گازەتىمىزدىڭ حابارى (تىلشىلەرىمىز چاڭ يرۋ، ۋاڭ كۋان، پراكتيكانت ٴتىلشى پىڭ لينحاي حابارلايدى). التاي ايماقتىق پارتكوم 12 - ايدىڭ 26 - كۇنى ايماقتىق پارتكوم كوميتەتىنىڭ ٴماجىلىسىن اشىپ، باس شۋجي شي جينپيڭنىڭ اۋمىن ەرەكشە اكىمشىلىك رايونى ۇكىمەتىنىڭ قارسى الۋ كەشكى قوناعاسىندا، اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىندا جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىندا سويلەگەن ماڭىزدى سوزدەرىنىڭ رۋحىن ىشكەرىلەي ۇيرەندى، دايەكتىلەندىردى، ورتالىقتىڭ، اۆتونوميالى رايوننىڭ ماڭىزدى حۇجاتتارىنىڭ رۋحىن جەتكىزدى، ۇيرەندى، ايماقتىڭ پارتيا ستيلى، پاكتىك قۇرىلىسى، شارلاپ تەكسەرۋ قاتارلى قىزمەتتەرىن اقىلداستى، ايماقتاعى جاراتىلىستىق بايلىق، ساۋدا ىستەرى، ونەركاسىپ جانە ينفورماتسيالاندىرۋ قاتارلىلاردىڭ احۋالى جونىندە مالىمەت تىڭدادى، قاتىستى قىزمەت جونىندە ورنالاستىرۋ جاسادى. ايماقتىق پارتكومنىڭ شۋجيى شيە شاۋدي ٴماجىلىستى باسقاردى.
ماجىلىستە مىنالار اتاپ كورسەتىلدى: باس شۋجي شي جينپيڭنىڭ اۋمىن ەرەكشە اكىمشىلىك رايونى ۇكىمەتىنىڭ قارسى الۋ كەشكى قوناعاسىندا، اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىندا جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىندا سويلەگەن ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، “ەكى كەلەلى جاعدايدى” كوكەيدە ٴتۇيىپ، “مەملەكەتتىڭ زور ٴىسىن” ەستە بەرىك ساقتاپ، “ٴبىر ەل، ەكى ٴتۇزىم” باعىتىن تاباندىلىقپەن بۇلجىماي دايەكتىلەندىرىپ، ۇلى ىنتىماققا، ۇلى بىرلىككە باستان - اياق تاباندى بولىپ، ەڭ كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، شياڭگاڭ، اۋمىن وڭىرىمەن ٴوزارا ساپاردا بولۋ، اۋىس - كۇيىس جاساسۋ قيمىلىن بەلسەنە كەڭەيتىپ، پارتيا ورتالىق كوميتەتىنىڭ قىزمەت كەلەلى جاعدايىنا اناعۇرلىم ويداعىداي قىزمەت ەتۋ قاجەت.
ماجىلىستە مىنالار باسا دارىپتەلدى: پارتيا ورتالىق كوميتەتىنىڭ جاڭا داۋىردەگى ساياسي ـ زاڭ قىزمەتىن كۇشەيتۋ جونىندەگى شەشىمى مەن ورنالاستىرۋلارىن ىشكەرىلەي دايەكتىلەندىرىپ، جالپى تۇلعالىق مەملەكەت حاۋىپسىزدىگى كوزقاراسىن جاپپاي امالياتتا ايگىلەپ، جاڭا داۋىردەگى ساياسي - زاڭ قىزمەتىنىڭ داۋىرلىك ورنى مەن جاعدايىن، مىندەتىن ساياسي جانە جالپى جاعداي بيىگىنەن يگەرۋگە تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، قوعامدىق باسقارۋدىڭ ونىمدىلىگىن كۇش سالا جوعارىلاتىپ، ساياسي - زاڭ ورگاندارىنىڭ پارتيا قۇرىلىسىن كۇشەيتىپ، حاۋىپ - قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ، دامۋدى جەبەۋ قىزمەتىن تىڭعىلىقتى ىلگەرىلەتىپ، ساياسي - زاڭ قىزمەتىنىڭ وسىزاماندانۋ دەڭگەيىن تىنباي جوعارىلاتۋ كەرەك.
