گازەتىمىزدىڭ حابارى (تىلشىلەرىمىز گۇزال ابدىرەشيت، ٴالينا ايدىن قىزى حابارلايدى). ايماقتىق مەملەكەت قۇپيالىعىن ساقتاۋ مەكەمەسىنىڭ، ايماقتىق جۇمىسشى ۇيىمىنىڭ، ايماقتىق قۇپيا سيفردى باسقارۋ مەكەمەسىنىڭ دەن قويا ۇيىمداستىرۋىندا وتكىزىلگەن ”قۇپيالىقتى ساقتاۋ قورعانىس شەبىن بىرگە بەكەمدەۋ بارلىق ازاماتتىڭ بورىشى“ نەگىزگى تاقىرىپتىق قۇپيالىقتى ساقتاۋ بىلىمدەرى جونىندەگى زەيىن سىناۋ جارىسىنىڭ شەشۋشى جارىسى جانە قۇپيالىقتى ساقتاۋ حيكاياسىن بايانداۋ قيمىلى 4 - ايدىڭ 11 - كۇنى تابىسپەن اياقتادى.
وسى رەتكى زەيىن سىناۋ جارىسىندا بەرىلەتىن توپتىق 1 - دارەجەلى سيلىق بىرەۋ، 2 - دارەجەلى سيلىق ەكەۋ، 3 - دارەجەلى سيلىق ەكەۋ، شابىتتاندىرۋ سيلىعى ۇشەۋ. جەكەلەردىڭ ٴسوزسىز جاۋاپ بەرۋى، گرۋپپالاردىڭ ٴسوزسىز جاۋاپ بەرۋى، تالاسا جاۋاپ بەرۋ، تاۋەكەلدىك سۇراۋلار سىندى 4 رەتكى قىزعىن باسەكە ارقىلى قابا اۋدانىنىڭ ۋاكىلدەر قۇراماسى 1 - دارەجەلى سيلىققا يە بولدى. جارىس وتكىزىلگەن ورىنداعى ٴسوزسىز جاۋاپ بەرۋ بۋىنىندا جارىسقا قاتىناسۋشىلار بايىپتىلىقپەن جاۋاپ بەردى، تالاسا جاۋاپ بەرۋ بۋىنىندا جارىسقا قاتىناسقان قۇرامالار ”ارەكەت شاپشاڭدىعى“ مەن ”ويلاۋ شاپشاڭدىعىن“ قاتار ايگىلەدى، تاۋەكەلدىك سۇراۋلار كەزەڭىندەگى ستراتەگيالىق باسەكە كوپشىلىكتى ٴسۇيىندىردى. قابا اۋدانىنىڭ ۋاكىلدەر قۇراماسىنداعى لۋ جيالي تىلشىگە: مۇنان بىلاي قۇپيالىقتى ساقتاۋ تانىمىن ۇزدىكسىز كۇشەيتىپ، قۇپيالىقتى ساقتاۋ ٴتۇزىمىن قاتاڭ تياناقتاندىرىپ، قۇپيالىقتى ساقتاۋ قابىلەتىن ۇزدىكسىز كۇشەيتەمىز، ـ دەدى.
قۇپيالىقتى ساقتاۋ حيكاياسىن بايانداۋ بۋىنىندا ٴارقايسى ۋاكىلدەر قۇراماسىنداعىلار قۇيپالىقتى ساقتاۋ جونىندەگى قىزىل حيكايانى بايانداۋ ارقىلى قۇپيالىقتى ساقتاۋ رۋحىن جالعاستىرىپ، قالىڭ كادرلار مەن بۇقارانى قۇپيالىقتى ساقتاۋ جاۋاپكەرشىلىگىن سانالىلىقپەن امالياتتا ايگىلەۋگە، التاي ايماعىنىڭ قۇپيالىقتى ساقتاۋداعى حاۋىپسىزدىك قورعانىس شەبىن شىنايى بەكەمدەۋگە ىنتالاندىردى.
