گازەتىمىزدىڭ حابارى (تىلشىلەرىمىز گۇلناز، جاڭ فۋشين، پراكتيكانت ٴتىلشى بولاتبەك مانەن ۇلى حابارلايدى). التاي ايماعىنىڭ كاسىپ سالالارعا ساۋداگەر شاقىرۋ جينالىسى 3 - ايدىڭ 7 - كۇنى ٴۇرىمجى قالاسىندا اشىلىپ، بۇكىل ەلدەن كەلگەن 400 نەشە كاسىپورىندى، 600 نەشە ۋاكىلدى قاتىناسۋعا باۋرادى. “جاسىل كەن شارۋاشىلىعى”، “تازا ەنەرگيا كاسىپ سالاسى”، “ساياحات كاسىپ سالاسى”، “اۋىل شارۋاشىلىعى كاسىپ سالاسى”، “وتكەل ەكونوميكاسى” قاتارلى وزەكتى ساۋداگەر شاقىرۋ بولەگىنە نازاردى شوعىرلاندىرعان وسى رەتكى جينالىستى التاي ايماقتىق اكىمشىلىك مەكەمەسى، بيڭتۋان 10 - شى بەيتۇن قالاسى، اۆتونوميالى رايوندىق ساۋدا - ونەركاسىپشىلەر بىرلەستىگى (ساۋدا باس قوعامى) باس بولىپ، التاي ايماقتىق ساۋدا ىستەرى مەكەمەسى، ساۋدا - ونەركاسىپشىلەر بىرلەستىگى (ساۋدا باس قوعامى) ۇستىنە الىپ وتكىزگەن.
اۆتونوميالى رايوندىق ساياسي كەڭەستىڭ ورىنباسار ٴتوراعاسى، ساۋدا- ونەركاسىپشىلەر بىرلەستىگىنىڭ (ساۋدا باس قوعامىنىڭ) 12 - كەزەكتى اتقارۋ كوميتەتىنىڭ ٴتوراعاسى (قوعام باستىعى) ليۋ حۇيجۇن، اۆتونوميالى رايوندىق پارتكوم بىرلىكساپ ٴبولىمىنىڭ ورىنباسار باستىعى، اۆتونوميالى رايوندىق ساۋدا- ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى ليۋ بين جينالىسقا قاتىناستى ٴارى ارناۋ ٴسوز سويلەدى؛ التاي ايماقتىق پارتكومنىڭ شۋجيى شيە شاۋدي جينالىسقا قاتىناستى ٴارى التاي ايماعىنىڭ ساۋداگەر شاقىرۋداعى 9 اقىلشىسىنا ۇسىنىس حاتىن بەردى؛ التاي ايماقتىق پارتكومنىڭ ورىنباسار شۋجيى، ايماقتىق اكىمشىلىك مەكەمەسىنىڭ ٴۋاليى جەڭىس قادىس ۇلى جينالىسقا قاتىناستى ٴارى ارناۋ ٴسوز سويلەدى؛ جينالىستى التاي ايماقتىق پارتكومنىڭ مۇشەسى، ايماقتىق اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ٴۋاليى ۋاڭ يۇن باسقاردى.
ليۋ حۇيجۇن التايدىڭ ەكولوگيانى ماڭداي الدى ورىنعا قويۋ، جاسىل دامۋ جاعىنداعى بەلسەندى ىزدەنىس پەن كورنەكتى ناتيجەسىن تۇراقتاندىردى ٴارى اۆتونوميالى رايوندىق ساۋدا ـ ونەركاسىپشىلەر بىرلەستىگىنىڭ التاي ايماعىنىڭ ساۋداگەر شاقىرىپ قارجى ەنگىزۋ قىزمەتىن بار كۇشپەن قولداپ، جينالىسقا قاتىناسقانجەر ـ جەردەگى كاسىپورىندى التايعا تامىر تارتىپ، تەحنيكا، كاپيتال، بازار ابزالدىلىعىن التايدىڭ وزگەشە بايلىعىمەن ۇشتاستىرىپ، سەلبەسىپ تەڭ يگىلىككە كەنەلۋدىڭ جاڭا كارتيناسىن بىرگە سىزۋعا شابىتتاندىراتىندىعىن ٴبىلدىردى.
جەڭىس قادىس ۇلى ارناۋ سوزىندە بىلاي دەدى: وزگەشە جاراتىلىستىق بايلىققا جانە تاماشا وڭىرلىك ورىن ابزالدىلىققا يە التاي ايماعى قارجى قوسۋداعى وراي مەن كومەسكى كۇشكە تولى ىرىستى ٴوڭىر. كاسىپورىنشىلاردى التايدىڭ ەكونوميكالىق قۇرىلىسىنا بەلسەنە ات سالىسۋعا، ٴوزارا پايدا جەتكىزىپ تەڭ يگىلىككە كەنەلەتىن بولاشاقتى بىرگە سومداۋعا ىقىلاسپەن ۇسىنىس ەتەمىز.
