شينحۋا اگەنتتىگىنىڭ 5 ـ ايدىڭ 24 ـ كۇنى بەيجيڭنەن بەرگەن حابارى. 5 ـ ايدىڭ 24 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ ۆيەتنامنىڭ بۇرىنعى مەملەكەت ٴتوراعاسى چىن دىلياڭنىڭ قايتىس بولۋىنا بايلانىستى ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينگە، ۆيەتنامنىڭ مەملەكەت ٴتوراعاسى لياڭ چياڭعا كوڭىل ايتۋ تەلەگرامماسىن جولداپ، جۇڭگو كوممۋنيستىك پارتياسى، جۇڭگو ۇكىمەتى جانە جۇڭگو حالقى اتىنان قايعىلى ازا ٴبىلدىردى، چىن دىلياڭنىڭ وتباسىنداعىلاردان شىنايى حال سۇرادى.
شي جينپيڭ بىلاي دەپ اتاپ كورسەتتى: چىن دىلياڭ جولداس ۆيەتنام پارتياسى مەن مەملەكەتىنىڭ كورنەكتى باسشىسى، ۆيەتنام مەملەكەتىنىڭ دامۋى مەن جاڭارتۋ، ەسىك اشۋ ىستەرىنە ماڭىزدى ۇلەس قوستى. جۇڭگو حالقىنىڭ كونە دوسى رەتىندە، چىن دىلياڭ جولداس جۇڭگو ــ ۆيەتنام ەكى پارتيا، ەكى ەل قارىم ـ قاتىناسىنىڭ دامۋى ٴۇشىن قاجىماي ـ تالماي قۇلشىنىس جاساپ كەلدى. مەن سۋ لين جولداس باستاعان ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ۆيەتنام پارتياسىنىڭ، ۇكىمەتىنىڭ جانە حالقىنىڭ، ٴسوزسىز، قايعىنى قايراتقا جەڭدىرىپ، سوتسياليستىك قۇرىلىس ىستەرىندە ۇزدىكسىز تىڭ تابىستارعا قول جەتكىزەتىندىگىنە سەنەمىن.
(«شينجياڭ گازەتىنەن» الىندى)
放大
