گازەتىمىزدىڭ حابارى (ٴتىلشىمىز گۇزال ابدىرەشيت حابارلايدى). التاي قالاسى التىنتاۋ جولى كوشە ٴىس باسقارماسى قاراستىلىعىنداعى تۇرعىن لي حۇڭ جۋىردا مىناداي ٴبىر كەشىرمەسىن ٴبولىستى: كەشكى ساعات 10 نان اسقاندا ەمدەۋ قامسىزداندىرۋىنىڭ باسقا جەردە ەسەپتەن كوتەرۋ بارىسىن سۇراستىرۋدى ويلاپ، “تايشياۋلى” (泰小乐) تەكشەسىنە ينفورماتسيا جولداپ ەدىم، ويلاماعان جەردەن تۇسىندىرمەنى تەز ارادا جولداپ بەردى، تەرەزەلىككە بارىپ بىتىرۋدەن قولايلى ەكەن! شىن كوڭىلمەن ايتىلعان بۇل القاۋ التاي ايماعىنىڭ اكىمشىلىك قىزمەت وتەۋىن زەردەلىلەندىرىپ تۇرلەندىرۋىنىڭ جاندى تۇسىندىرمەسى. DeepSeekۇلكەن مودەلىن ورناتقان “تايشياۋلى” اكىمشىلىك قىزمەت وتەۋ قۇلتەمىرى 24 × 7 ساعات بويى جەلىدە قىزمەت وتەۋدەن پايدالانىپ، بۇكىل ايماقتاعى كاسىپورىنداردىڭ، بۇقارانىڭ كۇندەلىكتى ٴىس ٴبىتىرۋ جاعدايىمەن تەرەڭ توعىسىپ، “ساياساتتى تەز ۇعىسىپ، كاسىپتى تەز ٴبىتىرۋدى” التايدىڭ اكىمشىلىك قىزمەت وتەۋىنىڭ جاڭا بەلگىسىنە اينالدىردى.
بۇل قىزمەت وتەۋدىڭ استارىندا “تايشياۋلى” اكىمشىلىك قىزمەت وتەۋدى زەردەلىلەندىرۋ سالاسىنداعى تىڭعىلىقتى فۋنكتسيالىق تىرەككە اينالدى. كاسىپورىن جاۋاپتىسى ساۋداگەر شاقىرىپ قارجى ەنگىزۋ، سالىقتى ازايتىپ، اقىنى تومەندەتۋ قاتارلى كاسىپورىندارعا تيىمدىلىك جاساۋ ساياساتىن ۇعىسپاقشى بولسا، قىزمەتكەرلەر تۇرعىن ٴۇي الەۋمەتتىك قورىن ولكە اتتاپ ٴبىر تۇتاس ٴبىتىرۋدىڭ ناقتى تالاپتارىن سۇراستىرماقشى بولسا، الدە تۇرعىندار قوعامدىق قامسىزداندىرۋعا قاتىناسۋ، اقى تاپسىرۋ بارىسىن بىلمەكشى بولسا، تەك “تايشياۋلىنى” باسسا بولعانى كاسىپتىك “تۇسىندىرۋشىگە” اينالىپ، ساياسات تارماقتارىن قاراپايىم دا ۇعىنىقتى ەتىپ جەتكىزىپ، ٴاربىر ٴىس ٴبىتىرۋ قاجەتىن دالمە ـ ٴدال سايكەستىرەدى. بۇقارا ٴبىر ماسەلەنى شەشۋ ٴۇشىن كوپتەگەن تاراۋعا بارىپ سابىلمايدى، قىزمەت كۇنىندە ارناۋلى رۇقسات الىپ ٴىس ٴبىتىرۋ زالىنا بارمايدى، تەك ٴبىر قول تەلەفون، ٴبىر بۇيرىق ارقىلى ٴىستى بىتىرۋگە، ساياساتتى تۇسىنۋىنە بولادى.
