گازەتىمىزدىڭ حابارى (ٴتىلشىمىز دۇڭ شىجۇي، پراكتيكانت ٴتىلشى ياۋ چىن حابارلايدى). “بۇرىن جىلجىمايتىن مۇلىك رەسميەتىن بىتىرگەندە ماتەريالدىڭ تولىق بولماۋى سەبەبىنەن بىتپەي قالاتىن. ال، قازىر ‘تايشياۋلى’ (泰小乐) ارقىلى قول تەلەفونمەن - اق ٴبىتىرۋ بارىسىن انىق ٴبىلىپ الۋعا بولادى، سونداي - اق تىكەلەي تىلدەسۋگە ٴارى ەسكەرتپەگە قاراي قاجەتتى ماتەريالدى الدىن الا تولىق دايىنداپ، رەسميەتتى ٴبىر جولدا بىتىرۋگە بولادى، وتە قولايلى ەكەن!”، ـ دەدى 4 - ايدىڭ 13 - كۇنى ايماقتىق اكىمشىلىك قىزمەت وتەۋ ورتالىعىندا “تايشياۋلى” اتتى AI زەردەلى قىزمەت وتەۋىنىڭ قولايلىلىعىن كورگەن التاي قالاسىنىڭ تۇرعىنى جوۋ ميڭيۋان.
سيفرلاندىرۋ ورلەۋىندە جاساندى زەردە تەحنيكاسى ٴار سالاعا جەدەل جالپىلاسۋدا. بيىل 2 - ايدا ايماقتىق اكىمشىلىك قىزمەت وتەۋ ورتالىعى ايماقتىق سيفرلى دامىتۋ مەكەمەسىنىڭ جەتەكشىلىگىندە، DeepSeek ۇلكەن مودەل تەحنيكاسىن ۇكىمەتتىك قىزمەت وتەۋ جۇيەسىنە ٴسىڭىرىپ، “تايشياۋلى” اتتى AI زەردەلى قىزمەت وتەۋشى ارقىلى اكىمشىلىك قىزمەت وتەۋدىڭ “جاڭالىق اشۋ قوزعالتقىشىن” تۇلعالاپ، كاسىپورىندار مەن بۇقاراعا شىت جاڭا اسەر بەردى.
التاي قالاسىنىڭ تۇرعىنى حۋ شۇيجيە تۇرعىن ٴۇي الەۋمەتتىك قورىنان اقشا شىعارىپ الۋ رەسميەتىن بىتىرگەن كەزدە “تايشياۋلىنى” اۋىز جاپپاي ماقتاپ بىلاي دەدى: كىلت ٴسوزدى كىرگىزسەڭىز نەمەسە سويلەم بويىنشا سۇراساڭىز بولعانى دەرەۋ دالمە - ٴدال جاۋاپ بەرەدى ەكەن. وسى ارقىلى ماتەريالدىڭ ٴدال بولماي قالۋى نەمەسە قالىپ قالۋى سەبەبىنەن قايتارىلۋ جايتى ازايىپ، “ٴبىر جولدا ەسكەرتۋ، ٴبىر جولدا ٴبىتىرۋ” شىنايى جۇزەگە اسىرىلىپ، ٴىس ٴبىتىرۋ ونىمدىلىگى كورنەكتى ارتتى.
سيفرلانۋعا قاراي تيپ جاڭالاۋدى تەرەڭدەتۋدەگى جاڭالىق اشۋ شاراسى سانالاتىن “تايشياۋلى” تاۋلىك بويى ساياساتتىق كەڭەس بەرىپ قىزمەت وتەيدى. وسى ورتالىق ۇكىمەتتىك قىزمەت وتەۋدەگى 2671 ينفورماتسيالىق ٴبىلىم قورىن سالالاپ شىقتى. مۇندا، ساۋدا ىستەرىن تىزىمگە الدىرۋ، قوعامدىق قامتاماسىزداندىرۋ، نوپۋس ىستەرى، جىلجىمايتىن مۇلىك سياقتى مازمۇنداعى ٴجيى بىتىرىلەتىن اكىمشىلىك قىزمەت وتەۋ ىستەرى قامتىلعان. ٴىس بىتىرۋگە كەلگەندەر “تاۋلىك بويى زەردەلى سايكەسۋ” جۇيەسىنىڭ ارقاسىندا سويلەسسە بولعانى دالمە - ٴدال ٴىس ٴبىتىرۋ نۇسقاماسىنا، ماتەريال تىزىمىنە جانە ٴبىتىرۋ بارىسىنىڭ تۇسىندىرمەسىنە قول جەتكىزە الادى. قازىرگە دەيىن “تايشياۋلى” بۇقارانىڭ 3973 رەتكى تىلەك - تالابىنا جاۋاپ قايتاردى.
