گازەتىمىزدىڭ حابارى (ءتىلشىمىز گۇزال ابدىرەشيت حابارلايدى). 11 - ايدىڭ 24 ـ كۇنى ءتىلشىنىڭ بۋىرشىن اۋداندىق مادەنيەت ـ دەنە تاربيە، راديو - تەلەۆيزيا جانە ساياحات مەكەمەسىنەن ۇعىسۋىنشا، اۋدان ءوڭىرىنىڭ تۇنگى ەكونوميكاسىن جانداندىرۋ، قىسقى ساياحاتتىڭ كومەسكى كۇشىن ىشكەرىلەي اشۋ، ەرەكشە كەشكى مادەنيەت - ساياحات IP قالىپتاستىرۋ ءۇشىن، بۇل اۋدان 11 - ايدىڭ 22 - كۇنىنەن باستاپ ءار سەنبى كۇنى كەشتە “وتكەندى ەسكە الۋ كونكي ديسكو كەشى” قيمىلىن ورىستەتىپ، وتكەندى ەسكە الۋ كەشىرمەلەرى ارقىلى قىسقى تۇنگى ومىرشەڭدىك كۇشتى جانداندىرىپ، ساياحاتشىلاردىڭ “شەكارادان ءوتىپ ساياحاتتاۋدان” “تۇنگى ساياحاتتاۋعا” ويىسۋىن ىلگەرىلەتىپ، اۋدان كولەمىندەگى قىسقى مادەنيەت ـ ساياحات تۇتىنۋىنا جاڭا قوزعاۋشى كۇش ۇستەدى.
قيمىل ءار سەنبى كۇنى ساعات 00: 20 دا بۋىرشىن اۋداندىق مۇز ءۇستى سپورت ورتالىعىنىڭ نەگىزگى مۇز الاڭىندا وتكىزىلىپ، كورۋ تۇيسىگى، ەستۋ تۇيسىگى، سەزىنۋ ارقىلى بەرىلە سەزىنۋ فورماسىنداعى وتكەندى ەسكە الادى. كورۋ تۇيسىگىندە “ۋاقىت تۋنەلىنىڭ” كۇمبەزشە ەسىگى ورناتىلىپ، بايىرعى ۇلگىدەگى راديو، تەلەۆيزور مودەلى قاتارلى سۋرەتكە ءتۇسۋ ورنى سايكەستىرىلىپ، قالا تۇرعىندارى مەن ساياحاتشىلاردىڭ سۋرەتكە ءتۇسىپ ەستەلىك قالدىرۋىنا مۇمكىندىك جاسادى؛ ەستۋ تۇيسىگىندە وتكەن عاسىردىڭ 80 -، 90 - جىلدارىنداعى ديسكو تاڭداۋلى مۋزيكاسى مەن كلاسسيكالىق كينو فيلم ۇزىندىلەرى ۇلاسپالى قويىلادى. مۋزيكانتتاردى ناق مايداندا ورىنداۋعا ۇسىنىس ەتىپ، جىلدار ەستەمەسىن ەلەستەتەدى؛ ناق مايداندا تاعى “بەزەنۋ ءۇيىن” دايىنداپ، كەڭ بالاق سىم، جىلتىراۋىق جەيدە قاتارلى كيىم ـ كەشەكتەردى مايعا بەرۋ جانە اجارلاندىرۋ قىزمەت وتەۋىمەن قامداپ، قاتىناسۋشىلارعا وتكەندەگى كيىنۋ ۇلگىسىن سەزىندىردى.
قيمىلدا ەڭ ۇزدىك كيىم ۇلگىسىن باعالايدى، مۇندا، جەكە نەمەسە ەكى ادامدىق (عاشىقتار، تۋىس - تۋعان، دوس - جاراندار) قىزمەت وتەۋ تەكشەسىنە الدىن الا تىزىمدەلەدى، جارىسقا قاتىناسۋشىلار مۇز الاڭىنىڭ ورتالىعىنا بارىپ ونەرلەرىن كورسەتەدى. باعالاۋ القاسى وتكەندەگى كيىم ـ كەشەكتى قالپىنا كەلتىرۋ ولشەمى جانە جاسامپازدىق بەينەلەۋ ەرەكشەلىگى بويىنشا ٴنومىر قويادى. قيمىلدا كوپتەگەن سيلىق تۇرلەرى ورنالاستىرىلىپ، قيمىل مەرەيىن اسىرادى.
وسى رەتكى “وتكەندى ەسكە الۋ كونكي ديسكو كەشى” جەرگىلىكتى تۇرعىندارعا قىسقى سەيىل ـ سەرۋەن دەمالىسىنىڭ جاڭا تالعامىن ۇسىنۋمەن بىرگە، ەرەكشە تاقىرىپتىق قيمىلدار ارقىلى قىسقى مادەنيەت - ساياحات تۇرىمەن قامداپ، بۋىرشىن اۋدانىنىڭ قىس ماۋسىمىنداعى تۇنگى مادەنيەت - ساياحات ماركاسىن اسپانداتۋىنا دەم بەرەدى.
放大
