الداعى جولىمىز الىس بولسا دا، ارشىندى قاداممەن العا ىلگەرىلەيمىز

　　□ انار بۇلت \ شينجياڭ گازەتىنىڭ تىلشىلەرى

　　2026 ـ جىل كەلۋ قارساڭىندا مەملەكەت ٴتوراعاسى شي جينپيڭ جاڭا جىلدى قۇتتىقتاۋ ٴسوزىن جاريالاپ، “14 ـ بەسجىلدىقتىڭ” اياقتالۋ جىلىنداعى جۇڭگو ۇلگىسىندەگى وسىزامانداندىرۋدىڭ ەكپىندەي ىلگەرىلەۋ بارىسىنا تەرەڭ سۇيىسپەنشىلىكپەن قايىرىلا قاراپ، بۇكىل پارتيانى، بۇكىل ەلدەگى ٴار ۇلت حالقىن　　 “15 ـ بەسجىلدىقتىڭ” باستاما جىلىندا جۇڭگو كەرەمەتتەرىنىڭ جاڭا تاراۋىن ۇزدىكسىز جازۋعا ىنتالاندىردى. شىنايى سۇيىسپەنشىلىكتى سالەم، ىقىلاستى تاپسىرما تاۋلاردان اسىپ، تەڭىزدەردەن ٴوتىپ، جۇرت جۇرەگىنە توتە جەتىپ، شينجياڭداعى ٴار ۇلت كادر ـ بۇقاراسىنىڭ ورتاق العا باسۋ جەتەكشىسىنە اينالدى. كوپشىلىك جابال مىنالاردى ٴبىلدىردى: ٴبىز اتقا قونىپ، قامشى باساتىن ەرلىك جىگەرمەن ارىنداعان ومىرشەڭ كۇشتى تاسقىنداتىپ، ٴبىر ٴسات تە كىدىرمەيتىن تەبىندى ساقتاپ، بىرگە ارمان ٴۇشىن كۇرەسىپ، باقىت ٴۇشىن تالپىنىپ، ۇلى جوبانى تاماشا رەالدىققا اينالدىرامىز.

　　جوعارى ساپالى دامۋدى كوزدەپ، ەكپىندەي ىلگەرىلەۋ نەگىزىن بەكەمدەيمىز

　　“2026 ـ جىل ــ ‘15 ـ بەسجىلدىق’ باستالاتىن جىل. ٴىستى ٴساتتى باستاۋ ٴۇشىن، ٴسوز جوق، ونىڭ ناتيجەسىن ويلاستىرۋ كەرەك، تابىسقا جەتۋ ٴۇشىن الدىمەن جوسپار جاساۋ كەرەك. ٴبىز نىسانا ـ مىندەتتەردى كوزدەپ، سەنىمدى بەكەمدەپ، قولايلى ساتتەن پايدالانىپ العا ۇمتىلىپ، جوعارى ساپالى دامۋدى تىڭعىلىقتى ىلگەرىلەتىپ، رەفورما جاساۋدى، ەسىك اشۋدى ونان ارى جاپپاي تەرەڭدەتىپ، جالپى حالىقتىڭ بىرگە بايۋىن جەبەپ، جۇڭگو كەرەمەتىنىڭ جاڭا تاراۋىن ۇزدىكسىز جازۋىمىز كەرەك”. قۇتتىقتاۋ سوزىندەگى ىقىلاستى تاپسىرما سانجى حۇيزۋ اۆتونوميالى وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، شينجياڭ جۇندۇڭ ەكونوميكالىق ـ تەحنولوگيالىق اشۋ رايونى پارتيا قىزمەتى كوميتەتىنىڭ شۋجيى جاڭ حۇيدى ايرىقشا جەلپىندىردى.

　　جاڭ حۇي مىنالاردى ٴبىلدىردى: نىسان قۇرىلىسىن تۇتقا، جاڭالىق اشۋ ارقىلى دەم بەرۋدى تىرەك ەتىپ، مەملەكەتتىڭ ەنەرگيا بايلىعى ستراتەگيالىق قامتاماسىزدىق بازاسى ماڭىزدى تىرەگىن جەدەل، ورنىقتى تۇلعالاپ، جوعارى ساپالى دامۋ جاڭا جورىعىندا “جۇندۇڭ قوزعالتقىشىن كۇشەيتىپ، جۇندۇڭ جاۋاپكەرشىلىگىن ارقالاپ، جۇندۇڭ ىسكەرلىگىن ايگىلەپ”، سوتسياليستىك وسىزماندانعان شينجياڭ قۇرۋعا جۇندۇڭ كۇش ـ قۋاتىن ارنايمىز.

