ىنتىماق نەگىزىن بەكەمدەپ، جاراسىمدىلىق كارتيناسىن بىرگە سىزدى

　　□ پراكتيكانت ٴتىلشى باۋ حۇڭيۇي، ەرىكتى ٴتىلشى ۋاڭ ليجۇڭ

　　بيىل 5 - اي اۆتونوميالى رايوننىڭ 43 - رەتكى ۇلتتار ىنتىماعى، العاباسارلىعى تاربيە ايى. ۇلتتار ىنتىماعى، العاباسارلىعى تاربيە ايى قيمىلىن جاندى، ناقتى، ٴونىمدى تەرەڭدەتۋ ٴۇشىن، التاي ايماعى جەلىلەس تاقىرىپتىق امالياتتىق قيمىلداردى ورىستەتۋ ارقىلى ٴار ۇلت كادرلارى مەن بۇقاراسىنىڭ بىلۋىنە، سەزىنۋىنە، سۇيىسپەنشىلىگىن تەرەڭدەتۋىنە شارت ـ جاعداي جاراتىپ، سانالى تۇردە جۇڭحۋا ۇلتى ورتاق تۇلعا تانىمىن بەكەمدەۋدىڭ قورعاۋشىسى، امالياتتا ايگىلەۋشىسى جانە ىلگەرىلەتۋشىسى بولىپ، ۇلتتار ىنتىماعى اعاشىنىڭ تەرەڭ تامىر تارتۋىنا، ۇلتتار ىنتىماعى گۇلىنىڭ ماڭگى قۇلپىرۋىنا مۇمكىندىك جاسادى.

　　ۇيىمدىق باسشىلىقتى كۇشەيتىپ، قىزمەتتىڭ بىرىككەن كۇشىن ۇيىستىردى

　　ايماقتىق پارتكومنىڭ ۇگىت ٴبولىمى، بىرلىكساپ ٴبولىمى، ايماقتىق ۇلت ىستەرى كوميتەتى بىرلەسىپ «التاي ايماعىنىڭ 2025 - جىلعى ۇلتتار ىنتىماعى، العاباسارلىعى تاربيە ايى قيمىلى جوباسىن» جاساپ تاراتىپ، قاتىستى تاراۋلارمەن (ورىندارمەن) بىرگە ٴوز جاۋاپكەرشىلىگىن ارقالاپ، سايكەسىپ، قيمىلدى ۇيىمداستىرۋ، سايكەستىرۋ قىزمەتىن بىرلىكتە ويداعىداي يگەردى. تاراۋلار (ورىندار) كاسىپ ەرەكشەلىگىنە ۇشتاستىرىپ، سالا كولەمىندەگى بۇقاراعا قاراتىلعان ۇگىت - تاربيەنى كۇشەيتتى. اۋداندار، قالا، اۋىل ـ قالاشىق (كوشە ٴىس باسقارماسى)، الەۋمەتتىك اۋماق (قىستاق) ۇلتتار ىنتىماعى حيكاياسىن ويداعىداي بايانداۋدى ارقاۋ ەتىپ، بىرگە تۇرۋ، بىرگە ۇيرەنۋ، بىرگە ىستەۋ، بىرگە شاتتانۋ سىندى ٴوزارا كىرىككەن اۋقىمدى بەلسەنە قالىپتاستىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ايماق، اۋدان، اۋىل، قىستاقتاردىڭ داۋىرمەن ۇندەستىك تاباتىن، بىرگە كۇش سالاتىن ۇگىت رايىن جاراتتى.

　　ايماقتىق ۇلت ىستەرى كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى　　　　يىن رۇڭ بىلاي دەدى: تاراۋلاردىڭ (ورىنداردىڭ) فۋنكتسيالىق قىزمەت جاۋاپكەرشىلىگىن تولىق ۇيىستىرىپ، نازاردى بۇقارانىڭ قاجەتىنە، ارمان ـ تىلەگىنە، وڭاي قابىلدايتىن، قىزىعا كورىپ، قۇمارتا تىڭدايتىن فورماعا شوعىرلاندىرىپ، نەگىزگى ساتىداعى بۇقاراعا جانە قوعامدىق قاۋىمعا باعىتتاي جەلىلەس   ۇگىت ـ تاربيەنى كەڭ كولەمدە ورىستەتىپ، قيمىلدىڭ جۇرت جۇرەگىنە تەرەڭ ۇيالاۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتەمىز.

　　كەڭ كولەمدە ۇگىتتەپ،

　　اتتانىسقا كەلتىرىپ، قويۋ اۋان قالىپتاستىردى

　　ۇلتتار ىنتىماعى، العاباسارلىعى تاربيە ايى كەزىندە التاي ايماعى ساتىعا، سالاعا، تۇيىنگە ٴبولىپ ورگان،   اۋىل ـ قالاشىق (كوشە ٴىس باسقارماسى)، مەكتەپ، الەۋمەتتىك اۋماق (قىستاق) قاتارلى سالالارعا بارىپ، “جۇڭحۋا ۇلتى ورتاق تۇلعا تانىمىن بەكەمدەۋ” نەگىزگى تاقىرىپتىق ۇگىت ـ تاربيە قيمىلىن ورىستەتتى.

　　ٴار دارەجەلى پارتيا ۇيىمى ارناۋلى تاقىرىپتا ساباق ٴوتۋ، ناق مايداندا وقىتۋ، زەرتتەۋ ـ تالقىلاۋ، اۋىس ـ كۇيىس جاساۋ قاتارلى تاسىلدەر ارقىلى جۇڭحۋا ۇلتى ورتاق تۇلعا تانىمىن بەكەمدەۋ ۇگىت ـ تاربيەسىن شوعىرلى ۇيرەنۋدىڭ ماڭىزدى مازمۇنىنا ەنگىزدى. نازاردى نەگىزگى ساتىداعى بۇقارانىڭ قاجەتىنە، ارمان ـ تىلەگىنە شوعىرلاندىرىپ، “اۋىل ـ قىستاقتى گۇلدەندىرۋ ارمانىن بىرگە جۇزەگە اسىرۋ. ۇلتتار ىنتىماعىنىڭ بەرەكەلى شاڭىراعى” نەگىزگى تاقىرىپتىق پارتيا كۇنى قيمىلىن كەڭ كولەمدە ورىستەتىپ، سۇيىسپەنشىلىكتى توعىستىرۋ، دوستاسۋ ەرەكشە قيمىلىن وتكىزدى. حالىق اراسىنان شىققان ۇگىت ـ لەكسيا ۇيىرمەسى جانىنداعى ىستەردى بايانداۋ فورماسىمەن ۇلتتار ىنتىماعىنداعى وزات تيپتەردى زور كۇشپەن ۇگىتتەپ، جۇڭحۋا ۇلتى ورتاق تۇلعا تانىمىن بەكەمدەۋ ۇگىت ـ تاربيەسىن جان ـ جاقتى، سترەولدى، كوپ ساتىلى ورىستەتتى. ەمدەۋ ـ دەنساۋلىق ساقتاۋ، اۋىل شارۋاشىلىعى، اۋىل - قىستاق قاتارلى تاراۋلاردىڭ (ورىنداردىڭ) كاسىپتىك قايراتكەرلەرىمەن بەلسەنە ۇشتاسىپ، نەگىزگى ساتىعا بارىپ، بۇقارانىڭ ٴوندىرىسى مەن تۇرمىسىنا ارالاستى. سونىمەن بىرگە، نەگىزگى ساتىداعى بۇقارانىڭ ۋاكىلدەرىن مەكەمە ـ ورىندار تۇرعان جەرلەرگە جانە توڭىرەكتەگى اۋدان، قالالارعا بارىپ ەكسكۋرسيالاۋعا، ۇيرەنۋگە، اڭگىمەلەسۋگە، اۋىس ـ كۇيىس جاساۋعا، وتباسىلارمەن دوستاسۋعا ۇيىمداستىرىپ، ٴار ۇلت بۇقاراسىنىڭ كورىكتى مەكەن قۇرۋ، تاماشا تۇرمىسقا تالپىنۋ ىنتاسىن تاسقىنداتتى.

　　ٴار دارەجەلى مەكتەپ وقىتۋ باسقىشىنا ٴبولىنىپ جۇڭحۋا ۇلتى ورتاق تۇلعا تانىمىن بەكەمدەۋ نەگىزگى تاقىرىبىن ارقاۋ ەتىپ، ٴبىر رەتكى يدەيا ـ ساياسي ساباعىن ويداعىداي سويلەۋ، ٴبىر رەتكى تاقىرىپتىق كلاس جيىنىن جانە مەملەكەت تۋى استىندا ۇگىت جاساۋ، ٴبىر رەتكى وداق كۇنىن، وترياد كۇنىن ۇيىمداستىرۋ سياقتى “10 · ٴبىر” قيمىلىن ورىستەتىپ، جۇڭحۋانى ٴسۇيۋدى بالالاردىڭ جۇرەگىنە تەرەڭ ۇيالاتتى. اۋىل - قالاشىقتار (كوشە ٴىس باسقارماسى) وركەنيەتتى امالياتتا ايگىلەۋ ورتالىعىنا، پارتيا مۇشەلەرىنىڭ بۇقاراعا قىزمەت وتەۋ ورتالىعىنا، ۇلتتار ىنتىماعى، العاباسارلىعى تاربيە بازاسىنا سۇيەنىپ، جۇڭحۋا ۇلتى ورتاق تۇلعا تانىمىن بەكەمدەۋ تاقىرىبىندا ۇگىت - لەكسيا جاساۋ، حاتكەرلىك، سۋرەت سىزۋ، الەۋمەتتىك اۋماق اڭگىمە جينالىسى، مادەنيەتتى سان مىڭداعان وتباسىنا جەتكىزۋ قاتارلى ٴتۇرلى بۇقارالىق قيمىلداردى ۇيىمداستىرىپ، جۇڭحۋا ۇلتى ورتاق تۇلعا تانىمىن بەكەمدەۋ ٴۇنىن جۇرت جۇرەگىنە ۇيالاتىپ، ۇلتتاردىڭ كەڭ كولەمدە بارىس - كەلىس جاساۋىن، جان - جاقتى ىشتەسۋىن، ىشكەرىلەي توعىسۋىن جەبەدى.

