىقشىلىق قىستاعىندا “‘تەڭىز’ ءىسىن ويداعىداي تىندىرۋدى” العا قويدى... تاۋ اسىپ، تاس باسىپ، قىستاقتاردى ارالاپ، وتباسىلاردىڭ جاعدايىن ۇعىستى، باس شۋجي شي جينپيڭ قايتكەندە اۋىل شارۋاشىلىعىن اناعۇرلىم قۇدىرەتتەندىرۋدى، اۋىل - قىستاقتى اناعۇرلىم كورىكتەندىرۋدى، شارۋالاردى اناعۇرلىم بايىتۋدى جۇزەگە اسىرۋعا بولادى دەگەندى ارقاۋ ەتە وتىرىپ ىشكەرىلەي تەكسەرۋ - زەرتتەۋ جۇرگىزىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ستراتەگيالىق بيىكتەن ءبىر تۇتاس جوسپارلاپ جوبالادى، عىلمي ىلگەرىلەتتى.

　　پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە اۋىل - قىستاقتى گۇلدەندىرۋدى جاپپاي ىلگەرىلەتۋدى ورتاعا قويۋدان پارتيا 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە ’”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ ينجەنەرياسى‘ تاجىريبەسىنەن پايدالانىپ، اۋىل - قىستاقتى جاپپاي گۇلدەندىرۋدى ىلگەرىلەتۋدىڭ باياندى مەحانيزمىن اقاۋسىزداندىرۋعا“ دەيىن، ونان 5 جىلعى ورتالىقتىڭ 1 - ءنومىرلى حۇجاتىنىڭ بارلىعى نازاردى  اۋىل - قىستاقتى گۇلدەندىرۋگە شوعىرلاندىرا وتىرىپ ورنالاستىرۋ جاساعانعا دەيىن... جوعارى دەڭگەيدە جوبالاپ، نەگىزگى جۇلگە ورناتىپ، ناقتى قىزمەتتى ەگجەي - تەگجەيلى تياناقتاندىرىپ،　　اۋىل - قىستاقتى جاپپاي گۇلدەندىرۋدى ىلگەرىلەتۋ جولىن بارعان سايىن ايقىندادى.

　　قالا، اۋىل - قىستاق ــ حالىقتىڭ تاماشا تۇرمىسىنىڭ ماڭىزدى سۇيەنىشى. جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاپ ىلگەرىلەتىپ، قالا مەن اۋىلدىڭ توعىسا دامۋىن جەبەۋگە باس شۋجي شي جينپيڭ ايرىقشا باسا ءمان بەردى.

　　2023 - جىلى 11 - ايدا شاڭحاي قالاسى مينحاڭ رايونى جاڭا داۋىردەگى قالا قۇرىلىسشىلارى، باسقارۋشىلارى وتاۋى. جاڭا شاڭحايلىق جىڭ لانيۇي مەن شەشەسى جالعا الىپ وتىرعان ەكى بولمەلى، ءبىر زالدى ۇيگە باس شۋجي شي جينپيڭ كەلدى.

　　“جالعا الۋ اقىسى قىمبات پا؟” “قىمبات ەمەس، وتە جايلى”. باس شۋجيدىڭ سۇراۋىنا جاۋاپ بەرگەندە جىڭ لانيۇي جارقىلداي كۇلىپ: “پارتيا مەن ۇكىمەتكە العىس ايتامىن، شاڭحايدا ءۇيىم بار بولدى”، - دەدى.

　　“قالادا بيىكتىك قانا ەمەس، جىلۋلىق تا بولۋى كەرەك”. باس شۋجي تەرەڭ سۇيىسپەنشىلىكپەن بىلاي دەدى: حالىقتىڭ قالاسى ۇستانىمىن امالياتتا ايگىلەپ، حالىق بۇقاراسىنىڭ تۇرعىن ءۇي جونىندەگى الۋان ءتۇرلى، كوپ نەگىزدى قاجەتىن ۇزدىكسىز قاناعاتتاندىرىپ، سىرتتان كەلگەن جان سانىنىڭ كىرە الۋىنا، تۇراقتاپ قالۋىنا، الاڭسىز تۇرۋىنا، كاسىپپەن شۇعىلدانۋىنا شىنايى كەپىلدىك ەتۋ كەرەك.

　　“حالىق قالاسىن حالىق قۇرۋى، حالىق قالاسى حالىققا قىزمەت وتەۋى كەرەك”.

