انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 12 ـ ايدىڭ 28 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 12 ـ ايدىڭ 28 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ دەموكراتيالىق تۇرمىس جيىنىندا سويلەگەن ماڭىزدى ٴسوزىنىڭ رۋحىن ۇيرەندى، دايەكتىلەندىردى، باس شۋجي شي جينپيڭنىڭ اۋمىندى كوزدەن كەشىرۋ جانە اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا قاتىناسۋ سياقتى جەلىلەس قيمىلداردا، حاينان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن ۇيرەندى، دايەكتىلەندىردى، ورتالىقتىڭ 2025 ـ جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى ورنالاستىرۋلارىن، تالاپتارىن دايەكتىلەندىرۋدى اقىلداستى، اۆتونوميالى رايوننىڭ ينتەرنەت يدەولوگيا قىزمەتى جاۋاپكەرشىلىك ٴتۇزىمىن تياناقتاندىرۋ احۋالىنان جاسالعان مالىمەتتى تىڭدادى، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ جانە اۆتونوميالى رايوندىق ەكى ٴماجىلىستىڭ دايىندىق قىزمەتتەرىن ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ دەموكراتيالىق تۇرمىس جيىنىندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، باتىل تۇردە باس شۋجيگە قاراپ قاتار تۇزەپ، پارتيا ورتالىق كوميتەتىنە تۋرالانىپ، پارتيانىڭ ٴتارتىپ قۇرىلىسى كەلەلى ساياسي جاۋاپكەرشىلىگىن شىن مانىندە ارقالاۋ كەرەك. “ەكىنى تۇراقتاندىرۋدى” تاباندىلىقپەن قولداپ، “ەكىنى قورعاۋدى” باتىل ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىن باتىل قورعاۋدى بارلىق قىزمەتتى ويداعىداي ىستەۋدىڭ ٴتۇبىرلى كەپىلى ەتىپ، پارتيالىلىق شىڭدالۋ مەن جەتىلىمدى كۇشەيتىپ، ساياسي ٴتارتىپ پەن ساياسي قاعيداعا قاتاڭ بويسۇنىپ، نۇسقاۋ سۇراۋ، مالىمەت بەرۋ ٴتۇزىمىن قاتاڭ تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭ قىزمەتىنىڭ اۋىتقىماۋىنا، وزگەرمەۋىنە شىنايى كەپىلدىك ەتۋ كەرەك. پارتيا ٴتارتىبىن ۇيرەنۋ تاربيەسى جەتىستىكتەرىن بەكەمدەپ، تەرەڭدەتىپ، وزىنە اناعۇرلىم قاتاڭ تالاپ قويىپ، قولداعى ۇقىققا بارىنشا اباي بولىپ، پارتيا تارتىبىنە، مەملەكەت زاڭىنا قاتاڭ بويسۇنىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن تياناقتاندىرىپ، ەرەكشە ۇقىق يدەياسىنا، ەرەكشە ۇقىق جايتتەرىنە سانالىلىقپەن قارسى تۇرىپ، دالمە ـ ٴدال، جۇيەلى ٴتارتىپ اتقارۋ ارقىلى كادرلاردىڭ اناعۇرلىم ويداعىداي ٴىس تىندىرىپ ناتيجە شىعارۋىن، جاۋاپكەرشىلىك ارقالاپ ىسكەرلىك كورسەتۋىن ىلگەرىلەتۋ كەرەك. توقتاۋسىز ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، جاۋاپتى سالاسىنىڭ نەمەسە باسقاراتىن جەرىنىڭ پارتيا ستيلى، پاكتىك قۇرىلىسىن ويداعىداي يگەرىپ، ٴتۇرلى بۇرىس ستيلدەرمەن جانە شىرىكتەسۋ (جالعاسى 3 ـ بەتتە)
(باسى 1 ـ بەتتە) جايتتەرىمەن باتىل كۇرەس جۇرگىزىپ، وتباسىنداعىلاردى جانە قاسىنداعى قىزمەتكەرلەردى تاربيەلەۋدى، باسقارۋدى كۇشەيتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتۋ كەرەك. دەموكراتيالىق تۇرمىس جيىنىن دەن قويا ۇيىمداستىرىپ، ويداعىداي اشىپ، اۆتونوميالى رايوندىق پارتكوم تۇراقتى كوميتەتىنىڭ باسشىلىق القاسى باستاماشىلدىقپەن ۇلگى بولىپ، ونەگە كورسەتىپ، ماسەلەنى مۇقيات سالىستىرىپ، بورشالاپ، پارتيالىلىق تالداۋدى