شينجياڭدا تۇراقتى مۇلىككە قارجى قوسۋدىڭ ارتۋ قارقىنى قالايشا ٴبىرىنشى شارشى توپتان ورىن الدى

　　□ انار بۇلت \ شينجياڭ گازەتىنىڭ ٴتىلشىسى شى شين

　　ەكونوميكانىڭ ارتۋىن جەبەيتىن “ٴۇش تەگەرشىكتىڭ” ٴبىرى بولعان قارجى قوسۋ ــ قامداۋ مەن قاجەتسىنۋدىڭ ەكى جاعىن تۇتاستىراتىن شەشۋشى اينىمالى شاما، ەكونوميكانىڭ ارتۋىن ورنىقتىرۋدىڭ تىرەگى، جەتەكشىلىك سيپاتتى كورسەتكىشى.

　　بيىل جىل باسىنان بەرى شينجياڭدا تۇراقتى مۇلىككە قوسىلعان قارجى قىسىمعا توتەپ بەرۋ بارىسىندا العا ىلگەرىلەپ، ورنىقتى ارتۋ جاعدايىن ساقتادى، الدىڭعى ٴۇش ماۋسىمدا قوسىلعان قارجىنىڭ جالپى سوماسى (شارۋا وتباسىلارىن قامتىمايدى) سايكەس مەزگىلدەگىدەن %7.3 ارتىپ، بۇكىل ەلدەگىدەن 7.8 پايىز جوعارى بولىپ، بۇكىل ەل بويىنشا 4 ـ ورىندى يەلەدى، ارتۋ قارقىنى ٴۇرتىس 8 اي بۇكىل ەل بويىنشا الدىڭعى 5 ورىندا ورنىقتى تۇردى. بۇل ناتيجە وڭاي ـ وسپاق قولعا كەلمەگەن، بۇل شينجياڭنىڭ ەكونوميكالىق دامۋىنىڭ كومەسكى كۇشى مەن سەرپىمدىلىگىن كورنەكتىلەندىردى.

　　قارجى قوسۋ قۇرىلىمىنا زەر سالا كوز جىبەرسەك، ونەركاسىپكە قارجى قوسۋدىڭ جەتەكتەۋى كۇشتى، نەگىزدىك قۇرىلعىلارعا قارجى قوسۋدىڭ ارتۋ جاعدايى ورنىقتى، حالىقتىق قارجى قوسۋدىڭ ارتۋى تەز بولىپ، ٴۇش ۇلكەن بولىك شينجياڭدا تۇراقتى مۇلىككە قارجى قوسۋدىڭ ٴبىرشاما تەز ارتۋىن ساقتاۋعا بىرگە تىرەك بولىپ، تۇتاس رايون ەكونوميكاسىنىڭ جوعارى ساپالى دامۋىنا بەرىك تىرەك ازىرلەگەن.

　　ونەركاسىپكە قارجى قوسۋدىڭ تىرەكتىك رولى كۇشتى بولدى

　　4 ـ ماۋسىمداعى قامال الۋ قارساڭىندا تيانشان الابىندا ونەركاسىپ قۇرىلىسىنىڭ ورلەۋى باسەڭدەمەدى.

　　قارامايلى قالاسى مايتاۋ رايونىندا تارىم جىلىنا ٴبىر ميلليون 200 مىڭ توننا ەتيلەن ٴوندىرۋ 2 ـ مەرزىمدىك نىسانى جانە سايكەستى جاسىل، تومەن كومىر قىشقىل گازدى ۇلگى كورسەتۋ ينجەنەرياسى جەدەل ىلگەرىلەتىلدى. جۇڭگو مۇناي ايىرۋ كاسىبىنىڭ تيپ جاڭالاپ دارەجەسىن جوعارىلاتۋداعى ۇلگى نىسان رەتىندە، بۇل ينجەنەريا بيىل “تەحنولوگيانى ورناتۋدان قامال الۋ جىلىن” نىسانا ەتىپ، وزەكتى جابدىقتاردى دالمە ـ ٴدال ورنالاستىرىپ، جالپى تۇلعالىق وبراز اياق الىسى %90كە جەتتى.