　　2025 - جىلى 7 - ايدا ورتالىقتىڭ قالا قىزمەتى ءماجىلىسى وتكىزىلدى، باس شۋجي شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ماجىلىستە ”وسىزاماندانعان حالىق قالاسىن“ قۇرۋ قازىرگى جانە بۇدان بىلايعى ءبىر مەزگىلدەگى قالا قىزمەتىنىڭ نىساناسى ەكەندىگى ايقىندالدى.

　　قالا مەن اۋىل قوس باعىتتا اتتانىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ قۋاتتى كۇشىن ۇيىستىردى: 2025 - جىلدىڭ سوڭىندا ەلىمىزدە تۇراقتى جان سانىنىڭ قالا - قالاشىقتانۋ مولشەرى %89. 67كە جەتىپ، قالا، اۋىل تۇرعىندارىنىڭ كىرىس سالىستىرماسى 1 : 31. 2نا ءتۇستى. اۋدان ءوڭىرى ەكونوميكاسى جەدەل جاندانىپ، كەدەيلىكتەن ارىلعان جان سانىنىڭ جۇمىس ىستەۋ، جۇمىستانۋ كولەمى ورنىقتى تۇردە ءۇرتىس 5 جىل 30 ميلليون ادامنان استى.

　　جەرگىلىكتى ورىندارعا بارىپ قىزمەت تەكسەرگەندە، باس شۋجي شي جينپيڭ ۇنەمى اۋىل - قىستاقتاردى ارالادى، الەۋمەتتىك اۋماقتاردى ارالادى. “مەن ‘قارتتار، بالالار’ سىندى وسى ماڭىزدى تۇيىنگە ەرەكشە كوڭىل بولەمىن”.

　　ماسەلە ــ ءداۋىردىڭ ءۇنى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعاندا، ەلىمىز جان سانىنىڭ دامۋى دا ءبىر جاڭا داۋىرگە قادام تاستادى.

　　جان سانىنىڭ دامۋىندا بالا ازايۋ، قارتتانۋ، وڭىرلىك جان سانىنىڭ ارتۋى، ازايۋى، جىكتەلۋى سياقتى كورنەكتى اۋقىمدىق ەرەكشەلىكتەرگە مەڭزەس، باس شۋجي شي جينپيڭ “جان سانىنىڭ جوعارى ساپالى دامۋىن ىلگەرىلەتۋدى” العا قويىپ، نازاردى جان سانىنىڭ جوعارى ساپالى دامۋى ارقىلى جۇڭگو ۇلگىسىندەگى وسىزامانداندىرۋعا تىرەك بولۋعا شوعىرلاندىرىپ، كەلەلى ورنالاستىرۋ جاسادى.

　　وقۋ - اعارتۋ، دەنساۋلىق ساقتاۋ ىستەرىندە رەفورما جاساپ، جاڭالىق اشۋدى تەرەڭدەتىپ، وقۋ - اعارتۋدا قۋاتتى ەل قۇرىلىسىن جان سانىنىڭ جوعارى ساپالى دامۋىنىڭ ستراتەگيالىق ينجەنەرياسى ەتتى؛ تۋىت جاعىندا قولداۋ ساياسات جۇيەسىن ورناتىپ، كەمەلدەندىرىپ، بالا باعۋ قوسىمشا قاراجاتىن بەرۋ ءتۇزىمىن ورناتىپ، جالپىعا ءتيىمدى اماناتتاپ باعۋ قىزمەت وتەۋ جۇيەسىن كۇش سالا دامىتىپ، تۋىت جاعىندا قامقور قوعام قۇرۋدى ىلگەرىلەتتى؛ زاڭدا بەلگىلەنگەن زەينەتكە شىعۋ جاسىن كەشەۋىلدەتۋ ساياساتىن ورنىقتى، ءتارتىپتى اتقارىپ، يكەمدى جۇمىستانۋ مەن جاڭا جۇمىستانۋ فورماتسياسىنداعى ەڭبەكشىلەردىڭ ەڭبەگىن قامتاماسىزداندىرۋدى، ۇقىق - مۇددەسىن قورعاۋدى كۇشەيتىپ، جوعارى ساپالى تولىق جۇمىستانۋدى جەبەدى؛ جان سانىنىڭ قارتتانۋىنا بەلسەنە توتەپ بەرۋدىڭ مەملەكەتتىك ستراتەگياسىن اتقارىپ، قارتتار ەكونوميكاسىن زور كۇشپەن دامىتتى...

