رۋحاني وركەنيەت قۇرىلىسىنىڭ جوعارى ساپالى دامۋىن ىلگەرىلەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە قۋاتتى رۋحاني كۇش ازىرلەۋ كەرەك

　　شينحۋا اگەنتتىگىنىڭ 5 ـ ايدىڭ 23 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جاقىندا رۋحاني وركەنيەت قۇرىلىسى قىزمەتى جونىندە ماڭىزدى نۇسقاۋ بەردى. ول بىلاي دەپ اتاپ كورسەتتى: زاتتىق وركەنيەت پەن رۋحاني وركەنيەتتىڭ ٴوزارا سايكەسۋى ــ جۇڭگو ۇلگىسىندەگى وسىزامانداندىرۋدىڭ ماڭىزدى ەرەكشەلىگى. پارتيا 18 ـ قۇرىلتايىنان بەرى، پارتيا ورتالىق كوميتەتى سوتسياليستىك رۋحاني وركەنيەت قۇرىلىسىن ۇزدىكسىز ىلگەرىلەتىپ، قوعامنىڭ نەگىزگى اعىم قۇنىن بەكەمدەدى، زورايتتى، جالپى ۇلتتىڭ رۋحاني بەت ـ بەينەسى اناعۇرلىم جالىندى دا اسقاق بولدى، حالىقتىڭ وركەنيەت ورەسى مەن قوعامنىڭ وركەنيەت دارەجەسى كورنەكتى جوعارىلادى.

　　شي جينپيڭ بىلاي دەپ باسا دارىپتەدى: جاڭا ٴداۋىردىڭ جاڭا جورىعىندا رۋحاني وركەنيەت قۇرىلىسىندا جاڭا بەينە، جاڭا ىسكەرلىك كورسەتۋ كەرەك. جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، مۇرات ـ سەنىم تاربيەسىن كۇشەيتىپ، سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەۋ كەرەك. مادەنيەت ارقىلى ادام باۋلۋعا، مادەنيەت ارقىلى ادام تاربيەلەۋگە اناعۇرلىم ٴمان بەرىپ، حالىقتىڭ رۋحاني دۇنيەسىن ۇزدىكسىز بايىتىپ، ادامنىڭ جان ـ جاقتى دامۋىن جەبەۋ كەرەك. وركەنيەتتى جەتىلدىرۋدى، وركەنيەتتى امالياتتا ايگىلەۋدى، وركەنيەتتى ورىن قۇرۋدى ٴبىر تۇتاس جوسپارلاپ ىلگەرىلەتىپ،　　قالا ـ اۋىل رۋحاني وركەنيەت قۇرىلىسىنىڭ توعىسا دامۋىن ىلگەرىلەتىپ، ازاماتتاردىڭ ٴمورال قۇرىلىسىن كۇشەيتىپ، وزات تيپتەردىڭ ۇلگىلىك رولىن ساۋلەلەندىرىپ، ورگە ۇمتىلىپ، ىزگىلىككە تالپىناتىن قوعامدىق سالتتى ونان ارى قالىپتاستىرۋ كەرەك. ۇيىمدىق باسشىلىقتى كۇشەيتىپ، رەفورما جاساپ، جاڭالىق اشۋدى تەرەڭدەتىپ، قوعامدى قاتىناسۋعا جاپپاي جۇمىلدىرىپ، تەڭ يگەرىپ بىرگە باسقاراتىن رۋحاني وركەنيەت قۇرىلىسىنىڭ ۇزاق ٴونىمدى مەحانيزمىن قالىپتاستىرۋ كەرەك. رۋحاني وركەنيەت قۇرىلىسىنىڭ جوعارى ساپالى دامۋىن ىلگەرىلەتۋ ارقىلى مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە قۋاتتى رۋحاني كۇش ازىرلەۋ كەرەك.

　　وركەنيەت قۇرىلىسى جونىندەگى مەملەكەتتىك ماداقتاۋ ـ سيلاۋ جينالىسى   5 ـ ايدىڭ 23 ـ كۇنى بەيجيڭدە اشىلدى. جينالىستا شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي جينالىسقا قاتىناستى ٴارى　　   ٴسوز سويلەدى.

　　ساي چي سوزىندە بىلاي دەپ اتاپ كورسەتتى: باس شۋجي　　شي جينپيڭنىڭ ماڭىزدى نۇسقاۋى بيىكتە تۇرىپ الىستى بولجاعان، سىندارلى دا ٴمانى تەرەڭ، وتە كۇشتى ساياسي سيپاتقا، يدەيالىق سيپاتقا، باعىتتامالىلىق سيپاتقا، جەتەكشىلىك سيپاتقا يە، مۇقيات ۇيرەنىپ، ٴتۇسىنىپ، دايەكتىلەندىرۋدى، تياناقتاندىرۋدى ويداعىداي يگەرۋ كەرەك.

