انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 6 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ قازىنا ـ ەكونوميكا كوميتەتى 1 ـ ايدىڭ 6 ـ كۇنى ٴماجىلىس اشىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ٴماجىلىسىنىڭ جانە ورتالىقتىڭ اۋىل ـ قىستاق قىزمەتى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، قاتىستى ٴتۇيىندى قىزمەتتەردى اقىلداسىپ ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم قازىنا ـ ەكونوميكا كوميتەتىنىڭ مەڭگەرۋشىسى چىن شياۋجياڭ ٴماجىلىستى باسقاردى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ ماجىلىسكە قاتىناستى.
ٴماجىلىس مەملەكەتتىك ساپالى ەگىن، مال شارۋاشىلىعى ونىمدەرى ماڭىزدى قامداۋ بازاسىن تۇلعالاۋ، جاڭا ەنەرگيا كاسىپ سالاسىن جوعارى ساپالى دامىتۋ، تومەن كەڭىستىك ەكونوميكاسىن دامىتۋ سياقتىلار جونىندەگى قاتىستى جاعدايلاردان بەرىلگەن مالىمەتتى تىڭدادى.
ٴماجىلىس مىنالاردى اتاپ كورسەتتى: 2026 ـ جىل ــ “15 ـ بەسجىلدىقتىڭ” باستاما جىلى، ەكونوميكالىق قىزمەتتى ويداعىداي ىستەۋدىڭ ٴمانى زور. شي جينپيڭ ەكونوميكا يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ باسشىلىعىن ەكونوميكالىق، قوعامدىق دامۋدىڭ تۇتاس بارىسىنا، ٴار جاعىنا ٴسىڭىرىپ، پارتيا ورتالىق كوميتەتى شينجياڭعا بەلگىلەگەن “بەس ۇلكەن ستراتەگيالىق ورىندى” كوزدەپ، نازاردى مەملەكەتتىڭ قاجەتىنە، شينجياڭنىڭ قابىلەتىنە، بۇقارانىڭ ارمان ـ تىلەگىنە شوعىرلاندىرىپ، جوعارى ساپالى دامۋدى تىڭعىلىقتى ىلگەرىلەتىپ، ناقتى ناتيجە، ناقتى ونىمدىلىك ارقىلى پارتيا ورتالىق كوميتەتىنىڭ ەكونوميكالىق قىزمەت جونىندەگى وي جەلىسىن، مىندەتىن، ساياساتىن ناقتاپ تياناقتاندىرۋ كەرەك.
ٴماجىلىس مىنالاردى باسا دارىپتەدى: مەملەكەتتىك ساپالى ەگىن، مال شارۋاشىلىعى ونىمدەرى ماڭىزدى قامداۋ بازاسىن جەدەل تۇلعالاپ، “استىقتى ورنىقتىرۋعا، ماقتانى ساپالىلاندىرۋعا، جەمىس شارۋاشىلىعىن كۇشەيتۋگە، مال شارۋاشىلىعىن گۇلدەندىرۋگە، ەرەكشە كاسىپ سالالارىن جەبەۋگە” تاباندى بولىپ، استىق ٴوندىرىسىن تيتتەي دە بوساڭسىماي ويداعىداي يگەرىپ، ماقتانىڭ باسىم ورنىن بەكەمدەپ، جاسىل مال شارۋاشىلىعى ونىمدەرى مەن ساپالى جەمىس ـ جيدەك، كوكونىس ٴوندىرىسىنىڭ ساپاسىن جوعارىلاتىپ ونىمدىلىگىن ارتتىرۋدى ىلگەرىلەتىپ، ەرەكشە اۋىل شارۋاشىلىق ونىمدەرىن جىنتىكتەي وڭدەۋدى ىلگەرىلەتىپ، شينجياڭنىڭ اناعۇرلىم كوپ ساپالى ەگىن، مال شارۋاشىلىق ونىمدەرىنىڭ مەملەكەتتىك ۇلكەن بازارعا كىرۋىنە مۇمكىندىك جاساۋ كەرەك. ەگىستىك جەردى قورعاۋ جاۋاپكەرشىلىگىن جاپپاي ناقتىلاندىرىپ، ەگىستىك جەردى قورعاۋ قىزىل سىزىعىن قاتاڭ ساقتاپ، سۋ ارقىلى جەردى بەلگىلەۋگە تاباندى بولىپ، ەگىستىك جەردىڭ مولشەرى، ساپاسى، ەكولوگياسى سىندى “ٴۇشتى ٴبىر تۇلعالاندىرىپ” قورعاۋدى ىلگەرىلەتىپ، ماڭگىلىك نەگىزگى (جالعاسى 4 ـ بەتتە)