　　14” - بەسجىلدىقتان“ بەرى، ەلىمىز دۇنيە ءجۇزى بويىنشا كولەمى ەڭ ۇلكەن وقۋ - اعارتۋ جۇيەسىن، قوعامدىق قامتاماسىزداندىرۋ جۇيەسىن، ەمدەۋ - دەنساۋلىق ساقتاۋ جۇيەسىن قۇردى، مىندەتتى وقۋ - اعارتۋدىڭ بەكەمدەلۋ مولشەرى مەن نەگىزگى زەينەتكەرلىك قامسىزداندىرۋىنا، نەگىزگى ەمدەۋ قامسىزداندىرۋىنا قاتىناسۋ مولشەرى تۇگەلدەي %95تەن استى.

　　جاڭا جورىقتا جۇڭگو كوممۋنيستىك پارتياسى جالپى حالىقتىڭ بىرگە بايۋىن جەبەۋدى حالىقتىڭ باقىتىن كوزدەۋدىڭ كۇش سالۋ ءتۇيىنى ەتىپ، ۇزاق ۋاقىت كۇش سالدى.

　　2035 - جىلعا بارعاندا ”جالپى حالىقتىڭ بىرگە بايۋى اناعۇرلىم كورنەكتى ماندىك ىلگەرىلەۋشىلىكتەرگە قول جەتكىزەدى“. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى اناعۇرلىم ۇزاق بولاشاقتىق نىسانانى بەتكە الىپ بىرگە بايۋدى جوسپارلادى. مۇنداي بايانداۋ پارتيا جالپى ءماجىلىسىنىڭ حۇجاتتارىندا تۇڭعىش رەت بولىپ وتىر.

　　ەڭبەكشىلدىكپەن جاڭالىق اشا بايۋعا شابىتتاندىرۋ، نەگىزگى ەكونوميكالىق تۇزىمگە تاباندى بولۋ، بار كۇشىن سارقا جۇمساۋ، كورپەگە قاراي كوسىلۋ، ءتارتىپ بويىنشا بىرتىندەي ىلگەرىلەۋگە تاباندى بولۋ... 5 جىلدان بەرى، نازاريانى كەمەلدەندىرۋدەن ۇلگى كورسەتىپ جول قاراستىرۋعا دەيىن باس شۋجي شي جينپيڭ جالپى حالىقتىڭ بىرگە بايۋىن جەبەۋ جونىندە ءبىر قىدىرۋ ماڭىزدى نۇسقاۋ بەرىپ، ءار جاقتاعى قىزمەتتەردىڭ ماندىك ىلگەرىلەۋشىلىككە قول جەتكىزۋىن ىلگەرىلەتتى.

　　دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، جوعارى ساپالى دامۋدى ىلگەرىلەتۋدى باستان - اياق ماڭداي الدى ورىنعا قويدى؛

　　الەۋمەتتىك ساياسات جۇيەسىن ۇزدىكسىز كەمەلدەندىرىپ، “بالكۇلشەنى” ويداعىداي ءبولىپ، بارلىق ادام يگىلىكتەنەتىن ۇيلەسىمدى ءبولىس جاعدايىن قالىپتاستىردى؛

　　جىجياڭعا جوعارى ساپالى دامۋ ارقىلى بىرگە بايۋدان ۇلگى كورسەتۋ رايونىن قۇرۋ، بۇكىل ەلگە جول بارلاۋ بورىشىن جۇكتەدى...

　　قۇلاشىن كەڭ جايعان وسىزامانداندىرۋ ۇردىسىندە حالىق باستان - اياق دامۋدىڭ لوگيكالىق باستاماسى، قۇن ماقساتى بولىپ كەلەدى.

　　شيزاڭنىڭ ديڭرى اۋدانى پىنجي اۋىلى چابا قىستاعى جودۇي تابيعي قىستاعىنداعى جولدىڭ ەكى جاعىندا زاڭزۋ ۇلگىسىندەگى جاڭا ۇيلەر قاز - قاتار رەتتى تىزىلگەن.

　　يشي ساڭمەيدىڭ جاڭا قونىسىنا بارعانىمىزدا، سۋداي جاڭا زاڭزۋ ۇلگىسىندەگى كرەسلودا وتىرعان 74 جاستاعى قاريانىڭ بەتىنە قوس قابات جىلۋ ساقتاعىش اليۋمين تەرەزەدەن وتكەن كۇن ساۋلەسى ءتۇسىپ تۇردى. قاريا: ”جاڭا ۇيگە مۇنداي تەز كوشىپ كىرەتىنىمىزدى ويلاماعان ەكەنمىن“! - دەدى قۋانا.

　　2025 - جىلى 1 - ايدىڭ 7 - كۇنى ديڭرى اۋدانىندا 8. 6 بال جەر سىلكىنىسى تۋىلدى. باس شۋجي شي جينپيڭ تاباندا ماڭىزدى نۇسقاۋ بەرىپ، ”اپاتقا ۇشىراعان بۇقارانى ۇيلەسىمدى ورنالاستىرىپ، سوڭعى جۇمىستاردى ىڭعايلاستىرۋ سياقتى قىزمەتتەردى ويداعىداي ىستەۋدى“ تالاپ ەتتى.