　　ساي چي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق　　　　كوميتەتى رۋحاني وركەنيەت قۇرىلىسىن ماڭىزدى ورىنعا قويىپ،　　ٴبىر قىدىرۋ ماڭىزدى قىزمەتتەردى ورنالاستىردى جانە ىلگەرىلەتتى. باس شۋجي شي جينپيڭ ورتاعا قويعان ٴبىر قىدىرۋ ماڭىزدى بايىمداۋلار مەن ماڭىزدى نۇسقاۋلار جاڭا داۋىردەگى　　　　　　  رۋحاني وركەنيەت قۇرىلىسىنىڭ ٴبىرسىپىرا كەلەلى نازاريالىق جانە امالياتتىق ماسەلەلەرىنە عىلمي جاۋاپ بەردى، پارتيامىزدىڭ سوتسياليستىك رۋحاني وركەنيەت قۇرىلىسى جونىندەگى زاڭدىلىق سيپاتتى تانىمىن تەرەڭدەتتى، ول شي جينپيڭ مادەنيەت يدەياسىنىڭ ماڭىزدى قۇرامداس بولىگى رەتىندە، رۋحاني وركەنيەت　　   قۇرىلىسى قىزمەتىن جاقسى ىستەۋگە ماڭىزدى بويسۇنۋ ولشەمىن ازىرلەدى.

　　ساي چي بىلاي دەپ باسا دارىپتەدى: پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ رۋحاني وركەنيەت قۇرىلىسى جونىندەگى ماڭىزدى بايىمداۋلارىن ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، رۋحاني وركەنيەت قۇرىلىسىنىڭ جوعارى ساپالى دامۋى ارقىلى جۇڭگو　　　　 ۇلگىسىندەگى وسىزامانداندىرۋدى ىلگەرىلەتۋدىڭ قۋاتتى رۋحاني كۇشىن ۇيىستىرۋ كەرەك. نازاريامەن قارۋلانۋدى ۇزدىكسىز تەرەڭدەتىپ، ۇگىتتەۋدى، جالپىلاستىرۋدى ٴبىر تۇتاس جوسپارلاپ ىلگەرىلەتىپ، دايەكتىلەندىرۋدى، تياناقتاندىرۋدى ىشكەرىلەي ىلگەرىلەتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى ۇزدىكسىز تەرەڭدەتۋ كەرەك. رۋحاني وركەنيەت قۇرىلىسىنىڭ داۋىرلىك ەرەكشەلىگى مەن دامۋ زاڭدىلىعىن يگەرىپ، وركەنيەتتى جەتىلدىرۋدى، وركەنيەتتى امالياتتا ايگىلەۋدى، وركەنيەتتى ورىن قۇرۋدى ساباقتاستىرا ىلگەرىلەتۋ كەرەك. قالا، اۋىل رۋحاني وركەنيەت قۇرىلىسىن ٴبىر تۇتاس جوسپارلاپ ىلگەرىلەتىپ، وركەنيەتتى قالا قۇرۋ ساپاسىن، ونىمدىلىگىن جوعارىلاتىپ، وركەنيەتتى اۋىل سالتى قۇرىلىسىن ىلگەرىلەتۋ كەرەك. وزات تيپتەردىڭ ۇلگىلىك، جەتەكشىلىك رولىن ساۋلەلەندىرىپ، قاھارمان ۇلگى تۇلعالاردان ۇيرەنۋدى جانە ولاردى ۇگىتتەۋدى كۇشەيتىپ، تۇتاس قوعامدا ورگە ۇمتىلىپ، ىزگىلىككە تالپىناتىن رۋحاني بەت ـ بەينە قالىپتاستىرۋ كەرەك. مادەنيەتتىڭ گۇلدەنۋىن، دامۋىن ىلگەرىلەتىپ، بۇقارانىڭ مادەنيەت تۇرمىسىن بايىتىپ، رۋحاني وركەنيەت قۇرىلىسىنا مول مايەك ازىرلەۋ كەرەك. پارتيانىڭ باسشىلىعىن كۇشەيتۋدى رۋحاني وركەنيەت قۇرىلىسى قىزمەتىنىڭ  ٴار جاعىنا، تۇتاس بارىسىنا ٴسىڭىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز ـ قالپىندا ناقتى تياناقتاندىرۋ كەرەك.

　　لي شۋلەي جينالىستى باسقاردى. شىن يچين ماداقتاۋ ـ سيلاۋ قاۋلىسىن وقىدى.

　　جينالىستا ماداقتالىپ ـ سيلانعاندار ۋاكىلدەرىنە سيلىق تاراتىلدى. 7 ـ كەزەكتى مەملەكەتتىك وركەنيەتتى قالا، وركەنيەتتى قىستاق، قالاشىق، وركەنيەتتى ورىن ۋاكىلدەرى، 3 ـ كەزەكتى مەملەكەتتىك وركەنيەتتى وتباسى، وركەنيەتتى مەكتەپ ۋاكىلدەرى،  9 ـ كەزەكتى مەملەكەتتىك ٴمورال ۇلگىلەرى ۋاكىلدەرى جينالىستا جەكە ـ جەكە ٴسوز سويلەدى.

　　(«شينجياڭ گازەتىنەن» الىندى)