قۇربان ايت مەرەكەسى دەمالىسىندا التايدىڭ ساياحات بازارى دۋماندى بولدى

　　گازەتىمىزدىڭ حابارى (ٴتىلشىمىز دۇڭ شىجۇي حابارلايدى). قۇربان ايت مەرەكەسى دەمالىسىندا التاي ايماعىندا ساياحات قىزۋ ورلەۋگە كوتەرىلدى. جەر - جەردەگى ساياحاتشىلار التايعا ارت - ارتىنان كەلىپ، جەرگىلىكتى ورىننىڭ جاراتىلىستىق كورىنىسى مەن حالىقتىق سالت - ساناسىن بارىنشا سەزىندى. 6 - ايدىڭ 10 - كۇنى ٴتىلشى ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنەن مىنانى ۇعىسقان: 6 - ايدىڭ 6 - كۇنىنەن　　10 - كۇنىنە دەيىن، ايماعىمىز بويىنشا جيىنى ٴبىر ميلليون 670 مىڭ 200 ساياحاتشى (رەت)  قابىلدانىپ، سايكەس مەزگىلدەگىدەن %10.44 ارتسا؛ ساياحاتشىلاردىڭ جۇمساعان جالپى قاراجاتى ٴبىر ميلليارد 514 ميلليون يۋان بولىپ، سايكەس مەزگىلدەگىدەن %11.22 ارتقان.

　　ساياحاتتىڭ قاۋىرت مەزگىلىندە التاي قالاسىنىڭ لاستى اۋىلى بەيشان جۇلدىزدى اسپان لاگەرى كوركەم جاراتىلىستىق ورتاسىمەن جانە تۇزدە تۇنەۋدىڭ مول اسەرىن سيلاعاندىقتان، ساياحاتشىلاردىڭ ساپارىنداعى ٴتۇيىندى جەرىنە اينالدى. بۇل لاگەر قاقتاما قاقتاۋ اۋماعى، تاماشالاۋ اۋماعى، كوڭىل اشۋ اۋماعى، وتباسىنداعىلاردىڭ ىقپالداستىق اۋماعى، بارىپ كورۋ اۋماعى سەكىلدى ەرەكشەلىككە يە ورىندى زەر سالا ورنالاستىرىپ، قالا تۇرعىندارى مەن ساياحاتشىلاردى باۋرادى.

　　حۋبەيلىق ساياحاتشى شياڭ مين بىلاي دەدى: بۇل لاگەر ايرىقشا كەرەمەت ەكەن، تۋىس - تۋعانداردىڭ، دوس - جارانداردىڭ باس قوسۋىنا وتە ۇيلەسەدى.

　　مەرەكە كەزىندە ساياحاتشىلاردىڭ دەمالىسىن وزگەشە وتكىزۋى ٴۇشىن، شىڭگىل اۋدانى “كوشى - قونداعى شوپان ٴانى”، “التىن ىزدەۋ ساپارى”، “جەر جۇلگەسى قۇپيا سيفرى” سەكىلدى ەرەكشەلىككە يە ساياحات اينالما جەلىسىن زەر سالا جوبالادى. جول بويىندا ساياحاتشىلار ساحارانىڭ كوركەم كورىنىسىن، كول مەن ورماندى تاماشالاسا؛ “سىرلى التىن ىزدەۋ” جولىندا ىزدەنىس جاساعاندا شەكارا وتكەلىنىڭ وزگەشە تارتىمدىلىعىن سەزىندى؛ كوركى كوز سۇرىندىرەتىن ساياحات جەلىلەرىنەن تىس، بۇل اۋدان تاعى 3 - كەزەكتى لاڭشان لوڭقاسى بويىنشا ەرجۇرەكتەردىڭ قارماق سالۋ دوستىق جارىسى، “قىستاعىمىزدىڭ ٴبيى” اتىنداعى اۆتونوميالى رايوننىڭ بۇقارالىق ٴبي جارىسى سەكىلدى مول مازمۇندى، تارتىمدى مادەنيەت، ساياحات قيمىلىن وتكىزىپ، قالىڭ ساياحاتشىلاردىڭ كوز مەيىرىن قاندىردى.

　　ۇعىسۋعا قاراعاندا، جاز كىرگەننەن بەرى، التاي ايماعىنداعى كورىنىس رايوندارى ساياحاتتا ٴبىر قىدىرۋ تيىمدىلىك ساياساتىن شىعارعان. ايتالىق، ٴىشىنارا كورىنىس رايوندارى ەسىك بەلەتىن ارزانداتۋ، قونالقىدا، اس - سۋدا تيىمدىلىك جاساۋ قاتارلىلار  ارقىلى ساياحاتشىلاردىڭ التاي ساپارىندا تيىمدىلىكتەن يگىلىكتەنۋىنە مۇمكىندىك جاساعان.

　　ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، مەكەمەنىڭ ورىنباسار باستىعى شى جىچياڭ بىلاي دەدى: التايدىڭ مول ساياحات بايلىعىنىڭ جانە مادەنيەت پەن ساياحاتتىڭ توعىسا دامۋىنىڭ ارقاسىندا، قۇربان ايت كەزىندە ساياحات بازارى دۋماندى بولدى. ساياحات كومەسكى كۇشىن ۇزدىكسىز كادەگە جاراتىپ، ساياحاتقا قىزمەت وتەۋ ساپاسىن جوعارىلاتىپ، اناعۇرلىم كوپ ەرەكشەلىككە يە ساياحات ونىمدەرىن قالىپتاستىرىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز.