گازەتىمىزدىڭ حابارى (تىلشىلەرىمىز دۇڭ شىجۇي، جاڭ فۋشين حابارلايدى). 5 - ايدىڭ 24 - كۇنى التاي ايماعىنىڭ 2025 - جىلعى 7 - كەزەكتى “مىڭ شاقىرىمدىق ساياحات كاريدورى . ٴوزى اۆتوكولىك جۇرگىزىپ ساياحاتتاۋ” اتىنداعى اۆتوكولىك اترەتى التاي قالاسىنا جەتتى ٴارى التاي ايماقتىق مادەني ەسكەرتكىشتەر - مۇراجاي مەكەمەسىندە (مۇراجاي) مادەنيەت جونىندە بەرىلە ىزدەنىس جاساۋ ساپارىن باستادى.
اۆتوكولىك اترەتى كەلگەننەن كەيىن ٴوزى اۆتوكولىك جۇرگىزىپ ساياحاتتاۋشىلار تارتىپپەن مۇراجايعا كىرىپ، ٴتۇسىندىرۋشىنىڭ باستاۋىندا، باعالى مادەني مۇرالاردى تاماشالاپ، التايدىڭ تاريحي وزگەرىسى، حالىقتىق سالت ـ ساناسى جونىندەگى ٴتۇسىندىرۋدى دەن قويا تىڭدادى. مۇراجايداعى مول مادەني مۇرالار مەن جاندى بەينەدەگى قالپىنا كەلتىرىلگەن تاريحي كورىنىس التاي ايماعىنىڭ گەولوگيالىق وزگەرىسى، كوشپەندى مال شارۋاشىلىق وركەنيەتىنە مۇراگەرلىك ەتۋ قاتارلى تاريحي ٴىزدى جان ـ جاقتىلى ايگىلەدى.
گۋاڭدۇڭنان كەلگەن ساياحاتشى لي گىڭشيۇڭ بىلاي دەدى: جارتاس سۋرەتى، ساحاراداعى بالبال تاستار... بۇل اراداعى كورمە بۇيىمدارى وزگەشە ەرەكشەلىككە يە ەكەن. تەرەڭ تاريحي مادەنيەت استارى مەنى وسى جەر جونىندە اناعۇرلىم تەرەڭ، اناعۇرلىم جان ـ جاقتى تانىمعا يە ەتتى.
اققايىڭ باقشاسى التاي قالاسىنىڭ تانىمالى كورىنىس ٴتۇيىنى ٴارى وسى رەتكى ساپاردىڭ ەڭ سوڭعى بەكەتى. بۇل باقشاداعى تابيعي قايىڭ ورمانى جاسىل جەلەك جامىلسا، قىران وزەنى جوڭكىلە اعىپ، كوركەم جاسىل ورمان كارتيناسىن قالىپتاستىرعان. اۆتوكولىك اترەتى كەلگەننەن كەيىن ساياحاتشىلار اققايىڭ باقشاسىن ارالاپ، جەرگىلىكتى ورىننىڭ حالىقتىق سالت ـ سانا قيمىلىن تاماشالاپ، وسى ٴبىر قويۋ حالىقتىق سالت ـ سانانى سەزىندى.
گۋاڭدۇڭنان كەلگەن ساياحاتشى جوۋ جۇنۋي بىلاي دەدى: اققايىڭ باقشاسى بەينە تابيعي وتتەگى قامباسى سياقتى اۋاسى وتە تازا، كورىنىسى ايرىقشا كوركەم ەكەن، وسى رەتكى ساياحاتتاۋ قيمىلىمىز وتە تابىستى بولدى.
ايماقتىق مادەنيەت ـ دەنە تاربيە، راديو - تەلەۆيزيا جانە ساياحات مەكەمەسى ساياسي ۇگىت ٴبولىمىنىڭ كادرى شيە يىنيىن بىلاي دەدى: قازىر ٴوزى اۆتوكولىك جۇرگىزىپ ساياحاتتاۋ يكەمدى بولىپ، ەركىن ساياحاتتاۋ تاسىلىنە سۇيەنۋ ساياحاتتىڭ جاڭا اعىمىنا اينالدى. ٴوزى اۆتوكولىك جۇرگىزىپ ساياحاتتاۋدىڭ قىزۋ ورلەۋگە كوتەرىلۋى التاي ايماعىنىڭ مادەنيەت، ساياحات كاسىبىنىڭ دارەجەسىن جوعارىلاتۋىنا جانە قالانىڭ دامۋىنا پارمەندى قوزعاۋشى كۇش ۇستەدى. الداعى جەردە ساياحات ورتاسىن ۇزدىكسىز ساپالىلاندىرىپ، سايكەستى قىزمەت وتەۋدى كەمەلدەندىرىپ، مادەنيەت پەن ساياحاتتى توعىستىرۋدىڭ جاڭا جولىن قاراستىرىپ، ٴوزى اۆتوكولىك جۇرگىزىپ ساياحاتتاۋدى جوعارى ساپالى دامۋدى ىلگەرىلەتۋدىڭ باياندى قوزعاۋشى كۇشىنە اينالدىرامىز.
放大
