گازەتىمىزدىڭ حابارى(تىلشىلەرىمىز دۇڭ شىجۇي، جاڭ فۋشين حابارلايدى). 11 -ايدىڭ 24 - كۇنى ەۆروپا ساۋىتى قار شاڭعىمەن مانەرلى سىرعاناۋ جارىسىنىڭ اعا جۇلدەگەرى Walch Benni گەنەرال تاۋى حالىقارالىق قار شاڭعى دەمالىس رايونىندا اشىق سەزىنۋ ساباعى جانە وي ءبولىسۋ قيمىلىن وتكىزىپ، ناقتىلى ساباق ٴوتۋ ارقىلى سىرعاناۋ بارىسىنداعى ۇنەمى كەزدەسەتىن كەدەرگىلەردى شەشىپ، جاتتىقتىرۋشىلار مەن قار شاڭعى اۋەسكەرلەرىنە حالىقارالىق جارىس دەڭگەيىندەگى شاڭعى تەبۋ تەحنيكاسىن جاقىن ارالىقتان سەزىنۋگە مۇمكىندىك جاسادى.
“ەۆروپا ساۋىتى قار شاڭعىمەن مانەرلى سىرعاناۋ جارىسى اعا جۇلدەگەرىنىڭ ساباعىن ناق مايداندا تىڭداۋ ٴبىز ٴۇشىن تاپتىرماس ۇيرەنۋ ورايى. الداعى جەردە ۇيرەنگەن بىلىمدەرىمدى تاربيەلەۋمەن ۇشتاستىرىپ، ٴتىپتى دە كوپ قار شاڭعى اۋەسكەرىنە كاسىپتىك شاڭعى تەبۋدىڭ كەرەمەتىن سەزىندىرەمىن”، ـ دەدى گەنەرال تاۋى قار شاڭعى الاڭى قار شاڭعى شۋەيۋانىنىڭ جاتتىقتىرۋشىسى ما گولۇڭ.
“قار شاڭعى جاتتىقتىرۋشىسى رەتىندە قار شاڭعى الاڭىنىڭ جاتتىقتىرۋشىلاردىڭ كاسىپتىك دەڭگەيىن جوعارىلاتۋعا ءمان بەرەتىندىگىن تەرەڭ سەزىندىم. وسى قۇندى تاربيەلەۋ ادىستەرى بۇدان كەيىنگى ساباق ورنالاستىرۋىما وي تۇرتكى بولدى”، ـ دەدى گەنەرال تاۋى قار شاڭعى الاڭى قار شاڭعى شۋەيۋانىنىڭ جاتتىقتىرۋشىسى ليۋ يۇيشين.
Walch Benni دىڭ شاڭعى تەبۋ ونەرى “جوعارى ٴونىمدى، دالمە - ٴدال، جىلدام، تەبىندى بولۋ” ەرەكشەلىكتەرىمەن اتى شىققان، كاسىپ سالاسىندا جۇرتقا تانىمال “اۆستريا شاڭعى جاتتىقتىرۋشىلارىنىڭ ۇلگىسى”. سونىمەن بىرگە، ول Bodhi قاتارلى حالىقارالىق دەڭگەيدەگى جاتتىقتىرۋشىلاردى تاربيەلەپ، تيرول تاربيەلەۋ ۇلگىسىنىڭ وزىق تاسىلدەرىن جالعاستىردى. حالىقارالىق اماليات جاعىندا، ول تيلور قار شاڭعى قوعامىنىڭ جۇڭگوداعى كۋالاندىرۋ نىسانىنا قاتىناسىپ، جۇڭگولىق كۋرسانتتاردى اۆستريا ولشەمىنە ۇيلەسەتىن جاتتىقتىرۋشىلارمەن قامداپ، جۇڭگو ــ ەۆروپا شاڭعى تەبۋگە تاربيەلەۋ جۇيەسىنىڭ ءتۇيىلىسۋىن ىلگەرىلەتتى.
التاي گەنەرال تاۋى حالىقارالىق قار شاڭعى دەمالىس رايونى قار شاڭعى شۋەيۋانىنىڭ باستىعى لي شيا بىلاي دەدى: گەنەرال تاۋىنداعى قاردىڭ ساپاسى وتە جاقسى، ونان دا ماڭىزدىسى، كاسىپتىك شاڭعى تەبۋ جاعىنداعى اۋىس - كۇيىس ٴورىسىن ازىرلەۋگە كۇش سالۋدا. وسى رەت Benni ۇستازدى ساباق وتۋگە ۇسىنىس ەتۋ وسى دەمالىس رايونىن حالىقارالىق بايلىقپەن ۇشتاستىرۋداعى، قار - مۇز سپورتىنىڭ جالپىلاسۋ دەڭگەيىن جوعارىلاتۋداعى ماڭىزدى شارا سانالادى. قازىر قار شاڭعى الاڭىنىڭ كۇندىزگى، تۇنگى الاڭى تۇگەلدەي اشىلدى، قاتىناسۋشىلار ساباقتان كەيىن ۇلپا قاردا شاڭعى تەبۋدىڭ قىزىعىنا باتتى. الداعى جەردە كانادا قاتارلى ەلدەردىڭ تاربيەلەۋ جۇيەسىندەگى قار شاڭعى تەبۋ جونىندەگى اشىق ساباقتارىن ەنگىزىپ، شاڭعى تەبۋگە تاربيەلەۋدىڭ جۇيەلىلەنۋگە جانە حالىقارالانۋعا بەت الۋىن ىلگەرىلەتەمىز.
放大