جەكە سۇرانىستى دالمە ـ ٴدال ۇشتاستىرۋدان سىرت، “تايشياۋلى” ساياسات پەن بۇقارانى تۇتاستىراتىن دانەكەرلىك رول اتقاردى. ونىڭ “ساياسات قويماسىندا” قىرۋار دۇنيەلەر ساقتالۋدا، ول “تايحاۋبان” (泰好办) كاسىپورىندارعا قىزمەت وتەۋ تەكشەسىنىڭ (جالعاسى 4 ـ بەتتە)
(باسى 1 ـ بەتتە) ”كاسىپورىندارعا تيىمدىلىك جاساۋ، حالىققا تيىمدىلىك جاساۋ ساياساتىن دەرەۋ جەتكىزۋ“ مودۋلىن ىشكەرىلەي ۇشتاستىرىپ، ونەركاسىپ جانە ينفورماتسيالاندىرۋ، باجى، ادام كۇشى بايلىعى جانە قوعامدىق قامتاماسىزداندىرۋ قاتارلى 22 تاراۋدىڭ 142 ٴتۇرلى كاسىپورىنعا تيىمدىلىك جاساۋ ساياساتىن شوعىرلاندىرىپ، ساۋداگەر شاقىرىپ قارجى ەنگىزۋ، نىساندى تياناقتاندىرۋ، سالىقتى ازايتىپ، اقىنى تومەندەتۋ قاتارلى شەشۋشى بۋىنداردى قامتىدى؛ سونىمەن بىرگە، قوعامدىق قامسىزداندىرۋعا قاتىناسىپ اقى تاپسىرۋ، ەمدەۋ قامسىزداندىرۋىن باسقا جەردە ەسەپتەن كوتەرۋ، تۇرعىن ٴۇي الەۋمەتتىك قورىن شىعارىپ الۋ قاتارلى جوعارى جيىلىكتەگى حالىق تۇرمىسى كاسىپتەرىن جيناقتاپ، ”ساياساتتى ۇعىسۋ، كاسىپ ٴبىتىرۋ، دامۋدى كوزدەۋ، تالاپ - تىلەكتەردى ورتاعا قويۋ“ سىندى ”ٴبىر بەكەتتىك“ قىزمەت وتەۋ ارناسىن قالىپتاستىردى. كاسىپورىندار قوسىمشا قاراجاتتى ٴوتىنىش ەتكەندە ٴارقايسى تاراۋعا بارىپ، ساياساتتى ٴبىر - بىرلەپ ۇعىسۋىنىڭ قاجەتى جوق، ”تايشياۋلى“ ارقىلى ساياساتتى ۇعىسۋىنا، جىلدام سايكەستىرۋىنە بولادى؛ بۇقارا يگىلىك تۋرالى بىلمەكشى بولسا، ساۋساعىن عانا قيمىلداتىپ ساياساتتان حاباردار بولىپ، تىكەلەي، تەز يگىلىككە كەنەلەدى، ساياساتتىڭ پايداسىن شىنايى تياناقتاندىرىپ، ٴاربىر بازار تۇلعاسى مەن بۇقارانى يگىلىكتەندىرەدى.
تەحنيكالىق قوندىرعىنىڭ ۇزدىكسىز قۋات ۇستەۋىنىڭ ارقاسىندا DeepSeek ۇلكەن مودەلىنىڭ كۇشتى ٴىرى ساندى مالىمەتتەرگە تالداۋ جاساۋ جانە ۇيرەنۋ قابىلەتىنە سۇيەنىپ، ”تايشياۋلىنىڭ“ قىزمەت وتەۋى ۇزدىكسىز جوعارىلادى. شارۋاشىلىق قۇرۋ نيەتى بار قاۋىمعا قاراتا، ول شارۋاشىلىق قۇرۋدى سۇيەمەلدەۋ ساياساتى، كاسىپورىن اشۋ ٴتارتىبى، شارۋاشىلىق قۇرۋ قوسىمشا قاراجاتىن ٴوتىنىش ەتۋ باعدارناماسى قاتارلى تۇراقتى ينفورماتسيانى دالمە ـ ٴدال جەتكىزىپ، شارۋاشىلىق قۇرۋشىلاردىڭ بۇراڭ جولدى از باسۋىنا دەم بەردى؛ 15 مىڭ 600 دەن استام كاسىپتىك ٴبىلىم قويماسى مەن كوپ نەگىزدى اكىمشىلىك ىستەر ساندى مالىمەتىن توعىستىرىپ، ٴىس ٴبىتىرۋ قاجەتىن تەز ارادا پارىقتاپ، جاۋاپ بەرۋ دالدىگىن ۇزدىكسىز ساپالىلاندىرىپ، قولايلى، دالمە - ٴدال قىزمەت وتەيدى.
