شينحۋا اگەنتتىگىنىڭ 11 ـ ايدىڭ 24 ـ كۇنى بەيجيڭنەن بەرگەن حابارى. 11 ـ ايدىڭ 24 ـ كۇنى كەشتە مەملەكەت ٴتوراعاسى شي جينپيڭ امەريكا زۇڭتۇڭى ترامپپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: وتكەن ايدا ٴبىز كورەيانىڭ پۋسانىندا ٴساتتى ديدارلاسۋ وتكىزىپ، كوپتەگەن ماڭىزدى ورتاق تانىمعا كەلىپ، جۇڭگو ــ امەريكا قارىم ـ قاتىناسى سىندى وسى الىپ كەمەنىڭ ورنىقتىلىقپەن العا ىلگەرىلەۋىنە بەتالىس دۇرىستاپ، قوزعاۋشى كۇش ۇستەدىك ٴارى دۇنيە جۇزىنە بەلسەندى سيگنال تاراتتىق. پۋسانداعى ديدارلاسۋدان بەرى، جۇڭگو ــ امەريكا قارىم ـ قاتىناسى جالپى جاقتان ورنىقتى جاقسارىپ، ەكى ەلدىڭ جانە حالىقارالىق قوعامنىڭ جاپپاي قارسى الۋىنا يە بولدى، اماليات جۇڭگو مەن امەريكانىڭ “سەلبەسسە ەكى جاققا دا ٴتيىمدى، مۇيىزدەسسە ەكى جاققا دا زيان جەتەتىندىگى” اماليات قايتا ـ قايتا دالەلدەگەن جاي ساۋات ەكەندىگىن، جۇڭگو مەن امەريكانىڭ “ٴبىرىن ـ ٴبىرى تابىسقا جەتكىزەتىندىگى، بىرگە گۇلدەنىپ ـ كوركەيەتىندىگى” كوزبەن كورىپ، قولمەن ۇستاۋعا بولاتىن ناقتى كورىنىس ەكەندىگىن تاعى ٴبىر رەت ٴتۇسىندىردى. ەكى جاق وسى ارىندى ساقتاپ، دۇرىس بەتالىسقا تاباندى بولىپ، تەڭدىك، قۇرمەت ەتۋ، ٴوزارا تيىمدىلىك جاساۋ پوزيتسياسىنان جازباي، سەلبەستىك تىزىمدىگىن ۇزارتىپ، ماسەلە تىزىمدىگىن ىقشامداپ، اناعۇرلىم كوپ بەلسەندى ىلگەرىلەۋشىلىككە قول جەتكىزىپ، جۇڭگو ــ امەريكا قارىم ـ قاتىناسىنا جاڭا سەلبەستىك ٴورىسىن اشىپ، ەكى ەل حالقىن جانە دۇنيە ٴجۇزى حالقىن اناعۇرلىم ويداعىداي باقىتقا كەنەلتۋى كەرەك.
شي جينپيڭ جۇڭگونىڭ تايۋان ماسەلەسىندەگى پرينسيپتىك تۇرعىسىن ايقىن بايىمداپ، بىلاي دەپ باسا دارىپتەدى: تايۋاننىڭ جۇڭگوعا ورالۋى ــ دۇنيە جۇزىلىك سوعىستان كەيىنگى حالىقارالىق ٴتارتىپتىڭ ماڭىزدى قۇرامداس بولىگى. جۇڭگو مەن امەريكا كەزىندە فاشيزمگە جانە ميليتاريزمگە تىزە قوسا سوققى بەرگەن، قازىر دۇنيە جۇزىلىك 2 ـ سوعىس جەڭىسىنىڭ تابىستارىن اناعۇرلىم ويداعىداي بىرگە قورعاۋى كەرەك.
ترامپ بىلاي دەدى: ٴتوراعا شي جينپيڭ ۇلى باسشى. مەنىڭ ٴتوراعا شي جينپيڭمەن پۋسانداعى ديدارلاسۋىم توتەنشە كوڭىلدى بولدى، ٴسىزدىڭ ەكى ەل قارىم ـ قاتىناسى جونىندەگى كوزقاراسىڭىزدى بۇكىلدەي قۇپتايمىن. ەكى جاق پۋسان ديدارلاسۋىندا كەلىسكەن ماڭىزدى ورتاق تانىمدى جاپپاي تياناقتاندىرۋدا. جۇڭگو سول جىلدارى دۇنيە جۇزىلىك 2 ـ سوعىستىڭ جەڭىسىنە قول جەتكىزۋدە ماڭىزدى رول اتقاردى، امەريكا تايۋان ماسەلەسىنىڭ جۇڭگو جونىندەگى ماڭىزدىلىعىن تۇسىنەدى.
ەكى ەل باسشىلارى ۋكراينا داعدارىسىن دا اۋىزعا الدى. شي جينپيڭ بىلاي دەپ باسا دارىپتەدى: جۇڭگو جاق بارلىق بەيبىتشىلىككە ۇمتىلعان قۇلشىنىستاردى قولدايدى، تاراپتاردىڭ الاۋىزدىقتى ۇزدىكسىز ازايتىپ، كۇنى بۇرىن ٴادىل، باياندى، تەجەۋ كۇشىنە يە بەيبىتشىلىك كەلىسىمىن جاساسىپ، وسى داعدارىستى تۇبىرىنەن شەشۋىن ٴۇمىت ەتەدى.
(«شينجياڭ گازەتىنەن» الىندى)
放大
