گازەتىمىزدىڭ حابارى (ٴتىلشىمىز دۇڭ شىجۇي، پراكتيكانت ٴتىلشى ليۋ حۋان حابارلايدى). 12 - ايدىڭ 26 - كۇنى التاي ايماعىنا توتە قاراستى ورگانداردىڭ 1 - كەزەكتى پارتيا قۇرىلىسى قىزمەتىندە جاڭالىق اشۋ باسەكەسىنىڭ تاڭداۋلى تۋىندىلار كورمەسى التاي قارلى مەكەن تەاترحاناسىندا وتكىزىلدى.
بۇل باسەكە 2024 - جىلى 3 - ايدا باستالعاننان بەرى، التاي ايماعىنا توتە قاراستى ورگاندارداعى تاراۋدىڭ (ورىننىڭ) نازار اۋدارۋى مەن بەلسەنە ءۇن قوسۋىنا يە بولدى. باعالاۋ ارقىلى ەڭ سوڭىندا، ايماقتىق ورتا دارەجەلى حالىق سوت مەكەمەسى، ايماقتىق بازاردى باقىلاۋ - باسقارۋ مەكەمەسى، ايماقتىق اكىمشىلىك قىزمەت وتەۋ ورتالىعى، ايماقتىق توعىسپالى مەديا ورتالىعى، مەملەكەتتىك باجى باس مەكەمەسىنىڭ التاي ايماقتىق باجى مەكەمەسى قاتارلى ايماققا توتە قاراستى ورگاندارداعى 5 تاراۋ (ورىن) جولداعان تاڭداۋلى تۋىندىلار شوعىرلى كورسەتىلدى.
قيمىل مايدانىندا ايماقتىق ورتا دارەجەلى حالىق سوت مەكەمەسىنىڭ «پارتيا تۋى استىندا زاڭ گەربىن شۇعىلا شاشتىرايىق»، ايماقتىق بازاردى باقىلاۋ - باسقارۋ مەكەمەسىنىڭ «”پارتيا قۇرىلىسى +“ تانىمالدىلىعىن ايگىلەۋگە، دامۋدى جەبەۋگە تاباندى بولىپ، ٴبىرىنشى شەپتەگى ەكپىندى، اتويشى بولايىق»، ايماقتىق اكىمشىلىك قىزمەت وتەۋ ورتالىعىنىڭ «جالپى القاعان ”تايحاۋبان“ (泰好办)»، ايماقتىق توعىسپالى مەديا ورتالىعىنىڭ «ءبىز ــ ءتىلشىمىز»، مەملەكەت باجى باس مەكەمەسى التاي ايماقتىق باجى مەكەمەسىنىڭ «قار اسىلى حيكاياسى» تۋىندىسى كورىنىستىك تەاتر قاتارلى فورما ارقىلى مىسال كەلتىرۋ، تاجىريبە ءتۇسىندىرۋ، ءادىس - امالدى اڭگىمەلەۋ، ناتيجەنى ايگىلەۋ ارقىلى ءوز سالاسىنىڭ جاڭالىق اشۋ امالياتىن ءبولىسىپ، تارتىمدى مىسال ادامدى ايرىقشا اسەرلەندىرگەندىكتەن، شاپالاق ٴۇنى تولاستامادى.
وسى رەتكى جاڭالىق اشۋ باسەكەسىندە باسەكە ارقىلى قۇرۋدى جەبەۋ، باسەكە ارقىلى ءىس تىندىرۋدى جەبەۋگە تاباندى بولىپ، التاي ايماعىنا توتە قاراستى ورگاندارداعى پارتيالى كادرلاردىڭ قىزمەت ورنىن تياناق ەتىپ، دامۋدى ىلگەرىلەتىپ، بۇقاراعا قىزمەت وتەۋدە وزات، تاڭداۋلى بولۋعا ۇمتىلعان جاندى امالياتىن شوعىرلى ايگىلەدى. ورگان پارتيا ۇيىمىنىڭ جوعارى ساپالى ورگان پارتيا قۇرىلىسى ارقىلى جوعارى ساپالى دامۋدى جەبەپ، قوزعاۋشى كۇشىن ارتتىراتىن، تەرەڭ توعىستىراتىن، تانىمالدىلىقتى كۇشەيتەتىن، ومىرشەڭدىك كۇشتى قاۋلاتاتىن جاڭالىق اشۋ شاراسىن تولىق ايگىلەپ، التاي ايماعىنىڭ ورگان پارتيا قۇرىلىسى شەبىندە ءبىرىنشى شارشى توپتا بەلسەنە ءجۇرىپ، “ۇشتە ۇلگى” بولىپ، ۇلگىلى ورگان قۇرۋعا، ورگان پارتيا قۇرىلىسىنىڭ جوعارى ساپالى دامۋىن جەبەۋ بارىسىندا جاڭا جاۋاپكەرشىلىك ايگىلەپ، تىڭ ىسكەرلىك كورسەتۋگە اناعۇرلىم ىنتالاندىردى.
التاي ايماعىنا توتە قاراستى ورگاندارداعى، التاي قالاسىنا توتە قاراستى ورگاندارداعى پارتيالى كادرلار ۋاكىلىنەن 300 نەشە ادام بۇل قيمىلعا قاتىناستى.
放大
