گازەتىمىزدىڭ حابارى (ٴتىلشىمىز دۇڭ شىجۇي، ەرىكتى ٴتىلشى چىن ميڭجۇن حابارلايدى). جۋىقتا، تايكەشكەن شەكارادان كىرۋ-شىعۋ شەكارا قورعانىس تەكسەرۋ پۋنكتى التاي قالاسىنىڭ ىنتىماق جولى ساقشى بولىمشەسىمەن بىرلەسىپ، “شەكارانى زاڭمەن نارلەندىرىپ، زاڭمەن باسقارۋدا بىرگە بولايىق” دەگەن تاقىرىپتا ٴتۇرلى فورماداعى باي مازمۇندى مەملەكەت حاۋىپسىزدىگى تاربيەسى كۇنى قيمىلىن وتكىزدى.
قيمىل كەزىندە حالىق ساقشىلارى التاي قالاسى التىنتاۋ الاڭىنا بارىپ، ناق مايداندا ٴتۇسىندىرۋ، ٴوزارا سۇراۋ - جاۋاپ بەرۋ، ۇگىت ماتەريالىن تاراتۋ قاتارلى تاسىلمەن جۇرگىنشىلەرگە مەملەكەت حاۋىپسىزدىگىنە قاتىستى زاڭ، زاڭ ـ ەرەجەنى ۇگىتتەدى ٴارى ٴىس جۇزىندىك دەلو مىسالى ارقىلى كوپشىلىككە مەملەكەتتىڭ يەلىك ۇقىعىن، تەرريتوريا تۇتاستىعىن قالاي قورعاۋ جونىندەگى ٴبىلىمدى قاراپايىم دا ۇعىنىقتى تىلمەن جالپىلاستىردى.
كەلەسى قادامدا، تايكەشكەن شەكارادان كىرۋ - شىعۋ شەكارا قورعانىس تەكسەرۋ پۋنكتى سول جەردە تۇرعان ورىندارمەن سەلبەسۋدى ۇزدىكسىز كۇشەيتىپ، زاڭدى جالپىلاستىرۋ ۇگىت قيمىلىن بىرگە وتكىزىپ، ۇگىت فورماسى مەن مازمۇنىندا ۇزدىكسىز جاڭالىق اشىپ، مەملەكەتتىڭ حاۋىپسىزدىگى مەن شەكارا وتكەلىنىڭ ورنىقتىلىعىن قورعاۋعا ۇلەس قوسادى.
放大