قىزمەت وتەۋدىڭ قولايلى بولۋى ٴۇشىن، “تايشياۋلى” جان ـ جاقتى، ستەرەولدى قىزمەت وتەۋ شەبىن قۇردى. تۇتىنۋشىلار “قارلى مەكەن تايحاۋبان” شاعىن باعدارلاماسىن اشسا بولعانى، ينفورماتسيانى سۇراستىرۋىنا، جۇمىس بىتىرۋىنە بولادى؛ التاي ايماقتىق اكىمشىلىك قىزمەت وتەۋ ورتالىعىنىڭ ۋيشين الەۋمەتتىك نومىرىنە نازار اۋدارسا، اكىمشىلىك ىستەر اۋقىمى مەن قىزمەت وتەۋ جەتەكشىلىگىنە يە بولۋعا بولادى؛ ەكىلىك سيفردى جايمالاپ، جەكە اڭگىمەلەسۋ قۇلتەمىرىن قوسسا، كەز كەلگەن ۋاقىتتا، كەز كەلگەن جەردە اقىل - كەڭەس الۋىنا بولادى. كوپ ارنالى قىزمەت وتەۋ ورنالاستىرۋى بۇقارانىڭ جۇمىس بىتىرۋىندەگى ٴتۇرلى باسقىشتاردى قامتىپ، “ساندى مالىمەتتىڭ كوپ رول اتقارۋىن، بۇقارانىڭ از سابىلۋىن” شىن مانىندە جۇزەگە اسىردى.
“تايشياۋلىنىڭ” جەتىلۋى مەن دارەجەسىن جوعارىلاتۋ التاي ايماقتىق سيفرلاندىرىپ دامىتۋ مەكەمەسىنىڭ جەتەكشىلىگى مەن ايماقتىق اكىمشىلىك قىزمەت وتەۋ ورتالىعىنىڭ ۇزدىكسىز ىزدەنىس جاساۋىنان بولە قاراۋعا بولمايدى، وسى ەكى ورىن تەحنيكادا جاڭالىق اشۋ مەن اكىمشىلىك قىزمەت وتەۋدىڭ ىشكەرىلەي توعىسۋى ارقىلى “تايشياۋلىنى” اكىمشىلىك قىزمەت وتەۋدىڭ زەردەلىلەنۋىن، سيفرلانۋىن ىلگەرىلەتۋدىڭ ماڭىزدى دانەكەرىنە اينالدىردى. التاي ايماقتىق سيفرلاندىرىپ دامىتۋ مەكەمەسى پارتيا باسشىلىق گرۋپپاسىنىڭ مۇشەسى، ايماقتىق اكىمشىلىك قىزمەت وتەۋ ورتالىعىنىڭ ورىنباسار مەڭگەرۋشىسى يان چيچي تىلشىگە: كەلەسى قادامدا “تايشياۋلى” يقۋاتىن ۇزدىكسىز ساپالىلاندىرىپ، جەلىدەگى، جەلىدەن تىس اكىمشىلىك قىزمەت وتەۋ بايلىعىن بىرىكتىرىپ، اناعۇرلىم كەمەلدى اكىمشىلىك قىزمەت وتەۋ كورسەتكىشىن ورناتىپ، اناعۇرلىم كۇردەلى ٴىس ٴبىتىرۋ ورتاسى مەن ولشەمسىز اقىل ـ كەڭەس سۇراۋ قاجەتىنە توتەپ بەرىپ، كاسىپورىندار مەن بۇقاراعا اناعۇرلىم جوعارى ٴونىمدى، قولايلى، مەيىرىمدى قىزمەت وتەپ، التاي ايماعىنىڭ شارۋاشىلىق ـ ساۋدا ورتاسىنىڭ تاعى دا تىڭ ساتىعا كوتەرىلۋىنە دەم بەرەمىز، ـ دەدى.
放大
