گازەتىمىزدىڭ حابارى (تىلشىلەرىمىز دۇڭ شىجۇي، دۇڭ فايۇڭ حابارلايدى). تاياۋدا، اۋا رايى قىزمەتكەرلەرى التاي قالالىق اۋا رايى ستانسياسىندا اۋا رايىن جەر بەتىندە باقىلاۋ ورنىندا ولشەنگەن ساندى مالىمەتتى مۇقيات ەستەلىككە الدى ٴارى قاراستى وڭىردەگى اۋىل - قىستاقتاردىڭ كوكتەمگى ەگىس، كوكتەمگى تۇقىم ٴسىڭىرۋ جۇمىسى جۇرگىزىلىپ جاتقان جەرگە بارىپ، اۋىل شارۋاشىلىعى ٴوندىرىس جاعدايىن، توپىراق ىلعالدىلىعىن تەكسەرىپ - زەرتتەدى. ىلعالدىلىعىن تەكسەرۋ ٴۇشىن، توپىراقتان ۇلگى الىپ، توپىراقتىڭ سۋ قۇرامىن ولشەپ تۇراقتاندىرۋ، تالداۋ جاساۋ ارقىلى “كوكتەمگى ەگىسكە، كوكتەمگى تۇقىم سىڭىرۋگە اۋا رايىندىق قىزمەت وتەۋ ارناۋلى مالىمەتىن” دەركەزىندە جاساپ، كوكتەمگى ەگىس، كوكتەمگى تۇقىم ٴسىڭىرۋ جۇمىسىنا اۋا رايى جاعىنان ەگجەي - تەگجەيلى قىزمەت وتەدى ٴارى اۋىل شارۋاشىلىعى ٴوندىرىسى جونىندە باعىتتامالى ۇسىنىس قويدى.
جىل ەسەبى ــ كوكتەمدە. قازىرگى كەز ٴدال كوكتەمگى ەگىستىڭ، كوكتەمگى تۇقىم ٴسىڭىرۋدىڭ شەشۋشى مەزگىلى. ايماقتاعى ٴار دارەجەلى اۋا رايى تاراۋلارى تۇتاس ايماقتىڭ كليمات ەرەكشەلىگىنە جانە كوكتەمگى ەگىس، كوكتەمگى تۇقىم ٴسىڭىرۋ ٴوندىرىسىنىڭ اياق الىسىنا تىعىز ۇشتاستىرا وتىرىپ، كوكتەمگى ەگىسكە، كوكتەمگى تۇقىم سىڭىرۋگە اۋا رايى مالىمەتى جاعىنان قىزمەت وتەۋدى جاپپاي كۇشەيتىپ، تۇتاس جىلدا استىقتان مول ٴونىم الۋعا بەرىك اۋا رايى مالىمەتى جاعىنان كەپىلمەن قامدادى.
ايماقتىق اۋا رايى ستانسياسىنىڭ ينجەنەرى زاڭعار راقىمەتقان ۇلى بىلاي دەدى: ٴبىز ٴار كۇنى اۋا تەمپەراتۋراسى، جاۋىن - شاشىن، جەل جىلدامدىعى قاتارلى اۋا رايى فاكتورلارىنىڭ وزگەرىسىنە قاداعالاي نازار اۋدارىپ، جەرگىلىكتى ورىننىڭ اۋىل شارۋاشىلىعى ٴوندىرىسى ەرەكشەلىگىنە ۇشتاستىرا وتىرىپ، تۇرلىشە ەگىس داقىلدارىنا قاراتا اۋا رايى جاعىندا باعىتتامالى تۇردە تالداۋ جاسايمىز. جاقىن مەزگىلدەگى اۋا تەمپەراتۋراسى جانە توپىراقتىڭ ىلعالدىلىعى جاعدايىنا نەگىزدەلىپ، كوكتەمگى ەگىس ٴوندىرىسى جونىندە ەڭ ۇتىمدى تۇقىم ٴسىڭىرۋ ۋاقىتىن ەسكەرتەمىز جانە ۇسىنىس بەرەمىز.
كوكتەمگى ەگىس، كوكتەمگى تۇقىم ٴسىڭىرۋ اۋا رايىنا قاراي جۇرگىزىلەدى. ايماقتىق اۋا رايى ستانسياسى كوكتەمگى ەگىس وندىرىسىنە اناعۇرلىم ويداعىداي قىزمەت وتەۋ ٴۇشىن، كۇن ىلگەرى ورنالاستىرۋ جاساپ، ٴار دارەجەلى باقىلاۋ ورنىنداعى ٴتۇرلى اسپاپتى جاپپاي تەكسەرىپ جوندەدى. كاسىپتىك تەكسەرۋ - ولشەۋ قۇرالى جانە تەحنيكالىق ٴتاسىل ارقىلى جابدىقتىڭ اينالىم كۇيى، ساندى مالىمەتتى جەتكىزۋ قاتارلىلارعا ٴبىر - بىرلەپ تەكسەرۋ جۇرگىزىپ، اۋا رايى جابدىعىنىڭ قالىپتى اينالىمىنا، اۋا رايى ساندى مالىمەتىنىڭ دالمە - ٴدال بولۋىنا شىنايى كەپىلدىك ەتتى.
