گازەتىمىزدىڭ حابارى (ٴتىلشىمىز گۇزال ابدىرەشيت حابارلايدى). زەيىن ـ زەردەنى، كۇش ـ قۋاتتى ۇيىستىرىپ، دامۋدى كوزدەپ، ناقتى ىستەپ، ادالدىقپەن اتقارىپ، سالاماتتىقتى قورعادى. 2025 ـ جىلى 12 ـ ايدىڭ 27 ـ كۇنى جۇڭگو كوممۋنيستىك پارتياسى التاي ايماقتىق كوميتەتىنىڭ كەڭەيتىلگەن ٴماجىلىسى جانە ايماقتىق پارتكومنىڭ ەكونوميكالىق قىزمەت ٴماجىلىسى اشىلدى، ٴماجىلىس جوعارى ساپالى دامۋ تاقىرىبىن تىعىز ارقاۋ ەتىپ، تۇتاس ايماقتىڭ ەكونوميكاسى مەن قوعامىنىڭ جوعارى ساپالى دامۋىنا ايقىن باعدار كورسەتىپ، ورتاق تانىم ۇيىستىردى.
ماجىلىستە مىنالار اتاپ كورسەتىلدى: حالىق تۇرمىسى بارىنەن ماڭىزدى دەگەنگە تاباندى بولىپ، دامۋدىڭ تىلەكتەستىگىن ۇيىستىرۋ كەرەك. جالپىعا ٴتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتىپ، جۇمىستانۋعا قىزمەت وتەۋدى عىلمي، دالمە ـ ٴدال ويداعىداي ىستەپ، وقۋ ـ اعارتۋ، ەمدەۋ قاتارلى ىستەردىڭ دامۋىن بەلسەنە ىلگەرىلەتىپ، الەۋمەتتىك قىزمەت وتەۋدىڭ بىركەلكىلەنۋىن ورنىقتى ىلگەرىلەتىپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جاساۋىنا، جۇرت تىلەگىن ۇيىستىرۋىنا مۇمكىندىك جاساۋ كەرەك. ايماقتىق دەنساۋلىق ساقتاۋ، سالاماتتىق سالاسىنداعى پارتيالى كادرلار، جۇمىسشى ـ قىزمەتكەرلەر يدەيا مەن ارەكەتتى ٴماجىلىس رۋحىمەن بىرلىككە كەلتىرىپ، حالىقتىڭ سالاماتتىعىن وزەك ەتىپ، ساپالى ەمدەۋ قىزمەت وتەۋىمەن قامداۋدى ويداعىداي ىستەپ، الەۋمەتتىك دەنساۋلىق ساقتاۋ قورعانىس شەبىن بەكەمدەپ، ۇلتتىق ٴدارى ـ دارمەك ەرەكشەلىگىن ساپالىلاندىرۋداعى ءۇش ءىستى ويداعىداي ىستەپ، ايماقتىڭ دەنساۋلىق ساقتاۋ، سالاماتتىق ىستەرىنىڭ جوعارى ساپالى دامۋىن قۇلشىنا ىلگەرىلەتەتىندىكتەرىن ٴبىلدىردى.
ايماقتىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى ليۋ رىنفي بىلاي دەدى: جۇڭگو كوممۋنيستىك پارتياسى التاي ايماقتىق كوميتەتىنىڭ كەڭەيتىلگەن ٴماجىلىسى جانە ايماقتىق پارتكومنىڭ ەكونوميكالىق قىزمەت ٴماجىلىسى ەمدەۋ ىستەرىنىڭ دامۋىن حالىق تۇرمىسى قۇرىلىسىنىڭ ٴتۇيىندى مىندەتتەرىنە ەنگىزىپ، دەنساۋلىق ساقتاۋ، سالاماتتىق ىستەرىنە العا باسۋ بەتالىسىن كورسەتىپ، ٴتۇبىرلى بويسۇنۋ ولشەمىن ازىرلەدى. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ٴماجىلىس رۋحىن ناقتى ارەكەتكە اينالدىرىپ، ءۇش ٴتۇرلى قىزمەتتى ٴتۇيىندى تۇردە ويداعىداي يگەرەمىز: بىرىنشىدەن، ەمدەۋ، ٴدارى ـ دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتىپ، تىعىز بايلانىستىق اۋدان وڭىرىندەگى ەمدەۋ ورتاق تۇلعاسى قۇرىلىسىن جەدەلدەتىپ، ساپالى ەمدەۋ بايلىعىنىڭ نەگىزگى ساتىعا ٴتۇسۋىن ىلگەرىلەتىپ، بۇقارانىڭ “جول الىس، اۋرۋ كورسەتۋى قيىن بولۋ” ماسەلەسىن شەشىپ، ٴار ۇلت بۇقاراسىنىڭ جاقىن جەردەن ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاسايمىز؛ ەكىنشىدەن، نازاردى قار ـ مۇز مادەنيەت ساياحاتىنىڭ دامۋ جالپى جاعدايىنا شوعىرلاندىرىپ، حالىق تۇرمىسىن قامتاماسىزداندىرۋ تالابىمەن تىعىز ۇشتاستىرىپ، كورىنىس رايوندارىنىڭ ەمدەۋ قامتاماسىزداندىرۋىن جانە قىس ماۋسىمىنداعى مال شارۋاشىلىق رايوندارىن ارالاپ ناۋقاس كورۋ قىزمەت وتەۋىن كۇشەيتىپ، بۇقارانىڭ سالاماتتىق قورعانىس شەبىن بەكەمدەيمىز؛ ۇشىنشىدەن، جۇڭي شيپاگەرلىگى، دارىشىلىگى (قازاق ەمشىلىگى، دارىشىلىگى) ەرەكشە قىزمەت وتەۋىن ساپالىلاندىرىپ، ۇلتتىق ەمشىلىك، دارىشىلىكتى جالعاستىرۋدى، جاڭالىق اشۋدى جەدەلدەتىپ، ٴار ۇلت بۇقاراسىن اناعۇرلىم ەرەكشەلىككە يە قولايلى ەمدەۋ قىزمەت وتەۋىنەن يگىلىكتەندىرەمىز.
ايماقتىق حالىق شيپاحاناسى پارتكومىنىڭ مۇشەسى، شيپاحانانىڭ ورىنباسار باستىعى چيۋ جيانجۇن بىلاي دەدى: ايماقتاعى كوشباسشى ەمدەۋ قۇرىلىمى بولعاندىقتان ارقالاعان جاۋاپكەرشىلىگىمىز بەن بورىشىمىز اۋىر. كلينيكالىق ٴتۇيىندى ارناۋلى ءبولىم قۇرىلىسىن ۇزدىكسىز كۇشەيتىپ، ەمدەۋ جاعىنان شينجياڭعا كومەكتەسەتىن ورىندارمەن سەلبەستىكتى تەرەڭدەتىپ، جاڭا تەحنيكا، جاڭا نىسانداردى جالپىلاستىرىپ، شۇعىل، قاتەرلى، سالماقتى ناۋقاستاردى قۇتقارۋ ـ ەمدەۋ قابىلەتىن جوعارىلاتامىز؛ “ەمدەلۋگە بولعان رازىلىعىن جوعارىلاتۋ” ارەكەتىن تەرەڭدەتىپ، ەمدەلۋ ٴتارتىبىن ساپالىلاندىرىپ، حالىققا قولايلى، حالىققا ٴتيىمدى شارالاردى اتقارىپ، ٴار ۇلت بۇقاراسىنىڭ اناعۇرلىم جايلى، اناعۇرلىم الاڭسىز ەمدەلۋىنە مۇمكىندىك جاساپ، جوعارى دەڭگەيدەگى ەمدەۋ قىزمەت وتەۋى ارقىلى ايماقتىڭ ەمدەۋ ىستەرىنىڭ دامۋىنا تىرەك بولىپ، ايماق ەكونوميكاسىنىڭ، قوعامىنىڭ جوعارى ساپالى دامۋىنا بەرىك ەمدەۋ قامتاماسىزدىعىن ازىرلەيمىز.
