گازەتىمىزدىڭ حابارى (ٴتىلشىمىز جاڭ تاۋ، ەرىكتى ٴتىلشى لي يران حابارلايدى). 4 ـ ايدىڭ 12 ـ كۇنى تۇستەن كەيىن التاي كاسىپتىك وقۋ ـ اعارتۋ باقشا رايونىنداعى الەۋمەتتىك قاتىناس ايالداماسىندا قىزمەتكەرلەر ”قۇپيالىقتى ساقتاۋ“ اتتى الەۋمەتتىك اۆتوبۋزعا ۇگىت كەرمە تۋىن جاپسىردى، بۇل ارلى - بەرلى وتكەندەردىڭ نازارىن اۋداردى. التاي قالاسىنىڭ تۇرعىنى چىڭ شياۋمين تىلشىگە: بۇنداي ورنالاستىرۋ جاقسى ەكەن، قىزىمنىڭ ٴوزى ”جياڭ شياۋمي“ (疆小密) قۇپيالىقتى ساقتاۋ ۇرانىن جاتقا ايتا الاتىن بولدى، ـ دەدى.
ۇعىسۋعا قاراعاندا، ايماقتىق مەملەكەت قۇپيالىعىن ساقتاۋ مەكەمەسى التاي قالاسىنىڭ 1 -، 2 - جول الەۋمەتتىك قاتىناس لەنياسىنداعى 20 ايالداما تۇيىنىندە ”مەملەكەت حاۋىپسىزدىگى، قۇپيالىقتى ساقتاۋ تاربيەسى كاريدورىن“ سالۋدى ٴارى كارتون وبرازى باسىلعان ”جياڭشياۋمي“ اتتى 40 ۇگىت تاقتاسىن ورناتۋدى جوسپارلاعان. سونىمەن بىرگە، الەۋمەتتىك اۆتوبۋزعا ”قۇپيالىقتى بەرىك ساقتاۋدا ەرەكشە ساق بولۋ“ جونىندە ايگىلى ادامداردىڭ اقىليا سوزدەرىن، 24 امالدىق قۇپيالىقتى ساقتاۋ تاقىرىپتىق ۇگىت سۋرەتىن، سونداي - اق كۇندەلىكتى قۇپيالىقتى ساقتاۋ ەسكەرتپەسىن دەن قويا ورنالاستىردى. الەۋمەتتىك قاتىناس جۇيەسىنىڭ ەرەكشەلىگىنەن پايدالانىپ، قۇپيالىقتى ساقتاۋ تانىمىن بۇقارانىڭ كۇندەلىكتى تۇرمىسىنا ٴسىڭىردى.
بيىل 4 ـ ايدىڭ ورتا شەنىنەن 5 ـ ايدىڭ ورتا شەنىنە دەيىن، 37 - رەتكى مەملەكەتتىك قۇپيالىقتى ساقتاۋ ۇگىت - تاربيە ايى، قيمىلدىڭ نەگىزگى تاقىرىبى: قۇپيالىقتى ساقتاۋ قورعانىس شەبىن بىرگە بەكەمدەۋ، بارلىق ازاماتتىڭ بورىشى. قيمىل كەزىندە التاي ايماعى ”قۇپيالىقتى ساقتاۋعا كەڭەس بەرۋ ·شەكارا وڭىردە بىرگە ارەكەتتەنۋ“ ەرەكشە قيمىلىن بەلسەنە وتكىزىپ، قۇپيالىقتى ساقتاۋ الەۋمەتتىك يگىلىك تۋىندىلارى كورمەسىن اشۋ، ”قۇپيالىقتى ساقتاۋ جىلجىمالى ساباقحاناسىن اشۋ“، ”قۇپيالىقتى ساقتاۋ جىلجىمالى مۇراجايىن“ قۇرۋ قاتارلى فورما ارقىلى كوپشىلىككە قۇپيالىقتى ساقتاۋ قىزمەتىنىڭ دامۋ بارىسى مەن ماڭىزدى ٴمانىن كورسەتىپ، قۇپيالىقتى ساقتاۋ ۇگىت ـ تاربيەسىنىڭ جۇرت جۇرەگىنە تەرەڭ ۇيالاۋىن جاپپاي ىلگەرىلەتەدى.
放大
