انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 3 - كۇنى بەيجيڭنەن حابارلايدى. ءماجىلىستىڭ ءبىر تۇتاس ورنالاستىرۋىنا ساي، 3 - ايدىڭ 3 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايى 4 - ماجىلىسىنە قاتىناساتىن شينجياڭ ۋاكىلدەر ۇيىرمەسى وزدەرى تۇرعان ورىندا جالپى جيىن وتكىزدى، چىن شياۋجياڭ شينجياڭ ۋاكىلدەر ۇيىرمەسىنىڭ باستىقتىعىنا، ەركىن تۇنياز، ءزۇمىرات وبۇل ورىنباسار باستىقتىعىنا سايلاندى.
جيىن 14 - كەزەكتى مەملەكەتتىك حالىق قۇرىلتايى 4 - ءماجىلىسى ءتوراعالار القاسىنىڭ جانە باس حاتشىسىنىڭ ەسىمدىگى جوباسىن، ءماجىلىستىڭ كەڭەستىك ءتارتىپ جوباسىن قارادى.
جيىن مىنالاردى باسا دارىپتەدى: 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بۇكىل ەل بويىنشا جوعارىدان تومەنگە دەيىن پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنۋدىڭ، دايەكتىلەندىرۋدىڭ، 15” - بەسجىلدىقتا“ جاقسى باستاما اشۋدى، جاقسى قادام تاستاۋدى ىلگەرىلەتۋدىڭ شەشۋشى مەزگىلىندە اشىلعان ءبىر رەتكى ساياسي سالتاناتتى جينالىس، بۇكىل ەل حالقىنىڭ ساياسي ومىرىندەگى ءىرى ءىس. ساياسي دەڭگەيدى شىنايى جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، تاسقىنداعان ساياسي ىنتامەن، كۇشتى جاۋاپكەرشىلىك تانىممەن، اسقاق رۋحاني بەينەمەن ءماجىلىستى ويداعىداي اشىپ، شينجياڭداعى مەملەكەتتىك حالىق قۇرىلتايى ۋاكىلدەرىنىڭ ساياسي جاۋاپكەرشىلىگى مەن داۋىرلىك كەلبەتىن ايگىلەۋ كەرەك. ۋاكىلدىك مىندەت جاۋاپكەرشىلىگىن مۇقيات اتقارىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، حالىقتىڭ مۇددەسىنە ادالدىقپەن ۋاكىلدىك ەتىپ، دەموكراتيالىق ۇقىقتى دۇرىس جۇرگىزىپ، ءتۇرلى باياندامالاردى، 15” - بەسجىلدىق“ جوبا باعدارلاماسىنىڭ جوباسىن جانە ماڭىزدى زاڭ جوبالارىن مۇقيات قاراپ، تەكسەرىپ، جوعارى ساپالى كەڭەستىك جوبالاردى، ۇسىنىستاردى ورتاعا قويىپ، پارتيا مەن حالىق ءۇشىن قىزمەت مىندەتىن ويداعىداي اتقارىپ، جاۋاپكەرشىلىكتى ويداعىداي ادا ەتۋ كەرەك. ءماجىلىس ستيلىن، ءماجىلىس ءتارتىبىن شىن مانىندە قاتايتىپ، ساياسي ءتارتىپ، ءماجىلىس ءتارتىبى، قۇپيالىقتى ساقتاۋ ءتارتىبى، حاۋىپسىزدىك ءتارتىبى سياقتى بەلگىلەمەلەرگە قاتاڭ بويسۇنىپ، ۇگىت تاربيەنى جانە باقىلاۋ - باسقارۋدى كۇشەيتىپ، قاتاڭ نەگىزگى اۋەندى، قاتاڭ شارانى، قاتاڭ اۋاندى سوڭىنا دەيىن دايەكتىلەندىرۋ كەرەك. قىزمەت وتەۋ مەن قامتاماسىز ەتۋدى تىڭعىلىقتى ويداعىداي ىستەپ، ءبىر تۇتاس سايكەستىرۋدى جانە تىعىز سەلبەسۋدى كۇشەيتىپ، ءتۇرلى قيمىلداردىڭ ءتارتىپتى جۇرگىزىلۋىنە شىنايى كەپىلدىك ەتۋ كەرەك.
(«شينجياڭ گازەتىنەن» الىندى)
放大