ايماقتىق جۇڭي شيپاحاناسى (قازاق ەمشىلىك شيپاحاناسى) پارتكومىنىڭ شۋجيى ءباتيما قاراعۇل قىزى بىلاي دەدى: جۇڭي شيپاگەرلىگى، دارىشىلىگى، ۇلتتىق ەمشىلىك، دارىشىلىگى بۇقارانىڭ سالاماتتىعىن قورعاۋدىڭ جاۋھارى، ونان دا ماڭىزدىسى، حالىق تۇرمىسىنا تيىمدىلىك جاساۋدىڭ ماڭىزدى دانەكەرى. ٴماجىلىس رۋحىن جەتەكشى ەتىپ، ەرەكشە ارناۋلى بولىمدەردىڭ ساپاسىن جوعارىلاتىپ، دەڭگەيىن ءوسىرۋدى جەدەلدەتىپ، جۇڭي شيپاگەرلىك قازاق ەمشىلىگىندەگى كلاسسيكالىق رەتسەپتەردى رەتتەۋدى جانە عىلمي زەرتتەۋدەن قامال الۋدى ىلگەرىلەتىپ، ەرەكشە ۇيلەسىمدى تەحنيكالاردى قىستاقتارعا، وتباسىلارىنا جەتكىزەمىز؛ جۇڭي شيپاگەرلىگى مەن باتىسشا شيپاگەرلىكتى سايكەستىرە ەمدەۋ ۇلگىسىن تەرەڭدەتىپ، ٴار ۇلت بۇقاراسىنىڭ سالاماتتىعىن اناعۇرلىم ويداعىداي قورعاپ، جۇڭي شيپاگەرلىك، دارىشىلىك، ۇلتتىق ەمشىلىك، دارىشىلىك ىستەرىنىڭ حالىق تۇرمىسىنا تيىمدىلىك جەتكىزەتىن ەرەكشە ماركاعا اينالۋىنا مۇمكىندىك جاسايمىز.
ايماقتىق اۋرۋدى تىزگىندەۋ ورتالىعى پارتكومىنىڭ شۋجيى ۋي يۇيگاڭ بىلاي دەدى: ماجىلىستە نەگىزدىك، تۇبەسەلى سيپاتتى حالىق تۇرمىسى قۇرىلىسىن كۇشەيتۋ باسا دارىپتەلدى. جۇقپالى اۋرۋلاردان ساقتانۋدى جانە تىزگىندەۋدى ناقتى، ەگجەي ـ تەگجەيلى يگەرىپ، قىس ماۋسىمىنداعى تىنىس جولى اۋرۋلارى، وبا قاتارلى ٴتۇيىندى اۋرۋلاردى باقىلاۋ ـ ولشەۋدى، ساقتاندىرۋدى جانە شۇعىل ٴبىر جاقتى ەتۋدى ٴتۇيىندى تۇردە كۇشەيتەمىز؛ سوزىلمالى اۋرۋلاردان جان ـ جاقتى ساقتانۋدى جانە تىزگىندەۋدى تەرەڭدەتىپ، وتباسى شيپاگەرلەرىنىڭ كەلىسىم جاساسىپ قىزمەت وتەۋىن ناقتىلاندىرىپ، سالاماتتىق بىلىمدەردى ۇگىتتەۋ سەرپىنىن ارتتىرىپ، تاجىريبەحانانىڭ تەكسەرۋ ـ ولشەۋ قۋاتىن ۇزدىكسىز جوعارىلاتىپ، تۇتاس ايماقتىڭ الەۋمەتتىك دەنساۋلىق ساقتاۋ حاۋىپسىزدىگىن بار كۇشپەن قورعايمىز.
放大