　　“باس شۋجي قۇتتىقتاۋ سوزىندە مادەنيەت ـ ساياحات بازارى كۇسەتتەنىپ، ‘قالا ەرەن دوپ جارىسى’، ‘قىستاق ەرەن دوپ جارىسى’ دابىرالى وتكىزىلدى، قار ـ مۇز سپورتى قىستىڭ قىزۋ سەزىمىن لاۋلاتتى دەدى. دۇڭچىڭ كوشە مالىسىنە قاراستى اۋماقتاردىڭ مادەنيەت ـ ساياحات بايلىعى مول، جاڭا ٴبىر جىلدا الەۋمەتتىك اۋماقتاعى كادرلاردى باستاپ مول تاريحي مادەنيەت بايلىعىن تياناق ەتىپ، بۇقارا قۋانا تىڭداپ، قۇمارتا كورەتىن تاسىلمەن بەيزاتتىق مۇرانى الەۋمەتتىك اۋماققا جەتكىزۋ، مەملەكەت سالتىن تۇرمىسقا ٴسىڭىرۋ، مادەني ەسكەرتكىشتەردى ‘جانداندىرىپ’، ٴداستۇردى وسى زامانمەن توعىستىرىپ، مادەنيەتتىڭ گۇلدەنىپ ـ كوركەيۋى ارقىلى جوعارى ساپالى دامۋعا دەم بەرەمىز”، ـ دەدى اقسۋ ايماعى كورلا قالاسى دۇڭچىڭ ٴمالىسى پارتيا قىزمەتى كوميتەتىنىڭ مۇشەسى، ۇگىت مۇشەسى ياڭ يۇيمەي.

　　(جالعاسى 4 ـ بەتتە)

　　(باسى 1 ـ بەتتە)

　　باس شۋجيدىڭ جاڭا جىلدى قۇتتىقتاۋ ٴسوزى لوپ اۋدانى شارباق قالاشىعى كوشە ارىق قىستاعىنداعى قىستاق تۇرعىندارىن بارىنشا مەيىرگە بولەدى. وسى قىستاقتىڭ ٴبىرىنشى شۋجيى ۋاڭ ليميڭ مىنالاردى ٴبىلدىردى: جاڭا ٴبىر جىلدا قىستاق “ەكى كوميتەتى” ەرەكشەلىككە يە ەگىمشىلىك، باعىمشىلىق كاسىپ سالاسىن ۇزدىكىسز كۇشەيتىپ، قىستاقتاعى ماي زاۆودىنىڭ، باكتەريا دورباسى زاۆودىنىڭ دامۋىن ويداعىداي يگەرىپ، اۋىلداستاردىڭ تۇرمىسىنىڭ بارعان سايىن شالقي تۇسۋىنە مۇمكىندىك جاسايدى.

　　“جاڭا جىلدا جاڭا بەينە بايقاتىپ، جاڭا جىلدا جاڭا ارمان ارقالادىق، باس شۋجيدىڭ جىگەرلەندىرۋى مەن ٴۇمىتى ٴبىزدى جاڭا ٴبىر جىلداعى دامۋ نىسانالارىن جۇزەگە اسىرۋ جونىندە تولىق سەنىمگە يە ەتتى، مەن قىزمەت ورنىمدى تياناق ەتىپ، قۇلشىنا ىستەپ، اۋىلداستاردىڭ تاماشا تىلەگىن رەالدىققا اينالدىرامىن”، ـ دەدى تۇرپان قالاسى گاۋچاڭ رايونى يار قالاشىعى شينچىڭ اۋماعى شينچىڭ شيمىن قىستاعىنىڭ قىستاق كادرى تۇرسۇناي اكبار.

　　ورتاق تۇلعا تانىمىن بەكەمدەپ، ىنتىماق كارتيناسىن بىرگە سالامىز

　　“مەن شيزاڭعا، شينجياڭعا بارىپ قۇتتىقتاۋ قيمىلدارىنا قاتىناستىم، قارلى ۇستىرتتەن تيانشان الابىنا دەيىن، ٴار ۇلت بۇقاراسى تىلەكتەس، نيەتتەس بولىپ، اناردىڭ دانىندەي تىعىز ۇيىستى، كوپشىلىك كىرشىكسىز حادامەن، ىستىق ىقىلاستى ٴان ـ بيمەن وتانعا تەرەڭ سۇيىسپەنشىلىگىن، باقىت جونىندەگى القاۋىن ٴبىلدىردى”. باس شۋجيدىڭ قۇتتىقتاۋ  ٴسوزىن ەستىگەندە، ەرتەمەن تەلەۆيزوردىڭ الدىنا جايعاسقان قۇلجا اۋدانى ونيار قالاشىعى بولەكەي قىستاعى پارتيا ياچەيكاسىنىڭ بۇرىنعى شۋجيى مامەتجان ٴومار كوزىنە جاس الدى.

　　مامەتجان ٴومار 1” ـ شىلدە وردەنىنىڭ“  يەگەرى. 2025 ـ جىلى 9 ـ ايدىڭ 23 ـ كۇنى باس شۋجي شي جينپيڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە شينجياڭداعى ٴار ۇلت، ٴار سالا ۋاكىلدەرىن ىقىلاسپەن قابىلدادى، مامەتجان ٴومار سولاردىڭ ٴبىرى ەدى.

　　“باس شۋجي شي جينپيڭ مەن پارتيا ورتالىق كوميتەتىنىڭ ىقىلاستى قامقورلىعىندا، شينجياڭداعى ٴار ۇلت حالقىنىڭ تۇرمىسى بارعان سايىن جاقسارا ٴتۇستى. ٴبىز قازىرگى باقىتتى تۇرمىسىمىزدى قاستەرلەپ، پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسۋىمىز كەرەك”. مامەتجان ٴومار تەبىرەنە: “ٴبىز باس شۋجيدىڭ تاپسىرماسىن ەستە بەرىك ساقتاپ، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، اۋىلىمىزدى اناعۇرلىم تاماشا، اناعۇرلىم كوركەم، اناعۇرلىم باي ەتىپ قۇرامىز”، ـ دەدى.

　　اقسۋ ايماعى ۇلتتار ىنتىماعى، العاباسارلىعىن جەبەۋ قوعامى ــ اۆتونوميالى رايوندىق ۇلتتار ىنتىماعى، العاباسارلىعىنداعى ۇلگىلى كوللەكتيۆ. 2025 ـ جىلى 12 ـ ايدىڭ 31 ـ كۇنى تۇستەن كەيىن وسى جەبەۋ قوعامىنىڭ باستىعى جاۋ بين مۇشەلەردى باستاپ كومەكتەسۋ ـ سۇيەمەلدەۋ، حال سۇراۋ قيمىلىن ورىستەتتى. قيمىلدان كەيىن، كوپشىلىك بىرگە تەلەۆيزوردان جاڭا جىلدى قۇتتىقتاۋ ٴسوزىن كوردى.

　　“جاڭا جىلدى قۇتتىقتاۋ ٴسوزى جۇرت جۇرەگىن مەيىرگە بولەپ، جىگەردى تاسقىنداتتى”. جاۋ بين بىلاي دەدى: جاڭا ٴبىر جىلدا اقسۋ ايماعى ۇلتتار ىنتىماعى، العاباسارلىعىن جەبەۋ قوعامى ۇلتتار ىنتىماعى، العاباسارلىعى ۇگىت تاربيەسى مەن كومەكتەسۋ ـ سۇيەمەلدەۋ، حال سۇراۋ قيمىلىن ۇدايىلاندىرا ورىستەتىپ، جۇڭحۋا ۇلتى ورتاق تۇلعا قۇرىلىسىن ۇزدىكسىز ىلگەرىلەتىپ، اقسۋ ايماعىنىڭ ەكونوميكالىق، قوعامدىق دامۋىنا كۇش ـ قۋات ۇيىستىرادى.

　　“باس شۋجيدىڭ ‘مەن قاجىرلىلىقپەن ۇلەس قوسقان ٴاربىر كۇرەسكەرگە قۇرمەت بىلدىرەمىن’ دەگەن ٴسوزىن ەستىگەندە، جۇرەگىم جىلىپ سالا بەردى”، ـ دەدى التاي قالاسى ازاتتىق جولى ٴمالىسى لانجيڭ الەۋمەتتىك اۋماعىنداعى باتىس بولىك جوسپارى ەرىكتىسى شى يفان.

　　2024 ـ جىلى 8 ـ ايدا شي ـ ان اۋدارما شۋەيۋانىنان وقۋ تاۋىسقان شى يفان ”باتىس بولىككە بارۋ، نەگىزگى ساتىعا بارۋ، وتان مەن حالىق ەڭ قاجەت ەتكەن جەرگە بارۋ“ ۇندەۋىنە بەلسەنە ٴۇن قوسىپ التاي قالاسىنا كەلگەن. ”شينجياڭ سىندى وسىناۋ كورىكتى جەردە ٴار ۇلت بۇقاراسىنا قىزمەت وتەي العانىمدى مەن توتەنشە داڭق سانايمىن، ەرەكشە ٴماندى سەزىنەمىن. جاڭا ٴبىر جىلدا مەن نەگىزگى ساتىعا ۇزدىكسىز تامىر تارتىپ، جاستىق كوكتەمىمنىڭ شينجياڭدا اسەم شۇعىلا شاشۋىنا مۇمكىندىك جاسايمىن“، ـ دەدى ول.

