گازەتىمىزدىڭ حابارى (تىلشىلەرىمىز گۇزال ابدىرەشيت، جاڭ تاۋ، ەرىكتى ٴتىلشى ۋاڭ ليڭ حابارلايدى). 12 - ايدىڭ 27 - كۇنى التاي ايماعىنىڭ ”جالپى حالىق لاڭكەستىككە قارسى تۇرىپ، بىرگە تىنىشتىق ورناتايىق“ جانە جۇڭحۋا ۇلتى ورتاق تۇلعا تانىمىن بەكەمدەۋ جونىندەگى زاڭمەن باسقارۋ ۇگىت ـ تاربيە جەلىلەس قيمىلى التاي قارلى مەكەن تەاترحاناسىندا وتكىزىلدى. ايماقتىق پارتكومنىڭ مۇشەسى، باس حاتشى، ۇگىت ٴبولىمىنىڭ باستىعى لان شىڭشين قيمىلعا قاتىناستى ٴارى ارناۋ ٴسوز سويلەدى، ايماق، قالالارداعى قاتىستى ورىنداردان كەلگەن ۋاكىلدەر مەن ايماقتاعى ٴار ۇلت بۇقاراسىنان 500 ادام وسى رەتكى قيمىلعا قاتىناستى.
قيمىل بارىسىندا ۇيىمداستىرۋشى جاق “جالپى حالىق لاڭكەستىككە قارسى تۇرىپ، بىرگە تىنىشتىق ورناتايىق” ۇندەۋ حاتى مەن «شينجياڭ ۇيعۇر اۆتونوميالى رايونىنىڭ زورلىقتى كۇش، لاڭكەستىك قىلمىستارىنا ساياتىن دەرەكتەردى اشكەرەلەگەندەردى سيلاۋ ٴادىسىن» وقىدى. پارتيالى كادرلار مەن بۇقارا ۋاكىلدەرى ارت - ارتىنان ٴسوز سويلەپ، قاي - قاشان دا وسكەلەڭ قىراعىلىقتى ساقتاپ، ٴىس جۇزىندىك ارەكەتى ارقىلى اتا مەكەنىنە بەرىك قورعانىس شەبىن ورناتاتىندىقتارىن ٴبىلدىردى. قوعام حاۋىپسىزدىگى حالىق ساقشىلارى ادەبيەت - كوركەمونەر كونسەرتىن دەن قويا دايىنداپ، قىزىقتىرۋ، تاربيەلەۋ ٴتاسىلى ارقىلى كوپشىلىكتىڭ لاڭكەستىككە قارسى تۇرۋ تانىمىن ونان ارى كۇشەيتتى. بۇدان سىرت، ناق مايداندا سيلىقتى سۇراۋعا جاۋاپ بەرۋ، لاڭكەستىككە قارسى تۇرۋ قولتاڭباسىن قالدىرۋ سياقتى قيمىل وتكىزىلدى.
ۇعىسۋعا قاراعاندا، وسى رەتكى تاربيەلەۋ، ۇگىتتەۋ قيمىلى ايماق، اۋدان (قالا) سىندى ەكى دارەجەلى ورىندا ٴبىر ۋاقىتتا وتكىزىلگەن. مۇنداعى ماقسات ــ بۇكىل ايماقتاعىلاردىڭ لاڭكەستىككە قارسى تۇرۋ ىنتاسىن قوزعاپ، جالپى حالىقتىڭ لاڭكەستىككە قارسى تۇرۋ تانىمىن كۇشەيتىپ، قوعامنىڭ جالپى تۇلعالىق ساقتانۋ قابىلەتىن جوعارىلاتۋ.
放大