(جالعاسى 3 ـ بەتتە)
(باسى 1 ـ بەتتە)
ماجىلىستە مىنالار اتاپ كورسەتىلدى: باس شۋجي شي جينپيڭنىڭ فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ۇعىنىپ، ورتالىق ساتىسىنان فورماشىلدىقتى وڭاۋعا، نەگىزگى ساتىنىڭ اۋىرتپالىعىن جەڭىلدەتۋگە قاتىستى تالاپتاردى باتىل تياناقتاندىرىپ، ماسەلەنى باعدار ەتۋگە تاباندى بولىپ، يدەيالىق تانىمدى جوعارىلاتىپ، فورماشىلدىقتى، تورەشىلدىكتى وڭاۋدى تەرەڭدەتىپ، “بەت ـ بەدەل ينجەنەرياسىن” ۇزدىكسىز تۇزەتىپ، “اشەكەيلەۋ ستيلىنىڭ” نەگىزگى ساتىعا تارالۋى، قالىڭ حۇجات پەن ماجىلىستەن باس كوتەرە الماۋ، قالىپتان تىس ٴىز قالدىرۋ، ساتى - ساتى بويىنشا اۋىرتپالىق قوسۋ قاتارلى ماسەلەلەردى باتىل تەجەپ، اۋىرتپالىقتى جەڭىلدەتۋ ارقىلى ناقتى ونىمدىلىككە قۋات ۇستەپ، ەكونوميكا مەن قوعامنىڭ جوعارى ساپالى دامۋىن قورعاۋ قاجەت.
ماجىلىستە پارتيا ستيلى، پاكتىك قۇرىلىسى قىزمەتى جونىندە مالىمەت تىڭداپ، اقىلداستى. ماجىلىستە مىنالار باسا دارىپتەلدى: باس شۋجي شي جينپيڭنىڭ پارتيانىڭ وزىنە - ٴوزى توڭكەرىس جاساۋى جونىندەگى يدەياسىن ىشكەرىلەي ۇيرەنىپ، دايەكتىلەندىرىپ، پارتيانى جاپپاي قاتاڭ باسقارۋدا ٴدوپ كەلگەن جاعداي مەن مىندەتتى سەرگەكتىكپەن تانىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن قاتايتىپ، ساياسي باقىلاۋدى تەرەڭدەتىپ، ناقتىلاندىرىپ، شىرىكتەسۋگە قارسى تۇرۋدى، سۇرقيالىقتى جازالاۋدى تەرەڭدەي ىلگەرىلەتىپ، ٴتارتىپ تەكسەرۋ، باقىلاۋ - تەكسەرۋ كادرلارىنىڭ قابىلەت قۇرىلىسىن كۇشەيتىپ، ٴتارتىپ تانىمىن ۇزدىكسىز نىعايتىپ، يدەيالىق قورعانىس شەبىن بەكەمدەپ، پاكتىك تومەنگى شەگىن بەرىك ساقتاپ، پارتيانى جاپپاي قاتاڭ باسقارۋدىڭ تەرەڭدەي دامۋىن ىلگەرىلەتۋ كەرەك.
ماجىلىستە شارلاپ تەكسەرۋ قىزمەتى جونىندە مالىمەت تىڭداپ، اقىلداستى. ماجىلىستە مىنالار باسا دارىپتەلدى: باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، شارلاپ تەكسەرۋدىڭ ساياسي ورنىن دالمە - ٴدال يگەرىپ، شارلاپ تەكسەرۋ قىزمەتىنىڭ ٴتۇزىم جۇيەسىن اقاۋسىزداندىرىپ، كەمەلدەندىرىپ، “نازاردى تورتكە شوعىرلاندىرۋدى” ارقاۋ ەتە وتىرىپ، ساياسي باقىلاۋدى جان - جاقتى ورىستەتىپ، شارلاپ تەكسەرۋ بويىنشا رەتتەۋ - تۇزەتۋدى جانە جەتىستىكتى قولدانۋدى ويداعىداي يگەرىپ، جوعارى ساپالى دامۋعا تۇساۋ بولاتىن باستى قايشىلىقتى، ەلەۋلى حاۋىپ - قاتەردى، كورنەكتى ماسەلەنى كۇش سالا شەشىپ، قىستاقتاردى شارلاپ تەكسەرۋ جونىندەگى امالياتتىق ىزدەنىستى بەكەمدەپ، كەڭەيتىپ، شارلاپ تەكسەرۋدىڭ ساپاسى مەن ونىمدىلىگىن قۇلشىنا جوعارىلاتىپ، جوعارى ساپالى شارلاپ تەكسەرۋ قىزمەتى ارقىلى ەكونوميكا مەن قوعامنىڭ جوعارى ساپالى دامۋىن قورعاۋ قاجەت.