“‘تايشياۋلى’ كەڭەس بەرىپ جاۋاپ قايتارۋ، دايىنداۋعا ٴتيىستى ماتەريال مازمۇندارىن ٴدال ايتىپ بەرۋ ارقىلى ٴىس ٴبىتىرۋ ونىمدىلىگىن ارتتىرۋعا سەپتىگىن تيگىزگەندىكتەن، ٴىس ٴبىتىرۋ تەرەزەسىندە ٴىس بىتىرگەندە ماتەريالدىڭ تولىق بولۋ مولشەرى كورنەكتى ارتتى، ٴىس ٴبىتىرۋ بارىسىن سايكەستى جاقسارتىپ، دايىنداۋعا ٴتيىستى ماتەريالدى ىقشامداپ، بۇقاراعا اناعۇرلىم ويداعىداي قىزمەت وتەۋگە قولايلىلىق جاراتتىق”، ـ دەدى التاي قالالىق جىلجىمايتىن مۇلىكتى تىزىمگە الۋ ورتالىعىنىڭ كادرى لي يانلي.
“تايشياۋلىنىڭ” قولدانىلۋى التايدىڭ زەردەلى ۇكىمەت ىستەرى قۇرىلىسىندا سەرپىلىستىك ىلگەرىلەۋگە قول جەتكىزگەندىگىن بىلدىرەدى. وسى اكىمشىلىك قىزمەت وتەۋ ورتالىعى زەردەلى قولدانىستىق جاعدايدى ۇزدىكسىز تەرەڭدەتىپ، ٴبىلىم قورىن يكەمدى جاڭالاۋ، الما ـ كەزەك كوپ مودەلدى دەڭگەي جوعارىلاتۋ سياقتى تەحنيكالىق جاڭالانۋ ارقىلى “سۇرانىستى ٴدال بايقاۋ ــ قىزمەت وتەۋدى زەردەلى سايكەستىرۋ ــ ٴتول اسەردى ۇزدىكسىز كۇشەيتۋ” سىندى جالپى پەريودتىق زەردەلى قىزمەت وتەۋ ەكولوگياسىن قالىپتاستىرىپ، “ٴىس ٴبىتىرۋ ونىمدىلىگى ەڭ جوعارى، قىزمەت وتەۋ ساپاسى ەڭ جاقسى، كاسىپورىنداردىڭ تابىس سەزىمى ەڭ كۇشتى” بولعان شارۋاشىلىق - ساۋدا ورتاسىن ازىرلەۋگە عىلىم - تەحنيكالىق تىرەك ازىرلەيدى.
ايماقتىق اكىمشىلىك قىزمەت وتەۋ ورتالىعى ۇكىمەتتىك قىزمەت وتەۋ ٴبولىمىنىڭ باستىعى جاڭ ۋىننىڭ ايتۋىنشا، بيىل ايماقتىق اكىمشىلىك قىزمەت وتەۋ ورتالىعى ايماقتىڭ حالىق تۇرمىسىنا قاتىستى ناقتى ىسىنە جانە سيفرلاندىرۋ تەحنيكاسى ارقىلى حالىققا قولايلىلىق جاساۋ، كاسىپورىندارعا پايدا جەتكىزۋ ارەكەتىنە ۇشتاستىرا وتىرىپ، DeepSeek پەن “تايشياۋلىنى” تەرەڭ توعىستىرادى، جۇرتشىلىق “تايشياۋلى” اتتى كاسىپورىن ٴۇنحاتىن قوسىپ السا بولعانى زەردەلى جولمەن سويلەسە الادى ٴارى كاسىپورىندارعا تيىمدىلىك جەتكىزەتىن 142 ساياساتتى سايكەستى اشالادى، مۇنى زەردەلى جولمەن سۇراپ ۇعىسا الادى. وسى قىزمەت وتەۋ ورتالىعى ەندى زەردەلى AI دىڭ قولدانىلۋىن ۇزدىكسىز ىلگەرىلەتىپ، سيفرلاندىرۋمەن، زەردەلىلەندىرۋمەن قۋات ۇستەۋ ارقىلى اكىمشىلىك قاراپ بەكىتۋدىڭ ساپاسىن جاقسارتىپ، ونىمدىلىگىن ارتتىرىپ، تۇتاس ايماقتاعى ۇكىمەتتىك قىزمەت وتەۋدىڭ سان سالالى، جوعارى ٴونىمدى، قولايلى بولۋعا قادام تاستاۋىن ىلگەرىلەتەدى.
放大