　　حالىقتى بارىنەن جوعارى قويدى، ءومىردى بارىنەن جوعارى قويدى.

　　ىندەتكە قارسى اتتانىپ، تاسقىن سۋمەن شايقاستى، داعدارىستى جويىپ، وزگەرىسكە توتەپ بەردى، حالىق تۇرمىسىنىڭ تومەنگى شەگىن مىقتى ساقتادى، حالىقتى وزەك ەتۋگە تاباندى بولىپ، مەيلى قانشا بوداۋ بەرسە دە، باستان - اياق اينىمادى.

　　باس شۋجي شي جينپيڭ بىلاي دەپ تەرەڭ اتاپ كورسەتتى: “پارتيامىز حالىق ءۇشىن دۇنيەگە كەلگەن، حالىقپەن گۇلدەنگەن، بارلىق قىزمەتتە حالىقتىڭ باقىتىن كوزدەيدى”.

　　جاڭا جورىقتا حالىقتىڭ نەگىزگى تۇلعالىق ورنىنا تاباندى بولىپ، حالىقتىڭ ءتول جاسامپازدىق رۋحىنا قۇرمەت ەتىپ، ەڭ كەڭ حالىقتىڭ ءتۇبىرلى مۇددەسىن ويداعىداي جۇزەگە اسىرىپ، ويداعىداي قورعاپ، ويداعىداي دامىتتى، جۇڭگو ۇلگىسىندەگى وسىزامانداندىرۋ جولى بارعان سايىن كەڭەيە ءتۇستى.

　　“سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك”

　　2026 - جىلى 1 - ايدىڭ 20 - كۇنى تۇستەن بۇرىن، ورتالىق كوميتەت پارتيا مەكتەبىنىڭ زالى. ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسى وقۋ باستادى.

　　”شەشۋشى ازشىلىققا“ قاراتا، باس شۋجي شي جينپيڭ 15” - بەسجىلدىقتىڭ“ باستاما جىلىنداعى ءبىرىنشى ساباقتى سويلەپ، مىنالاردى ايقىن تالاپ ەتتى: ”پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى 15’ - بەسجىلدىق‘ مەزگىلىندەگى ەكونوميكالىق، قوعامدىق دامۋ جونىندە ستراتەگيالىق ورنالاستىرۋ جاسادى، ونى جان - جاقتى، تەرەڭ ءتۇسىنۋ جانە يگەرۋ كەرەك“.

　　جولىمىزدا بوران - شاشىندى باستان وتكەردىك.　　　　　　　　 1” - بەسجىلدىقتان“  14” - بەسجىلدىققا“ دەيىن نەشە بۋىن كوممۋنيستەر ءبىرىنىڭ ءىزىن ءبىرى باسىپ، كۇش جالعاپ العا ىلگەرىلەپ، ەلىمىزدى سوتسياليستىك وسىزاماندانعان مەملەكەت ەتىپ قۇرىپ شىعۋ نەگىزگى تاقىرىبىن باستان - اياق جالعاستىردى. قازىر ءبىزدىڭ سوتسياليستىك وسىزامانداندىرۋدى نەگىزىنەن جۇزەگە اسىرۋىمىزعا 10 جىلعا جەتپەيتىن ۋاقىت قانا قالدى.

　　ورتا، ۇزاق مەرزىمدىك جوبا ءىرى ەلدىڭ دامۋىنا كوورديناتا، نەگىزگى ءوس جانە باعدار بەلگىلەدى. باس شۋجي شي جينپيڭ:　　　　 5” جىلدىق جوبانى عىلمي جاساۋ جانە ونى ۇزدىكسىز اتقارۋ ــ پارتيامىزدىڭ ەل باسقارۋداعى ماڭىزدى تاجىريبەسى ءارى جۇڭگوشا سوتسياليزمنىڭ ماڭىزدى ساياسي ارتىقشىلىعى“ دەپ باستى ماقساتتى ايقىن اتاپ كورسەتتى.

　　پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز　　12” - بەسجىلدىق“ جوبانى تابىسپەن ورىنداپ، 13” - بەسجىلدىق“ جانە 14” - بەسجىلدىق“ جوبانى جاسادى ءارى ءساتتى ورىندادى، جۇڭگوشا سوتسياليزم جاڭا دامۋ كەزەڭىنە ءوتتى.

