گازەتىمىزدىڭ حابارى (تىلشىلەرىمىز گۇزال ابدىرەشيت، ٴالينا ايدىن قىزى حابارلايدى). بۇل ارا التاي ايماعىنىڭ 12345 ۇكىمەتتىك قىزمەت وتەۋ حالىققا قولايلى ىستىق لەنياسى. سىزگە قانداي كومەگىمىز كەرەك؟ مۇنداي داۋىس كوپشىلىككە بەيتانىس ەمەس، دەسەدە، ىستىق لەنيانى قانشالىقتى تۇسىنەسىز؟ 4 - ايدىڭ 9 - كۇنى وزگەشە “ەتەنە قىزمەت وتەپ، ىستىق لەنيانى اشىق ۇستاۋ كۇنى” قيمىلى ايماقتىڭ 12345 ىستىق لەنيالى تەلەفون قابىلداۋ ورتالىعىندا وتكىزىلدى.
بۇل قيمىل ەكسكۋرسيالاۋ، ەلىتە سەزىنۋ جانە ٴوزارا اۋىس ـ كۇيىس جاساۋ قاتارلى فورمالار ارقىلى بۇقارا ۋاكىلدەرىنىڭ، تەلەفون قابىلداۋشى قىزمەتكەر وتباسىنداعىلاردىڭ جانە مىندەتىنە العان ورىن ۋاكىلدەرىنىڭ ىستىق لەنيالى قىزمەتتى ىشكەرىلەي تۇسىنۋىنە مۇمكىندىك جاسادى.
قيمىل مايدانىندا ەلىكتەمەلى تەلەفون قابىلداۋ بۋىنى جۇرگىزىلدى. قىزىعاتىن بۇقارا ۋاكىلى تىڭداعىشىن تاعىپ، تەلەفون قابىلداۋدىڭ “كىشكەنتاي” كومەكشىسىنە اينالىپ، مۇقيات تەلەفون قابىلدادى. بۇقارا ۋاكىلى جاڭ كاي بىلاي دەدى: ٴاسىلى، قابىلداعان تەلەفوندا بۇقارانىڭ ٴار ٴتۇرلى ناقتى تالاپ - تىلەگى ايتىلادى ەكەن.
ەلىكتەمەلى جۇمىس حۇجاتىن ەنگىزۋ بۋىنىندا كوپشىلىك ينفورماتسيانى ەنگىزۋ قاتاڭ بارىسىن كورىپ، ٴتىل تاقتادان شىققان بولىمسىز داۋىس حالىق تۇرمىسىنا قىزمەت وتەۋدى سەزىندىردى. قىزمەتكەرلەر جۇمىس حۇجاتىن قابىلداۋدان تەلەفون قايتارۋعا دەيىنگى جالپى بارىستى جاندى ايگىلەپ، كوپشىلىككە ىستىق لەنيالى قىزمەتتىڭ كۇردەلىلىگىن تەرەڭ سەزىندىردى.
ىقپالداستىق ارقىلى كۇدىك - كۇماندارىنا جاۋاپ بەرۋ جانە ۇسىنىس جيناۋ بۋىنىندا بۇقارا ۋاكىلدەرى اسەرىن اقتارىلا اڭگىمەلەدى ٴارى كوڭىل ٴبولىپ وتىرعان ماسەلە جونىندە سۇراۋ قويدى. التاي قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى، قالالىق بازاردى باقىلاۋ - باسقارۋ مەكەمەسى، تۇرعىن ٴۇي جانە قالا، اۋىل قۇرىلىسى مەكەمەسى، ەمدەۋدى قامتاماسىزداندىرۋ مەكەمەسى قاتارلى مىندەتىنە العان ورىنداردىڭ جاۋاپتىلارى ناق مايداندا جاۋاپ بەردى.
قيمىلدا قاتىناسۋشىلاردى ىستىق لەنيانى جاقسارتۋعا پىكىر جازۋعا ۇسىنىس ەتىپ، تاڭداۋلى ۇسىنىستاردى جىلدىق ساپالىلاندىرۋ جوسپارىنا ەنگىزەدى.
بۇل قيمىل ايماقتىڭ 12345 ىستىق لەنياسىن “ارتقى شەپتەن” “الدىڭعى شەپككە” جەتكىزىپ، كوپشىلىكتىڭ “كوزبەن كورە الاتىن قىزمەت وتەۋىنە” اينالدىرىپ قالماستان، پارتيا مەن ۇكىمەتتىڭ بۇقارامەن بايلانىس جاسايتىن كوپىرىن سالىپ، ىستىق لەنياداعىلاردىڭ ۇيىستىرۋ كۇشىن ارتتىرىپ، تاراۋلار ارا سەلبەستىككە تىڭ قوزعاۋشى كۇش قوسىپ، بۇكىل قالانى مەيىرگە بولەدى.
ايماقتىق اكىمشىلىك قىزمەت وتەۋ ورتالىعى ۇكىمەتتىك ىستەر ىستىق لەنياسىن باسقارۋ ٴبولىمىنىڭ ورىنباسار باستىعى جاڭ يۇن بىلاي دەدى: بۇگىن وسىنشاما كوپ بۇقارا ۋاكىلىنىڭ، تەلەفون قابىلداۋشى وتباسىنداعىلار، سونداي ـ اق مىندەتىنە العان ورىنداردىڭ ىستىق لەنيانى اشىق ۇستاۋ كۇنى قيمىلىنا بەلسەنە ات سالىسقانىن كورىپ، كوپشىلىكتىڭ كوڭىلىندەگى ٴسوزىن ەستىپ، جاۋاپكەرشىلىگىمىزدىڭ ٴتىپتى دە اۋىر ەكەنىن سەزىندىك. ايماقتىڭ 12345 ىستىق لەنياسى پارتيا مەن ۇكىمەتتىڭ حالىق بۇقاراسىمەن جۇرەكتەس كوپىرى. بۇدان كەيىن قىزمەتتىڭ ساپاسىن، ونىمدىلىگىن ۇزدىكسىز جوعارىلاتىپ، كوپىردىڭ اناعۇرلىم بەرىك، اناعۇرلىم ىركىلىسسىز بولۋىنا مۇمكىندىك جاساپ، ٴاربىر تالاپ ـ تىلەكتى اناعۇرلىم تىڭعىلىقتى ورىندايمىز.
放大