تانىستىرۋعا قاراعاندا، “كوكتەمگى ەگىسكە، كوكتەمگى تۇقىم سىڭىرۋگە اۋا رايى جاعىنان قىزمەت وتەۋ ارناۋلى مالىمەتىنىڭ” مازمۇنى كوكتەمگى ەگىستىڭ، كوكتەمگى تۇقىم ٴسىڭىرۋدىڭ اياق الىسى، كەلەر ٴبىر اپتاداعى اۋا رايى جونىندە الدىن الا مالىمەت بەرۋ، سونداي - اق كوكتەمگى ەگىسكە، كوكتەمگى تۇقىم سىڭىرۋگە جاسايتىن ىقپالىنا تالداۋ جاساۋ، شارا، ۇسىنىس قاتارلىلاردى قامتيدى ەكەن. اۋا رايى تاراۋى كوكتەمگى ەگىسكە، كوكتەمگى تۇقىم سىڭىرۋگە اۋا رايىندىق جاقتان قىزمەت وتەۋدى ويداعىداي يگەرىپ، قۋاڭشىلىق، قىراۋ ۇسىگىنىڭ كوكتەمگى ەگىسكە، كوكتەمگى تۇقىم سىڭىرۋگە جاسايتىن ىقپالىنان ٴتۇيىندى تۇردە ساقتانىپ، اپاتتى اۋا رايىن باقىلاۋدى، ونان ساقتاندىرۋدى ۇزدىكسىز ويداعىداي ىستەپ، تاراۋلاردىڭ بىرلەسە ارەكەتتەنۋىن كۇشەيتىپ، اۋا رايى اپاتىنان ساقتانۋعا، داقىلداردىڭ ٴوسۋىن قامتاماسىزداندىرۋعا اۋا رايى جاعىندا ساپالى قىزمەت وتەيدى ەكەن.
ايماقتىق اۋا رايى ستانسياسى تۋىلۋى مۇمكىن بولعان كوكتەمگى سوقپا سۋىق، اق جاۋىن سەكىلدى اپاتتى اۋا رايىنا قاراتا، اۋىل شارۋاشىلىعى ٴوندىرىس سۇرانىسىنا ۇزدىكسىز قاداعالاي نازار اۋدارىپ، سايت، الەۋمەتتىك ٴنومىر قاتارلى تۇعىرلار ارقىلى ساقتاندىرۋدى حابارلادى ٴارى كاسىپتىك قىزمەتكەرلەردى اتىز باسىنا بارىپ، اپاتتان ساقتانۋ، اپات زيانىن ازايتۋ جونىندە تەحنيكالىق جەتەكشىلىك ەتۋگە ۇيىمداستىرىپ، اۋىل شارۋاشىلىعى وندىرىسىندەگى “اۋا رايىندىق قورعانىس شەبىن” شىنايى بەكەمدەپ، ايماق ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە اۋا رايى تاراۋىنىڭ كۇش - قۋاتىن قوسادى.
ايماقتىق اۋا رايى ستانسياسىنىڭ باستىعى، اعا ينجەنەر بۇرلەن قابدوللا ۇلى بىلاي دەدى: “اۋا رايى ينفورماتسياسى اۋىل شارۋاشىلىعى وندىرىسىندە ماڭىزدى رول اتقارادى، اۋا رايىن الدىن الا ٴبىلۋ ارقىلى مول ٴونىمدى قامتاماسىز ەتۋگە بولادى”. ٴبىز ۇزدىكسىز تۇردە “قاداعالاي ولشەۋدى، دالمە - ٴدال الدىن الا مالىمەت بەرۋدى، ەگجەي - تەگجەيلى قىزمەت وتەۋدى” نىسانا ەتىپ، استىقتى، كوجە -قاتىقتى ويداعىداي قورعايمىز. سونىمەن بىرگە، اۋىل شارۋاشىلىعى وندىرىسىنە عىلمي جەتەكشىلىك ەتىپ، اۋىل شارۋاشىلىعى ٴوندىرىس جۇمىستارى جونىندە “اۋا رايى + اۋىل شارۋاشىلىعى” بويىنشا دالمە ـ ٴدال جەتەكشى ۇسىنىس ايتىپ، اۋىل شارۋاشىلىعىندا ٴتۇسىمدى ورنىقتىرىپ، مول ٴونىم الۋعا جانە اۋىل - قىستاقتى گۇلدەندىرۋگە بەرىك قامتاماسىزدىق ازىرلەيمىز.
放大