جينالىستاعى كاسىپ سالالارىن تانىستىرۋ بۋىنىندا التاي ايماقتىق اكىمشىلىك مەكەمەسىنىڭ قاتىستى باسشىلارى ايماقتىڭ كاسىپ سالاسى ابزالدىلىعىن جانە ساۋداگەر شاقىرۋ تۇيىندەرىن ەگجەي - تەگجەيلى تانىستىردى ٴارى بىلاي دەدى: التاي ايماعى تازا ەنەرگيا، قار - مۇز ەكونوميكاسى، وسىزامانعى ەگىن- مال شارۋاشىلىعى قاتارلى سالالاردى ارقاۋ ەتە وتىرىپ، ساۋداگەر شاقىرۋ تەبىنىن ارتتىرىپ، بۇدان دا كوپ تاڭداۋلى كاسىپورىندى ىرگە تەبۋگە باۋرايدى. بيڭتۋان 10 - شى بەيتۇن قالاسىنىڭ ورىنباسار ساياسي كوميسسارى، التاي ايماعىنداعى ٴارقايسى اۋداندىق، قالالىق پارتكوم شۋجيلەرى جەكە - جەكە ىشكەرىلەي تانىستىردى ٴارى كوپتەگەن تيىمدىلىك ساياساتى بار ەكەنىن، قارجى قوسۋشىلارعا جان - جاقتىلى قىزمەت وتەيتىندىكتەرىن جانە قولداۋ كورسەتەتىندىكتەرىن ٴبىلدىردى.
التاي ايماعىنداعى فۋجيان ساۋدا قوعامىنىڭ باستىعى ۋاڭ ساي مەن شاندۇڭ رۇن - يا عىلىم - تەحنيكا سەرىكتەستىگىنىڭ القا باستىعى ۋاڭ جىن ساۋدا قوعامدارىنىڭ ۋاكىلى جانە كاسىپ سالاسىنداعى ىرگە تەپكەن كاسىپورىندار ۋاكىلى رەتىندە جەكە - جەكە سوزگە شىعىپ، قارجى قوسۋ ورتاسىنا رازى ەكەندىكتەرىن جانە الداعى سەلبەستىكتەن ٴۇمىت كۇتەتىندىكتەرىن ٴبىلدىردى.
سول كۇنگى كاسىپ سالالارىنا ساۋداگەر شاقىرۋ جينالىسىندا كەلىسىمدەگى جالپى سوماسى 16 ميلليارد يۋان كەلەتىن 23 نىسان جونىندە كەلىسىم جاسالعان. وسى نىساندار تازا ەنەرگيا، جاسىل كەن شارۋاشىلىعى، مادەنيەت - ساياحات كاسىپ سالاسى قاتارلىلاردى قامتيدى. مۇندا، شينجياڭ شينحۋا سۋ ەلەكتر قارجى قوسۋ جارنا شەكتى سەرىكتەستىگىنىڭ قارجى قوسۋىمەن سالىناتىن التاي جاسىل، تومەن كومىر قىشقىل گازدى زەردەلى ەسەپتەۋ ورتالىعى نىسانىنا جيىنى 2 ميلليارد 500 ميلليون يۋان قارجى جۇمسالادى. مۇندا، جالپى تۇلعالىق ەسەپتەۋ قۋاتى سيىمدىلىعى 20 مىڭ پەتافلوپس بولىپ، باستىسى، ەل ىشىندەگى باس جاساندى زەردە كاسىپورىندارىنىڭ ەسەپتەۋ، ۇلكەن مودەل قولدانىسى قاتارلىلارعا قىزمەت وتەۋگە قولدانىلادى. اۆتونوميالى رايوننىڭ قاتىستى ساياساتى بويىنشا وسى نىسانعا سايكەستى جاسىل ەلەكتر كورسەتكىشىن سايكەستىرىپ، جاڭا ەنەرگيا ٴىرى بازاسى نىسانىن سالۋعا بولادى. مەجەمەن، 20 ميلليارد يۋان سايكەستى قارجى قوسۋعا قوزعاۋشىلىق ەتەدى. التاي ايماعى توقتامعا قول قويىلعان نىسانداردى ارقاۋ ەتىپ، ٴتۇيىلىستىرۋ ارناۋلى القاسىن قۇرىپ، رەسميەت ٴبىتىرۋ جاسىل ارناسىن اشىپ، نىسانداردىڭ تياناقتانىپ، وندىرىسكە قوسىلۋىن اناعۇرلىم ويداعىداي، اناعۇرلىم تەز جەبەپ، التاي ايماعى ەكونوميكاسىنىڭ جوعارى ساپالى دامۋىنا دەم بەرەدى.
ۇعىسۋعا قاراعاندا، وسى رەتكى كاسىپ سالالارعا ساۋداگەر شاقىرۋ جينالىسى اۆتونوميالى رايوندىق ساۋدا - ونەركاسىپشىلەر بىرلەستىگىنىڭ شينجياڭعا باعىتتامالى كومەكتەسۋ مەحانيزمىنەن تولىق پايدالانىپ، نازاردى اۆتونوميالى رايوننىڭ “10 ٴىرى كاسىپ سالاسى شوعىرى” قۇرىلىسىنا شوعىرلاندىرعان، ايماق، وبلىس، قالالارداعى ٴار دارەجەلى ساۋدا - ونەركاسىپشىلەر بىرلەستىكتەرى مەن ٴار دارەجەلى ساۋدا قوعامى ۇيىمدارىن جۇمىلدىرۋ ارقىلى ورىستەتكەن “ساۋدا - ونەركاسىپشىلەر بىرلەستىگى ارەكەتتە” اتىنداعى ساۋداگەر شاقىرىپ قارجى ەنگىزۋ جەلىلەس ارناۋلى قيمىلىنىڭ ٴبىرى ەكەن.
放大