ماجىلىستە ايماقتىڭ جاراتىلىستىق بايلىق، ساۋدا ىستەرى، ونەركاسىپ جانە ينفورماتسيالاندىرۋ قىزمەتى جونىندە مالىمەت تىڭداپ، اقىلداستى. ماجىلىستە مىنالار باسا دارىپتەلدى: مەملەكەت جەر بايلىعى كەڭىستىگىن جوبالاۋداعى شەشىمنىڭ عىلميلانۋ، زاڭمەن باسقارىلۋ دەڭگەيىن جاپپاي جوعارىلاتىپ، كەن بايلىعىن بارلاۋ تەبىنىن ارتتىرىپ، ەگىستىك جەردى قورعاۋ قىزىل سىزىعىن باتىل بەرىك ساقتاپ، جاراتىلىستىق بايلىقتى جوعارى دەڭگەيدە قورعاۋ جانە پايدالانۋ ارقىلى جوعارى ساپالى دامۋعا تىرەك بولۋ قاجەت. ساۋداگەر شاقىرۋدى يگەرىپ، تۇتىنۋدى جەبەپ، سىرتقى ساۋدانى ورنىقتىرۋ، ەسىك اشۋ تۇعىرىنىڭ قابىلەت دەڭگەيىن ۇزدىكسىز جوعارىلاتىپ، جوعارى دەڭگەيدەگى ەسىك اشۋ ارقىلى جوعارى ساپالى دامۋدى ىلگەرىلەتۋ قاجەت. جاڭاشا ونەركاسىپتەنۋدى جۇزەگە اسىرۋ شەشۋشى مىندەتىن مىقتاپ يگەرىپ، اۆتونوميالى رايوننىڭ “10 ٴىرى كاسىپ سالاسى شوعىرى” قۇرىلىسىنا بەلسەنە توعىسىپ، ونەركاسىپ باقشا رايوندارىنىڭ ساپاسىن جوعارىلاتۋدى، دارەجەسىن ٴوسىرۋدى جەدەلدەتىپ، ونەركاسىپ نىساندارىن جوسپارلاۋدى ويداعىداي يگەرىپ، ونەركاسىپتەگى كاسىپ سالاسىنىڭ تىزبەگىن تولىقتاۋدى، تىزبەگىن ۇزارتۋدى، تىزبەگىن كۇشەيتۋدى كۇشتى شوعىرلاندىرا وتىرىپ ىلگەرىلەتۋ كەرەك.
ماجىلىستە مىنالار باسا دارىپتەلدى: جاڭا جىل جانە كوكتەم مەرەكەسى تاياپ قالدى. كونە جىلدىڭ سوڭى مەن جاڭا جىلدىڭ باسىنداعى قىزمەتتى بار كۇشپەن ويداعىداي ىستەۋ قاجەت. دامۋ مەن حاۋىپسىزدىكتى اناعۇرلىم ويداعىداي ٴبىرتۇتاس جوسپارلاپ، ٴوندىرىس حاۋىپسىزدىگى جانە جاراتىلىستىق اپات حاۋىپ - قاتەرىن، كومەسكى كىناراتتارىن ٴبىر - بىرلەپ تەكسەرۋدى، رەتتەۋ - وڭاۋدى تىڭعىلىقتى ىلگەرىلەتىپ، كومىرمەن، ەلەكترمەن، مۇنايمەن، گازبەن قامداۋدى قامتاماسىزداندىرۋ، باعانى ورنىقتىرۋ قىزمەتىن بار كۇشپەن ويداعىداي ىستەپ، ٴتۇرلى قايشىلىق پەن داۋ - شاردى ىشكەرىلەي ٴبىر - بىرلەپ تەكسەرىپ، جويىپ، قيىنشىلىعى بار بۇقاراعا دەن قويا، سۇيىسپەنشىلىكپەن كوڭىل ٴبولىپ، قامقورلىق جاساپ، بۇقارالىق مادەنيەت - دەنەتاربيە قيمىلىن كەڭ كولەمدە ورىستەتىپ، قويۋ مەرەكەلىك راي قالىپتاستىرۋ قاجەت. ۇقىپتى دا ۇنەمشىل، وركەنيەتتى، پاك مەرەكە وتكىزۋدى دارىپتەپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن بوساڭسىماي تياناقتاندىرىپ، راحاتقۇمارلىقتان، ىسىراپشىلدىقتان قاتاڭ ساقتانىپ جانە ونى قاتاڭ تۇزەتىپ، “ٴتورت بۇرىس ستيلدى” تاباندىلىقپەن تۇزەتىپ، جاڭا سالت ورناتۋ كەرەك. ەكونوميكا اينالىمىنا تالداۋ جاساۋدى جانە ونى رەتتەپ ورنالاستىرۋدى كۇشەيتىپ، كونە جىلدىڭ سوڭى مەن جاڭا جىلدىڭ باسىنداعى مىندەتتەردى نىساناعا، تىزىمگە، نىسانعا اينالدىرا وتىرىپ ىلگەرىلەتىپ، ويداعىداي اياقتاتۋعا، جاقسى باستاما باستاۋعا شىنايى كەپىلدىك ەتۋ كەرەك.
放大