　　بۇگىنگى تاڭدا كوممۋنيستەر ءداۋىر ۇمىتىنەن شىعا الاتىن جاۋاپكەرشىلىكپەن تاعى دا ەڭ الدىڭعى لەكتە كەلەدى.

　　(جالعاسى 3 ـ بەتتە)

　　(باسى 2 ـ بەتتە)

　　باس شۋجي شي جينپيڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ حۇجاتتارىن دايىنداۋ گرۋپپاسىنىڭ باستىعى مىندەتىن ءوزى ارقالاپ، “15 - بەسجىلدىق” جوبا «ۇسىنىسىن» جاساۋعا جەتەكشىلىك ەتتى؛ جەر - جەرگە بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، “15 - بەسجىلدىق” دامۋدى جوبالاۋ جونىندە تەرەڭ وي جۇگىرتتى؛ اڭگىمە ءماجىلىسىن باسقارىپ اشىپ، پىكىر - ۇسىنىستاردى تىڭداپ، ينتەرنەت قولدانۋشىلاردىڭ “15 - بەسجىلدىق” جوبانى جاساۋ قىزمەتى جونىندەگى پىكىر - ۇسىنىستارىن زەرتتەپ قابىلداۋ جونىندە ماڭىزدى نۇسقاۋ بەرىپ، كەڭ كولەمدە حالىق جاعدايىن ىشكەرىلەي ۇعىسىپ، حالىق ۇنىنە قۇلاق اسىپ، حالىقتىڭ اقىل - پاراساتىن توپتاۋدى باسا دارىپتەدى...

　　جاعدايدى باعامداپ بەتالىس بەلگىلەدى، تاريحي ورىندى ايقىندادى ــ

　　ەلىمىز “14 - بەسجىلدىق”، “15 - بەسجىلدىق”، “16 - بەسجىلدىق” سىندى 3 بەسجىلدىق قۇلشىنىس ارقىلى 2035 - جىلعا بارعاندا سوتسياليستىك وسىزامانداندىرۋدى نەگىزىنەن جۇزەگە اسىرادى، “ەكى ساتىعا ءبولىپ جۇرگىزۋ” ستراتەگيالىق ورنالاستىرۋىنىڭ ءبىرىنشى قادامىن جۇزەگە اسىرادى. “15 - بەسجىلدىق” باس - اياعىن ۇلاستىراتىن 5 جىل.

　　باس شۋجي شي جينپيڭ بىلاي دەپ باسا دارىپتەدى: “15 - بەسجىلدىق” مەزگىلى ــ نەگىزدى بەكەمدەپ، جاپپاي كۇش سالاتىن شەشۋشى مەزگىل، “15 - بەسجىلدىق” جوبانى ويداعىداي جاساعاندا جانە اتقارعاندا، 2035 - جىلى سوتسياليستىك وسىزامانداندىرۋدى نەگىزىنەن جۇزەگە اسىرۋعا اناعۇرلىم بەرىك نەگىز قالاۋعا بولادى.

　　جاعدايعا قاراي جوسپار جاساپ، كەلەلى جاعدايدى، جالپى اۋقىمدى يگەردى ــ

　　وراي مەن سىن - سايىسقا ديالەكتيكالىق تالداۋ جاسادى: ءىرى ەلدەر قارىم - قاتىناسى حالىقارالىق جاعدايعا ىقپال جاسايدى، حالىقارالىق جاعدايداعى وزگەرىس ەل ءىشىنىڭ دامۋىنا تەرەڭ ىقپال جاسايدى، ەلىمىزدىڭ دامۋى ستراتەگيالىق وراي مەن حاۋىپ - قاتەر جانە سىن - سايىس قاتار ءومىر سۇرگەن، ايقىنسىز، مەجەلەۋ قيىن فاكتورلار كوبەيگەن مەزگىلدە تۇر.

　　ابزال شارت - جاعدايدى وبيەكتيۆ يگەردى: ەلىمىز ەكونوميكاسىنىڭ نەگىزى ورنىقتى، ارتىقشىلىعى كوپ، سەرپىمدىلىگى كۇشتى، كومەسكى قۋاتى زور، ۇزاق ۋاقىت جاقسارۋ سىندى تىرەكتىك شارت - جاعدايى مەن نەگىزگى بەتالىسى وزگەرگەن جوق، جۇڭگوشا سوتسياليستىك ءتۇزىمنىڭ ابزالدىلىعى، ەرەن كولەمدى بازار ارتىقشىلىعى، كەمەلدى كاسىپ سالاسى جۇيەسى ارتىقشىلىعى، باي دارىندىلار بايلىعى ارتىقشىلىعى اناعۇرلىم كورنەكتىلەنە ءتۇستى.

