گازەتىمىزدىڭ حابارى (ٴتىلشىمىز گۇلناز حابارلايدى). جۋىردا، ٴتىلشىنىڭ ايماقتىق قاتىناس - تاسىمال مەكەمەسىنەن ۇعىسۋىنشا، شىڭگىل اۋدانى، كوكتوعاي اۋدانى، التاي قالاسى سىندى 3 جەردى باسىپ وتەتىنG331 شىڭگىل ــ كوكتوعاي ــ التاي بولەگىندەگى تاس جولدا 6 - ايدىڭ 30 - كۇنى رەسمي اۆتوكولىك قاتىنادى.
جالپى ۇزىندىعى 445.144 كيلومەتر كەلەتىن وسى قاتىناس جان تامىرىنىڭ باستالۋ ٴتۇيىنى تايكەشكەن قالاشىعىنىڭ شىعىسىنداعى Y222 مەن S320 نىڭ تۇيىلىسىنەن باستالىپ، شەمىرشەك قالاشىعىنىڭ باتىسى مەنG217نىڭ تۇيىلىسىنەن اقىرلاسادى، ەلىمىزدەگى “ەڭ كوركەم شەكارا تاس جولى” G331 جەلىسىنىڭ ماڭىزدى قۇرامداس بولەگى. ونىڭ تۇتاسۋى شينجياڭنىڭ باتىس بولەگىن بويلاعان تاس جول تورابىنداعى بوستىقتى تولىقتاپ قانا قالماي، ونان دا ماڭىزدىسى، “قاتىناس+ەكونوميكا+ساياحات+مەملەكەت قورعانىسىنىڭ” كوپ ولشەمدى ىقپالداستىعى ارقىلى جەلى بويىنداعى ەكونوميكانىڭ دامۋىنا، ساياحاتتىڭ توعىسۋىنا پارمەندى قوزعاۋشى كۇش ۇستەدى.
شىڭگىل ــ كوكتوعاي ــ التاي بولەگىندەگى تاس جولى التايدىڭ كۇردەلى جەر بەدەرى بەلدەۋىنە ورنالاسقان، قۇرىلىس بارىسىندا ٴۇستىرتتى سۋىق كليمات، تاۋلى ٴوڭىردىڭ ويلى - شۇڭقىرلى بولۋى جانە جەر بەدەرىنىڭ الۋان تۇرلىلىگى قاتارلى سايىستاردى جەڭۋگە تۋرا كەلەدى. وسى نىساننىڭ قۇرىلىس جۇرگىزۋ ۇيىرمەسى ساپانى قاتاڭ باسقارۋ - مەڭگەرۋ جانە تەحنيكادا جاڭالىق اشۋ ارقىلى سوڭىندا اسفالت جولدىڭ تۇتاس جەلىسىن تۇتاستىرىپ، التاي ايماعىنا جوعارى ولشەمدى “حالىق تۇرمىسى جولى” مەن “مەملەكەت قورعانىسى جەلىسىن” سالدى.
ۇعىسۋعا قاراعاندا، G331 شىڭگىل ــ كوكتوعاي ــ التاي بولەگىنە اۆتوكولىك قاتىناۋى شىڭگىل اۋدانى مەن التاي قالاسىنىڭ اۆتوكولىك قاتىناۋ ارالىعىن %40 تەن استام قىسقارتتى ٴارى G217 مەن “سولتۇستىك شينجياڭ اينالما جەلىسى” سىندى قاتىناس تۇيىق شەڭبەرىن قالىپتاستىرىپ، جول بويىنداعى تۇرعىندارعا تيىمدىلىك جەتكىزەدى. كەن بايلىعى مەن ەرەكشە ەگىن ـ مال شارۋاشىلىق ونىمدەرىن سىرتقا تاسىمالدايتىن “التىن كاريدور” رەتىندە ٴار جىلى زات اينالىمىنىڭ وزىندىك قۇنىن زور مولشەردە تومەندەتۋگە ٴارى جەلى بويىنداعى جاڭادان ارتقان جۇمىس ورىندارىن جەبەپ، ساياحات، ەنەرگيا قاتارلى سالالارعا قارجى قوسۋعا باۋرايدى. وسى تاس جول تۇتاستىرعان شىڭگىل تايكەشكەن شەكارا وتكەلى ەكولوگيالىق رايونى، كوكتوعاي گەولوگيالىق باقشاسى، التاي “ادامزاتتىڭ قار شاڭعى مەكەنى” قاتارلى بەلگى سيپاتتى كورىنىس تۇيىندەرى “ەكولوگيا ــ گۋمانيتارلىق ــ قار - مۇز” ۇشەۋى ٴبىرتۇلعالانعان التىن ساياحات جەلىسىن قالىپتاستىرىپ، التاي ايماعىنىڭ “شەكارا وتكەلى ەكونوميكالىق بەلدەۋى” مەن “قار - مۇز ەكونوميكاسىنان ۇلگى كورسەتۋ رايونىنىڭ” بىرلەسىپ دامۋىن جەدەلدەتەدى.
التاي ايماقتىق قاتىناس - تاسىمال مەكەمەسى تاس جول ٴبولىمىنىڭ باستىعى پىڭ جىڭرۇڭ بىلاي دەدى: G331 شىڭگىل ــ كوكتوعاي ــ التاي بولەگىنىڭ تۇتاسۋى جول بويىنداعى كورىنىستى تاماشالاۋ عانا ەمەس، ونان دا ماڭىزدىسى، ايماعىمىزدىڭ جوعارى ساپالى دامۋىنىڭ “باستاماشىسى”، ٴوزى اۆتوكولىك جۇرگىزىپ ساياحاتتاۋدىڭ قىزۋ ورلەۋگە كوتەرىلۋىنە ىلەسە “سولتۇستىكتەگى داڭعىل جول” التايدىڭ تارتىمدىلىعىنا ىزدەنىس جاساۋداعى جاڭا تەرەزەلىككە اينالارى ٴشۇباسىز.
放大