　　سونىمەن قاتار حۋاتاي جاڭا ماتەريالدار عىلىم ـ تەحنولوگيا شەكتى سەرىكتەستىگىنىڭ جىلىنا 30 مىڭ توننا جوعارى يقۋاتتى تيتان جانە تيتان قورىتپاسى جاڭا ماتەريالىن ٴوندىرۋ نىسانى، شينجياڭ ياشين كومىر قاباتى گازىنا قارجى قوسۋ، اشۋ (توبى) شەكتى جاۋاپكەرشىلىك سەرىكتەستىگى جانە بىرلەسىپ قارجى قوسقان، جارناسى تىزگىندەلەتىن بولىمشە سەرىكتەستىكتىڭ گازدى جونگە سالۋى قاتارلى كەلەلى كاسىپ سالاسى نىسانىنىڭ قۇرىلىسى تەزدەتىلدى، تيانچى جۇندۇڭ كومىردەن جىلىنا 2 ميلليارد تەكشەمەتر گاز الۋ، جۇڭگو مۇناي حيميا ونەركاسىبى تاحى ايىرۋ ـ وڭدەۋدى ٴبىر تۇلعالاندىرۋ قاتارلى نىسانداردىڭ قۇرىلىسى باستالىپ، ونەركاسىپكە قارجى قوسۋدىڭ كوپ تۇيىندە كۇش سالاتىن تاماشا جاعدايىن قالىپتاستىردى.

　　ابزال بايلىقتى كادەگە جاراتۋ مەن وسى زامانعى كاسىپ سالاسى جۇيەسىن قۇرۋدى جەتەكشى ەتىپ، شينجياڭدا ونەركاسىپكە قوسىلعان قارجى ورنىقتى ارتۋدىڭ “ورنىقتىرعىشتىق” رولىن ۇزدىكسىز ساۋلەلەندىردى. الدىڭعى ٴۇش ماۋسىمدا شينجياڭنىڭ ونەركاسىبىنە قوسىلعان قارجى سايكەس مەزگىلدەگىدەن %10.1 ارتىپ، تۇراقتى مۇلىككە قوسىلعان قارجىنىڭ %53.7ىن ۇستاپ، تۇراقتى مۇلىككە قوسىلعان قارجىنىڭ 5.3 پايىز ارتۋىن جەبەدى.

　　نازار اۋدارۋعا تاتيتىنى، اۆتونوميالى رايوننىڭ 100 ميلليارد يۋاندىق نىسانىنا ەنگىزىلگەن 11 كەلەلى كاسىپ سالاسى نىسانى ٴساتتى ىلگەرىلەپ، 1 ـ ايدان 9 ـ ايعا دەيىن 153 ميلليارد 900 ميلليون يۋان قارجى قوسىلىپ، ماڭىزدى ۇلگى كورسەتۋ، جەتەكشىلىك ەتۋ جانە ورنىقتىرۋ، تىرەك بولۋ رولىن ساۋلەلەندىردى.

　　نەگىزدىك قۇرىلعىلارعا قارجى قوسۋدىڭ ارتۋ جاعدايى ورنىقتى بولدى

　　9 ـ ايدىڭ 20 ـ كۇنى G3033 جەلىسىنىڭ كۇيتۇن ــ مايتاۋ ــ كۇشار تاس جولى نىسانىنىڭ جەتەكشى ينجەنەرياسى جۇمىس باستادى. نىساننىڭ 2032 ـ جىلى سالىنىپ بولاتىندىعى جوسپارلاندى، سول كەزدە تيانشان تاۋىن ەندەي وتەتىن تاعى ٴبىر جوعارى قارقىندى تاس جولدىڭ ۇلكەن ارناسىنا اينالادى، كۇيتۇن قالاسىنان كۇشار قالاسىنا دەيىنگى قاتىناۋ ۋاقىتى قازىرگى 14 ساعاتتان 4 ساعات مولشەرىنە قىسقارادى. بۇل نىسانعا جالپى 76 ميلليارد يۋان قارجى قوسىلعان، قازىر شينجياڭنىڭ تاس جول قۇرىلىسى تاريحىنداعى جەكە قارجى قوسۋ كولەمى ەڭ ۇلكەن جوعارى قارقىندى تاس جول نىسانى.

　　سول كۇنى اۆتونوميالى رايون　　2025 ـ جىلعى كەلەلى نىسانداردا شوعىرلى جۇمىس باستاۋ، اياقتاتۋ جانە 3 ـ ماۋسىمداعى ٴتۇيىندى نىسانداردى ورنالاستىرۋ ٴماجىلىسىن اشتى، بۇكىل رايونىمىزداعى 70 كەلەلى نىسان شوعىرلى جۇمىس باستادى. ىلە ــ التاي تەمىر جولى سياقتى كەلەلى نەگىزدىك قۇرىلعى نىساندارى قۇرىلىس باستاپ، شينجياڭنىڭ نەگىزدىك قۇرىلعىلارىنىڭ “ون تور” قۇرىلىسىنا تاعى دا تىڭ قوزعالىس قۋاتىن ۇستەدى.