　　باس شۋجي شي جينپيڭ اسا كورەگەندىكپەن: “وسى مەزگىل تەرەزەسىن مىقتاپ يگەرىپ، باسىمدىقتى بەكەمدەپ، كەڭەيتىپ، بوگەتتەر مەن شەكتەمەلەردى جويىپ، ولقىلىقتاردى، ءالسىز تۇستاردى تولىقتاپ، كۇشەيتىپ، قيان - كەسكى حالىقارالىق باسەكەدە ستراتەگيالىق ىرىقتىلىققا قول جەتكىزىپ، جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتەردە كەلەلى سەرپىلىسكە قول جەتكىزۋدى ىلگەرىلەتۋ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك”، - دەدى.

　　“ماقۇلداندى”!

　　2025 - جىلى 10 - ايدىڭ 23 - كۇنى تۇستەن كەيىن پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ەكىنشى جالپى جيىنىندا “15 - بەسجىلدىق” جوبا «ۇسىنىسى» داۋىسقا سالىنىپ ماقۇلداندى. باس شۋجي شي جينپيڭنىڭ ءسوزى اياقتاي بەرە كوتەرىلگەن شاپالاق ءۇنى ۇزاققا دەيىن تولاستامادى.

　　وسى ايبىندى ستراتەگيالىق كارتينا سوتسياليستىك وسىزامانداندىرۋدى نەگىزىنەن جۇزەگە اسىرۋ نىساناسىنا قاراي بەت الۋداعى، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن قۇلشىنا اشۋداعى جول كارتاسى، جارناما.

　　باستاما اشۋ جالپى جاعدايعا قاتىستى، قادام باسۋ سوڭعى تەبىندى بەلگىلەيدى. جالپى ءماجىلىستىڭ رۋحىن قالاي ويداعىداي دايەكتىلەندىرۋ، تياناقتاندىرۋ، پارتيانىڭ دارىپتەمەسىن مەملەكەتتىڭ ەرىك - جىگەرىنە جانە ميلليارد حالىقتىڭ ارەكەتىنە قالاي اينالدىرۋ وسىزامانداندىرۋ قۇرىلىسىنىڭ جالپى جاعدايىنا سايادى.

　　پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن مەملەكەتتىك ەكى ماجىلىسكە دەيىن يدەيا ونان ارى بىرلىككە كەلىپ، ورتاق تانىم ونان ارى ۇيىستى.

　　2025 - جىلى 11 - ايدا پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن تۇڭعىش رەت قىزمەت تەكسەرگەندە باس شۋجي شي جينپيڭ وڭتۇستىككە اتتاندى.

　　حاينان ەركىن ساۋدا پورتىندا كەدەن جابىق كۇيدە جۇمىس جۇرگىزۋ الدىندا تۇرعاندا، باس شۋجي كەلەلى جاعدايدى كوزدەپ، جالپى جوبا بەلگىلەدى: “حاينان ەركىن ساۋدا پورتىن جوعارى ولشەممەن قۇرۋدىڭ باستى ماقساتى ــ حايناننىڭ جوعارى ساپالى دامۋىن جەبەپ، بۇكىل ەلدىڭ جاڭا دامۋ ارناسىن قالىپتاستىرۋىنا دەم بەرۋ”.

　　گۋاڭدۇڭ ساپارىندا باس شۋجي گۋاڭدۇڭنىڭ ورنىن تۇراقتاندىرىپ: “رەفورمانىڭ، ەسىك اشۋدىڭ باستاماشىسى، الدىمەن اتقارىلاتىن جەرى، تاجىريبە رايونى ەكەندىگىن”، - باسا دارىپتەپ، “رەفورمانى، ەسىك اشۋدى جاپپاي تەرەڭدەتۋ ارقىلى جوعارى ساپالى دامۋدى ىلگەرىلەتۋگە” شابىتتاندىردى.

　　ماڭىزدى ماجىلىستەرگە قاتىناسقاندا، توپتىق ۇيرەنۋلەردى باسقارعاندا، جەرگىلىكتى ورىندارعا بارىپ قىزمەت تەكسەرىپ، تەكسەرۋ - زەرتتەۋ جۇرگىزگەندە، باس شۋجي شي جينپيڭ جالپى ءماجىلىستىڭ رۋحىن تەرەڭ ءتۇسىندىرىپ، “15 - بەسجىلدىق” جوبانىڭ «باعدارلاما جوباسىن» جاساۋعا جانە جەر - جەردىڭ، تاراۋلاردىڭ ءىس جۇزىندىك قىزمەتتى ويداعىداي ىستەۋىنە ءتۇبىرلى بويسۇنۋ ولشەمىن ازىرلەدى.