ايماقتىق قۇپيالىقتى ساقتاۋ مەكەمەسىنىڭ باستىعى فىڭ رۇيجۇڭ تىلشىگە: ٴبىز مۇنان بىلاي قۇپيالىقتى ساقتاۋ جونىندەگى ۇگىت - تاربيە تاسىلىندە ۇزدىكسىز جاڭالىق جاراتىپ، قامتۋ كولەمىن تىنباي كەڭەيتىپ، قۇپيالىقتى ساقتاۋ تانىمىن ٴاربىر ازاماتتىڭ كوكەيىنە ۇيالاتامىز، - دەدى.
مۇنان سىرت، ايماقتىق مەملەكەت قۇپيالىعىن ساقتاۋ مەكەمەسى ٴداستۇرلى مادەنيەت پەن قۇپيالىقتى ساقتاۋ تاربيەسىن تەرەڭدەي توعىستىرىپ، ”قۇپيالىقتى ساقتاۋ قورعانىس شەبىن بىرگە بەكەمدەۋ بارلىق ازاماتتىڭ بورىشى“ دەگەن نەگىزگى تاقىرىپتا ”قارلى مەكەن ساۋىتى“ اتىنداعى قۇپيالىقتى ساقتاۋ الەۋمەتتىك يگىلىك تۋىندىلارى كورمەسىن اشتى. دەن قويا تاڭدالعان 150 نەشە تۋىندى قازىر ايماقتىق مادەني ەسكەرتكىشتەر ـ مۇراجاي مەكەمەسىنىڭ (مۇراجايدىڭ) 4 - قاباتىنداعى كورمە زالىندا كورسەتىلىپ، قۇپيالىقتى ساقتاۋ بىلىمدەرىن جۇرتشىلىقتى قىزىقتىراتىن فورما ارقىلى ”جانداندىرۋعا“، ”جەرگىلىكتى جاعدايعا ۇيلەستىرۋگە“ مۇمكىندىك جاسالدى.
جۋىرداعى جىلداردان بەرى، التاي ايماعى قۇپيالىقتى ساقتاۋ ۇگىت - تاربيەسىنە ايرىقشا ٴمان بەرىپ، مۇنى مەملەكەت حاۋىپسىزدىگى قورعانىس شەبىن بەكەمدەۋدىڭ ماڭىزدى شاراسى ەتىپ، جاڭالىق كىرگىزە ۇزدىكسىز ىلگەرىلەتىپ، كورنەكتى ناتيجەگە قول جەتكىزدى. قۇپيالىقتى ساقتاۋ جونىندەگى ۇگىت تۋىندىلارى مەملەكەت دارەجەلى تۇعىرلاردا تالاي رەت كورسەتىلىپ، جاندى ”شاعىن كەسكىندەر“ ارقىلى ”ۇلكەن حاۋىپسىزدىك“ ۇستانىمى جالعاستىرىلدى. اۆتونوميالى رايوننىڭ ”شينجياڭ قۇپيالىقتى ساقتاۋ ساۋىتى“ اتىنداعى 2 - كەزەكتى تۋىندىلاردى باعالاۋ قيمىلىندا 2 تۋىندى سيلىققا يە بولدى، ايماقتىق مەملەكەت قۇپيالىعىن ساقتاۋ مەكەمەسى اۆتونوميالى رايون دارەجەلى ۇزدىك ۇيىمداستىرۋ سيلىعىنا يە بولدى. 2024 - جىلى وتكىزىلگەن ”قۇپيالىقتى ساقتاۋ زاڭىن دايەكتىلەندىرۋدە، تياناقتاندىرۋدا بارلىعىمىز قۇپيالىقتى ساقتاۋشىمىز“ اتىنداعى زەيىن سىناۋ جارىسىنداعى قيمىل قىسقا حابارىن ”قۇپيالىقتى ساقتاۋ كوزقاراسى“ اتتى ٴۇنحات الەۋمەتتىك ٴنومىرى كەڭ كولەمدە تاراتتى. جارىس كەسكىنى بۇكىل ەلدە كورسەتىلىپ، ەل ىشىندەگى كوپتەگەن باسقا ولكە مەن تۋىسقان وبلىس - قالالاردى كەلىپ اۋىس - كۇيىس جاساسۋعا، ۇيرەنۋگە باۋرادى.
放大