ىشكەرىلەي ورىستەتىپ، رەتتەۋ ـ تۇزەتۋ شارالارىن دالمە ـ ٴدال جاساپ، دەموكراتيالىق تۇرمىس جيىنىنىڭ دايىندىقتارىن تىڭعىلىقتى تۇردە ويداعىداي ىستەۋى؛ ٴار دارەجەلى پارتكومدارداعى (پارتيا باسشىلىق گرۋپپاسى) نەگىزگى جاۋاپتى جولداستار سانالىلىقپەن دەموكراتيانى ساۋلەلەندىرىپ، ماسەلەنى ورتاعا سالىپ، رەتتەۋ ـ تۇزەتۋدى ىلگەرىلەتىپ، جيىننىڭ جاقسى ناتيجەمەن، جاڭا بەينەمەن اشىلۋىنا شىنايى كەپىلدىك ەتۋى كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ جاڭا كەزەڭدەگى “ٴبىر ەل، ەكى ٴتۇزىم” ىستەرى جونىندەگى تەرەڭ تولعانىسىن جانە ستراتەگيالىق ورنالاستىرۋىن تەرەڭ ٴتۇسىنىپ، شياڭگاڭ، اۋمىن وڭىرلەرىمەن بايلانىستى ۇزدىكسىز جيىلەتىپ، شياڭگاڭ، اۋمىن تۇعىرىنان، تەرەزەسىنەن ويداعىداي پايدالانىپ، شىعىس وڭتۇستىك ازيا ەلدەرى وداعىنا مۇشە ەلدەرمەن اۋىس ـ كۇيىستى، سەلبەستىكتى تەرەڭدەتىپ، ورتا ازيا ەلدەرىنىڭ شياڭگاڭ، اۋمىن وڭىرلەرىمەن سەلبەستىگى ٴۇشىن بەلسەندى تۇردە كوپىر سالۋ كەرەك. باس شۋجي شي جينپيڭنىڭ حاينان قىزمەتى جونىندەگى تالاپتارىن مۇقيات ۇيرەنىپ، دايەكتىلەندىرىپ، شينجياڭنىڭ ٴىس جۇزىندىگىمەن ۇشتاستىرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، يدەيانى ازات ەتىپ، ٴورىس اشا جاڭالىق جاساپ، رەفورما، دامۋ، ورنىقتىلىق قىزمەتتەرىنىڭ جاڭا جاعدايىن اشۋ كەرەك.
ٴماجىلىس مىنالاردى باسا دارىپتەدى: جاڭا جىل، كوكتەم مەرەكەسى كەزىندەگى قىزمەتتەردى وسكەلەڭ جاۋاپكەرشىلىكپەن ويداعىداي ىستەپ، ٴار ۇلت بۇقاراسىنىڭ مەرەكەنى كوڭىلدى، تىنىش، بەرەكەلى وتكىزۋىنە شىنايى كەپىلدىك ەتۋ كەرەك. ٴار دارەجەلى ورىنداردىڭ ورنىقتىلىقتى قورعاۋ جاۋاپكەرشىلىگىن قاتايتىپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋ، ۇدايىلاندىرۋ شارالارىن ناقتى، ەگجەي ـ تەگجەيلى تياناقتاندىرىپ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ كەرەك. كومىرمەن، ەلەكترمەن، مايمەن، گازبەن ورنىقتى قامداۋدى، ماڭىزدى حالىق تۇرمىسى تاۋارلارىمەن قامداۋدى قامتاماسىز ەتۋدى، باعانى ورنىقتىرۋدى جانە بازاردى باقىلاۋ ـ باسقارۋدى كۇشەيتىپ، قيىنشىلىعى بار بۇقاراعا قامقورلىق جاساۋ، قامتاماسىز ەتۋ سەرپىنىن ارتتىرىپ، ارىز ـ ارمان قىزمەتىن ىشكەرىلەي ويداعىداي ىستەپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن ويداعىداي شەشۋ كەرەك. كوكتەمگى تاسىمال كەزىندەگى تاسىمال قۋاتىن زاپاس ساقتاۋدى، ىسكە قوسۋدى جانە ۇيىمداستىرىپ ورنالاستىرۋدى كۇشەيتىپ، بۇقارانىڭ حاۋىپسىز، قولايلى ٴجۇرىس ـ تۇرىسىن قامتاماسىز ەتۋ كەرەك. ٴتۇيىندى سالالارداعى حاۋىپسىزدىك كومەسكى كىناراتتارىن جاپپاي ٴبىر ـ بىردەن تەكسەرىپ، رەتتەپ ـ وڭاپ، اۋىر، ەرەكشە اۋىر شىرعالاڭداردىڭ تۋىلۋىنان قاتاڭ ساقتانىپ، سۇركەيلى، اپاتتى اۋا رايىنان ساقتانۋ، توتەپ بەرۋ جوباسىن كەمەلدەندىرىپ، شۇعىل جاعدايعا توتەپ بەرۋ، قامتاماسىز ەتۋ دايىندىعىن كۇشەيتۋ كەرەك. قاتاڭ تۇردە كەزەكشىلىك مىندەتىن وتەپ، ورنالاستىرۋ، تەكسەرۋ قىزمەتىن ويداعىداي ىستەپ، نەگىزگى ساتىنىڭ اۋىرتپالىعىن جەڭىلدەتۋ تالابىن تياناقتاندىرۋ كەرەك. مەرەكە كەزىندەگى پاكتىك ٴتارتىبىن قاتاڭ ساقتاپ، قاسارىسىپ تارتىپكە قايشىلىق جاساۋ ارەكەتىن قاتاڭ تەكسەرىپ، ٴبىر جايلى ەتۋ كەرەك.