　　حالىق تۇرمىسىنىڭ قۇت ـ ىرىسىن مولايتىپ، باقىت ٴتۇپ بوياۋىن جارقىراتامىز

　　حالىق تۇرمىسىندا كىشى ـ گىرىم ٴىس بولمايدى، بارلىق ىستە سۇيىسپەنشىلىكتى ايگىلەۋ كەرەك. باس شۋجيدىڭ جاڭا جىلدى قۇتتىقتاۋ ٴسوزى حالىق تۇرمىسى سۇيىسپەنشىلىگىنە تولى بولىپ، حالىق تۇرمىسى قۇت ـ ىرىسىنىڭ قامىن جەيتىن قامقورلىعى جۇرت جۇرەگىنە توتە جەتىپ، ٴتۇرلى قىزمەتتەرگە ايقىن بەتالىس كورسەتتى.

　　“باس شۋجيدىڭ جاڭا جىلدى قۇتتىقتاۋ ٴسوزى جۇرت جۇرەگىن جىلىتىپ، ادامدى ەكپىندەي ىلگەرىلەۋگە جەبەپ، ٴبىزدىڭ ٴتۇرلى قىزمەتتەردى ويداعىداي ىستەۋىمىزگە قۋاتتى رۋحاني قوزعاۋشى كۇش ۇستەدى”. شاۋەشەك قالالىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى گو مىڭجاۋ مىنالاردى ٴبىلدىردى: شاۋەشەك قالاسىنداعى قالىڭ پارتيا مۇشەلەرىنىڭ اۆانگاردتىق ۇلگىلىك رولىن تولىق ساۋلەلەندىرىپ، پارتيا مۇشەلەرىن ەكونوميكانى كۇشەيتۋ، جۇمىستاندىرۋدى ورنىقتىرۋ، حالىق تۇرمىسىنا تيىمدىلىك جاساۋ، جۇرت تىلەگىن ۇيىستىرۋ بارىسىندا ۇزدىكسىز جاڭا ۇلەس قوسىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز.

　　قاشقار قالالىق ٴورت ٴسوندىرۋ ـ ورتتەن ساقتانۋ، قۇتقارۋ ـ كومەكتەسۋ ۇلكەن اترەتى جيانكاڭ جولى ٴورت ٴسوندىرۋ ـ ورتتەن ساقتانۋ پۋنكتىنىڭ 4 ـ دارەجەلى ٴورت ٴسوندىرۋ ـ ورتتەن ساقتانۋ قىزمەتكەرى ۋاڭ دو تەبىرەنە بىلاي دەدى: ”نەگىزگى ساتىداعى ٴورت ٴسوندىرۋ ـ ورتتەن ساقتانۋ قىزمەتكەرى رەتىندە، حالىقتىڭ حاۋىپسىزدىگىن قورعاۋ ــ ٴبىزدىڭ قىزمەت مىندەتىمىز، جاڭا ٴبىر جىلدا قارجىلىلىقپەن شەبەرلىككە جاتتىعىپ، ٴوزىمنىڭ كاسىپتىك قابىلەتىمدى جوعارىلاتىپ، حالىق بۇقاراسىنىڭ ٴومىرىنىڭ، مال ـ مۇلكىنىڭ حاۋىپسىزدىگىن قورعاۋعا ٴبىر كىسىلىك كۇش ـ قۋاتىمدى ارنايمىن“.

　　كۇندەلىكتى تۇرمىس قاجەتى قامدالىپ، تۇرمىس قامى شەشىلىپ، ٴاربىر “شاعىن وتباسى” باقىتتى تۇرمىس كەشىرىپ، جۇڭگو سىندى “ۇلكەن شاڭىراق” كۇن سايىن كوركەيىپ ـ گۇلدەندى، باس شۋجيدىڭ جاڭا جىلدى قۇتتىقتاۋ سوزىندەگى مەيىرگە تولى لەبىزدەر سانجى قالالىق حالىق شيپاحاناسى تۋىت ٴبولىمىنىڭ تەتە اعا شيپاگەرى شى جۇنجۇندى بارىنشا مەيىرگە بولەدى، “جاڭا ٴبىر جىلدا مەن كاسىپتىك شەبەرلىگىمدى ۇزدىكسىز جوعارىلاتىپ، ومىرگە جاڭا كەلگەن ٴاربىر نارەستەنى ويداعىداي قارسى الىپ، ماحاببات پەن مەيىردى جەتكىزەمىن”.

　　(ٴتىلشى ۋي يۇڭگۇي، قاتىناسقان تىلشىلەر جاڭ جىلي، ٴپاريزات ابدۇل، سۇڭ ۋيگو، ٴرايدا، جاڭ تيڭ، ەرىكتى تىلشىلەر سۇڭ لياڭبي، ابلىميت تۇرعۇن)

　　(«شينجياڭ گازەتىنەن» الىندى)