　　5 جىلدىق جوبانى جاساۋدىڭ جانە اتقارۋدىڭ ماڭىزدى ساياسي ارتىقشىلىعىن جان - جاقتى ءتۇسىندىردى: پارتيانىڭ باسشىلىعىن جۇزەگە اسىرۋعا ءتيىمدى، كۇشتى شوعىرلاندىرىپ ۇلكەن ءىس ىستەۋگە ءتيىمدى، ستراتەگيالىق ماسەلەلەردى بولجامپازدىقپەن يگەرۋگە ءتيىمدى، ىستەردىڭ ۇلاسپالىلىعىن ساقتاۋعا ءتيىمدى.

　　ۇزاق ۋاقىتتىق اماليات بارىسىندا جاراتىلىپ توپتالعان مول تاجىريبەلەردى ىشكەرىلەي قورىتىندىلادى: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ، ءىس جۇزىندىكتى شىعار ءتۇيىن ەتۋگە تاباندى بولۋ، بۇكىل ەل ءبىر تۇتاس جۇيە دەگەنگە تاباندى بولۋ، دەموكراتيانى ساۋلەلەندىرۋگە، كوپتىڭ اقىل - پاراساتىن شوعىرلاندىرۋعا تاباندى بولۋ، جوبانى زاڭ بويىنشا بەلگىلەۋ پرينسيبىنە تاباندى بولۋ قاتارلىلار.

　　مەملەكەت پەن جەرگىلىكتى ورىنداردىڭ “15 - بەسجىلدىق” جوباسى مەن ارناۋلى جوبالارىن جاساۋعا مەڭزەس، باس شۋجي شي جينپيڭ بىلاي دەپ ايقىن تالاپ قويدى:　　  “بارلىق جوبادا شىندىقتى ءىس جۇزىنەن ىزدەپ، ناقتى، ساپالى ارتۋعا تالپىنىپ، جوعارى ساپالى، باياندى دامۋدى ىلگەرىلەتۋ كەرەك”.

　　پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن مەملەكەتتىك ەكى ماجىلىسكە دەيىن بولاشاقتى بەتكە الىپ ىشكەرىلەي وي جۇگىرتىپ، ۇزدىكسىز جوبا جاسادى.

　　2026 - جىلى 2 - ايدىڭ 9 - كۇنى باس شۋجي شي جينپيڭ بەيجيڭنىڭ يجۋاڭىنداعى مەملەكەتتىك ينفورماتسيا تەحنولوگياسىن قولدانۋدا جاڭالىق اشۋ باقشاسىنا كەلىپ، ينفورماتسيا تەحنولوگياسىن جاسامپازدىقپەن قولدانۋ سياقتى جاعدايلاردى ۇعىستى.

　　وسىنىڭ الدىندا عانا جۇڭگو كوممۋنيستىك پارتياسى ورتالىق كوميتەتى ساياسي بيۋروسى 24 - رەتكى　　　　　　   توپتىق ۇيرەنۋىن وتكىزىپ، نازاردى بولاشاق كاسىپ　　 سالالارىن بولجامپازدىقپەن ورنالاستىرۋعا جانە دامىتۋعا شوعىرلاندىردى.

　　“15 - بەسجىلدىقتىڭ” باستاما جىلىندا جەرگىلىكتى ورىنداردا تۇڭعىش رەت قىزمەت تەكسەرگەندە، تۇڭعىش توپتىق ۇيرەنۋ وتكىزگەندە، وسىزاماندانعان كاسىپ سالاسى جۇيەسىن قۇرۋدىڭ، جوعارى دەڭگەيدەگى عىلىم - تەحنولوگيادا ءوز كۇشىنە سۇيەنىپ، ءوزىن الۋەتتەندىرۋدى جەدەلدەتۋدىڭ كوكەي تەستىلىگىن كورنەكتىلەندىردى.

　　“«ۇسىنىستا» وسىزاماندانعان كاسىپ سالاسى جۇيەسىن ورناتۋدى ‘15 - بەسجىلدىق’ مەزگىلىندەگى ءتۇرلى ستراتەگيالىق مىندەتتەردىڭ ءبىرىنشى ورنىنا قويۋ ابدەن ويلانۋدان وتكەن”، - باس شۋجي شي جينپيڭ وسىلاي دەپ تەرەڭ اتاپ كورسەتتى.