ٴماجىلىس مىنالاردى باسا دارىپتەدى: ينتەرنەتتەگى يدەولوگيا قىزمەتى ــ شينجياڭ قىزمەتىندەگى ٴىرى ٴىس. يدەولوگيا قىزمەتى جاۋاپكەرشىلىك ٴتۇزىمىن قاتاڭ تياناقتاندىرىپ، ينتەرنەت جەلىسىندەگى نەگىزگى اعىمدىق يدەيالىق قوعامدىق پىكىردى ۇزدىكسىز ۇلعايتىپ، شينجياڭعا ساياتىن ينتەرنەتتەگى قوعامدىق پىكىر كۇرەسىن پارمەندى ورىستەتىپ، جۇڭگو شينجياڭىنىڭ حيكاياسىن ويداعىداي بايانداۋ كەرەك. زاڭ بويىنشا ينتەرنەتتى باسقارۋ، ينتەرنەتتى جونگە سالۋ قابىلەتىن جوعارىلاتىپ، ينتەرنەتتەگى يدەولوگيا سالاسى حاۋىپ ـ قاتەرىنەن دەر كەزىندە ساقتانۋ جانە ونى جويۋ كەرەك. رەفورمانى ۇزدىكسىز تەرەڭدەتىپ، قوسىن قۇرىلىسىن كۇشەيتىپ، قىزمەتتىڭ ساپاسى مەن ونىمدىلىگىن جوعارىلاتىپ، شينجياڭنىڭ جوعارى ساپالى دامۋىنا پارمەندى قامتاماسىزدىق ازىرلەۋ كەرەك.
ٴماجىلىس اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ جانە اۆتونوميالى رايوندىق ەكى ٴماجىلىستىڭ دايىندىعىنا قاتىستى احۋالدار جونىندەگى مالىمەتتى تىڭداپ، 2025 ـ جىلى 1 ـ ايدىڭ 5 ـ كۇنى اۆتونوميالى رايوندىق 10 ـ كەزەكتى پارتكومنىڭ ون ٴۇشىنشى جالپى ٴماجىلىسىن اشۋدى ۇيعاردى. ٴماجىلىس مىنالاردى باسا دارىپتەدى: ورتالىقتىڭ ەكونوميكالىق قىزمەت ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، بيىلعى قىزمەتتەردى عىلمي قورىتىندىلاپ، “14 ـ بەسجىلدىق” جوبا اياقتالاتىن جىلداعى قىزمەتتەردى مۇقيات جوسپارلاپ، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن سۇبەلى ناتيجەلەرمەن قارسى الۋ كەرەك. ٴارقايسى جاقتار ساياسي دەڭگەيدى جوعارىلاتىپ، ۇيىمدىق سايكەسۋدى كۇشەيتىپ، جالپى ٴماجىلىستىڭ جانە اۆتونوميالى رايوندىق ەكى ٴماجىلىستىڭ دايىندىق قىزمەتتەرىن قۇنتتى ويداعىداي ىستەپ، ٴماجىلىستىڭ تولىق تابىستى بولۋىنا شىنايى كەپىلدىك ەتۋ كەرەك.
(«شينجياڭ گازەتىنەن» الىندى)
放大