(باسى 1 ـ بەتتە) ەگىنجايدى باتىل ويداعىداي قورعاپ، جوعارى ولشەمدى ەگىنجاي قۇرىلىسىن تىڭعىلىقتى ىلگەرىلەتىپ، سورتاڭ جەرلەردى كەشەندى وزگەرتۋ، پايدالانۋدى جەرگىلىكتى جاعدايعا قاراي ورىستەتىپ، اۋىل شارۋاشىلىعى ٴوندىرىسى كەڭىستىگىن ورنىقتى كەڭەيتۋ كەرەك. جاڭا ەنەرگيانى نەگىزگى تۇلعا ەتكەن جاڭاشا ەلەكتر جۇيەسىن بەلسەنە ورناتىپ، ٴىرى جەل ەلەكتر، فوتوۆولت بازاسى قۇرىلىسىن جەدەل ىلگەرىلەتىپ، جاڭا ەنەرگيا ەلەكتر قۋاتىن قابىلداۋدى قامتاماسىز ەتۋ مەحانيزمىن كەمەلدەندىرىپ، ”شينجياڭ ەلەكترىن سىرتقا جەتكىزۋ“ ارناسى قۇرىلىسىن ىلگەرىلەتىپ، ۋاقىت پارقى باسىمدىعىنان ويداعىداي پايدالانا وتىرىپ جاسىل ەلەكتردى ٴوڭىر اتتاپ قاۋىرت كەزدەن باسقا كەزدە ساۋدالاۋدى ورىستەتىپ، جاڭا ەنەرگيانىڭ جوعارعى، تومەنگى بۋىنداعى كاسىپ سالاسىنىڭ تىزبەكتى ۇزارتۋىن، تىزبەكتى تولىقتاۋىن، تىزبەكتى كۇشەيتۋىن نىعايتىپ، ”جاساندى زەردە +“ ارەكەتىن اتقارۋمەن ۇشتاستىرا وتىرىپ ەسەپتەۋ مەن ەلەكتردىڭ سايكەستى دامۋىن جەبەپ، جاڭا جاعداي جەتىلدىرۋدى، اشىق ۇستاۋدى جانە تياناقتاندىرىپ قولدانۋدى ىلگەرىلەتۋ كەرەك. تومەن كەڭىستىك ەكونوميكاسىن دامىتۋ ستراتەگيالىق ورايىن مىقتى يگەرىپ، شينجياڭنىڭ سالىستىرمالى باسىمدىعىن ساۋلەلەندىرىپ، تومەن كەڭىستىك ەكونوميكاسىن دامىتۋدى عىلمي جوسپارلاپ ورنالاستىرىپ، نەگىزدىك قۇرىلعىلاردى كۇش سالا كەمەلدەندىرىپ، قولدانۋ جاعدايىن كەڭەيتىپ، حاۋىپسىزدىكتى الدىڭعى ورىنعا قوياتىن دامۋ ۇستانىمىن تياناقتاندىرىپ، حاۋىپسىزدىكتى باقىلاۋ ـ باسقارۋ جۇيەسىن ورناتىپ، تومەن كەڭىستىك ەكونوميكاسىنىڭ حاۋىپسىز، اقاۋسىز، باياندى دامۋىن ىلگەرىلەتۋ كەرەك.
ٴماجىلىس مىنالاردى باسا دارىپتەدى: ٴار دارەجەلى پارتكومدار (پارتيا باسشىلىق گرۋپپاسى) ەكونوميكانى يگەرۋ، دامۋدى جەبەۋ ساياسي جاۋاپكەرشىلىگىن شىن مانىندە ارقالاپ، ىستەۋدى ماڭداي الدى ورىنعا قويۋعا، ناقتى ىستەۋدى بارىنەن ماڭىزدى ورىنعا قويۋعا تاباندى بولىپ، ٴتۇيىندى مىندەتتەردىڭ تياناقتانىپ ونىمدىلىك كورسەتۋىن تىڭعىلىقتى ىلگەرىلەتۋى كەرەك. تاراۋلار، ورىندار، اسىرەسە، ەكونوميكا تاراۋلارى فۋنكتسيالىق رولىن ساۋلەلەندىرىپ، اناعۇرلىم كۇشتى جاۋاپكەرشىلىك ارقالاۋ، اناعۇرلىم بەلسەندى ىسكەرلىك كورسەتۋ، اناعۇرلىم ناقتى شارالار ارقىلى جوعارى ساپالى دامۋدى ىلگەرىلەتۋى كەرەك. ٴار دارەجەلى باسشى كادرلار، اسىرەسە، پارتيا، ۇكىمەت ورىندارىنداعى ”ٴبىرىنشى باسشىلار“ دۇرىس ناتيجە كوزقاراسىن بەرىك ورناتىپ، شەشىم جاساۋ قابىلەت دەڭگەيىن كۇش سالا جوعارىلاتىپ، تىڭعىلىقتى ىستەۋ ناتيجەسى ارقىلى 15” ـ بەسجىلدىقتا“ جاقسى باستاما اشۋدى، جاقسى قادام تاستاۋدى ىلگەرىلەتۋى كەرەك.
ٴيۇسۇپجان مامەت، قادەن كابەن، اۆتونوميالى رايوننىڭ جانە بيڭتۋاننىڭ قاتىستى باسشىلارى، قاتىستى ورىندارداعى جاۋاپتى جولداستار ماجىلىسكە قاتىناستى.
(«شينجياڭ گازەتىنەن» الىندى)
放大