　　قوعامدا ايماق، اۋدان، اۋىل، قىستاقتاعى ورگان، مەكەمە - ورىندارداعى عيماراتتاردىڭ دالالىق ۇلكەن ەكرانى، كىرە كولىك ەكرانى قاتارلى شەپكە سۇيەنىپ “جۇڭحۋا ۇلتى ورتاق تۇلعا تانىمىن بەكەمدەۋ” ۇگىت فيلمى مەن “ۇگىت ۇرانىن ٴبىر ۋاقىتتا تاراتىپ، كوپ ەكراندا” بىرگە قويىلاتىن، داۋىرمەن ۇندەستىك تاباتىن تاماشا اۋقىم قالىپتاستىردى.

　　ايماقتىق ۇلت ىستەرى كوميتەتى ايماقتىق توعىسپالى مەديا ورتالىعىمەن بىرگە بۇكىل ايماقتاعى پارتيالى كادرلارعا، بۇقاراعا “جۇڭحۋا ۇلتى ورتاق تۇلعا تانىمىن بەكەمدەۋ توراپتا جاۋاپ بەرۋ” قيمىلىن ورىستەتتى، 115 مىڭنان استام پارتيالى كادر ـ بۇقارا تۇيىندەر بويىنشا ۇيرەندى. ۇلتتار ىنتىماعىنداعى ۇلگىلى تۇلعالاردان 20 ادامدى تاڭداپ، جارناما جاساپ، تاربيە ايى كەزىندە ىركەس - تىركەس تاراتتى، سونداي - اق ايماقتىق توعىسپالى مەديا ورتالىعىنىڭ “شۋەدۋدۋ” كليەنتىندە ارناۋلى ايدار اشىپ، كورىلىم مولشەرى 39 مىڭ ادام (رەتكە) جەتتى. ايماقتىق مادەني ەسكەرتكىشتەر (مۇراجاي) مەكەمەسى “وزگەرىسكە تولى قوعامداعى مۇراجايدىڭ بولاشاعىن” نەگىزگى تاقىرىپ ەتىپ، ساپالى مادەنيەت بايلىعىنىڭ نەگىزگى ساتىعا تىكە جەتۋىن ىلگەرىلەتتى.

　　قيمىل فورماسىن بايىتىپ، جارقىن تۇيىندەر مەن ەرەكشەلىكتەر ارت ـ ارتىنان جارىققا شىقتى

　　اۋداندار، قالا، تاراۋلار دەن قويا ۇيىمداستىرۋ، تۇرگە ٴبولىپ جۇرگىزۋ ارقىلى ۇگىت فورماسىندا جاڭالىق اشىپ، ۇلتتار ىنتىماعى، العاباسارلىعى تاربيە ايى قيمىلىنىڭ جارقىن تۇيىندەرىن ارت ـ ارتىنان ايگىلەپ، وزىندىك ەرەكشەلىككە يە ەتتى.