　　كەلەلى نىساندار ــ ەكونوميكانىڭ ارتۋىن ورنىقتىراتىن ورنىقتىرعىش، جوعارى ساپالى دامۋدى ىلگەرىلەتەتىن مىعىم تىرەك. بيىل جىل باسىنان بەرى شينجياڭ “التى ماڭىزدى ٴتىزىمدى”، “100 ميلليارد يۋان دارەجەلى، 10　　 ميلليارد يۋان دارەجەلى” كەلەلى ينجەنەريالاردى، نەگىزدىك قۇرىلعى “ون تور” سياقتى كەلەلى نىسانداردى جەدەل اتقارىپ، جەتەكتەۋ، جەتەكشىلىك ەتۋ رولىن ۇزدىكسىز ويداعىداي ساۋلەلەندىردى، اسىرەسە، 3 ـ ماۋسىمنان بەرى شينجياڭدا جاڭا نىساندار، جاقسى نىساندار ىركەس ـ تىركەس باستالىپ، ەكونوميكانىڭ جىلى اعىسى تولاسسىز جوڭكىلدى.

　　“نەگىزدىك قۇرىلعىلارعا قوسىلعان قارجىنىڭ ارتۋ جاعدايى ٴبىرشاما جاقسى”. اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ليۋ بين بىلاي دەپ قارادى: بۇل الدىڭعى ٴۇش ماۋسىمدا شينجياڭدا تۇراقتى مۇلىككە قارجى قوسۋدا جارىققا شىققان جارقىن تۇيىندەردىڭ ٴبىرى.

　　ساناق ساندى مالىمەتىندە كورسەتىلۋىنشە، الدىڭعى ٴۇش ماۋسىمدا كەلەلى نىسانداردىڭ جەدەل ىلگەرىلەتىلۋىنىڭ جەتەكتەۋىندە نەگىزدىك قۇرىلعىلارعا قوسىلعان قارجى ٴبىرشاما تەز ارتىپ، سايكەس مەزگىلدەگىدەن %10.8 ارتىپ، تۇراقتى مۇلىككە قوسىلعان قارجىنىڭ %21.4ىن ۇستاپ، تۇراقتى مۇلىككە قوسىلعان قارجىنىڭ 2.2 پايىز ارتۋىن جەبەگەن.

　　حالىقتىق قارجى قوسۋدىڭ 

　　ارتۋى تەز بولدى

　　حالىقتىق قارجى قوسۋ ــ ەكونوميكانىڭ ىشكى قوزعاۋشى  كۇشى مەن بازاردىڭ ومىرشەڭ  كۇشىن بەينەلەيتىن ماڭىزدى باعدار كورسەتكىش.

　　بيىل جىل باسىنان بەرى شينجياڭ دالمە ـ ٴدال شارا قولدانىپ، قارجى قوسۋ سالاسىن كەڭەيتىپ، شارۋاشىلىق ـ ساۋدا ورتاسىن ساپالىلاندىرىپ، حالىقتىق كاسىپورىنداردىڭ كەلەلى نىساندار قۇرىلىسىنا ات سالىسۋىن ۇزدىكسىز ىلگەرىلەتىپ، حالىقتىق قارجى قوسۋدىڭ ومىرشەڭ كۇشىن ۇزدىكسىز كۇشەيتتى. الدىڭعى ٴۇش ماۋسىمدا شينجياڭنىڭ حالىقتىق قارجى قوسۋى سايكەس مەزگىلدەگىدەن %17 ارتىپ، تۇراقتى مۇلىككە قوسىلعان قارجىنىڭ 6.4 پايىز ارتۋىن جەبەدى. مۇنىڭ ىشىندە ينفورماتسيا جەتكىزۋ جۇمساق بولشەگى مەن ينفورماتسيا تەحنولوگياسى قىزمەت وتەۋ كاسىبى، كەن اشۋ كاسىبى، ەلەكتر، جىلۋ، جانار گاز، سونداي ـ اق سۋ ٴوندىرىسى جانە قامداۋ كاسىبىنە حالىقتىق قارجى قوسۋدىڭ ارتۋ قارقىنى كورنەكتى بولىپ، سايكەس مەزگىلدەگىدەن جەكە ـ جەكە 2.9   ەسە، %62.9، %39.5 ارتقان.

　　4 ـ ماۋسىم ــ بار كۇشپەن ۇمتىلىپ، جۇمىستى اياقتاتاتىن شەشۋشى كەزەڭ. قازىر بۇكىل رايوندا جوعارىدان تومەنگە دەيىن اۆتونوميالى رايوندىق پارتكومنىڭ قىزمەت ورنالاستىرۋى بويىنشا بىرىككەن كۇش ۇيىستىرىپ، ٴونىمدى قارجى قوسۋدى كەڭەيتىپ، تىڭعىلىقتى  شارالار ارقىلى ەكونوميكانىڭ جوعارى ساپالى دامۋىن ىلگەرىلەتىپ، “14 ـ بەسجىلدىقتىڭ” تابىسپەن اياقتالۋىنا بەرىك نەگىز قالاۋدا.

　　(«شينجياڭ گازەتىنەن» الىندى)