　　“15 - بەسجىلدىق” مەزگىلىندەگى ەكونوميكالىق، قوعامدىق دامۋدىڭ تۇيىندەرىن دۇرىس يگەرۋ ءۇشىن، «ۇسىنىستا» كەلەلى جەتەكشىلىك، قوزعاۋشىلىق، تىرەكتىك رولى بار ستراتەگيالىق مىندەتتەر 12 جاقتان ايقىندالدى، بۇل اسا كۇشتى بولجامپازدىق، باعىتتامالىلىق، جەتەكشىلىك سيپاتقا يە.

　　“جوعارى ساپالى دامۋدى بۇلجىماي ىلگەرىلەتۋ”، “جاڭا دامۋ ارناسىن جەدەل قالىپتاستىرۋ”، “جالپى حالىقتىڭ بىرگە بايۋدا نىق قادام تاستاۋىن ىلگەرىلەتۋ”، “دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ”، “ءار سالاداعى قىزمەتتەردى ءبىر تۇتاس جوسپارلاپ ىلگەرىلەتۋ”... باس شۋجي شي جينپيڭ جالپى ءماجىلىستىڭ رۋحىن دايەكتىلەندىرۋدە، تياناقتاندىرۋدا باسا يگەرەتىن جاقتاردى ءتۇيىندى تۇردە بورشالاپ، تەرەڭ ءتۇسىندىردى.

　　“15 - بەسجىلدىق” جوبانىڭ «باعدارلاما جوباسى» جونىندە كەڭ كولەمدە اقىل - كەڭەس الىنىپ، قالىڭ ينتەرنەت قولدانۋشىلاردان، قوعامنىڭ ءار سالاسىنداعىلاردان جانە جەر - جەردەن، تاراۋلاردان پىكىر - ۇسىنىس الىنىپ، «ۇسىنىس» رۋحى بويىنشا ولشەمگە، ۇلگىگە قاتاڭ تۋرالانىپ، «ۇسىنىستا» العا قويىلعان باعىتتامالى تالاپتاردى ەكونوميكالىق، قوعامدىق دامۋدى ىلگەرىلەتۋدىڭ ناقتى شاراسىنا اينالدىردى.

　　جۇڭگونىڭ ىستەرىن ويداعىداي ىستەۋدىڭ تەتىگى پارتيادا.

　　كەلگەن جولىمىزعا قايىرىلا قاراساق، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى بۇلجىماي جاپپاي قاتاڭ باسقارىپ، جاڭا داۋىردەگى پارتيا قۇرىلىسى سىندى جاڭا دا ۇلى ينجەنەريانى ىشكەرىلەي ىلگەرىلەتىپ، ەكونوميكالىق، قوعامدىق دامۋدا تىڭ جاسامپازدىق سيپاتتى ىلگەرىلەۋشىلىكتەرگە، سەرپىلىستىك وزگەرىستەرگە، تاريحي جەتىستىكتەرگە قول جەتكىزۋدى ىشكەرىلەي ىلگەرىلەتتى.

　　پارتيانى جاپپاي قاتاڭ باسقارىپ پارمەندى قامتاماسىزدىقتى بەكەمدەدى؛ دۇرىس ناتيجە كوزقاراسى ۇلى ىسكە سايادى.

　　تاياۋدا پارتيا ورتالىق كوميتەتىنىڭ ماقۇلداۋىمەن بۇكىل پارتيادا دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى ورىستەتىلدى.

　　جاڭا ساپارعا اتتانعاندا، باس شۋجي شي جينپيڭ ىقىلاستى تاپسىرما، شىنايى ءتالىم بەردى:

　　“پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ باسقارۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتۋ كەرەك”، “ءىس جۇزىندىكتى شىعار ءتۇيىن ەتۋگە، زاڭدىلىق بويىنشا ىستەۋگە تاباندى بولىپ، سانالى تۇردە حالىق ءۇشىن ناتيجە شىعارۋ، ناقتى ىستەۋ ارقىلى ناتيجە شىعارۋ كەرەك”.

　　...

　　تاۋلاردىڭ ايبىنى اسقار شىڭىنا بايلانىستى، تاسقىنداعان قايراتپەن العا ىلگەرىلەۋ توقتامايدى.

　　شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى تۇرعاندا، جۇڭگوشا سوتسياليستىك ءتۇزىمنىڭ ابزالدىلىعى تۇرعاندا، ميلليارد حالىقتىڭ ءبىر نيەتپەن توپتاعان جويقىن كۇشى تۇرعاندا، جاڭا جورىقتا سەنىمىمىز كامىل!

　　(تىلشىلەر ان بەي، شيە شيياۋ، ۋاڭ يۇيشياۋ، ۋي يۇيكۇن)

　　(شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى)

　　( «شينجياڭ گازەتىنەن» الىندى)