　　التاي قالاسىندا وتكىزىلگەن “شۇعىلالى 70 جىل انار گۇلى جايقالا اشىلىپ، ەكپىندەي ىلگەرىلەگەن جاڭا جورىقتا ٴبىر نيەت، ٴبىر تىلەكتە بولايىق” اتىنداعى ۇلتتار ىنتىماعى، العاباسارلىعى تاربيە ايى ادەبيەت ـ كوركەمونەر ارقىلى حالىققا تيىمدىلىك جاساۋ كونسەرتىندە ٴان، ٴبي، اسپاپتىق مۋزيكا قاتارلى نومىرلەر ٴبىر ـ بىرلەپ قويىلدى، ارتيستەر ەرشىمدى ٴبي، اسقاق اۋەنمەن جاڭا داۋىردەگى ٴار ۇلت بۇقاراسىنىڭ باقىتتى تۇرمىسىن جاندى بەينەلەدى. بۋىرشىن اۋدانى وتكىزگەن “كىتاپ ارقىلى اۋىل - قىستاقتى نارلەندىرىپ، كىتاپ وقۋمەن گۇلدەنۋدى جەبەيىك” اتتى كىتاپ وقۋدان تەڭ يگىلىكتەنۋ جينالىسىندا جۇڭحۋا ۇلتى ورتاق تۇلعا تانىمىن بەكەمدەدى. قابا اۋدانىندا ورىستەتىلگەن “جۇڭحۋا ۇلتى ورتاق تۇلعا تانىمىن بەكەمدەپ، جۇڭگو ۇلگىسىندەگى وسىزاماندانعان كورىكتى شينجياڭ قۇرايىق” اتىنداعى قوعامدىق عىلىمداردى جالپىلاستىرۋ اپتالىعىنىڭ باستالۋ سالتىندا تاڭ، سۇڭ، يۋان، ميڭ، چيڭ پاتشالىقتارىنىڭ كولەمدى تاريحي عىلىم جالپىلاستىرۋ تەاترى، ياۋحۋا حاتكەرلىگى، سۋرەت كوركەمونەر لاگەرى اسپاپتار وركەسترىنىڭ جەلپۋىش ٴبيى قاتارلىلار كورەرمەندەردىڭ قىزۋ قارسى الۋىنا يە بولدى. جەمەنەي اۋدانى وتكىزگەن “سۇيىسپەنشىلىككە تولى دۋان - ۋ مەرەكەسىندەگى جەمەنەي” اتىنداعى ٴجۇز كۇندىك الاڭ مادەنيەتى جانە جاڭا ٴداۋىر وركەنيەتىن امالياتتا ايگىلەۋ قيمىلىندا «بارابان سوعىپ ٴان شىرقايىق»، «جاراسىمدى شينجياڭ»، «قارا جورعا» قاتارلى تارتىمدى نومىرلەر ارت - ارتىنان قويىلىپ، ٴار ۇلت بۇقاراسىنىڭ ىنتىماقتاسا العا باسقان رۋحاني بەت - بەينەسىن ايگىلەدى. بۋرىلتوعاي اۋدانىندا وتكىزىلگەن “بۋرىلتوعايدى مادەنيەتپەن نارلەندىرۋدە بىرگە بولايىق” اتتى وركەنيەتتى امالياتتا ايگىلەۋ جەلىلەس تاقىرىپتىق قيمىلى اناعۇرلىم كوپ ادامعا جۇڭحۋانىڭ تاڭداۋلى ٴداستۇرلى مادەنيەتىنىڭ قۇدىرەتىن سەزىندىردى. كوكتوعاي اۋدانى 1074 كادردى قىستاق تۇرعىندارىنىڭ ۇيىنە، اتىز باسىنا بارىپ ەگىنشى ـ مالشى بۇقاراسىنىڭ كىرىسىن ارتتىرىپ، اۋقاتتانۋىنا، كاسىپ سالاسىنىڭ دامۋىنا ۇسىنىس قويىپ، اقىل ـ كەڭەس بەرۋگە ۇيىمداستىرىپ، اۋىل ـ قىستاقتى گۇلدەندىرۋدى ىلگەرىلەتۋگە ۇلەس قوسىپ، حالىقتى اۋقاتتاندىرىپ، شينجياڭدى گۇلدەندىرۋگە دەم بەردى. شىڭگىل اۋداندىق تەاترحانادا “تەاتردى دانەكەر ەتىپ، بالالاردى ارمانعا قانات قاقتىرىپ، جاڭا ساپارعا اتتانايىق” تاقىرىبىنداعى وقۋلىق تەاترى قويىلىپ، كورەرمەندەرگە جۇڭحۋا ۇلتىنىڭ ورتاق رۋحاني مەكەنىن تەرەڭ سەزىندىردى.

　　ايماقتىق ۇلت ىستەرى كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى سەرىكبەك قابىلقان ۇلى بىلاي دەدى: كەلەسى قادامدا، ٴبىز ۇلتتار ىنتىماعى، العاباسارلىعى تاربيەسىن ۇزدىكسىز تەرەڭدەتىپ، قيمىل فورماسى مەن مازمۇنىندا ۇزدىكسىز جاڭالىق اشىپ، ۇلتتار ىنتىماعى، العاباسارلىعى ىستەرىنىڭ ۇزدىكسىز العا دامۋىن ىلگەرىلەتىپ، جۇڭحۋا ۇلتىنا ورتاق رۋحاني مەكەندى قۇرۋعا اناعۇرلىم كوپ كۇش قوسامىز.